.دمعة الطيب

دمعة الطيب في عين اليالي ردى
اخذ مني دفى الايام واله معاك

خانك البعد من قربي وطال المدى
وجيت تسترجع الماضي وتسبق خطاك

ياحبيبي وقف بيني وبينك صدى
وانت صوتٍ يناديني ولا اسمع صداك

كل جرحٍ يطيب بخاطري ما عدآآ
جرحي العام في بعدك وليلة جفاك

كنت اشوفك واحس ان الفراق ابتدى
يومها الشوق جابك والموادع خذاك

ليه اعذرك وانا فالحب مالي جدا
ليه اعاتبك وانت الي جرحني خطاك

ماتت اكثر طموحاتي وراحت سدى
شفت وشلون اخذ مني الزمان وعطاك