رواية حسرة العشاق

حـــســرة العشـــآق

في هدوء الليل وعواصف المشاعر..وبرودة الاحاسيس وزحمة الدموع ..
تتمنى ان يكون بجانبك من تحب .. لكــــــن ماذا عني انا؟؟
أحببته ,,,
عشقته ,,,
لكنه لم يعرف ..
ومـاذا الان ؟؟
رحل عني ولن أراه مره أخرى وأشعر في أعماق قلبي بالندم والحسره والالم والشوق ,,
رحل عني ولم يعرف بأني أعشقه لحد الجنون !!
نعم أعشقه وسأعشقه حتى وان لم يعرف !!
لكني الان احس بمرارة الصمت وقهر المشاعر ..
//
ذهب بين يوماً وليله !!
ذهب وتركني خلفه أتجرع سم الفراق *وحســرة العشــاق*
.
.
.
.
.
.
.
.
.
.
"يلا نتعرف على اشخاص الروايه"

بيت ابو بسام ,, ام بسام
___________
بسام ,, شخص عمره 23 متوظف عند ابوه .. جسمه حللللللللو شعره بني طويل القامه "
ميرال,,عمرها 20 جامعيه قسم تاريخ طولها متوسط شعرها غجري لنص ظهرها بيضاء عيونها عسليه "
عبير ,, عمرها 18 بثالث ادبي طبعاً لوتموت ماتدخل علمي .. شعرها طويل اسود بيضاء عيونها سوداء ..
جسمها حلو مو مليانه ولا عصقوله "
.
.
بيت ام خالد
_________
خالد ,, عمرة 28 متزوج بنت خالته واسمها أمل وعنده منها بنوته اسمها (( سارونه ))
خالد يصير اخو ريم وعبد الله من امهم بس ..
عبدالله ,, عذاب وخفيف دم عمره 26.. طويل القامه شعره ناعم من سواده مايل على الكحلي وطالع عليه جونان جامعي وعنده نادي رياضي ..
ريم ,, سمراء وشعرها قصير.. عمرها 18 احيان تمزح واحيان تقلب على ابو جدك هع
_______
بيت ابو راشد
_______
ام راشد ابو راشد ..
راشد __ عمرة 27حبوب وعلى نياته مايعرف يشيل على احد .. جسمة رياضي طويل ’’ يشتغل طبيب
امل__ عمرها 24 عندها بنت من ولد خالتها .. مملوحة
بشاير __ عمرها 21 .. راعية مظاهر >> تسذب بالدقيقة شعرها لكتوفها لونه بُني ..
ابو راشد دايم مسافر
.
.
_________
بيت ابو عبد العزيز
__________
ام عبد العزيز :: ابو عبد العزيز
عبدالعزيز ,,, جــذااب حيل ومملوح واخلاقه عاليه عمره 25 مدرس ابتدائي
مي ,,, تكون صديقة عمر لـ عبير عمرها 18 مملوحه شعرها قاصته ايمو وتشبه اخوها عزوز

يلا نبدأ……………..

طبعاً اللي قتل ابو عبد الله هو ابو بسام … ولما جت ام بسام وطلبت ام خالد تتنازل ام خالد ماقالت لا ..
عبد الله بغا ينجن يوم درى ان امة تنا زلت وكم مرة بغا يروح لهم البيت بس خالد مسكه …

_________________
في بيت ابو بسام العصر
_________________
// قبل ابدأ .. عبد العزيز قد تقدم لـ عبير .. بس اهلها رفضوا لا نها توها صغيررره //

ام بسام__ميرال يمه روحي صحي اخوتس وعبير
ميرال___طيب طيااااااااااااااااااااااااره هع
دخلت ميرال لغرفة بسام
ميرال__بسام قم صل وتغدى عشان توديني مشواري
بسام وصوته مبحوح__اول اثنين بسويهم بس الثالث في احلامك
ميرال___وششششششششششلون يعني ماراح توديني؟؟؟
بسام___لا والله ما اتوقع
ميرال___ليش؟؟
بسام___نعسااااااااااااااااان اخاف اسوي حادث وتموتين
ميرال___تستهبل .. خلاص مابيك توديني قسم انك قلـق
بسام___واحد ماسكتس؟؟
ميرال طلعت مفحمه وراحت لغرفة عبير ..
دخلت ماسكه خط لين عند السرير..
ميرال وهي ماسكه طرف الفراش ____انتي قومي صلي وتغدي
عبير___خييييييييييير
ميرال___وشو اللي خير امي تحت تحتريكم مالت عليكم ترفعون الضغط
عبير___اهااااااااااااااااااااا ااااا فهمت بسام لاعنن شكلتس هع هع
طيب الحين ابجي

لبست ميرال وكشخت .. لانها اول مره راح تزور افنان بالبيت
نزلت تحت لصاله ..
عبير__وييييييييييييييييييييييي ييييع منين طالعه واااا هه هه هه ههاااي
ميرال__شوي شوي علّي اصلاً دااااااااااااريه اني حلوه مايحتاج
عبير___واثق الخطى يمشي ملكعاً هع
ام بسام__علامتس واقفة هنا ترى السواق برى ,, ولا تتأخرين
ميرال___تيب تيب ماراح انسى
جت عبير وحطت يدها على كتف ميرال ___كم مره قلت لتس الدلع مو لايق عليتس لاعاد تعيدينها عند احد هع
ميرال___عبيروووووووووووووووووو وووووووه!!
الحمدالله منتي طالعه معي ولاكان فضيحتي في جلاجل
مع السلامه ..

________________
في بيت افنان المساء
________________
كانت افنان بغرفتها مع ميرال
افنان___هلابتس حي من عاكس إتجاه الريح وجابتس
ميرال___هلابك زود يابعدي ,, كل هذا حب؟ ههههههههاي
افنان___يب بلاتس منتي متعوده هع
ميرال___لاوااااااالله تراتس خربتيها !!!!!
افنان___ياحبي لتس زعلتي هههههههههاي
ميرال تحك راسها ؟؟
افنان غنت

لاحـول زعــول ..
زعول ومقدر عليك ؛؛ زعول وتقول ابيك
وإن جيت اسوي سواتك ؛؛ مارضــى حبيبي عليـك ,,,

ميرال___ياحلوها حقت وشسمة جواد هع الا تعالي بسألتس ليش الشباب يكرهونة هع هع
افنان___ والله مدري وااااههههاي

طبعاً قضوا الوقت سوالف وضحك

____________
في بيت ام خالد
____________

دخل خالد وزوجته وبنته سارونه …لقى امه جالسين بالصاله

خالد___السلام يمه
ام خالد___هلا يمه عاش من شافك يابعدي علومك
خالد___عاشت ايامك يالغاليه الحمدالله بخير دامني اشوفك
ام خالد___الله يرضى عليك ,, امل كيفك يمه عساك بخير
امل بدون نفس___الحمدالله عايشه
ام خالد___عطيني سارونه اشيلها عنك
امل___لا ماله داعي ياخالتي اخاف اتعبك
ام خالد سكتت ماتبي تطول الموضوع ::: بعد ثواني نزلت ريم ومعها عبدالله
ريم___شباب اخباركم؟؟
خالد___هلا ريم وعليكم السلام
ريم___هلا فيك اخبارك
خالد___بخير ’ اخبارك انتي؟؟
ريم___تمااااااامو خيو
عبدالله___هلا وووووووالله بابو سارونه الحلوه
قعدوا وسولفوا
عبدالله وهو قايم بيطلع امل لفت عليه وقالت___عبدالله شخبارك؟؟
عبدالله وهو بيفتح الباب___الحمدالله

____________
في بيت افنان
_____________

افنان واقفه عند الباب مع ميرال عشان تودعها

ميرال___يلا تمسي على خير حبيبتي وخلينا نشوفتس
افنان___تيب تيب ,, ميمو سلمي على والله زعلانه عليها ليش ماجت
ميرال___ هههههه .. ابد فديتس عندها اختبارات .. يلا فمان الله
افنان___ الله يوفقها .. مع السلامه بكره اشوفك بالجامعه

___________
في بيت ام راشد
____________

بشاير قاعده تكلم اختها امل ………

بشاير___اهااااااااه يا امل ودي اطيح عبدالله
امل___اتحدااااااااااااااااااك في احلامك ياعمري اصحي
بشاير___ليه مانيب حلوه؟؟؟؟
امل___ماقلنا منتي بحلوه بس منتي بجماله
بشاير___هذا اللي قاهرني بس انا بسوي اي شي عشان اثبت لك اني اقدر عليه
امل___نشوف
بشاير بتهديد___طيب طيب !!

__________________
في بيت ابوبسام
__________________

جت ميرال ودخلت الصاله لقت عبير……

ميرال___سلامو ياحلوه
عبير ماسكه كتاب الادب___لا داخله بيت غلط
ميرال___ههههههههااي ليش؟
عبير___ابد بس ماني بمستوعبه هالكلام >_<
ميرال___واااااااااااااه صدز بنت فقر هع هع
عبير___اااع هع
ميرال___ باتسر خوياتي بيجوني
عبير وعلامة تعجب على خشتها___باللهي؟
ميرال___واالله هع
عبير___لية ميرال؟
ميرال___وش ليه ميرال
عبير___ وجعاااااااااااه ماتشوفين عندي اخبارات تبيني اشتهي هع
ميرال__ماااااااالت عليتس .. اجلسي ذاكري.. اااع ادب هع كم عندك فتره بكره؟
عبير__عندي فتره وحدة .. اااااااااااااالله باتسر اخر يوم
ميرال__ ااع ياتسبديه
_______________
الصباح
_______________
عبير___صباح الخير
ميرال وهي تسوي كحل عيونها___خير ان شاء الله
عبير___وواالله ماودي احضر اليوم
ميرال___سلامتك اجل لاتروحين
عبير___ حلوة ذي ماروح؟ تبيني ارسب! هع
ميرال__ وجع اجل روحي
عبير___ياختس بس طفش يعطونا ساعتين بالاختبار ااجع نطفش ويوم اقوم لا ظهري يوجعني من الكرسي هع
ميرال___ هههههههههاااي

عبير___ عاد خسارة هذي اخر سنه ولا كنت ناويه اكتب طلب عند غرفة المديره
((( نبــي ""عيــــــــــــــااال""يد رسون معنا)))
بس ماعليه الترم الثاني بسويها هع
ميرال___لاواللي يرحم امك الحين وهن بنات تقومين بدري.. اجل وشلون لو صاروا عيال
وربي مانشوف غير غبرتك مع صباح الله
عبير___ايه وشسمه مانيب غايبتن عن المدرسه ابد ابد هع

دق الثابت

عبير__الوو
مي___ههههاااي هلا والله صباحك عسل
عبير___الله يسلمك ويسمنك ويزوجك هههههههههااي
مي___يااااربيييييه ثالث وحده كثري لي منها هع والله خدودي صارن حمر هع هع
عبير___ اقول يلا عادلاتصدقين ؛_؛
مي___دااااايم تفشلن قطع هع
عبير__ذاكرتي ادب؟
مي__لا العن امه صعب
عبير__هههه واتسبديه الله يعين
مي__ اسمعي بروح اقوم وخيي للفطور عنده مراقبه اليوم بمدرسة الثانوي
عبير__ااهاا اجل يراقب عندهم
مي__ يب يب يالله اشوفتس بعد شوي
عبير__ مع السلامه

_____________
في بيت ام خالد
_____________

عبدالله نايم بغرفته ,, فتحت ريم عليه الباب تبي تصحيه عشان يوديها المدرسه

ريم___عبووووووووووود؟؟
عبدالله وهو نعسان___نعم خير
ريم___تراني متأخره اخاف يفوتني الا ختبار
عبدالله___وانا وش دخلني؟؟؟؟؟؟؟؟؟؟؟
ريم___يووووووووووه قم ودني
عبدالله___انا اقوم اوديك انتي ؟؟؟؟؟؟؟؟؟
ريم___لاجدي
عبدالله___تنكتين انتي وجهك مع هالصبح
ريم___سوري , الحين بتوديني ولا
عبدالله___طيب اخلصي ’ ان قمت وماخلصتي والله لامشي واخليك
ريم___انا خالصه بس احتريك

طلعت ريم عند امها بالحوش
ام خالد حاطه الفطور والقهوه والجو روعه عالصبح

ام خالد___هلا يمه ريم اتصلي لي على اخوتس خالد
ريم___طيب
خالد___هلا ريم
ريم___هلا
خالد__بغيتي شي
ريم__اعوز بالله يعني محد يتصل الا اذا كان يبي شي
خالد بضحكه ____ لا بس اول مره تدقين بهالوقت
ريم___لا بس ميمتي تبيك " سمي يمه
ام خالد___هلا بوليدي خالد كيفك يمه؟
خالد__بخير يالغاليه كيفك انتي
ام خالد__بخير اشكر الله
خالد___هاه يمه وش بغيتي مني؟
ام خالد__لا بس قلت اصبح عليك
خالد___الله يخليك لي
ام خالد__ طالع لدوامك؟
خالد__ ايه
ام خالد__ اجل يله مع السلامه مابي اعطلك

_________________
في المدرسه
_________________

عبير مي واصاله و نورة جالسين عالارض في وسط الساحه ..
مي___عبير؟؟
عبير سرحااااانه
مي___عبيروووووووووووووووه؟؟
عبير___هاااه؟
مي__اناديتس
عبير___طيب اعصابتس
مي__ههه وش فيتس
عبير__ وشسمه هذا العن امه صعب
اصاله__هههههههههههههااي
نوره__ ياحييييه اي والله قلمي جف وانا قاعدتن اكتب مدري وش تحس به سادحتن هالاسئله
مي__استعدن للعطله هع هع
طبت عليهم اداريه..

المعلمه___خير ان شاء الله انتي وياها
نورة___يمه وش فيها ذي
المعلمه___ ماسمتعوا الحين الطليعه
عبير___ ابله لا تنافخين
اصاله___طيب
مي__ خخخ

________________
بيت ابوبسام
________________

رجعت عبير البيت لقت امها بالصاله جالسه …

عبير___السلام عليكم
ام بسام___هلا عليكم السلام
عبير___ميرال جت
ام بسام___لا بعدها عندها اوراق بتخلصها بالعماده.. روحي بدلي ملابستس وتعالي اكلي
عبير___طيب ثواني وجايه
ام بسام___احتريك

دخلت عبير غرفتها وبدلت ولبست بيجامه سودا وتي شيرت ازرق
دقت على مي ….
مي___الوو حياتي
عبير__هلا روحي أخبارعبد العزيز؟؟
مي___اهااااا ,, قولي انتس داقه عشان عزوز مو عشاني
عبير___إيه مو عشانتس
مي___بعد تقولها بوجهي هع هع
عبير___يلا وجع جوعانه وفيني نوم قولي وش اخباره؟؟
مي___اه منك ياخوي جننتها هع الحمدالله بخير ..
عبير___مي اموت بوه
مي___ طيب ليش ماتبينه يعرف انك تحبينه؟ وجع وراه اهلتس مارضو يوم جاء يخطبتس
عبير___ مدرري عنهم يقولون صغيره !! والله يا مي امي ماقالت لي الا يوم قضت السالفه والله جلست اصيح
مي___عبير انتي متأكده انك تحبينه؟
عبير__وااااااااااااااااااااااا الله أحبه
مي___زين خليني اقول له
عبير___لا مي تكفين لا تحرجيني معه ,, كفايه اهلي رفضوه
مي___شوفوا شوفوا من اللي ينحرج هههههااي
عبير___ والله يا مي لو اني دريت من البدايه قسم بالله لأوقف بوجه الكل عشانه
مي___ من جد احسد اخوي !
عبير__والله احبه من اول ما سكنتوا الحي حتى قبل لا أعرف اسمك
مي___ول ول ول ول اجل لهدرجه اخوي حلو
عبير___لا بس دخل قلبي
مي__ إعنبوه قلب هع
عبير__يلا طسسي بروح اتغدى مع السلامه
مي___ مع السلامه…

______________________
في بيت ام راشد
______________________

راشد___يمه
ام راشد__هلا راشد
ابو راشد__هلا ياولدي
راشد___ اقول من زمان ما تجمعنا حنا وبيت خالتي ليه مانطلع لإستراحه ثلاثه ايام نوسع صدورنا
ابو راشد ___اي والله ياوليدي والقطع مو زين يمك
راشد___اجل يمه اتصلي على خالتي
ام راشد__ابشر ….الحين بتصل

ام خالد___الو
ام راشد___هلا بوخيتي كيفتس؟
ام خالد__هلا يالغاليه انا بخير اخبارتس انتي؟
ام راشد___بخير احمد الله اقول يا ام خالد نبي نطلع نغير جو ونبيكم تجون معنا
ام خالد__ابشري بس وين؟
ام راشد___ لإستراحة ابو راشد
ام خالد___على خير
ام راشد___اجل مع السلا مه نشوفكم باتسر
ام خالد___ان شاء الله

________________________
في بيت ابوبسام بالمساء
________________________

ميرال___يماااااااااه صديقاتي على وصول
ام بسام___الله يحييهن
ميرال___عبيروووووووووووه خلصتي؟
عبير___إيه ترى أكلتينا
..
عبير لابسه جينز سكيني اسود وتي شيرت ابيض وشعرها كله لامته على فوق.. وحاطه مسكرا وقلوس
وميرال لابسه جينز كحلي وبلوزة صفراء وحاطه كحل ازرق وقلوس ..

جوا صديقات ميرال :: منيره وافنان وطيف ::
ميرال__هلا ووووالله نورتوا يا عسولات
منيره___هلا بتس زود
طيف___اقول شغلوا التلفزيون الحين يجي فيلم >>تواي لايت<<
افنان___اي والله حطوه
عبير___عاد انا اتمنى اطيح على مصاص دماء واحبه هع
ميرال___لا والله خربتوا
طيف___ياختي مادام ماراح يتحقق شي خلينا نحلم
افنان___يا حلو القصه صراحه تحطيييييييييييييييييم ياعساني القى سعودي يشبه إدوارد كولن
منيره___هييييه هيييه عاد مالقيتي غير شبابنا يكون عندهم حب والله انهم من جنبها الا من رحم ربي ههههاي
طيف__عاد حقينا يجونتس يهبلووون عرابجه زاحفين الشماغ على الكتف والشق على الخد تقولين وسم ناقه هههههااي
افنان__ هههههههههههههههههههاااي
ميرال__ واقلبيه ههههههههههههههههه
منيرة__ واتسبديه قسسم جبتيها هع هع والمشكلة يترززون بكل مكان يقال لك واثق هع هع
ميرال___عبيرووه امي تبيتس تروحين عند جيرانا تودين غرض
عبير___الحين؟
ميرال__من بعد البيت ترى الجدار بالجدار
عبير___طيب يلا

عبير راحت عند امها تاخذ الغرض عشان توديه وقلبها يضرب..
طلعت عبير تمشي يوم وصلت عند الباب دقت على مي عشان تفتح لها الباب..

مي___هلا والله
عبير___بلا هلا بلا بطيخ امتس وين
مي___ اهبي ,داخل
عبير داله الدرب راحت دخلت
عبير___السلام
ام عبد العزيز___هلا عبير
عبير___هذا الغرض من عند امي
ام عبد العزيز___ تسلم يدينك يابنتي وقولي لها مشكوره
عبيرمستعجله__طيب..وطلعت عند باب المدخل وهي ماسكه الباب بتفتحه عبدالعزيز كان بيدخل وكان ماسك الباب فتحه بقوه وعبير كمان طالعه بقوه …
صكت بصدره ومسكها بيدينه مع كتوفها …
عبير حطت رجلها لبيتهم وهي مو مصدقة انها حطت راسها على صدر عبد العزيز
عبير على الطريق ودموعها على خدها لانها فرحانه وبنفس الوقت مو مستوعبة اللي صار ولا نها تموت فيه مو عارفة وش تفسر اللي صار ……

عبد العزيز عرف انها عبير بس حب يسأل ..

عبدالعزيز___اقول مي مين اللي جت قبل شوي
مي___عبير / ليه تسأل؟
عبدالعزيز___لا بس إعتذري لي منها
مي___ليه وش سويت
عبدالعزيز___والله ماسويت شي بس وهي طالعه وانا داخل صكيت فيها
مي___اهااااااااا لاعادي ماله داعي اعتذر لك منها
>>مي بنفسها :: اصلاً هي تبيها من الله <<
عبدالعزيز___طيب يلا ابروح وراي شيغلات

______________
عند البنات
______________
عبير داخله تغني Xخلص حنانكX لـ((عبـدالمجيـد عبـداللـه))
عاجبها اللي صار مع عزوز ..

طيف___هههههههااي ابووك يالصوت
عبير___بعديها لإنك اول مره تدخلين بيتنا هع
طيف___امحق عرب يهددون بعد ههههههههااي
عبير___ باااااااااقي ماشفتي شي هع يلا بنزل تحت باي

طيف والبنات::: باي
عبير__يمه ما صدقن هع
قعدوا البنات سوالف وهبال ورقص وطل ع الشوارع من فوق ويشوفون الشباب وهم يفحطون >> ونااااصـصــــة هع
المهم ………………………… …نهاية السهره طلعوا البنات من عند ميرال وطسن ع بيوتهن !!
ميرال __عبيروة ياتسبديه عنتس فاتس هع
عبير__ابوك يالاسلوب وش عندها ذي ؟
ميرال__قصصصم قصصصمات مابني اتحتسى بلاعيمي تفجرن خليها باتسر
عبير__ الله يرفع عنتس يا وخيتي هع
ميرال __ ابي اروح انام
عبير__ اوك
راحت عبير غرفتها فتحت المسن وقعدت تسولف مع مي ..
عزوف __سلام
ميـــمو__هلا واااااااالله اية وشسمه هذاك عزوز وشسمه ياربي قالي اعتذر منتس هع
عزوف__اما
ميمــو__ والله
عزوف __ فششششلة
ميمــو__ علينا ؟؟ قال فشلة قال قسسم ان ودك بهاا هع
عزوف__وجع
ميمـــو__الفال لنا
عزوف__لا تقعدين تلمحين لي ترى بسام دلخ ما يفهم فالحب دوريه عند الضحك
ميمـــو__ عااادي ما عندي مششكلة يعني انتي تبين تحجرين لي ؟ بس لا عادي يعجبني هع
عزوف__ ههههههههههههههههه اجل كيفك هع
ميمـــو__ اسمعي هيه انتي عاد مو كل شوي القاك عند باب الصاله حقنا هههههههههههه
عزوف __ لا خلاص تووبه هههههههه
ميمــو__ اجل تامرين بشي ؟
عزوف__لا سلامتك
ميمو __ الله يسلمك

_______________________
الصباح .. في سيارة راشد
________________________
بالله ياعالم عمركم شفتوا احد كاششخ مع الصبح ؟

بشاير__هاه امل كيف كشختي؟
امل__بيقولو ن مضيعه على بالها باليل خخخخخخ
بشاير__ليه ان شاء الله؟
امل__ابدن سلا متك
ام راشد__ماعليك يا بشاير انتي ازينهن
بشابر__ لبى امي
امل __ راشد
راشد__هلا
امل__ميته من الجوع ابي مطعم
راشد__ اما تبيني اوقف الحين ؟ اصبري بعد شوي نوصل هناك فيه مطعم قريب عند الاستراحه
.
.
_______
في بيت ام خالد
_______
عبد الله طلع كاشخ بالثوب وبالشماغ والسبحه وجلس يحتري امه واخته والشغالة بالسيارة ….
ام خالد __ ريم يالله يمه تأخرنا على اخوتي احرقته الشمس عجلي
ريم__اسم الله احرقته الشمس؟؟ ياربيه
ام خالد__ يالله عجلي
ريم __ تيب الحين اخلص
قامت ريم عشان تخلص ويمشون ..
في السيارة …
ام خالد __ اصبحنا واصبح الملك لله
عبد الله لابس النظارة الشمسه ويتلفت يسار ويمين عشان يشوف السيارات ويمشي
ام خالد__ عقبال يا عبد الله ما شوفك معرس وكاشخ
عبد الله __ لا يمه فكينا
ام خالد__ ليه يمة كل اللي في سنك يا خاطبين يا متزوجين
عبد الله__هم مو انا
ام خالد __ الله يهديك
عبد الله__ امين .
.
.
___________
في بيت ابو بسام
___________
ابو بسام __ هلا بولدي كيفك يا بوك
بسام وهو يبوس راس ابوة __ الحمد الله بخير انت كيفك ؟
ابو بسام __ الحمد الله بخير
بسام وهو ينزل غترة ابوه وعقاله و يعلقهم __ عساة دوم يالغالي
ابو بسام __ الله يخليك لي وعساك تشوف بر عيالك
بسام __ امين الله يسمع منك
عبير دخلت عليهم
عبير__ الســــــــــــــــــلام
ابو بسام __ وعليكم السلام .. هاه يا بنتي كيف اختباراتك ؟
عبير عيونها طلعت اربع اربع __ بخير تسلم عليك
ابو بسام__ ابي النسبه يابنتي
عبير__ ابشر
ابو بسام__ مو كلام ابيك تجيبينهاا وترفعين راسي
عبير__ ابشر يبه من عويناتي
.
.
__________
في الاستراحة
__________
ام خالد __ السلام عليكم
ام راشد__هلا والله نورتينا
ام خالد __ يا جعلك بالعافية يا وخيتي .. اخباركن يا بنات ؟
بشارير نطت عند ام خالد __ هلا بخالتي تمام بخير انتي كيفك وااااااالله يا خالتي وحششتيني
ام خالد __ ما يوحشك غالي
امل __ وين ريم يا خالتي
ام خالد__ مع عبد الله برى ينزلون الاغراض
بشاير نقزت برى تبي تشوف عبد الله …
"""_______مر الخميس بأحداث عادية ________"""
كانوا الشباب جالسين //
عبد الله وراشد يلعبون كورة ..عبد الله لابس جينز اسود ورافعه عشان يلعب وتي شيرت ريال مدريد ..
راشد لابس شورت ابيض وتي شيرت الزعيــــم ..
خالد يلعب مع بنته سارة
خالد__هالكورة بس لو صكت في راس بنتي وربي لفقعها
عبد الله__ راشد ناول لي خخخخخخخخ
.
.
___________________
بيت ابو بسام العصر
___________________
ميرال عاجبها الجو ودها تطلع تتمشى ,
ميرال __ سلام يا بو بسام
ابوبسام__هلا بـ بنتي
ميرال__ابوي طالبتك
ابوبسام__امري
ميرال__نبي نطلع نتمشى الجو حلو
ابوبسام__ ما طلبتي شي يابوك
ميرال باست راس ابوها__ تسلمـ
ميرال راحت عند عبير تقولها ..
ميرال__ عبيروة بتطلعين معنا ؟
عبير__لا وش يوديني
ميرال__كيفتس بيفوتس
عبير__ توكلي مابي اروح
ميرال__ وااااالله وناصصصصصصة هع
عبير__هههههههه تونصي الحالتس
ميرال طلعت وسكرت الباب وراها ..

طلعوا وركبوا السيارة على الطريق
ابوبسام __ وين تبون تروحون ؟
ميرال __ عادي اي مكان اهم شي طلعنا
ام بسام__ اي بالله مكتومين فالرياض ..
طلعوا تمشوا وبعد العشاء كانوا راجعين ..
ابوبسام كان لاف وراة جاء واحد طاااااير وقشه .. صار الحادث والخطا من ولد اللي ما يتجاوز عمره 18 ..
المهم >>>
جت الشرطة وجت الاسعاف ونقلتهم للمستشفى.. ابوبسام وام بسام وفاة على طول
ميرال متوفية دماغياً .. الولد بغيبوبة ومكسر وحالته حاله (( الله يكفينا الشر ))
بسام كان جاس مع خوية متعب دق جوال بسام..
بسام__الو
__هلا اخوي انت بسام ابن فلان ؟
بسام__اية اخوي انا .. لية
__ لا بس .. ثم سكت شوي
بسام__ كمل
__ خل املك بربك قوي
بسام هنا قلبه قام يضرب بقوة __ واللي يرحم والديك وش صاير
__قبل شوي جانا بلاغ عن حادث .. اهلك عطوك اعمارهم
بسام صرخ صرخه تعور القلب حس بالحسرة على ابوة وامه قفل السماعه وجلس يبكي
متعب جاء وضمه بقوة عشان يطمنه انه مو الحاله متعب وهو ضام بسام يسمع دقات قلبه
تكدر متعب على حالة خوية ..
..
ًً أبســــألـكـ يا مـــــــوت لا جيــت تختــــار ؟؟ ً
ً ما يـــزعجــــــك يا مـــــوت فرقــا الحـــبــايـب ؟؟ ً
..
متعب__بسام اذكر ربك..
بسام صوته مبحوح ومتقطع ودموعة تنزعل __ ونعم بالله
متعب __ قم صل لربك ركعتين شكر يا خوك الدنيا ما تسوى
بسام__ والله ما قدر ما فيني اوقف على رجولي مو شا يلتني
متعب__اجل خذ المصحف واقراء ترى ابن ادم ضعيف
بسام__ الله يجزاك خير ..
.
.
ً ً يا ويـــن ابرمي هالجسد فيــة وارتاح ؟ ً ً
ً ً لا صار حتى البــــوح ما فيـــة راحـــــــة ً ً
.
.
رجع بسام للبيت وشماغه على كتفه ودموعه على خده … عبير سمعت صوت الباب ضنت انهم اهلها طلعت لصاله ..
تفاجئت في بسام ,,
عبير راحت عند ة ومسكته __ بسام سلامات علامك ؟
بسام جالس يشهق من البكى __ ادعي لابوي امي بالرحمة
عبير __صرخت وطاحت على ركبتها على الارض وقعدت تصرخ
بسام__عبير قومي اذكري الله مسكها بسام
عبير وهي تشهق وتصارخ__ بسام لاتكذب علي
بسام __ يناظر فيها ودموعه تنزل مارد
.
.
______________
الأستراحة بالمساء
______________
هذا اخر يوم بالأستراحة .. الشباب قاعدين يشوون
عبد الله__لو اقلب خدامه تتوقعو ن كم راتبي ؟ هع
راشد __ اية وشسمه يمكن 250 هع
عبد الله __ عاد تخيل خدامه بجمالي هع
راشد__ اشوفك واثق؟
عبد الله__ يحق لي هع
راشد __ روقنا لا يكثر
عبد الله __ابوك يا لتحطيم
دخل خالد __ سلام ..الربع قالبين خدامات اليوم ؟ هع
عبد الله بدلع__ خلودي تتوقع لو اخوك خدامه كم راتبه
خالد __ اقول انثبر
عبد الله يطالع راشد ويرفع حواجبه __ مسموح قلبي
.. جاء العشاء و تعشوا الحريم وبعدها لازم هالعادة >> حش في خلق الله
فلانة ماتت .. فلانة تزوجت .. فلانة حملت .. فلانة ولدت >> عوووع من هالسيناريو
عبد الله اخذ جواله بيتصل على ريم ..
عبد الله__ الو ريم
ريم __ هلا
عبد الله __يلا اطلعوا انا عند الباب
ريم __طيب .. يمة يقول يلا
ام خالد __ يلة دقايق وبنجيه
.
.
_________________
في المستشفى
_________________

__اخ بسام اختك بعد محاولات طبيه انتقلت لرحمة الله
بسام ودموعه على خدة وماتفاجأ من الخبر لانة عارف وش اللي بيصير __ الله يرحمها .. اقدر ادخل لها
__طبعاً
دخل بسام عند ميرال و هو يتأمل شكلها بدون روح قرب عندهاا ودعاء ربه انه يجمعه بهم في الجنة ..
________
بيت ابو بسام
________
عبير كانت بالبيت الحالهااا وجالسه بغرفتها وفاتحة الشباك ودموعها مافارقت عينها ..
سمعت باب غرفتها ينفتح لفت لقته بسام . . كان يبكي ويصرخ بأسم اخته ..
عبير راحت عند بسام وهي بتموت من البكي عرفت ان ميرال راحت من منظر اخوها ..
سكتت شوي تستوعب بعدها صرخت بصوت عاالي وحطت يدها على قلبها وتنهدت بقوة
طلع بسام لغرفته وهو يحس بالألم والوحدة ..
.
.
اليوم اول ايام العزاء
.
.
عبير جالسه بس مو مستوعبة انه عزاء اهلها …
دخلت افنان وسلمت على عبير والعبرة خانقتها ..
افنان__ عبير عظم الله اجرك
عبير__اجرنا واجرك
ثاني يوم وثالث يوم مر كأول يوم
"" ثاني يوم وثالث يوم مر كأول يوم ""

__________
في بيت ام خالد
__________
دخل خالد __ السلام يا هل البيت
عبد الله __ حياك فيذا
ام خالد__ هلا بوليدي
راح خالد وسلم على راس امه__كيفك يالغاليه
ام خالد__ بخير عساك بخير
خالد__ الحمد الله .. الا اقول يمه تذكرين عبد الرحمن اللي يقال له ابوبسام
عبد الله __ وش فيه بعد ذا ؟؟
ام خالد__ ايه وش فية يامك
خالد __ صار عليه حادث توفى هو وزوجته و و حدة من بناته
ام خالد__ الله يرحمة يا مك ويرحم من مات معه … ومن بقى له؟؟
خالد__ ولده البكر واخته الصغيرة
ام خالد__ يالله انك تحلله وتبيحه وترحمة هو واهله
خالد__امين
عبد الله ساااكت تذكر وفاة ابوة …
.
.
__________
في بيت ابو بسام
__________
ً ً وش اســولـف لكـ عن أخبــــاري ؟ ً ً
ً ً وش الــدنــيا عقب فــــرقـــاكـ ؟ ً ً
ً ً حشى واللــــــــــــه ما تسوى لا الدنيا ولا اخباري ً ً
.
.
عبير كانت جالسه بالصالة دق الثابت
عبير __ الو
مي __ الو عبورة
عبير__هلا والله مي
مي __اخبارتس يالقاطعه لا تدقين ولا تسألين ؟
عبير __انا الحمد الله تمام .. انتي كيفك وربي لكم وحشه
مي__انا بخير .. يله تراك طولتي متى بتداومين ؟
عبير__ مدري
مي __ يالله ياقلبي شدي حيلك ترى وربي هذا حال الدنيا كلنا بنمشي مع هالدرب
عبير والعبرة خانقتها __ ادري يامي والله ادري ’
مي__ مابي اطول عليتس تامرين بشي
عبير__لا سلامتك

<<
الجهل بيني و بينك طايـح سـوره..
من مر الأيام صارت عندنا خبـره..

ما دام عينك من اللي صار مكسوره..
أجمع شموخك و خفف حدة النبـره..

لا شفت وجهك ليا غيرته الفـوره..
أشوف قلبي ليا من مل من صبـره..

يآخر مبالاة قلبـي و اول شعـوره..
شفلي سنع في غلاك و شوف لي دبره..

خليت نفسي مـن الايـام مقهـوره..
و خليت حالي لمن لا يعتبر عبـره..

غديت في دنيتك يامهـدي الفـوره..
في روضة خريم مثل مضيع الأبـره..

خلصت ما عاد أقاوم صدك وجـوره..
القلب قرب يموت و غيبتـك قبـره..

فراقك العـام تكفـى لا يجـي دوره..
صرت احسبله و أفكر فيه و أعتبره..

ماني بناسي هذاك الطيش و غروره..
يوم أنك أخلت ظن فيك وش كبـره..

و أذاك ناسي تراها عندي الصوره..
أقفيت تضحك و أنا غصيت بالعبره..

____________
بيت ابو عبدالعزيز
____________
ابو عبدالعزيز__يالله انك ترحمهم
ام عبدالعزيز__ والله فقدانهم ناس طيبين
عبدالعزيز__كيف حالة عياله الحين؟؟
مي__بسام اشوى بس عبير بالحيل متأثرة
ام عبدالعزيز__ الله يجبر صوابها
عبدالعزيز__ امين يمه

________________
بيت ابو بسام الصباح
________________

عبير مانامت الا الساعة 1 وكانت ميته من النعاس قامت لبست ورفعت شعرها .. وماحطت لا قلوس ولا كحل مثل عادتها .. المهم اخذت شنطتها وعباتها ونزلت تصحي بسام ..

___________
في بيت ام خالد
___________
عبدالله صاحي من الصباح وشسمة كان لا بس جينز اسود وقميص ابيض وكان شعرة مبلل بموية وطالع يجنن *_*
نزل لقى امه جالسة بالصالة
عبدالله __ صبحك الله بالخير
ام خالد __ هلا ياوليدي صبحك الله بالنور
عبدالله__ريم راحت؟
ام خالد__لا اليوم ماراحت
عبدالله__ احسن وفرت
ام خالد __ وش فيك على اختك وانا امك ؟
عبدالله__طفشتني كل يوم وانا طاق مشوار
ام خالد __ اذا انت ما وصلت اختك اجل من بيوصلها ؟
عبدالله__ ياليتني سكت
ام خالد __ ها توكل على الله ورح لدوامك
عبدالله __ طيب فمان الله

_________
في المدرسة
_________
عبير دخلت المدرسه وحست كل شي متغير عليها .. لقت الشلة متجمعه بس ماشافوها
راحت حطت اغراضها بالصف ونزلت عندهم ..وهي بطريقها لهم جوا بنات كثير يسلمون عليها ويعزونها ..
مي يوم شافتها صرخت __ هلا واااااااااااللة وقامت ضمتها وبغت تبكي ..
اصالة __ توووو مانورت المدرسه فديتس
نورة خانقتها العبرة __ اي وربي تو مانورت المدرسه وربي فاقدينتس
عبير وعيونها تدمع __ وحشتوني بالحيل,,
طبعا الكل لاحظ ان عبير متغيرة بالمرة
مي __ بنات اليوم بتجي معلمة نحو جديدة وش رايكم ندحدر ومانحضر؟
عبير __ اسم الله وانتي وش دراتس؟
مي__ شوفوا ذي تقول وش دراني ؟ يابوي انا مسنترة بالادارة هع
عبير __ اييييييه ههه للحين انتي على هالحركات هع
المهم دق الجرس وراحوا للطابور وبعدها راحن على حصصهن ..
المعلمة __ السلام عليكم
ردوا البنات السلام ..
بدت المعلمة شرح النحو ..والشلة كالعادة متجمعين وراى وسوالف ..
المعلمة __ اللي ورى يتفرقون الحين
مي __ ههههههههاي طنقرت هع
نورة __ مانقدر آسفين هع
المعلمة __ اجل خلوني اسمع صوت
اصالة __ وبالمرة مانشارك صح ؟ هع
عبير __ احسن!
اصالة __ قسسم انها الوناسسسه هع
مي __ يابنات ترانا اشوى من العلمي تراهن مايهربن ابدن ابدن ولا يغيبن ابدن ابدن واصابعهن مانتزل ابدن ابدن هع
عبير __ واتسبديه!
المعلمة هالمرة طنقرت ___ ياسسلام مابقى غير تطردوني
مي __ بس لا طلعتي قفلي الباب وراتس هع
اصالة __ وطفي الانوار معتس هع
عبير__ وبالمرة لا تجين باتسر
المعلمة __ اوامر ثانية ؟
نورة __ لبى روحتس يا أبلتي بسسسس مانبي شي هع
المعلمة شالت اغراضها وطلعت من الفصل وما كملت الدرس ..

____________
يبت ام خالد الظهر
____________
ام خالد جالسة بغرفتها دخلت عليها ريم …
ريم __ السلام يمه
ام خالد __ هلا يمة
ريم __ عبد الله راح ؟
ام خالد __ ايه راح .. وش عندكم اليوم تسألون عن بعضكم ؟؟
ريم __ مدري تسذا مابوة شي هع

___________
في بيت ابوبسام
___________
عبير جت من المدرسه .. لقت الشغالة بالصالة
عبير __ السلام .. الغدا جاهز؟
الشغالة __ يس ابير
عبير مسكت راسها __ وش ابير وينا بوة ؟ اسمي عبير لا تقولين كذا مرة ثانيه
الشغاله __ اوكي
عبير راحت لغرفتها .. بدلت ملابسها .. ونزلت تحت لقت بسام توة جاي من دوامه
بسام__ هلا عبورة تعالي تغدي
عبير __ طيب
بسام__ هاه كيف المدرسة ؟
عبير __ طيبة تسلم عليك هع
بسام __ ههههه اللة يوفقك

___________
في بيت ام راشد
___________
كانوا طالعين عند امل …
بشاير__يمآآآآآآآآة يلاه انا خالصة
ام راشد __ يله يله جايتس الحين
بشاير __ اجل انا بروح اركب السيارة
طلعت بشاير وامها وراشد عند امل ..

( في بيت أمل )
امل __ هلا يمة نورتي قسم جيتك عندي تسوى الدنيا
ام راشد __ الله يخليني لكم يامتس
بشاير __ امل لايكثر هاه هع
امل __ انتي اسكتي
بشاير __ الا خالد فيه ؟
امل __ لا طلع
بشاير __ ومتى بيرجع ؟
امل __ مدري وآلله
دخل راشد وقامت امل وسلمت عليه وجلس معهن شوي ثم مشى ..

امل __ يمة وشلون خالتي؟
ام راشد __ ليش انتي ماتزورينهم ؟
امل __ الا خالد يروح لهم .. بس انا ماعندي وقت مشغولة بـ دوامي
ام راشد __ لا ابشرتس بخير ماعليها خلاف
أمل __ وعبد الله مو ناوي يتزوج ؟
ام راشد __ مدري والله ماسمعت خبر عنه .. ليه احد طرا هالموضوع ؟
بشاير __ مدري على وش شايف نفسه كن مابوة حدن زين بالرياض الا هو ..
امل __ علينا ؟ هع
ام راشد __ خلاص ماعلينا ياخذ اللي ياخذها ..

((بعد مرور شهرين ))

بسام بعد ما سأت احواله المادية كان جالس يفكر انه يكمل دراسه بالخارج ويرجع ويتوظف احسن وظيفة او انه يبيع بيت ابوه وعقاراته و بنفس الوقت كان يفكر بأخته وين يوديها وهو مايعرف له احد من اهلة غير عمه…

نزلت عبير وهي خالصة ..
بسام__ يله مشينا ..
وصل عبير المدرسه وراح لدوامة ..

_________
في المدرسه
________
مي طاير قلبها من يوم شافت ريم __ بنات يابنات ياجعلتسن ماتعرسن شوفن ذي انا رايحتن ملح ورى اخوها
عبير __ اوووص لا تسمعتس .. وش اسمها ذي ؟
مي __ اسمها ريم ..
عبير __ وأخوها الاطخم وش اسمه هع
مي __ مانيب معلمه
عبير __ احسسسن لا تعلمين مانيب ميته
نورة __ ههههههههههههههه اللة يرجتسن الولد راقد ومتسدح في بيت اهلة ومادرى عنتسن خخخخخخخ
اصالة __ ليه اجل اللي مثلة يرقدون ؟ ماظن اتوقع انه حق مكده خخخخخخخ
مي __ اوووص انتي وياها لا تغلطن .. تراه وشسمه حق المستقبل هع
نورة __ اوووماااا ,, شكله كداد تاكسي هع
اصالة __ هههههه
عبير __ مي انتي خذي سعودي ونورة اماراتي واصاله كويتي وانا قطري هع يصير عندنا دول مجلس التعاون
ههههه
اصالة __ ههههههههه انا ابي حق نورة ونورة تاخذ حقي هع هع
نورة __ لامعصي هع
مي __ ها شفتي ياعبير تهاوشن ياليتس سكتي هع
عبير بـ رجاء __ مي وحتى انا وانتي نتبادل زيهن وش رايتس هع
مي __ لا معصي واللة ماعطيتس لو وش هع
عبير __ وهو جاء اصلن هههههههه

____________________
بيت ام خالد المساء
____________________
دخل خالد لقى امه جالسة بالصالة ومجهزه القهوة والشاهي ..
خالد __ السلام عليكم يام خالد
ام خالد __ هلا بك ارحب يامك
خالد سلم على راس امه__ علومك يالغاليه ؟
ام خالد __ بخير جعلك تسلم انت اخبارك واخبارك سارونة وامها ؟
خالد__ والله كلنا بخير ماعلينا خلاف .. الا عبد الله وينه ؟
ام خالد__ بغرفته
طلع خالد جوالة ودق على عبدالله عشان ينزل ..
خالد __ هلا بك يابو عابد
عبدالله __ لاياشيخ احلف هع
خالد __ ههههه علومك
عبدالله __ بخير .. يمة عن اذنك ابي خالد شوي
طلعوا للمجلس …
خالد __ خير وش بغيت ؟
عبدالله __ كم هم بنات عبدالرحمن ؟
خالد جلس يناظرة بإستغراب __ ماعنده غيروحدة ليه ؟
عبدالله__ ابد بس اسأل
خالد __ يعني مقومني من عند امي وجايبني هنا عشان هالسؤال ؟ طيب وراى ماسـألتني قدام امي وش فيها ؟
عبدالله __ ياخوك كذا بس مافيه شي
خالد __ براحتك ..

__________
بيت ابو بسام
__________
عبير __ آلوو
مي __ هلا والله عبير
عبير __ هلا فيك علومك ؟
مي __ بخير فديتك .. وانتي ؟
عبير __ الحمد الله بخير ..
مي __ الله لا يغير عليك
عبير __ تسلمين ..
مي قاطعتها __ ايه عبير اذا فاضية ابيتس تجين عندي بعد شوي وربي طفشانة
عبير __ مدري اشوف
مي __ طيب لا تنسين
عبير __ اووك
مي __ يالله مع السلامة ..

<<
فوح قلبي كل ما أصبح فوح دلـه
و يابري حالي و ياجرة و نينـي

وياوجودي كل ما خلوى محلـه
و ياصدع راسي و عقدة حاجبيني

كل ما تقبل على و جهـي مملـه
آتشهد و أذكـر ان الله عوينـي

فياالله أنـك لا تواخذانـي بزلـه
و انك توفقني و تستـر كنينـي

كنية بيـن الضلـوع المستعلـه
لو أبزفرهـا تفاضـت مقتلينـي

ما رسم في خاطري عشرين عله
و بعثـر حكاياتـي الآ حاجتينـي

الرفيـق اليـا تـدانـا للمـذلـه
و الظنين اللي درو انـه ظنينـي

فيا رفيقي كل رجـل ولـه جبلـه
و انت من نسل الرجال الطيبيني

لاكن انك تهت في بحـر التولـه
وردّو الحضـار علـم الغايبينـي

قالوا أنك ما خذ بزغـة الأهلـه
و فلسفة هتلر و حنكة موسلينـي

فسلم االله حـب قـراء المجلـه
حببوك فسرقة الحصن الحصينـي

بس عادي هي كذا بصمة الادلـه
بصمه وحده و لا هي بصمتينـي

مانـي بزعـلان مـن زلتـك لله
و ماني بضارب يساري مع يميني

كون من نـوا يضللنـي بضلـه
و ساقته ريح أحسداه و حاسديني

يا عيون اللـي زبونـه مرقبلـه
أشقر راعيـه فرحـان القرينـي

يالغوا يالطيش يالعكس المضلـه
يا مجردنـي كـذا يـا معترينـي

يا مخلي معقـدات الكيـف فلـه
ينشغلة فكري و حرفـة يدينـي

جعل من شطن بعمري مـا يدلـه
و يلعن اللي عن مواصلك يحديني

أيه أببعد و أترك الحال و لا بلـه
ينكشف ما كان ما بينك و بينـي

فلا تحسبنـي رخصتـك لا والله
أنـك مخاشـر غـلاي لوالديـني

..
عبير تفكر في عزوز وكانت محتارة اذا تروح ولا .. دخل عليها بسام
عبير __ هلا والله
بسام __ هلا فيك .. ابيك بموضوع
عبير __ امر
بسام__ بصراحة ياعبير احوالي المادية زفت وكل الحلال سددت به الديون وانتي عارفة ..
عبير __ وش فية ؟
بسام__ انا بروح اكمل دراستي بالخارج وبرجع ان شاء الله ومعي الشهادة
عبير منصدمة __ طيب وانا ؟ انت عارف انا ماقدر امنعك من شي انت تبيه ولا اقدر اوقف في طريقك
بسام__ وانا ليش قلت لك لا ني ماني عارف وش اسوي وانا ماقدر اخليك
عبير __ مدري .. بس الله يكتب الله فيه الخير ..
بسام__ وانا ماقدر اغيير رأيي .. وانتي عارفة اني ابي ادرس بالخارج من زمان بس ابوي كان رافض ..
عبير انتي عارفه مابه غير عمي لا سافرت اوديك عنده
عبير__بسام لا مابي اروح هناك
بسام__عبير لية تراه عمنا .. وماينخاف عليك هناك
عبير__ يصير خير وقامت لغرفتها..
فتحت الكبت واخذت لها تي شيرت احمر وجينز كحلي وشوز ابيض .. وطلعت لـ مي ..

____________
في بيت ام راشد
____________
راشد كان جالس يتقهوى مع امه وبشاير .. دق جوالة
راشد __ الو هلا عبود
عبدالله __ هلابك اطلع انا عند الباب
راشد __ اصبر تراني اتقهوى
عبدالله __ لاحق على القهوة
راشد __ اصبر طيب بلبس ثوبي
عبدالله __ ياليل يالله احتريك
راشد __ يالله ثواني بس
عبدالله __ باي
قام راشد لبس وطلع لعبدالله ..
**على الطريق**
راشد__ اسم الله وش صاير ؟
عبدالله __ ابد بس عندي شغلة بشوفها
راشد __ وانا وش دخلني ؟؟
عبدالله وهو يسوق __ مدري
راشد __ حلوة ذي !!
عبدالله __ ابد بس بروح اشوف وين بيت عبدالرحمن
راشد مستغرب __ وش تبي فيه الرجال مو حي يوم تروح له
عبدالله __ داري
راشد __ اجل وش تبي في بيته
عبدالله وهو معصب __ ياخوك اسم الله بشوفه
راشد __ مدري عنك وراك شي .. تحسبني ماعرفك
عبدالله ابتسم ..
___________
في بيت ابو عزوز
___________
عبير اول مادخلت تمنت انها تشوف عزوز بس ماشافته .. سألت مي عنه قالت لها انه طالع ..
مي __ ياهلا بتسس نورتي ياملي هع
عبير __ وه ياحيي هع
مي __ ننزل نتمشى بالحوش ؟
عبير __ يالله الجو حلو .. عبير يوم درت ان عزوز طالع نزلت عباتها وراحت مع مي ..
المهم .. نزلت مي وعبير يتمشون
مي __ عبير شويات بروح اجيب شي نشربة
عبير __ اووك
عبير كانت لافة وتمشي طلع عزوز واستغرب من ذي .. قرب منها ومسك كتفها .. ارتاعت عبير ويوم لفت تفاجأت انه عزوز .. مسكها وحط راسها على صدرة وباسها على جبهتها .. عبير منصدمة منه جلست تدمع عيونها وهي على صدرة حست بـ برودة شفته.. عبير من الصدمة ماقدرت تتحرك .. نست نفسها وهي بأحضانه .. وخرت بسرعه عنه وراحت دخلت ..
طلعت مي مالقت احد راحت داخل لقت عبير جالسة
مي __ وش فيك دخلتي ؟
عبير __ مدري بردت شوي
مي __ طيب شوي بروح لعزوز يناديني ..
راحت مي عند عزوز ,,
عزوز __ وين شماغي
مي __ مدري عنه ياختك
عزوز __ طيب
مي __ وش يعني؟
عزوز __ وش؟؟
مي __ ههههههه حلوة جيتك ياختك تبي شماغك تلقاه بغرفتك هع
عزوز __ هههههههههاااي
مي __ طيب انا بروح ’
عبدالعزيز يوم شافها وخرت عنه وراحت فكر انه ضايقها او انها تحب شخص ثاني’
بس هو مايدري انها تموت فيه ’
___________
في بيت ام خالد
___________
عبدالله كان كاااشخ دق على راشد وقال له يبي يقابلة …
المهم راحوا للمجمع..
عبدالله __ بتساعدني ؟؟
راشد __ ابشر
عبدالله __ بعدي والله
راشد __ عجل وش عندك ؟
عبدالله __ ابيك تجهز عمرك بنخطب
راشد __ من ؟ لي ؟ ونااااااااااااااااسسه بتزوجني
عبدالله __ لا معصي ازوجك ليه ابوك ؟
راشد __ اجل؟
عبدالله __ لي مو لك
راشد __ اووووومااااا
عبدالله __ وراه ؟
راشد __ لا تمزح هع
عبدالله __ لا جد
راشد __ عاد تخيل شكلك بالبشت ووااهههاي قسم نكته
عبدالله __ احترم نفسك مانيب لابس بشت هع
راشد __ ايه ومن هي ذي ؟
عبدالله __ مدري حتى اسمها ماعرفه
راشد __ ياحياة الشقا اجل كيف بتاخذها ؟ اسأل امك وش اسمها
عبدالله __ لا يالمطيوور امي ماتدري
راشد __ تراك جننتني وشلون بتخطب وحدة ماتعرف اسمها وامك ماتعرفها ياخي قسم انك قروشة ..
عبدالله __ احلف ؟
راشد __ والله هع
عبدالله __ وانا وانت ليه بنروح لهم ؟ مو عشان نتعرف عليهم .. شفت انك دلخ
راشد __ اهاااااا طيب مين ذي ؟ ومتى بنروح؟
عبدالله __ بنت عبدالرحمن .. ومدري متى نروح لهم يجوز بعد اسبوعين يجوز بعد شهر
راشد منصدم ومعارض__ اووما ذي .. ياخوك قلن البنات؟هذا اذا عطاك اخوها
عبدالله __ياخوك وش دخلك بأخوها
راشد __ لا ياعبدالله فكنا من هالسالفه
عبدالله __ مانيب سامع كلامك
راشد __ بكيفك اجل وحتى انا مانيب رايح معك
عبدالله __ راشد ترى ماعمري طلبتك الا هالمرة
راشد __ طيب .. منا لوقتها يحلها ربك

_________
بيت ابو بسام
_________
بسام جالس بصاله يتقهوى
عبير__السلام
بسام__ هلا تعالي ابيك
عبير__هااه وش بغيت؟
بسام__عبير بعد بكره انا مسافر .. وبكره بوديك لبيت عمي
عبير__ وش فيك بسام انجنيت ؟ انت عارف زوجته ماتتحملنا حتى للعزاء ماجت .. وتبي توديني عندها
بسام__ وش اسوي طيب .. اخليك الحالك ؟ انسي
عبير__ بسـ..!
قاطعها بسام__عبير انا قلت اللي عندي ومافيه غيره .. قام بسام لغرفته بينام..
دق الثابت ردت عليه
عبير __ آلو
راشد مرتبك وحاطة على السبيكر __ الو السلام
عبير __ وعليكم السلام
راشد سااااكت ..
عبير __ خير بغيت شي ولا اقفل السماعه ؟
راشد __ ايه , هذا بيت عبد الرحمن ؟
عبير __ اية ,
راشد __اهااا
عبير__خلصت؟
راشد__ايه
عبير __ طيب مع السسلامة
قفلت عبير ورجعت تتابع التلفزيون ..

راشد__ العن جدها وش هالاسلوب المفروض انا اللي اقول مع السلامة هع
عبد الله __ العن جدها وش هالصوت هع
راشد__ عبود وش ذا
عبدالله __ وش دخلك .. الحين اللي بيتزوجها انا ولا انت ؟
راشد __ كلنا الثنين هههههااي

__________________
بيت ام خالد
__________________
ريم __ صباح الخيرر
ام خالد __ هلا يامتس
ريم __ وين عبدالله
عبدالله __ اسم الله على طول ويني
ريم __ شغل السيارة هع
عبدالله __ ياشينتس وانتي بالمريول هع
ريم __ هههههاي

طلع عبدالله يوصل ريم ..

________
في المدرسه
________
دخلت عبير وبالغلط صكت بـ ريم ’
عبير __ سؤؤري ماشفتك
ريم ابتسمت لها __ لا عادي
عبير ابتسمت لها ومشت ’ عند البنات ’
مي __ عبيروة وجعوووة وراتس تصكين بها ؟
عبير __ ياختس اسفين نسينا انتس ماترضين عليها
مي __ ههههااي اية لا تحتكين بها
عبير __ اااااع وش احتك به هع
اصالة __ هههههه
نورة __ ههههههههههااي من جد هع
عبير __ يالله بنات دحدرنا للصف
مي __ يالله .. عبير وش فيك
عبير__آآه يامي
مي__علامتسس خوفتيني
عبير__ بسكن عند عمي
مي__ليه وبيتكم؟
عبير__ بسام بيسافر وبيوديني عند عمي
مي__وعمك وين ساكن به
عبير__ بشمال الرياض
مي__اوووه بعيد
عبير__ادري وبكذا بطلع من هالمدرسه
مي__عبير حاولي تكلمين اخوك
عبير__ حاولت معه..بس مايبي يسمعني
مي__وعمك وش ردة فعلة
عبير__مدري عنه .. هذا عزاء اخوه ما وقف عليه
مي ضمت عبير__ ولا يهمك اخوك اقنعيه بطريقتك
عبير__ ما يمديني
مي__ ليه
عبير__ اليوم بياخذني عند عمي
مي نزلت دموعهاا__ عبير يعني بتروحين
عبير__غصب عني
مي__ طيب تعذري بعيال عمك الكبار.. قولي انك ماتقدرين تعيشين معهم
عبير أبتسمت وهي تناظر الارض __ ماعنده الا ولد واحد والباقي صغار
مي__اخوك مايحس ماعنده دم
عبير__حتى انا منصدمه فيه ما أخبره كذا مدري وش غيره
مي__يمكن قبل عشان ابوك موجود مايقدر يسوي شي
عبير__اكيد عشان كذا
مي__ وش كبرة ولد عمك؟
عبير__في سني

___________
بيت ابو بسام
___________
رجعت عبير للبيت ولقت شطنه بصاله وفكرتها شنطة اخوها..
عبير__ بسام بتروح؟
بسام__ لا هذي شنطتك
عبير تحطمت يوم شافت اخوها قال كذا__ ليه
بسام__ابد بس قلت لشغاله تجهز شنطتك .. بعد شوي بوديك
عبير جلست بعباتها بشنطتها حقت المدرسه وقلبها محروق
بسام__ قومي البسي وتغدي عشان اوديك
عبير__هذا اللي تبيه؟
بسام__ وش فيك عبير انا فهمتك الوضع
عبير__طيب قامت عبير والبست وتغدت هي وبسام ..
بسام__خلصتي؟
عبير__إإيه
بسام__تأكدي انك اخذتي كل اغراضك تعرفين عمي مايحب المشاوير
عبير__لا اخذت كل شي .. والشغاله بتروح معاي؟
بسام__لا طبعاً .. جيرانا اللي قدام بيتنا طلبوها وسويت نقل كفاله واليوم بتروح لهم
عبير__ ماشاء الله سويت كل شي وبسرعه
بسام__ وش تقصدين؟
عبير__ماقصد شي
بسام__طيب يالله قبل نتأخر
طلعت عبير هي واخوها لبيت عمهااا … كان الطريق طويل وطول الطريق جالسه تفكر بعمها وزجتة عمهاا وكيف بيعاملونها .. وصلوا للبيت
بسام__هذا هو البيت اللي على الزاوية.. إنزلي
عبير مستغربه__منت نازل معاي
بسام__لا مشغول
عبير خنقتها العبرة يوم شافت اخوها بهالطريقة .. نزلت واخذت اغراضها من السياره و وقفت عند الباب دقته
وفتحت لها الخدامه .. ودخلت
ابوفهد__هلا..انتي جيتي
عبير وماسكة شنطتها ومنزله راسها__ايه
ابوفهد__اخبارك
عبير__بخير
ام فهد__انتي عبير
عبير__ايه
ام فهد__ايه اخبرك وانتي صغيرة
ابوفهد__كنتي تجينا مع ابوك الله يرحمه
ام فهد__ يالله الله يعينا عليك وانتي كبيره
عبير__ عمي وين غرفتي؟
ام فهد__والله اعذرينا كل الغرف اللي بالبيت لعيالي بس فضيت لك غرفه برى بحمامها
عبير__انا بسكن برى؟
ام فهد__ايه حبيبتي اجل تبيني اطلع عيالي من غرفهم؟ .. ايه وبصراحة عبير مابي اضيق على ولدي فهد
اكلك وشربك بيجيك لين غرفتك .. ماله داعي تدخلين البيت
عبير كانت كاتمه دموعها تبي بس تروح لغرفتها وتصيح __ طيب
طلعت عبير لغرفتهااا وفتحتها كان فيه فرق بين غرفتها اللي في بيت اهلهاا واللي هناا .. فتحت الكبت ورتبت ملابسهاا .. هذاك االيوم كان بالنسبه لعبير آآمر يوم .. جلست تصيح تمنت ان اخوها يحس ويرجع وياخذهاا

؛؛ يا بــــووي وينـــك ؟؟
تعال وشــوف عقب مارحت!
بنتــــك من تـــولاهــاا ؛؛

___________
بيت ابو عبدالعزيز
___________
ابو عبدالعزيز__ دريت عن بسام؟
عبدالعزيز__ لا وش فيه يبه
ابوعبدالعزيز__ ابد بكره بيسافر
عبدالعزيز__ والله مادريت
ام عبدالعزيز__ واخته؟
مي__يمااه وداها عند عمه .. وربي تقول لي وهي مقهوره
ام عبدالعزيز__لية؟
مي__مدري بس هي ما تبي تقعد هناك
عبدالعزيز__وليه هي تطيع اخوها و تروح
مي__غصبها
ابوعبدالعزيز__والله لو اني داري كان خليته يجيبها عندنا
مي__الله يهديه اخوها ماعنده تفاهم كذا مره كلمته بس ماسمع منها
عبدالعزيز__بيت عمها هنا؟
مي__ لا بشمال الرياض
عبدالعزيز__اوه هناك..بتجي للمدرسه؟
مي__يمكن تجي بكره بس عشان تاخذ ملفها مستحيل عمها يخليها تطق مشوار كل يوم
عبدالعزيز__والله ماعنده قلب يخلي اخته
ام عبدالعزيز__الله يخليني لكم ويخلي لكم ابوكم
مي__ امين

________
بيت ام خالد
________
ام خالد__ريم صبي لاخوتس قهوه
ريم__طيب
عبدالله__ مامر عليك راشد؟
خالد__ لا ماشفته اليوم .. ليه
عبدالله__ ابد مافيه شي ..
دق عبد الله على راشد
راشد__ هلا ابوعابد
عبدالله__ هلا فيك وينك؟
راشد__ والله بالمستشفى عندي مناوبة اليوم
عبدالله__الله يعينك .. ومتى تطلع؟
راشد__ بعد نص ساعه
عبدالله__ على خير اجل بمرك اخذك
راشد__ على خير ..
عبدالله__ يالله فمانه
راشد__مع السلامه
عبدالله__عطني مفتاح سيارتك
خالد__ وين بتروح؟
عبدالله__ ابد عند راشد
خالد__ طيب
اخذ عبد الله السياره وراح للمستشفى .. وانتظر راشد لين خلص
راشد__ عندك شي؟
عبدالله__ابد بس بروح لبيت عبدالرحمن ابشوفه
راشد__ عبدالله وش صار بعقلك؟ فكرت في امك وش بيصير فيها لو درت؟
عبدالله__ ياخوك براحتي كيفي .. بالله اسكت
راشد__ صح براحتك انا وش دخلني..
عبدالله__ انا بس بروح اشوف بيته وين ..
راشد__اوك
سوا عبدالله اللي في راسه وراح للبيت ..
راشد__ مافيه احد شفت .. يالله خلنا نمشي
عبدالله__ طيب لحظة هذا من؟
راشد__ وينه؟
عبدالله__اللي عند الباب .. اصبر بنزل له
راشد__ الله يعيني عليك
عبدالله__ هذا بيت عبدالرحمن صح
عبدالعزيز__ ايه وصلت
عبدالله__ وين اهل البيت
عبدالعزيز__ تعرفه انت؟
عبدالله__ ايه يابن الحلال الوالدة مرسلتني
عبدالعزيز__ لا والله اخوي اسف مافيه احد
عبدالله__ وينهم ؟ وين بسام؟
عبدالعزيز__ بسام مسافر ..
عبدالله__ واهله؟
عبدالعزيز__ من تقصد؟
عبدالله__ اقصد اخته .. هو عنده اخت
عبدالعزيز__انت تعرفهم ؟
عبدالله__ اييه يابن الحلال
عبدالعزيز__اخته في بيت عمها
عبدالله__اهاااا ..
عبدالعزيز__تامر بشي ثاني
عبدالله__ ايه وين بيت عمه
عبدالعزيز__ مدري
عبدالله__ طيب مشكور اخوي ماقصرت
عبدالعزيز__العفوو
رجع عبدالله للسيارة..
راشد__ وش صار؟
عبدالله__ بسام مسافر واخته وداها لبيت عمه
راشد__ خلاص انتهى الموضوع
عبدالله__ لا ما انتهى
راشد__ عبدالله وين بتلقى بيت عمه ؟ خلاص انسى
عبدالله__ اقدر اطلعه .. دق عبدالله بوري لف عليه عبدالعزيز
عبدالله__ لو سمحت اخوي ماتدري وين ساكن
عبدالعزيز__اللي اعرفه انه بشمال الرياض بس مادري وين ..
عبدالله__ مشكوور الله يعافيك
عبدالعزيز__ العفو
عبدالله__ بسيطه
راشد__ وش بعد؟
عبدالله__ نروح هناك ونسأل
راشد__ عبدالله انت ماتمل ماتخيل على وجهك ؟ ياخي مالك بهالقصة كلها
عبدالله مد يده وفتح الباب اللي يم راشد __ انزل
راشد__ تبيني انزل
عبدالله__ ايه انزل
راشد__ ماطلبت شي
نزل راشد ومشى عبدالله عنه .. جلس راشد على الرصيف قدام البيت .. شاف سياره جايه توقع انه عبد الله
بس طلع ابو عبد العزيز
ابوعبدالعزيز__ وش فيك ياولدي جالس هنا
راشد مرتبك ومايدري وش يقول__ ابد ياعم بس احتري اهل هالبيت
ابوعبدالعزيز __مافيه احد ياولدي راحوا الطيبين .. بس اذا تبيه ضروري اقدر ادلك على بيت اخوه
راشد__ الله يجزاك خير .. ابو عبدالعزيز كان على نياته دل راشد على البيت
اخذ راشد تاكسي ورجع به للبيت ..
________
بيت ابو فهد
________
رغد__ يمه مين عندنا
ام فهد__ عبيربنت عمك
رغد__ اروح اشوفها
ام فهد__لا لا تروحين
فهد__متى جت يمه
ام فهد__ اليوم
فهد__ وينها ما اشوفها
ام فهد__ عطيتها الغرفه اللي برى
فهد__ اهاا

عبير جالسه بغرفتها كانت لا بسه روب اسود قصير وفاتحة شعرها..كانت ميته من الجوع وتنتظر احد يطق الباب بالاكل .. انتظرت وانتظرت بس ماحد جاها .. غلبها النعاس ونامت ..

ابو فهد__ ارسلتي عشاء لعبير
ام فهد __ اوه نسيت يابو فهد
ابو فهد__ ارسليه الحين
ام فهد __ لا خلها الحين نايمه ..
فهد __ ماعليه يمه خلي الشغاله تصحيهاا
ام فهد__ اسكت مو شغلك انت
ابو فهد __ يالله بروح انام بكره وراي مشوار
ام فهد__ وين
ابوفهد __ بودي عبير لمدرستها
ام فهد __ وليه توديها ؟ منت مكلوف بمشاويرها
ابو فهد __ بوديها عشان تاخذ ملفها وبنقلها بالمدرسة اللي هنا
ام فهد __ واخوها يومنه راح وراه ماسنع امورها
ابو فهد __ ما امداه
ام فهد __ بنشوف اخرتهاا
ابو فهد __ انتي وش بلاك؟
ام فهد__ بلاي يوم جت وضيقت علينا
ابو فهد __ البيت وسيع والحمد الله
شهد__يوه يمه خليها دامها برى ماعليك منها
رغد__يمه انتي لية تكرهينها؟؟
ام فهد يوم سألتها بنتها هالسؤال ارتبكت ماعرفت ترد ولا تدري وش تقول .. ام فهد كانت تبي ابو بسام يتزوجها بس تفاجأت يوم تزوج ام بسام .. وبعدها ماعاد قامت تجيهم ولا تزورهم..

صحت عبير من البرد .. فتحت باب الغرفه بتروح للحمام كان الحمام عن غرفتها مشواااار لفت على بيت عمهاا
شافتهم مع الشباك متجمعين على سفرة الاكل ومشغلين الدفايه .. تمنت ابوها عايش وتعيش بضله ومحد يهينها ولا يذلهاا.. رجعت لغرفتها وعلى طول جت تحت الفراش كانت ترتجف ..
سمعت صوت باب غرفتها ينفتح .. شالت طرف الفراش عشان تشوف مين ..
عبير وهي حاطه الشيله على راسها __فهد وش جيبك هنا؟؟
فهد__ادري انك ماتعشيتي .. جيت اسأل اذا تبين اروح اجيب لك
عبير ميته جوع بس ماتبي تطلبه __ لا مشكور

ام فهد لحقت ولدها للمطبخ بس مالقته شافت باب المطبخ الثاني مفتوح طلعت معه ..
دخلت الغرفه لقت فهد واقف وعبير على السرير جالسه ..
ام فهد__أنتي وشلون تنادين ولدي عندك بالغرفه
عبير برجاء__والله ما ناديته
فهد__يمـ..
ام فهد__ اسكت انت .. والله انك قليلة ادب ومن عذرك الابو ميت والام ميته وش يردك
عبير جلست تصيح قطع قلبها هالاكلام
ام فهد بصراخ__تعال يابو فهد تعال الحق
ابو فهد__ وش فيك وش صاير لكم
ام فهد__ بنت اخوك اللي ما تستحي ولا تخيل على وجهها .. مناديه ولدك لغرفتها
عبير وهي تصيح__عمي والله ماناديته
ابو فهد ماسك عبير مع شعرهاا __ لا عاد تعيدين هالحركه مره ثانيه ولا والله لاطردك بالشارع
عبير بصراخ وهي طايحه عالارض__عمي والله العظيم ماناديته والله ..
ام فهد اخذت ولدها وطلعت .. ابو فهد عطى عبير نظره استحقار وطلع ورى زوجته ..
عبير__حسبي الله ونعم الوكيل عليك حسبي الله ونعم الوكيل

~~ آآآه واويــــــلاه من عمـ.ن. ظلــووم ~~
~~ بـعـد ما ابــوي رقــد تحـت الـتـراب ~~

جلست عبير بزاوية غرفتهاا وهي ضامه رجولها بيديها ومنزلة راسهاا ’’
تمنت الموت ولا احد يشك فيها ولا بشرفها .. اللي غابنها فهد ليه ما تكلم ولا نطق بحرف..

________
بيت ام خالد
________
ام خالد__عبدالله نايم؟
ريم__ايه يمه جاء وراح لغرفته
ام خالد__انا بقوم انام .. ترى اخوك بيمر وبيخلي بنته هناا خليك معها
ريم__ وامها وينها؟؟
ام خالد__ لا حول انا قايلتن له يخلي بنته عندنا
ريم__ايه على بالي هع
ام خالد__يالله لاسمع صوت
ريم__طويب
قامت ام خالد لغرفتها .. وريم جلست على التلفزيون
عبدالله__ سلام
ريم__هلا
عبدالله__امي وين؟
ريم__نايمه
عبدالله اخذ جواله ودق على راشد ..
راشد__خير ؟
عبدالله__ وش فيك رويشد؟
راشد__ مدري عنك ؟ انت وش سويت اليوم؟
عبدالله__انا؟؟ ماسويت شي
راشد__ باللهي؟
عبدالله__ههههههههههه يالله عاد انت رفعت ضغطي اليوم
راشد__ منك ..
عبدالله__ يله عاد بلا زعل
راشد__ طيب
عبدالله__ رضيت رشودي
راشد__ هههه ايه
عبدالله__هههه بالله وش سويت يوم مشيت عنك ؟ تراني اشوف دخنتك عندي بالمرايه هع هع
راشد__ ههه لا يابوو جاني شايب وعطاني عنوان بيت عم بسام
عبدالله__ اووووماا احلف
راشد__ والله
عبدالله__ وين فيه؟
راشد__ مانيب بمعلمك
عبدالله__ راااااشد يله عاد عن النذاله
راشد__ انا ادله
عبدالله__علمني طيب
راشد__ بعدين عندي مرضى الحين
عبدالله__ راشد !!!
سكر راشد السماعه وهو ميت من الضحك ..
دخل خالد ومعوه بنته سارونه ..
عبدالله__ ارحب يابو فيذا
خالد__ البقى
ريم__ هلا خالد
خالد__هلا فيك ريومه
ريم__ عطني هالامورة فديتها ياناس
عبدالله__جيبيها
ريم__ امسكهاا
عبدالله__تعالي سارونه سلمي على عمو عبود
ريم__عمو عبود؟؟ ههههههههههههه
عبدالله__وش المناسبه؟
خالد__ابد بس الوالده دقت علي وقالت تبيها عندها اليوم
عبدالله__ ايييه .. من زمان ماشافتها امي
ريم__يب وامل وينها ؟
خالد__بالبيت .. يالله عاد انا استأذن وسلموا لي على امي لا صحت
عبدالله__ لا تقاطع هاه
خالد__ لا بكره بمركم .. يالله فمانه
عبدالله__ وداعته

________
بيت ابوفهد
________
ام فهد صحت بناتها .. وراحت تهجز الفطور لعيالها
فهد__ صباح الخير
ابو فهد__صباح النور
ام فهد__اقعد ياولدي بيجيك فطورك الحين ..
رغد__ يبه عبير بتروح معنا
ابوفهد__ايه يابوك
شهد__ يارربيه يبه .. ناقصين زحمة الا هي اي سنه
ابو فهد__ اخر سنه
شهد __ اهاا .. زيك فهد
فهد__ادري

صحت عبير على صوت الشغاله وهي تحط الفطور .. لبست ملابسها وفطرت اخذت شنطتها وعباتها وطلعت للحوش .. تبي تشوف عمها طلع ولا باقي .. انتظرت بالحوش ماحد طلع راحت ودقت الباب
شهد__مين
عبير__ انا؟
شهد__ وش فيه بعد؟
عبير__عمي متى بيطلع؟
شهد بملل وهي متكيه على الباب__احنا مانروح الحين ..
عبير__ بس انا مدرستي بعيد
شهد__خذي تاكسي
عبير__ومتى بتروحون؟
شهد__مدري متى ماخلص فهد مشينا
عبير__طيب عطوني خبر لا مشيتوا
شهد اوووف طيب .. سكرت شهد الباب
رجعت وجلست عبير بغرفتها .. تنتظرهم يمشون .. مر عمها على الغرفه وطق عليها الباب بالمفتاح حق السياره ومشى .. طلعت عبير على طول .. فهد ركب قدام وشهد ورغد ورى وهي اخر من ركب ..
نزل بناته اول شي ثم فهد .. وبعدها راح لمدرسة عبير ..
ابوفهد__بعيده مدرستك
عبير__ ايه
ابوفهد__تدلينها؟
عبير__ايه
ابوفهد__زين .. انا بنقلك لمدرسة قريبه من البيت عشان تروحين وتجين مشي
عبير__شلون اجي مشي من المدرسه
ابوفهد__يعني تمشين على رجولك
عبير سكتت ودموعها بعينهاا والقهر حارق قلبهاا ..

؛؛ ياطير ياللي بالجناحين طاير ؛؛
؛؛ ليتك تسلفني جناحيك واطير ؛؛
؛؛واصير بالدنيا مثل منت صاير ؛؛
؛؛ واعانق دروب الفضا عنك ياطير ؛؛
؛؛ مير انت وضعك غير ماصرت حاير ؛؛
؛؛ ولا انا لاضقت ماوضعي بخير ؛؛
؛؛ أكافح الضيقه وأفك الزراير ؛؛
؛؛ وابكي من الفرقا بليا معاذير ؛؛
؛؛ ماباح صدري علته والسراير ؛؛
؛؛ الا من الدنيا وحزن المقادير ؛؛

ابوفهد__انزلي وخلصي بسرعه
عبير__طيب
دخلت عبير المدرسه .. ولقت البوابه مقفوله جااها البواب
عبير__لو سمحت افتح لي
البواب__ انتي جايه متأخره
عبير__ ايه بس انا جايه اخذ اوراقي وبروح
البواب__طيب
فتح لها ودخلت وراحت على طول عند الاداره .. اخذت ملفهاا وخلصت اوراقهاا
راحت لصفهاا لقت مي والبنات ..
مي وهي تضم__ عبير جيتي
عبير وهي منزله راسها__ ايه وبروح الحين
نوره__ ليه عبير
عبير__ ماقدر عمي برى
اصاله__عادي خليه ينتظر
عبير__ لا ماقدر .. بس جايه اسلم عليكم
نوره راحت وضمت عبير هي واصاله ..
نوره__عاد مو تقاطعين لا تعرفتي على بنات جديدات كثيرات هع
عبير دموعها نازله__ لا ماراح انساكم
مي__ لا رجعت البيت بدق عليتس
عبير__ اوك .. يالله بروح
مي__ فمانه
نوره__ مع السلامه
طلعت عبير من المدرسه وهي ودهاتكون جالسه بصفها مع البنات ..
ابوفهد__ليه تأخرتي
عبير__كانوا يدورون ملفي
ابوفهد__ اييه

___________
بيت ام خالد الظهر
__________
عبدالله توه جاي وجايب ريم معاه ..
عبدالله__امسكي حطي جوالي بالشاحن
ريم__ طويب
ام خالد__ هلا بعيالي .. تعالوا تغدوا
عبدالله__ يااحييه يمه وربي جوعان
ريم__انا من يوم عرفتك وانا جوعان هع
عبدالله__ هههه
ام خالد__ سارونه وينها فيه
ريم__ نايمه بغرفتي
ام خالد__ جيبيها لا تقوم تطيح من السرير
ريم__ طيب
ام خالد__ جوالك يدق
عبدالله قام يشوف جواله ..
عبدالله__ هلا راشد توك على بالي ابيك بموضوع
راشد__ هلافيك .. وش فيه؟؟
عبدالله__ ابي وشسمه العنوان ؟ نطلع انا وانت بكره
راشد__ هههه طيب
عبدالله__ بعددي هع
راشد__عبود؟
عبدالله__ هااه
راشد__ سيارتي بالورشه
عبدالله__ هع وش يعني
راشد__ يعني تعال باقرب سياره وصلني .. بس مو تنزلني بوسط الشارع
عبدالله__ لا ماعاد اعوده ..
راشد__ يالله احتريك
عبدالله__ الحين جايك .. مع السلامه
جلس عبدالله يطالع امه وبعيونه حكي
ام خالد __ وش فيك عبدالله
عبدالله بـ وهو يعدل شماغه __ ابعرس
ام خالد وهي طايره من الفررحه __ يا جعلني ما خلا منك .. اخيرا رضيت تعرس
عبدالله __ ايه يمه ابعرس حالي حال خالد
ام خالد __ ابشر يا عيون امك باتسر اخطب لك احسن بنت بالرياض كلهااا
عبدالله __ لا يمممممه لا .. انا فيه وحدة في بالي
ام خالد __ من هي يا ولدي؟
عبدالله __ اول شي اوعديني ما تقولين لا
ام خالد __ اوعدك يا ولدي انا ماصدقت انك تفكر بهالموضوع
عبدالله __ بنت ابو بسام
ام خالد سكتت من الصدمه__ ايه يا ولدي بس انت تعرف هي من هي بنته
عبدالله __ ايه يمه اعرف ومانسيت بس خلاص ابيها يعني ابيهاااا
ام خالد __ يا ولدي ما تصصلح لك
عبدالله __ اجل مانيب معرس وانتي وعدتيني ما ترفضين
ام خالد __ طيب ماينفع ندور لك وحده غيرها
عبدالله برجاء__ لا يمه لا .. ابيها هي
ام خالد __ يا ولـدي ما يصيــ…!
عبدالله قاطع امه __ يمه انتي وعدتيني … وغيررها ماراح اتزوج لو وش
ام خالد __ طول عمرك عنيد بس ابشر بس عشان اشوف عيالك قبل لا اموت
عبدالله __ لا يمه فداك عمري لا تقولين كذا .. يممه طلبتس نبي الخطبه قريبه
ام خالد تجامل ولدهاا __ ابشرر ياولدي
_________
بيت ابوفهد
_________
رجعت عبير .. وهي تشوف بنات عمها يدخلون البيت مع ابوهم وامهم قدامهم وهي حاطينها برى ..كأنها مو انسانه .. دخلت عبير غرفتها كان جو الغرفه كئيب ورمادي‘‘’’
بدلت ملابسها وجلست تنتظر غداها .. دقت عليها مي
عبير__هلاوالله وربي فرحت بإتصالك
مي__ فديتسسس هاه كيف احولك
عبير__ ابد جالسه احتري غداي .. الله يرحم قبل يوم كنت في بيت ابوي ماكنت احتري احد
مي__ماعليه حبيبتي كل شي يهون .. انتي بس طنشي
عبير__ يالله عند الله الاجر
مي__ وبناته كيفهن معتس؟
عبير__ يهبن هع ماكلمت الا وحده منهن
مي__ههه الله يا خذ عدوك عبوره حتى وانتي ضايقه تمزحين
عبير__وش اسوي جالسه الحالي بهالغرفه
مي__ اطلعي اجلسي معهم طيب
عبير__ وش اطلع اجلس معهم؟؟ زوجة الاخ ماتبيني داخل البيت
مي__ اجل وين؟
عبير__ عطتني غرفه برى .. والحمام مشووواار عنها يوم ارجع للغرفه وانا منتهيه
مي__ كلمي عمك
عبير__عمي يمشي بشور حرمته
مي__الله يعينتسس والله قلبي معتس
عبير__ ماعليه كلها سنتين او اربع ويجي بسام
مي__ياحليلك وبتصبرين؟
عبير__ لنا الله
مي__ يالله اهم شي دراستك .. الا تعالي ترى الاختبارات بعد اسبوع
عبير__ بالله؟
مي__ يب وزعوا الجداول اليوم..رحتي لمدرستك؟
عبير__لا بروح بكره .. عمي ذا مدري وش يحس فيه يقول لي تعالي وروحي مشي
مي__ اووما
عبير__ مستخسر يخليني اركب مع بناته بسيارته
مي__اوووح عمك ذا مايحس على دمه وربي ماعنده احساس
عبير__ما الومه الناس يالله شايلين حمل عيالهم اجي انا واثقل عليهم
مي__ بس انتي محسوبه عليه انتي بنت اخووه
عبير__ عنده انا بنت الجيران .. يالله مي الغداء جاء بتغداء وبنام ..
مي__اوك قلبي نوم العوافي وبالعافيه..مع السلامه
عبير__وداعته..

؛×؛×؛× بعد مرور اسبوع ×؛×؛×؛

____________
بيت ام خالد العصر
____________
ريم جالسه بالصاله تذاكر جغرافيا .. وام خالد جالسه تتقهوى .. نزل عبدالله وهو كاشخ ومرسم بالشماخ وراش عليه من النشاء لين قال بس هع
عبدالله__ السلام
ام خالد__ وعليكم السلام
عبدالله__ رييييييم شوي شوي على الكتاب لاتحرقينه
ريم__ مانيب بمكلمتك !!
عبدالله__ ااااع جغرافيا هع
ريم__ يمه شوفيه
عبدالله__هههههههه ذاكري زين بس
ريم__ خلني ..
ام خالد__ وش فيك على اختك
عبدالله__ مابني شي .. يالله يمه مشينااا
ام خالد اخذت عباتها __ يالله .. الله يعين عليك
عبدالله__ ههههه فديتك يمه
ريم __ وين ؟؟؟
عبدالله__ قريب عندنا مشوار
ريم__ وليه كااشخ ؟
عبدالله__ كيفي .. بعدين انتي مالك شغل خلي وجهك بكتابك لا ترسبين هع
ريم__ ياربيه على السماجه هع رح لا يمشي عنك راشد هههههه
طلع عبدالله لراشد وام خالد ..
راشد__ وينك يابوو؟
عبدالله__ ابد كنت اكشخ
راشد__ اكيد نص الوقت على هالشماغ هع
ام خالد __ وشلونك يا ولدي
راشد __ بخيرر يا خالتي اخبارتس انتي
ام خالد __ الحمد الله يا ولدي
عبدالله__ اقول امش لا نتأخر
راشد__ من جدك بتخطب الحين؟
عبدالله__ ايه من جدي .. اجل ليه كاشخ وماخذك معاي

وصلوا للبيت ؛؛
عبدالله__ هذا بيتهم
راشد__ مدري مكتوب عندي كذا
عبدالله__ انزل انت
راشد__ لا انزل انت
عبدالله__ امش كلنا الثنين
ام خالد__ وخروا انا ابنزل ,, راحت ام خالد مع مدخل الحريم
دق راشد الجرس .. فتح فهد الباب
راشد__ السلام
فهد __ وعليكم السلام
راشد__ ابوك موجود؟
فهد__ ايه حيااكم فيذا
عبدالله__ الله يحيك..
دخل راشد وعبد الله للمجلس ..
فهد__ اعذروني بروح انادي الوالد
عبدالله__ خذ راحتك
راح فهد ينادي ابوه..
ام فهد__ من جاء يافهد
فهد__ اثنين يبون ابوي
ابو فهد__ ماعرفت وش يبون
فهد__ لا وش يعرفني راح فهد لغرفته وابوه راح للمجلس ..
ابوفهد__ هلا والله حياكم
عبدالله__ الله يحيك ,, اخبار يا بو فهد
ابوفهد وهو يمد الفنجان لعبدالله__ بخير جعلك سالم … امروا وش بغيتوا؟
عبدالله__مايامر عليك ظالم .. جايين نبي قربك
راشد__ يعني نبي نخطب من عندك
ابوفهد جلس يضحك__ ايه بس انا بناتي صغار
عبدالله__ لا مانبي من بناتك انت فهمت خطأ .. انا جاي اتقدم لبنت اخوك
ابوفهد__ وش عرفكم فيها
عبدالله__ معرفه قديمه .. الوالده تعرفهم
ابو فهد __ بس بنت اخوي تدرس ..
عبدالله__ واذا ؟؟ اللي باقي اسبوع وتتخرج
ابوفهد__ بس انا للحين ماعرف من انت ولده ولا اعرف شي عنك
المهم جلسوا يتعارفون .. طبعا بحكم ان ابو فهد يصير اخ ابو بسام من ابوه ماثبت على الاسم وماهمه الموضوع ::

عند الحريم ::::

ام خالد __ البنت وينها فيه
ام فهد __ والله بغرفتهاا ,, ايه كم مهرها ؟؟
ام خالد __ مو بالاول توافق البنت ؟؟
ام فهد __ لا ماعليتس بتوافق
ام خالد __ اخوها وينه؟
ام فهد __ مسافرر

عند الرجال ::::

راشد__ يالله عبدالله تأخرنا
عبدالله__ يالله اجل حنا نستأذنك .. لا تطولون علينا بالرد
ابوفهد__ شرفتونا .. لا ولا يهمك .. راح ابو فهد وصلهم لين عند الباب

ام فهد__ وش قلت لهم ؟
ابوفهد__ قلت اسأل البنت وارد عليكم
ام فهد__ ماراح تقول لا تحمد ربها جاها واحد زي هذا
ابو فهد __ انا بروح اشوفها
ام فهد __ وانا بعد بروح معاك

عبير كانت ماسكه كتابها وتذاكر .. دخل عليها عمها وزوجته
ابوفهد__ السلام
عبير__ هلا عمي
ابو فهد__ خلي الكتاب انا جاي اكلمك بموضوع
عبير__ وشو؟
ابوفهد__اليوم جايني خطاب لك
عبير خافت __ وش خطابه
ابوفهد__ واحد متقدم لك
عبير__ انا ادرس مابي اتزوج الحين
ام فهد__لمتى تبينا نتحمل مسؤليتك؟
عبير بيأس__ عمي انا مابيه
ام فهد__ هذا بدال ماتحمدين ربك انه رضى بوحده مالها احد
عبير __ لي الله
ابو فهد__ شوفي الولد يبيك وشاريك وانا ابي الستر لك ولد ناس وماعليه قاصر
عبير__ طيب انا مااابيه
ام فهد__ شوف هذي تقول ماتبيه
ابو فهد__ انتي مابقى لك شي وتتخرجين من الثانويه
قاطعته عبير__ بس ابي ادرس الجامعه
ابو فهد__ تدرسينها وانتي عنده
عبير__ عمي اقول لك مابيه ..
ام فهد__ والله كيفك بس احنا ماراح نتحمل مسؤليتك ولا حنا مكلوفين فيك .. وبصراحه ماعاد انام الليل اخاف على ولدي منك
ابوفهد__ ام فهد خلاص
عبير خنقتها العبره وحطت يديها على فمها ..
ابو فهد__ بصراحة ياعبير انتي بنت اخوي وانا ابيه لك وابيه يستر عليك
عبير__بس انا مابيه انا مرتاحه كذا
ابوفهد بجديه__ بس حنا مو مرتاحين
هالكلمه حطمت عبير خلت دموعها تنزل قدام عيونهم .. طلع ابو فهد وزوجته ..
طول فترة الاختبارت عبير شاده حيلها تبي لها شهادة تغنيها عن الناس كانت تسهر على كتابها وتحفظ وتراجع لنفسها وتعيد وتزيد لنفسهاا .. لين جاء الوقت اللي تفرح فيه بشهادتهاا
رجعت من المدرسه طايره من الفرح بسنبتها .. دخلت غرفتها ورمت عباتها وهي مستانسه
عبير__ الحمد الله يارب
وراحت رمت مريولها ولبست بجامه سودا ..
ابو فهد__ وش فيك انجنيتي؟
عبير__ لا فرحانه
ابو فهد__ نجحتي؟
عبير__ ايه
ابو فهد__ كم نسبتك
عبير__ 97
ابو فهد__ ايه مبروك .. الا اقولك عبير ترى قلت لرجال انك موافقه عليه وهالشي مو من عندي كلمت بسام وقلت له وقال قل انها موافقه ….
عبير انصدمت هي ناسيه الموضوع وعلى بالها عمها قال له انها رافضه __ عمي ليش انا قلت لا .. ليه انت ماتبيني ليه
ابو فهد__ انا واخوك نبي لك الخير
عبير انفجرت بصراخ ودموع__ لا ماتبون لي الخير تبون الفكه .. بترموني عند واحد مااعرفه ومابيه
ابو فهد__ عبير خلاص ماصار الا الخير
عبير وهي تصيح __ مالحقت افرح لي كم ساعه الا تجي مصيبه ثانيه
ابو فهد__ بلا دلع وحركات بنات الولد جاء وطلبك و وافقت
عبير معصبه__ اجل خذه انت دامك وافقت عليه
ابو فهد عطاها كف__ والله اخوي ماعرف يربي لا الولد ولا البنت
عبير__ الحمدالله متربيه احسن تربيه
ابو فهد__ عبدالله يبي يكلمك
عبير__ من هو ذا بعد
ابوفهد__ زوجك
عبير__عمي انت تتكلم من جدك
ابوفهد__ ليه عمري مزحت معك اصلاً؟؟
جلست عبير وهي مو مصدقه اللي يصير .. تخليت لو ان ابوها عايش كان وقف في وجه عمها ومنعه ..
عبير__قول له ماتبي تكلمك
ابو فهد وهو يضحك___طيب ليه معصبه ,, بعدين انتي عاده نفسك صغيره؟ اللي كبرك تزوجوا وجابوا عيال
عبير__ دامه كذا اجل ورا بناتك ماتزوجوا؟..عمي خلني الحالي
ابو فهد__ طيب ولا غصب انتي بتطلعين من بيتي
عبيربيأس __ اجل ملكتي في بيت ابوي
ابوفهد__ بكيفك اهم شي تلقين لك والي

___________
في بيت ابو عزوز
___________
مي __ يمه ترى بعد كم اسبوع ملكة عبير ..
ام عبدالعزيز __ ماشاء الله الله يوفقها
عبدالعزيز دخل __ من هي يمة ؟
ام عبدالعزيز__عبير
عبد العزيز انصدم كان اخر توقعاته انها تتزوج ’’ مايدري وش يسوي على طول طلع من الصالة,,
؛؛
ودي ولا ودي وودي وودي
ما تمت البسمات بس البكى تم"""

الحفلة اللي نصفها نسل جدي
كنها على جرحي تعزم وتعاتم"""

ذبحلها جفني مسامات خذي
أزوالها ضيفان والدمع حاتم"""

أصد بدموعي وأكابر بقدي
ما ودي انطلق على البعد شاتم"""

وشاحك الأبيض بعيني يبدي
الخوف والرهبه وحزن المياتم"""

أنتي توفقتي بشوف المقذي
وأنا توفقت بسواليف شاتم"""

أنا أعترف أني خسرت التحدي
ما أبكي وبكتني قلاده وخاتم"""

؛؛

________________
بيت ام خالد الصباح
________________
عبدالله __ هاه يمة تجين تفطرين معاي
ام خالد __ لايامك قد افطرت
عبدالله __ عافيه
ام خالد __ اقول عبود
عبدالله __ سمي
ام خالد __ ابروح اشوف البنت
عبدالله __ مدري ’ بس اكيد بتشوفينها بالملكة
ام خالد __ والله مدري على راحتك
عبدالله __ يمه ارتاحي اخوها ماعليه مملوح
ام خالد __ انت بتاخذها ولا بتاخذ اخوها ؟
عبدالله __ ههههاااي
قام عبدالله لدوامه واخذ ريم ’’
؛؛بالسيارة ؛؛
ريم __ عبودي كم عمر خطيبتك ؟
عبدالله __ عمرها 19
ريم __ هذي في سني هع
عبدالله __ عاد كيفي
ريم __ هع

(( بعد مرور ثـلات اسابيـع ))
________________
في بيت ابو فهد العصر
_________________
عبير جهزت خلصت كل شي ’’
دقت مي على عبير
عبير كل ماشافت رقم مي يضيق صدرها __ هلا
مي __ اخبارك
عبير __ زفت
مي __ ليه؟
عبير __من اللي صار .. انا ان شفته يمكن اذبحه
مي __ عبير شوي شوي على الرجال توك ماتعرفين معدنه اصبري يمكنه طيب
عبير __ مي .. تراني موافقه عليه غصب عشان بسام وافق
مي__ مافيه زواج بالغصب
عبير__ والله عشان بسام
مي __ عبوره الله يكتب لك اللي فيه الخير .. المهم بس لا تذبحينه
عبير __ يجيب الله مطر
مي __ ههههاي يالله
عبير __ مع السلامه
دق بسام على عبير يبارك لهاا__ الف مبروك عبووره هاه خلصتي ؟
عبير __ يبارك فيك ..ايه ’
بسام__ مابيك تزعلين مني ’ بس ابي لك احد بعدي مابيك تجلسين الحالك طول فترة غيابي
وانتي عارفة كم سنه بكون هناك ’’
عبير بحسرة __ لا مو زعلانه ,, ولايمهك انت ماسويت شي بس زوجتني وانا مابي اتزوج بس !!
بسام __ عبير تكلمي معاي زين .. ومع الايام بتتعودين
عبير __ نشوف

عبير حست ان زواجها على السريع’’وماكانت تحس انه زواجها اصلاً..

____________
في بيت ام راشد
____________
كانت بشاير بغرفتها تبكي ,, دخلت عليها امها
ام راشد __ وش فيك يابنتي
بشاير __ يمة شفتيه وربي قاهرتني
ام راشد __ يابنتي خلاص انسيه بكرة ملكته
بشاير __ ليه
ام راشد __وش ليه يابنتي هذا نصيب
بشاير __ بس انا ابيه
ام راشد __ عيب يابشاير هو الحين فكرة مع خطيبته ’’ قومي تعوذي من ابليس وتعالي اجلسي معاي
بشاير __ مااابي اجلس مع احد
ام راشد __ براحتك ’’ بس عبدالله لا تفكرين فيه حتى

____________________
في بيت ام خالد المغرب
____________________
عبدالله نايم بغرفته ’’ وريم تحت مع امها يبون يغيرون ديكور غرفة عبدالله
راحت ريم قومت عبدالله من الغرفه وراح كمل نومته في غرفة امه ’’
المهم غيروا الوان الغرفه واثاثها ,,
صحى عبدالله وراح لغرفته يبي يغير ملابسه ’’ تفاجأ بغرفته
ريم __ هاه و ش رايك ؟
عبدالله __ حلوه ماعليها
ريم __ وش ماعليها ؟ انا اللي اخترت كل ابو شي هع
عبدالله __ هههه طيب تسلمين
ريم __ يالله عاد ان شاء الله يعجب عبير
عبدالله __ وليه مايعجبها ؟
ريم __ مانيب مصدقة انها بتجي بكرة
عبدالله __ ههههه لا بتجي

_____________________
في بيت ابو بسام الفجر
_____________________
<<

أنت بتسافر حبيبي نعم سافـر و غيـب
بس تكفا سم الله علـى عقلـي لا مـاع!!

لان ماني قادر آوادعـك و انتـه قريـب
كيف و انت بعيد تبغاني أقـول الـوداع!!

بس لحظه قبل لا أنسى لا تنسى ياللبيـب
قل لما تملكه من مغريات و مـن متـاع!!

اني احبك و أحبك و أحبك ليـن أشيـب
يعني لين اموت و انـا احبـك للنخـاع!!

أحشمك و أغليك بالحيل و الشي الغريب
أني اكره كـل فكـره تقـودك لنصيـاع!!

كان مال لمشكلة و صلنا الآحـل عيـب
كب حبيلك و سمـه متاهـات و خـداع!!

لأني اطهر من بيخسر على الدنيا حبيـب
ولأنك أنقا من وطت بطن رجله ظهر قاع!!

كثر ما يدعوني أهل الهوى ولا استجيب
كثر ما اسفط علـى بعـدك ذراع وذراع!!

آه لا وقفت من بين بتصيـب و تخيـب
بين يدين المواليـف و أفـواه السبـاع!!

و آه لامني ذكرت أن كـل لـه نصيـب
و آه لامني ذكرت أن على وجهك قنـاع!!

أشعر أنه منخلق من عسل ورد وحليـب
و أشعر أني كل ما أذكره مجموعة جياع!!

ليت مالك في حياتك خـوي و لا طليـب
كان باخشك وسط خافقي و أقـول ضـاع !!

أمحق الله سعوولف الهيام و قطع صيـب
من يبكي مقلتين الشجاع أبـن الشجـاع !!

لو على البحرين شرهه و دمعات و نحيب
كان ما خلتك تقفي عـن حـدود الرفـاع !!

ولو جنيف أتحس في جرحي المر العطيب
كان ماتاخذك منـي و تعطينـي ضيـاع !!
’’

عبير مانامت جالسة تفكر بكل شي بيصير بالملكة ’’ نزلت تحت للمطبخ فتحت الشباك وجلست على الطاولة ’’ كانت سرحانه وقلبها مع عبد العزيز ,, صلت الفجر ونامت ’’

_________________
في بيت ام خالد
_________________
عبدالله كان سهران وجالس بغرفته ’’ دق عليه راشد
عبدالله __ هلا
راشد __ هلا بك عبود
عبدالله __ علومك؟
راشد __ بخير ’ الا انت وش مقومك ؟ ارقد لا تروع بنت الناس هع
عبدالله __ تحمد ربها فصلت لي ثوبين عشانها هع
راشد __ زين مافصلت سروال ههههههههه
عبدالله __ لا عندي وشسمه سنه هههههههههههااي ’’ اسمع نتقابل باتسر والله جاني النوم
راشد __ يالله على خير

؛؛ يوم الملكة ؛؛

كانت ام خالد وريم وعبدالله طالعين لبيت ابو بسام ’’ طلعوا بعد صلاة العشاء ’’
ام خالد __ انت تدل بيتهم ؟
عبدالله __ الله يهديك يمة اجل كيف خطبت ؟؟
ريم __ ههههههههههااي
عبير كانت بسسابع نوومه ماصحت الا على صوت مي وهي تقومها ’’
مي__ قومي ترى الضيوف على وصول
عبير ببرود __ والله
مي بجدية__ قومي عبير
طلعت مي ,,
عبير __ ياليل من يلبس الحين
قامت واخذت شاور ’’ بعد كم دقيقة باب غرفتها دق ودخلت مي واصالة
عبير__ هلا والله
مي __ وجع ماسويتي شي
اصالة __ وجعوووة عبيروووة
عبير __ توني صحيت
اصاله __ بالله هذا حال وحده بتعرس الحين هع
عبيربضحك __ اصاله عن اللقافه,
اصاله __مي عندك خبره بالتسريحات سوي لها شعرها
مي وهي ماسكه الاستشوار __ ايييييه اببشششري
عبير __ هههه انفشي شعري كدشيه ابيه يرتاع لا شافني
مي __ ايه هين تعالي اجلسي
اصالة __ انتي روحي البسي واحنا علينا الباقي بروح اشوف القهوه والخرابيط حقت الملكه
.. ترى زوجة عمتس المنسمه جت
عبير __ وش جيبهااا
مي __ خلاص عبوره عديهااا ::
عبير __ بنات مشكورات على وقفتكم
اصاله __ العفوو ترى بترجعينها بزواجي هههه
,,,, دق جوال عبيررر
عبير __ الو
بسام__ هلا عبووؤره
عبيرفرحاانه __ هلافيك اخبارك
بسام__ بخيرر .. انتي اخبارك ؟؟
عبير __ بخيرر
بسام __ عبير ترى عمي كلمني يوم انخطبتي وانا اللي وافقت
عبير __ ليه يابسام ليه ؟ انت اخترت مستقبلك باختيارك .. وانا ضيعت مستقبلي عشانك وعشان كرامتي و ذل عمي
بسام ___ خلاص عبير اللي صار صار خلينا نفرح فيك
عبير__ اي فررحة يابسام ؟؟ وانا اللي مو طايقة حتى اهله لا جو
بساام بهدوء__ عبير تكفين خلاص عشان خاطري انسسسسي
عبير قامت __ طيب اصلا وش اقدر اسووي ؟ يلا بسام مع السلامه مشغوله
بسام __ معذوره .. انا بدق بعدين يالله مع السلامه

؛؛ دق الجرس ؛؛
راحت الشغالة وفتحت الباب ’ كانت ريم وام خالد بس ’’
طارت مي لغرفة عبير
مي __ عبيرووة عجلي تراهم تحت متسدحين هع
عبير وهي تتمنى ان اللي تحت يكونون اهل عبد العزيز __ طيب بس البس وبجي
عبير لبست فستان اسود نااعم سواري بـ ورده تحت الصدر لونها احمر ’’
شعرها رافعته كله وسوت مكياج خفيف ,,,,
ونزلت لهم ::
قامت ام خالد اول ماشافتها وراحت عبير عندها عشان تسلم عليها هي وريم ::
ام خالد__الله يحفظك يابنتي
ام فهد __ ايه ترى بنتنا حلوه
عبير مالها نفس __ تسلمين
ريم __ يمه تراني دايم اشوفها بالمدرسه بس ما توقعت تكون بيوم زوجة اخوي
ام خالد __ يامحاسن الصدف
ام عبد العزيز __ الف مبرووك يابنتي
عبير__ الله يبارك فيك
جت مي واصالة بيسلمون
مي عيونها طلعت يوم شافت ريم درت انه عبدالله " تفاجأت انه عبدالله لا نها تدري ان عبير ماتعرفهم ولا بينها وبين ريم شي ’’
صوروا البنات مع بعض ’’
وجلسوا يسولفون ويتقهوون ::
ام خالد __ عبدالله يقول يا تخطبين لي عبير ولا مانيب معرس
عبير تكلم مي بصوت واطي __ من متى المعرفه
مي __ ههههههآي مدري عنه
ام عبد العزيز __ عبير تستاهل كل خير
ام فهد__ اي والله هم وانزاح
عبير بصوت واطي __ والل لو لاها ملكه لا اقوم واهفها بالصينيه
مي __ حسسافه الاوضاع ماتسمح
اصاله __ من جد حسافه هع

وبعد العشاء
دق جوال ريم ’’
ريم __ هلا خالد
خالد __ هاه خلصتوا ؟
ريم __ اسم الله وش له ؟
خالد __ انا باخذكم وعبدالله بيجي شوي مع عبير
ريم __ اها طيب ’’ يمة ترى خالد يحتري
ام خالد __ يالله بعد خالتس الليلة بتجي عندنا
ريم __ يالله عبير فمان الله
عبير تبي الفكه __ وين بدري
ام فهد __ اقعدوا شوي
ام خالد __ خالد يحتري عند الباب ’’ يالله شوي بتنورين البيت
عبير __ تسلمين
طلعت ريم وامها //

قآمت ام فهد وام عبد العزيز :"""
عبير__ المهم بنات اركب ورى ولا قدام ؟
مي __ إلزقي قدام وانا اختس
أصالة __ اما عاد تركبين ورى > يقال لك تاكسي هع
البنات جلسوا يسولفون مع بعض :: اصالة جاء اخوها واخذها بقت مي //
عبير __ مي ترى والله مدري انه هوو
مي __ عبير ووجع وربي عادي عندي بالعكس بس استغربت لانتس ماتعرفينهم
عبير __ فديتسس ’’
مي __ اسمعي خليتس ثقيلة وبعدين خربيها هع
عبير __طيب
ام عبد العزيز __ يالله يامي تأخرنا على ابوك ,, طلعت ام عبد العزيز
مي __ طيب يمه .. يالله فمان الله ’
عبير قاطعتها__ عزوز تكفين يامي
مي__عبير انتي الحين متزوجة .. لو انك من قبل خليتيني اقول له كان تغيرت اشياء
عبير والحسسرة ماكلة قلبهاااا __ مي خلاص لا تقلبين المواجع ..
مي__ماحد يعرف وش كثر تحبين عزوز غيري ..
عبير__مي حتى ان تزوجت مو معناته انسى عبدالعزيز ..
مي__ عبير انجنيتي؟؟ جننك عزوز؟؟وش مو معناته تنسينه؟ عبير اصحي هالشي مايجوز
عبير__اييه انجنيت .. من اللي شفته اييه وحتى وانا متزوجه بيبقى قلبي معاه وحتى وهو مايدري
مي__دامك تحبينه ليه ماقلتيله
عبير وهي حاطة يديها على وجهها__مي تكفين اسسكتي بروحي مقهورة وقلبي محروق كنت غبيه ما كنت ادري ان عبدالله بيجي
مي__خلاص عبير انسي كل اللي فات .. صدقيني مع الايام والسنين بتنسينه
عبير__ بس انا غير .. مستحيل انساه ياخذني الموت قبل انساه
مي__اسم الله عليك ..
عبير__ تكفين معي لا تقطعيني من اخباره
مي سكتت بس هزت راسها بـ طيب ’’
طلعت مي … وجت ام فهد __ اقو ل عبير
عبير __ وش تبين ؟
ام فهد __ بيتكم بيبقى فاضي
عبير __ مايخصك .. انا بروح اشوف اغراضي
ام فهد إنقهرت من طريقة عبير ::::!

؛؛ في مجلس الرجال ؛؛
عبدالله __ وينها ادق ماترد
راشد __ اقول قل لعمهاا يناديها
عبدالله __ اصلاً مافيه الا كذا
راشد __ يالله انا بروح ’’ وإنت خذها ودق سلف لبيتكم هع
عبدالله __ انا جاي شوي بس خل عمهاا يجي عشان اقوله
راح راشد سلم على عمها وطلع ::
عبدالله __ ابو فهد
ابو فهد __ هلا
عبدالله __ ابمشي بالله ناد لي عبير
ابو فهد __ وين بدري
عبدالله__ لا يابعدي الوالده تدق من اليوم
ابو فهد __طيب ثواني
طلع ابو فهد عند عبير
ابو فهد __ عبدالله ترى يحتري
عبير بدون نفس __ طيب
ابو فهد __ يالله عجلي
عبير لبست عباتها وقالت لشغالة تنزل اغراضها لسيارة ’’ طلعت وعينها على بيت عبد العزيز // ركبت السيارة وقلبها تسمع دقاته من الخوف ’’ جلست قدام ذبحها البرد من مكيف سيارته بس ماتقدر تتكلم ..طول الطريق هي ساكته ,,
والى الان ماتدري كيف شكلة ولا لفت عليه حتى ’’
؛؛وصلوا للبيت؛؛

نزل عبدالله ونزلت عبير وراه ’’ دخلوا البيت عبدالله راح على طول للمجلس عند خالد ماشافها ولا هي شافته ’’
نزلت عباتها وعدلت شعرها ’’
ريم __ هلا نورتينا
عبير __ نورك
بشاير __ آ ي نور ياريم ؟
عبير من يوم دخلت وشافت بشاير كانت كارهتها كذا حتى قبل لا تعرف اسمها ’’
أمل __ ياهلا فيك
عبير __ هلابك زود
بشاير __ مسوية ذربة وبنت اوادم ؟
عبير ضاااقت بس بلعتها وسكتت ’’
كانت ام خالد جاية من المجلس __ تغطوا يابنات عبدالله بيدخل
عبير بغت تقوم من الصالة ’
عبدالله __ السلام عليكم
عبير اول مادخل حاولت تغطي صدرها بشعرهاا ::
ام راشد __ هلا يامك الف مبروك
عبدالله __ الله يبارك فيك
ام راشد __والله ياولدي فرحت لك من قلبي
عبدالله __ياجعلك تسلمين وعقبال راشد
ام راشد __ آمين
امل __ مبروك عبدالله
عبدالله __ يبارك فيك
بشاير __ مبروك ’ بس ترى فكرتها احلى من كذا
عبير ودها تقوم تكفخها وتتوطى في بطنها__ وش دخلك انتي .؟ لا تتدخلين
عبد الله مسك عبير بيدها __ خلاص ماصار الا الخير
عبدالله جلّس بالصالة ’ يسولف مع امه وخالته
ومو معبر عبير ولا حتى طالع فيها ’’
ام خالد __ هاه ياولدي وين بتسافرون
عبدالله __ والله مدري يمه
ام راشد__ وراه؟
عبدالله __ ابد بس عندي شغل بالنادي ماظن اسافر
ام خالد__ ماعلية ياولدي الشغل لاحق عليه طلع زوجتك وسفرها
عبير__لاخالتي مابي اسافر
ام خالد__ ليه يابنتي؟
عبير وهي تناظر عبدالله__ مالي نفس
عبدالله فهم انه تقصده ..
المهم
راحت ام راشد وبناتها وام خالد قامت نامت ’ جلست عبير وريم بالصالة
عبير __ دايخه ودي انام
ريم __ امشي ادلك على غرفتك
دخلت عبير الغرفة اخذت شاور وبدلت ملابسها وجلست تسوي شعرها ’ دخل عبدالله عبير تجمدت من الخوف
عبدالله __ مبروك
عبير بصوت واطي__ على وش؟
عبدالله بإبتسامه__ زواجنا
عبير __ ايه الله يبارك فيك
عبدالله __ بشاير ضايقتك ؟
عبير __ ماتهمني
عبدالله __ مدري اشوفك عصبتي
عبير حطت راسها على الطاوله اللي قدامها ::
عبدالله قرب وحط يديه على الكرسي اللي هي عليه __ وش فيك؟
عبير __ مافيني شي ..
عبدالله __لا فيك .. من يوم دخلتي البيت وانتي ضايقه …
عبير __ عبدالله غصب يكون فيني شي ؟
عبدالله ضحك __ لا مو غصب .. المهم براحتك

اخذ ملابسه وراح ينااام .. جلست عبير سهررانه ماتدري كيف تروح تنام جنبه ::!

__________
في بيت ام راشد
__________
بشاير جالسة بغرفتهآ تكلم شوق’’
شوق __ هلا بيشوو
بشاير __ هلا بك
شوق __ هاه اخبار ملكة ولد خالتك؟
بشاير __ شوق وربي قهررر اجل انا يخليني ؟ وياخذ وحدة من اقصى الناس؟
شوق __ النصيب
بشاير __ يالله عاد بكيفه
شوق __ ماعليك منه خلية يولي ’’
بشاير __ انا ابفهم كيف عرفها ؟
شوق __ ياختي يمكن اخوها معه بالدوام ’’
بشاير __ يمكن ’’ بس تخيلي حتى ملكتة ماعزمنا عليها كانت في بيت اهل زوجته
شوق __ وش فيه ذا ؟
بشاير __ مدري عاد ماشفناه الا يوم جاء هو وياها من بيت اهلها
شوق __ يمكن لانها ملكة مو عرس
بشاير __ مدري عنه قلعته
شوق __ هع وش فيك
بشاير __ مدري هع

____________
في بيت ام خالد
____________
قامت ريم وامها وجهزوا الفطور ’’
صحى عبدالله لبس وكشخ
عبدالله __ انتي مانمتي ؟
عبير بـ بحه __ لا
عبدالله __ ليه ؟
عبير __ ما جاني نوم
عبدالله ضحك بهدوء ويبي يحرجها __ لا فيك نوم بس ماتبين تنامين معاي
عبير جلست تطالعه وفيها النووم __ ابي انام ورمت بعمرهاا على السرير وراحت بسابع نومة
نزل عبدالله عند امه …
عبدالله __ صباح الخير
ريم __ صباح النور
ام خالد __ على وين ؟
عبدالله __ عندي شغل
ام خالد __ ياولدي لاحق على الشغل ’ توك معرس
عبدالله __ لا والله عندي شغل
ريم __ والله مدري وش تحس به ؟هع
عبدالله __ لا يكثر هاه
ام خالد __ متى بترجع؟
عبدالله __ الظهر
ام خالد __ على خير ان شاء الله’وترى عشاك الليلة عند خالتك
عبدالله __ طيب ’يالله فمان الله
طلع عبدالله لشغلة ’
جلست ام خالد وريم يفطرون
ام خالد __ عبير ماصحت ؟
ريم __ لا ’مانامت الا متأخره
ام خالد __ إيه اجل خليها
قامت ام خالد وراحت لغرفتها تنام ’ وريم جلست بالصاله على التلفزيون

صحت عبير الساعه 12 الظهر
جلست بغرفتها وماطلعت ’ اخذت جوالها ودقت على بسام بس مايرد..
ثم قامت صلت ورجعت جلست على السرير مالها خلق تطلع’
دخل عبدالله البيت ’ لقى ريم جالسه
عبدالله __ اووة الحالك ؟
ريم __ يب كلهم نايمين
عبدالله __ حتى عبير ؟
ريم __ يب
عبدالله __ طيب بروح ابدل ملابسي وبنزل
ريم __ تيت
طلع عبدالله لغرفته فتح الباب ’ لقى عبير جالسة على السرير ومتغطية بالفراش ومنزلة راسها’
اول مافتح باب الغرفه عبير على طول رفعت راسها بتشوف مين ’’
عبدالله __ صحيتي ؟
عبير __ ايه
عبدالله __ آهااا حلو ’ المهم ترى الليلة العشاء عند خالتي
ردت بصوت خافت __ طيب
عبدالله __ شكل مالك نفس
عبير __ اشوى انك تحس
عبدالله قرب منهآآ__ عبير ماعاشت البنت اللي تكلمني بهالطريقة
عبير__ عبدالله كيف تبيني اكلمك وانت ما خذني غصب ؟
عبدالله تفاجأ___ يعني مو انتي اللي وافقتي ؟
عبير __ لا مو انا ولا كنت ابوافق اصلاً
عبدالله __ زين .. اجل احمدي ربك,,, واخذ كم غرض ونزل على طول ::

’ عبير لبست سكيني ازرق وبلوزة بالون الاخضر وشعرها جعدته وحطت كحل اخضر وقلوس ومسكرا ولبست إكسسوار نااعم ’’ وتعطرت ونزلت ،،
عبير __ السلام
ريم __ هلا والله , اخيراً صحيتي وه جالسة الحالي
عبير وهي مبتسمه __ وش مجلسك الحالك؟
ريم __ ماجاني النوم
نظرات عبدالله لـ عبير مو عادية ’ حتى عبير حست وإنحرجت بس عبدالله عنده عاادي مايهمه..
المهم جهز الغداء وقاموا كلهم ’’
عبدالله كان مقابل عبير على الطاولة ’’ عبير ماخذت راحتها وهي تتغداء
ام خالد __ عبير يامتس تغدي
عبير __ لا الحمدالله شبعت
عبدالله __ ماعجبك الغداء ؟؟
عبير وهي ترفع قصتها عن عيونها __ لا ’ بس شبعت
عبدالله __ اهاا
ام خالد __ عافية
عبير __ يعافيك
ريم __ وشسمه متى بتروحون لخالتي ؟
ام خالد __ بعد المغرب ان شاء الله
ريم __ عبير بتروحين ؟
عبير __ مدري والله ’
عبدالله __ لا بتروحين ترى العشاء لي
عبير جلست تناظر به
ريم __ ومتى بنرجع؟
عبدالله __ مدري عاد
دق جوال عبير ؛
عبير قامت لصالة __ هلا بسام
بسام __ هلا فيك ، علومك
عبير__ ماعلي خلاف انت اخبارك؟
بسام __ بخير الحمدالله ,’ هاه كيف اهلة معاك
عبير __ والله ناس طيبين بالحيل
بسام__ الله يوفقك انتي تستاهلين
عبير __ الله يخليك لي
بسام __ آمين ’ يالله تآمرين بـ شي ؟ ماقدر اطول مشغوول بس قلت اخذ علومك
عبير __ لا عادي معذور .. أبي سلامتك
بسام __ يالله فمان الله
سكرت عبير ’’ وجلست بالصالة خلص عبدالله غداه وجاء لصاله
عبدالله__ من اللي داق عليك ؟
عبير مستغربة __ أخوي
عبدالله __ اهآآآ الا هو وش عندة بيسافر؟
عبير __ يكمل دراسته
عبدالله __ ليش ماكملها من قبل ؟
عبير وصلت معها __ رح إسأله
عبدالله جلس يناظر فيها مانزل عيونه__انتي وش قصتك بالضبط ؟
عبير تتكلم بسرعه ومستعجله عشان امه اوريم __ مافيني شي ,, بعدين تعال بسألك يومك تقول مانيب ماخذ الا عبير ؟ من متى تعرفني ؟
عبدالله ضحك ضحكه بريئه ___ وش فيك يابنت الناس معصبه ؟
عبير__لا والله ؟
عبدالله قام وجلس جنبهاا __ ابفهم ليه مزعله عمرك ؟
عبير دخلت جو ثاني مع عطره __ خلاص عبدالله
عبدالله __ طييب على راحتك

____________________
في بيت ابو راشد العصر
____________________

بشايرمستعجله __ يمه ليه انتي بتسوين له عشاء ليه قولي ليه ؟
ام راشد __ يابنتي تراه ولد اختي ..
بشاير __ يووه يمـه ’ طيب ذي بتجي معهم؟
ام راشد __ أكيد بتجي اجل انا ليش مسوية العشاء
بشاير __ اهاااااا
ام راشد __ روحي بخري البيت
بشاير __ طيب
راشد دخل وجلس بالصالة ’’ دق على عبدالله
عبدالله __ هلا رشود
راشد __ هلا بك’هاه وينك؟
عبدالله __ بالبيت
راشد __ اماا
عبدالله __ ليه
راشد __ ياشيخ مستغرب
عبدالله __ هههه
راشد __ اثر العرس يثبت هع
عبدالله __ ياخوك اعرس انت وجرب
راشد __ لا تكفى فكنا
عبدالله __ ههههههه
راشد __ يالله ابو عابد نشوفك شوي
عبدالله __ يالله فمان الله
_________________
في بيت ام خالد المساء
_________________

عبير كانت جالسة بغرفتها وريم معها ’’
ريم __ بصراحة عبير أحس انك مو مستانسه هنا
عبير __ لا والله بالعكس بس توني اجي هنا يعني باقي ماخذت على الوضع
ريم __ اهااا توقعت كذا
عبير __ بنت خالتك بتكون موجودة ؟
ريم __ قصدك بشاير ’ يب اكيد
عبير __ اهاااا
ريم __ هههههههه تراني استانس عليها هع
عبير __ اووما هههه
دخل عبدالله للغرفه ’’
عبدالله __ اووه ريم عندنا اليوم !
ريم __ لا عند الجيران هههه
عبدالله __ باللهي ههههه ,, اطلعي ريمو ببدل ملابسي
ريم __ يالله انا ابروح هع
عبير قامت وراها ..
عبدالله __ وين ؟
عبير بإحراج __ أبطلع
عبدالله وهو يفتح الكبت بلا مبلاه __ لا عادي خليك
عبير فتحت الباب وطلعت ’ عبدالله قهرته هالحركة لا نها سوتها وهو قاعد يتكلم ’’
لبس وكشخ ونزل تحت ’’
ام خالد __ هاه خلصتوا؟
عبدالله __ أنا خالص بس وين البنات؟
ام خالد __ عبير عند ريم بالغرفه
ريم __ هاااي جينا
عبير كانت تناظر عبدالله
عبدالله __ يالله مشينآ
ام خالد __ يالله
طلعت ريم وام خالد وبقت عبير كانت تلبس عباتها عبدالله كان وراها ’’
عبدالله وهو يعدل شماغه__ طالعه حلوه
عبير متعممده __ آدري

_______________
في بيت ابو راشد
_______________
ام راشد __ ياهلا والله ارحبوا
ام خالد __ هلابتس ياخيتي
ام راشد __ كيفكم يابنات ؟
ريم __ بخير
عبير __ الحمدالله تمام
ام راشد __ اجل عبدالله وينه؟
ام خالد__ عند راشد بالمجلس
نزلت بشاير لصالة ,,
بشاير __ آآآآآووف من بعض الناس
ريم __ اقول بشاير اخبارك؟
بشاير __ تسسرك اخباري’
ريم __ اي الحمدالله
بشاير __ الا اقول انتم كيفكم ؟
ريم __ حنا بخيرر
بشاير __ ايه اششوى
عبير بصوت واطي __ وين دورة المياه بروح اعدل مكياجي
ريم __ قومي معاي
بشاير __ على وين؟
ريم __ بوصلها دورة المياه
بشاير __ لا خليك انا أوديها
قامت بشاير مع عبير ’’
بشاير __ الا اقول ’’ من وين تعرفون عبدالله ؟؟
عبير __ سلالالالامات ؟ وش دخلك انتي
بشاير __ من جد بنت فقر
عبير معصبة __ إقلبي وجهك ولا عاد تسألين عن عبدالله
شاير __ مابقى الا انتي تمنعيني اسأل عن ولد خالتي ,,
عبير __ إنتي وش تبين بالضبط ؟؟
بشاير__منك ؟ مابي شي
عبير واصله معهآآآ __ اجل طسي عني ولا عاد تكلميني فاااهمه
بشاير __ بدون ماتقولين اصلا مايشرفني اكلمك

عبير مشت دخلت دورة المياه ’’ وسوت مكياجهااا

؛؛ عند الحريم ؛؛
ام راشد __ وين عبير ؟ الحين بنحط العشاء
عبدالله __ وينها فيه؟
ريم __ راحت لدورة المياة ولا عاد شفتها
بشاير __ عادي الحين تلقونها جايه
عبدالله__ هذي هي جات ,,
ام راشد __ هلا يا بنتي
عبير وضايق صدرهااا من اهل البيت __ هلا خالتي
ام راشد __ يالله بنحط العشاء تفضلوا
قام عبدالله راح للمجلس..
ام راشد __ تفضلوا
ام خالد __ زاد فضلتس
بشاير __ اقول خالتي .. عبدالله كيفه
ام خالد __ بخيرالله يحفظة
بشاير __ آآمين ,
عبير طلعت عيونها ذي وش دخلها ؟؟ لا حظت ان بشاير مزودتها
شوي الا دخلت أمل وساره بنتها ::
امل __ السلام عليكم
ام راشد __ هلا وراكم تأخرتوا؟
امل __ ابد بس خالد انشغل
بشاير __ اهم شي جيتي ’’ عطيني سارة عنك
امل __ اخبارك عبير ؟
عبير __ الحمدالله تمام وانتي ؟
امل __ بخير ..
المهم بعد العشاء جلسوا يتقهوون ’’
دق عبدالله على عبير ::
عبير __ هاه
عبدالله __ وش فيه صوتك ؟
عبير مالها خلق له__ مايخصك
عبدالله __ احترمي نفسك وتكلمي زين ولا والله لا اعلمك ان الله حق ..
عبير __ سلامآآآات ؟ ترى من جد واصله معاي من بنت خالتك
عبدالله __ بشاير
عبير __ يعني عارفها
عبد الله __ وش رايك بنت خالتي اكيد اعرفهاا , ليه وش فيها
عبير __ مدري عنك .. يله بروح انادي خالتي وريم

طلعت ريم وعبير وام خالد لعبدالله ..
""في السيارة ""
ام خالد __ هاه ياولدي لا تسرع الله يكفينا الشر
عبدالله __ لا ماعليك الطريق مابه احد
ام خالد __ ياربي سترك
ريم__عبير بشاير وش قالت لك؟؟
عبير بقصد __ تسألني عن عبدالله
ريم __ هع وش تبي فيه ؟
عبير __ اسألي عبدالله
عبدالله وهو يعدل عقاله __ خير؟ وانا وش دخلني بكلام بشاير
ام خالد __ الله يهداكم تسأل عن ولد خالتها
ريم __ ههههههه المهم عبير وش قالت
عبير __ كلام تافه
ريم __ عبوووره تغارين ؟
عبير متعمده تسوي هالحركه __ ايه اكيد اغآر …
ريم __ عبود "إلحق ههههههههه
عبدالله إبتسم ..
ام خالد __ الله يوفقكم يا عيالي
________________
في بيت ابو عبدالعزيز
________________
حي مني لاذكرته دريت اني بخير
صاحبن لاشافني ضقت منه ضمني!!

يشتعلبي لين يطفى على العرق الأخير
وانتشر له شوق واليا انتشرت أيلمني!!

ياتنداي الخليه على طاقة حرير
يامخوفني وقاطع رجاي ..وممني!!

ياأمل ياخيبته يامتاهه يامصير
خل قلبك لاتراخى الزمان أيزمني!!

مابي الدنيا أبيك أنت لأنك أنت غير
جيت [فحضانك طفل] وانت ابوي وسمني!!

شوف فوق وغن بسمي على اللحن القصير
وخصني في كل لمحة غرام وعمني!!

بشعل الدنيا عبير وبطفيها عبير
ولابنشد من مدحني ولامن ذمني!!

جيت للدنيا كبير..وبفارقها كبير
ومن زعل ماهمني ومن رضى ماهمني…

؛؛
عبدالعزيز فكر ان حبه لها نزوه والدليل انها تزوجت وراحت ولا حتى فكرت فيه .. بس كان تفكيرة كله غلط
..
جت مي ودخلت عليه بغرفته
مي __ عزوز
عزوز__ هلا
مي __ يالله ترى ( برزن بريك ) توه جاي
عزوز__ يالله الحين بنزل
مي __ يالله
نزل عزوز مع مي يتابع المسلسل ::

_____________________
في بيت ام خالد الفجر
_____________________
عبدالله كان بالصاله يتابع التلفزيون ..
عبير كانت منسدحة بغرفتها..
على الكنبة اللي قدام الشباك .. دق جوالها
عبير __ هلا
بسام __ هلا فيك عبورة
عبير __ يوووه بسام ’’ ادق ماترد؟؟
بسام __ والله ماكنت موجود عند جوالي
عبير __ اها طيب .. اخبار دراستك ؟
بسام __ بخير كلش تمام .. ومتى بتسافرون
عبير __ اهاا ’ لا والله مانيب مسافرة
بسام __ انتي رفضتي صح
عبير__ ايه
بسام__ الله يهديك ياخوك ليه ؟
عبير __ براحتي بسام
بسام __ اهم شي راحتك .. يالله تامرين بشي
عبير __ سلامتك
سكرت عبير من اخوها حطت راسها كانت نعسانة بالمرة ..دخلت عليها ريم
ريم __ يسعد صباحك شكلك هلكانه نوم
عبير __ تكفين ريم طفي الانوار
ريم __ اوك احلام سعيده ’ وانا بعد بروح انام
طفت ريم الانوار وطلعت وسكرت الباب وراها وراحت لغرفتها ,,
دق عبد الله على عبير ::
عبير بـ بحه __ نعم عبدالله
عبدالله __ ابيك تعالي
عبير __ عبدالله وش تبي ؟
عبدالله __ تعالي وبس
عبير __ مابي آجي فيني نوم
عبدالله معصب __ عبير انزلي ابيك
عبير __ طيب
نزلت عبير وكان المكان ظلام .. وقفت عند الدرج ماتحركت .
عبير __ عبدالله وينك؟؟
قام عبدالله جنبها __ هنا
عبير مسكته مع ذراعه لانها خايفه __ هاه وش فيك
عبدالله __ وش فيك خايفه كذا ؟ سهران وابي احد يسولف وياي
عبير __ والله !!؟
عبدالله __ هههههه
عبير __ اها سهران وتبي تسولف وانا نعسانه وابي انام
عبدالله قرب وباسهاا طلعت منه هالحركه لا إرادياً __ خلاص روحي نامي
عبير __ طآر النوم !
عبدالله __ اممممم وش السوآه ؟
عبير __ شغل الانوار..و امش نروح للمطبخ
عبدالله __ طيب يا دوبه

دخلت عبير المطبخ وفتحت الثلاجه و وقفت قدامهاااا
عبير __ وش تبي
عبدالله __ مشتهي آيس كريم افتحي الفريز وهاتي اكبر علبه وجيبي مشروب وامشي على التلفزيون ..
عبير __ طوويب جايه ..
راح عبد الله لصاله وراحت عبير وراه ..
جلسوا على الكنبه اللي قدام التلفزيون
عبدالله __ وش تبين تشوفين ؟
عبير __ اختار اي فيلم ,, شغل عبدالله الفيديو وراح جلس جنبهااا ,,
في نص الفيلم عبير غفت ونامت وراسها كان على كتف عبدالله ,, لف عبدالله عليها لانه حس بأنفاسهااا
رجع وباسها على جبهتهااا..طفّى عبدالله الفيلم واخذ عبير وراحوا ينامون ..

______________
في بيت ام خالد المغرب
______________
ام خالد __ ياويل قلبي ولدي تزوج
ريم __ ااااااااااابدن ماعليه خلاف
خالد __ هههههههههه والله يمه ماحد ضربه على ايديته هو اللي بغاها
ريم __ ههههههههههههههههااااي
ام خالد __ ياجعلني ماخلا منه واشوف عياله
خالد __ عاد هو عند العيال مايتحاج ههههههههااي
ام خالد __ ههههه الله يخليكم لي
خالد __ يالله راشد جايني ’ ريم إلحقيني بالقهوة
ريم __ طيب
قام خالد وراح للمجلس ::
خالد __ هلا ’ مسرعك إنزويت بالمجلس هههه
راشد __ اهب ’ تراني امون هع
خالد __ البيت بيتك بس امزح معاك هع
راشد __ وين ابو عابد؟
خالد __عند زوجته
راشد __ اووه مصبح بنت الناس هع
خالد __ اخوي واعرفه بيقروشها
راشد __ ياخوك زين مانزلت عليكم وهي حامل هههههههه
خالد __ اهب قل ماشاء الله هع
راشد __ ههههههههه
خالد __ واخبار العياده معاك؟
راشد __ وش اخبارة ؟؟ ناسن وجعانه هههههههههههه
خالد __ الله يقطع ابليسك ههههههههههه
راشد __ ههههه انا آدري عنك ؟ تسألني عن ناسن مرضانه خخخ
خالد __ اسم الله اسأل عن شغلك
راشد __ لا تعال داوم بدالي هع
خالد __ لا ’ وش ابي فيهم على قولتك ناسن وجعانه ’, تبيهم يوجعوني معهم هع
راشد __ هههههههههاااي

____________
بيت ابو عبد العزيز
____________
مي__ السلام
عزوز__ هلا ميموو
مي__ اخبار المبزره معاك؟ هع
عزوز__ كل ابوهم ازعاج هع
مي__هههههههااي ياتسبديه عن اخوي,ماتبي مساعدة؟ ماتبيني اداوم معاك ترى اهجدهم هع
عزوز__ ههههااي لا امرحي فيذا
مي__ هع هع عاد تعرفني على اخوياك وناصه هع
عزوز__ لا معصي والله لتبطين
مي__ اووما ابطي لية عزوزي؟ هع
عزوز__مي ابروح انام فكيني
مي__ هو انا ماسكتك اصلاً ؟ والله بديت اشك في وضعك هع
عزوز__ ههههههه هلوست من النوم يالله بروح

مسكت مي السماعه واتصلت على عبير //
عبير __ يااهلالا
مي __ والله مششتاقه لك اخبارك واخبار عبدالله
عبير __ انا بخير الحمدالله ..مي والله مدري احس معاملتي لعبدالله مو بكيفي
مي __ حلوه مو بكيفتس هع هع
عبير __ من جد مي
مي __ بالله عبير يعني كيف
عبير __ مدري صرت اعامله زي مايعاملني
مي__ وهو كيف يعاملك؟
عبير __ للحين زين . بس اوقات يعصب
مي __ يعصب منك صح
عبير __ ايه .. انا قبل ما ابلعه
مي __ ههههههههه ياسلام ! والحين ؟
عبير __ تقدرين تقولين تعودت عليه وبس
مي __ الله يحوله لحب يا خبله .. احد عنده عبدالله ويعافه هع
عبير بمزح __ هيييه إلزمي حدتس تراه رجلي هع
مي __ ههههههههههههههههه الله يخليكم لبعضكم
عبير __ اقول عاد اخبار عبد العزيز
مي__ والله تمااام .. عبير لا تتكلمين عن عزوز الا وانتي متأكده محد عندك مابي تصير مشاكل وانتي وضعك تو تعدل
عبير __ لا ولا يهمك محد عندي .. يالله مي تامريني بشي
مي __ ابي سلامتك يالغاليه .. انتبهي على عمرك ..
عبير __ فديتك فمان الله ..

:: بعد مرور ثلاث اسابيع ::
_________
بيت ام خالد
_________

عبير بغرفتهاا جالسه دخل عبدالله وراح يفتح الشباك ..
عبير__ لا عبد الله تراني مره بردانه
جلس يناظرها وقفت هي قدامه مستغربه قرب عبدالله منها وضمها
عبدالله وهو مبتسم__والحين وش تحسين فيه؟؟
عبير وهي ترفع شعرها وتبي تضيع السالفه__ ابروح انام
..
جاء عبدالله مشى بكل هدوء لين وصل وراها .. حط يديه على خصرها وقرب شفته من اذنها عبير إرتاعت ماتحركت كانت تحس بشفته على رقبتها في هذي اللحظة تذكرت موقفها مع عبدالعزيز .. بغت تبكي بغت تقول لعبدالله انها ماتبيه بغت وبغت و بغت بس سكتت ..وماحاولت تقاوم عبدالله سلمت نفسها له وكانت تبكي..
صحت الصباح وهي بأحضان عبدالله وراسها على صدره .. قامت واخذت شاور وكان تفكيرها كله بعبدالعزيز كانت تدري انه خطأ بس كانت تفكر لوانه يدري بحبها له كان تغيرت اشياء كثير واولها زواجها من عبدالله..
لفت لقت عبدالله صاحي..
عبدالله __ كم الساعه
عبير__مدري ساعتك جنبك

كانت عبير فاتحة الكبت ومشغوله بملابسها

عبدالله __ ماكلمك بسام ؟
عبير __ لا
عبدالله __ ولا يرد عليك ؟
عبير __ لا , ليه
عبدالله إبتسم بسخريه منها __ ما اشرهه عليه
عبير __ طيب احترم نفسك
عبدالله __ باللهي ؟؟ يعني انتي عارفه؟
عبير __ وش اعرف؟
عبدالله وهو يعدل شعرة__احد مايعرف ماضي ابوه؟
عبير هنا انقهرت وهي ماتدري وش السالفه حطت الملابس من يدها__ انت وش تقصد
عبدالله بـ بروود __ يعني بالله عبير ماتدرين ان ابوك قاتل؟
عبير شهقت وحطت يدها على فمها من الصدمه" يومه اخذ منها اللي يبيه طعنهااا
عبير بصراخ__ عبدالله الزم حدودك .. مو انت اللي تتكلم على ابوي
عبدالله وصلت معه قرب منها عطاها كف.. طاحت عالارض من قوته ..
عبير بصراخ ودموعها على خدها وخصال شعرها على وجهها وكانت جالسه على الارض__عبدالله الله يخليك اسكت
عبدالله __ وليه اسكت ؟ واللي راح ابوي؟؟
عبير وهي منهاره وتصرخ __ عبدالله انت مرريض
عبدالله مسكها مع شعرها__ شوفي عاد ترى عطيتك وجه بزياده .. احترمي هالبيت اللي انتي فيه واحترمي اهلة ..
عبير إنهارت وبكت حست انها خسرت كل شي اهلها والانسان اللي تحبه واخوها وحياتها ومستقبلها .. وحتى زواجها خسسارة باعت الانسان اللي تحبه عشان اخوها واخوها راح ولا حتى درى عنها..
طلع عبد الله وكأنه ماسوى شي .. حست ان كلام عبدالله عن اهلها خنجر بصدرها عبدالله حطم قلبها وحست بطعم القهر والحسرة..بعد ما اخذ منها اللي يبيه رماها ولا اهتم بمشاعرهااا ولا فكر فيها …

’, ’, ’,
خنـاجـر (( آلهم )) شقت الجوف تشقيق !!
إلين شفت بعيوني الدم منثوور !!
جلست أصارخ من جوف قلبي والمعاليق !!
وسط الاوجاع .. ينزف الدمع مقهور !!
ظلم دنيآآي مايعرفه واحدن بالمخاليق !!
إلا عليلـ.ن. طآآوع الهم مجبوور !!

// بقلمـــــي //

’, ’, ’,

بعد مرور 3 اشهرر

________
بيت ام خالد
________

دخل عبدالله غرفته وكان تعبان ونعسان ::
عبدالله__عبير؟؟
عبير والعبرة خانقتها وكانت معصبة__ وش تبي فيني؟
مو كفاية دمرتني وضيعت مستقبلي؟ماكفاك تشوفني اتشتت قدام عينك وانت تتشمت؟؟
مو كفاية اني ضايعه بهالدنيا ومالقيت الا انت؟؟ حتى لو ابطلع من عندك من ابروح له؟؟
عبدالله كان صدرة ضايق عليها__عبير
عبير بصراخ__عبدالله خلني بحالي
عبدالله__عبير انا تعبان وبنام..
عبير إبتسمت ودموعها تنزل__اللي مثلك لازم يرتاحون
عبدالله__عبير خلاص أزعجتيني اطلعي برى
عبير مسحت دموعها وطلعت وسكرت الباب ..

_ نزلت عبير تحت لقت ريم وام خالد وامل متجمعين ,,,
ام خالد __ ارحبي يا بنتي
عبير __ تسلمين خالتي
ام خالد __ عبدالله نايم
عبير __ ايه
امل __ اخبارك عبير ؟
عبير __ بخير كيفك انتي وكيف سارونه ؟
امل __ كلنا بخير عقبالك ان شاء الله
عبير إبتسمت …

دخل خالد
خالد __ السلام
ام خالد __ هلا وعليكم السلام تعال تقهوى
خالد __ ابشري .. اخبارك عبير ؟
عبير __ تمام الحمد الله .. جلسوا يسولفون .. قامت عبير لغرفتهآآآآ وسكرت الباب …
عبد الله ماكان لا بس قميص بس لابس بيجامته وكان نااايم … جلست عبير قدام الشباك تفكر بحياتهآآآ

أنكسرت من الفراق وشوف عيني
شوف عيني وأنت تـدري بـ{إنكسـاري}

كل ما مدّيت لوصالك يميني
رحت تتجاهل يميني مع يساري

حتّى صرت آشوف جرحك في يديني
في يديني لـ جور صدّاتك .. مـواري

حس فيها .. لا.. بلاها .. حس فيني
لاتعبرها .. لكن .. رد أعتـبــاري

وين مقفي؟ جعل منت .. بمنتويني
بالجفا . والخوف . وأنواع العـزاري

ياهلي . يانصف ربعي . ياخديني
يا مواني غربتي . يــاروح داري

ياشموخي . يا أنكشافي . يا دفيني
ياعلوّي . يابقائي . يا أنحـداري

يا بداياتي . يا مائي . يا أكسجيني
يا أندثاري . يا أعتدالي . يا أزدهـاري

يا بلادة حسّي . وقمّة حنيني
يا أختياري.لا ..يا عشواء .. أختياري

أعشقك من عادني في اوّل سنيني
لين صرت آخذ مع نفسي قراري

من عرفتك وأنت ثالث والديني
واللّجوء أليك .. يعني لك فراري

ضمّني خل الضرر بينك وبيني
الضرر من ضمّتك .. شي أضطراري

خل يدّينك من الجور تحميني
من جمودي عيشني .. لين أنصهـاري

كل ماضاقت بعيني .. يا معيني
أبتسمت وصار لي ليلي نهاري

فلا سكت.. تروح بالطيش اتحكيني
رجعي بطبعك وبسلوبك حضاري

ماذبحني فيك الاّ أنّك تبيني
وماسحرني؟ الاّ حكاك الأستعاري

لا حكيت آحس بشياء .. تعتريني
ويخشع قلبي وتطريلي طـوااري

آعشق حكيك وأحفظه يا ضنيني
حفظ أبن تيميّه لـ حكي البخاري

ولا سرحت آآحط يدّي في جبيني
وأرجي الله مايطوّل بـ أنتظاري

أدري أنّي عندك وأسألك ويني؟
داري(ن) لاكن ماكنّي بـداري

لين شيطاني تلفّظ كلمتيني
ورحت منّي ماتبي سمع أعتذاري

لا تبكّيني وتفرح عاذليني
لاتخسّرني بعد كبـــر أنتصاري

لاتخلّيني بعد فيضة كنيني
وأنت خابرني على الوصل .. أنتحاري

لاتروح بروحتك كلّن يجيني
ماني مكااابر .. ولا حتّى مدااري

أنكسرت من الفراق وشوف عيني
شوف عيني وأنت تدري "بإنكســاري"
""
جلست اخذت جوالها ودقت على مي..
مي__ هلالالا وااااااااالله عبير
عبير__هلافيك
مي__اخبارتس يالقاطعه؟ماتدقين ولا تسألين كن حنا مشطوبين من القائمه هع
عبير__بخير فديتس وانتي؟. لا والله بس وصارت مشاكل عشان كذا مانيب مع العالم
مي__اززقح..اوووف مشاكل!! مشاكل وش؟؟
عبير__مدري يا مي مدري منين طلعت لي
مي__ماعليك كل شي ينحل
عبير__لا يا مي
مي__عبير!! وش صاير معك؟؟
عبير__مي ابي الطلاق
مي__ هييه انتي مجنونه؟لا وربي مجنونه
عبير__وش فيك؟
مي__عبير انتي تمزحين ؟ يعني اكيد تمزحين صح؟
عبير__لا ما امزح
مي__يالخبَل خليتس لا تطلقين
عبير__مي إنتي لو كنتي مكاني وربي ما تتحملين نص اللي انا متحملته
مي__عبير وش صااير؟؟يعني عشان كذا انتي تركتي الدراسه؟
عبيرماتبي تقول لمي__ خليها ع ربك .. لا دراستي بكملها مستحيل اقعد بدون دراسه
________
في الدوام
________
كان راشد بمكتبه وتو المريض طالع من عنده .. دخل عبدالله
راشد__اوووه نووورت او عابد
عبدالله__تسسلم
راشد__انت عارف من متى ماجيتني هنا؟؟
عبدالله__من يوم توظفت دكتور هع
راشد__ ههههه..ايون عساك بس سالم
عبدالله__الحمدالله ماعلي خلاف
راشد__الحمدالله.. اجل وش فيك
عبدالله__راشد جايك ابقول لك شي
راشد__ وش؟؟
عبدالله بكل براءه__راشد انا احبهااا
راشد عيونه طلعت__من هي؟؟
عبدالله__عبير
راشد مندهش __عبدالله انت صاحي؟؟ يعني هو مافيه شي انك تحبها بس إنت تصير تحبها وانت قبل تكرهها ومدري وش بعد والله مدري انت كيف عايش..
عبدالله وهو حاط يديه على وجهه__راشد والله آحبهااا
راشد__إنت تحبها صح؟
عبدالله__ايه
راشد__طيب قول لها
عبدالله__ راشد وربي ندمان
راشد__ قول لها يادلخ
عبدالله__ راشد انت مو فاهم شي
راشد__طيب فهمني؟
عبدالله__مو البنت تكرهني
راشد__طيب؟
عبدالله__وش طيب إنت و وجهك
راشد__انا لو اني مكانك الله لايقوله طبعاً .. كان قلت لها
عبدالله__لو إني داري اني بتعلق فيها كان ماتزوجتها
راشد__ هاااااه إنت قلتها تعلقت
عبدالله__راشد الله يخليك إفهمني
راشد__مالك دواء ههههه .. تقدر تعدل كل شي سويته
عبدالله __ ماقدررر .. من جد ندماان انا مو بعقلي يوم فكرت انتقم منهااا
راشد __ ابو عابد كلمهاا واذا ودك انا بعد اكلمها لك
عبدالله __ لا راشد خلك بعيد عن مشاكلي كفايه عليك المرضى,, يالله انا بمشي
راشد__فمااانوه يابو عابد

__________
في بيت ام خالد
__________
عبير وريم كانوا جالسين على التلفزيون .. ام خالد كانت تكلم اختها ام راشد ..
ريم__عبير وش فيك؟
عبير__مافيني شي!
ريم__ وش رايك نطلع لـ السوق؟
عبير__ اي والله ياليت
ريم__ آآآوك لا جاء عبدالله رحنا معاه
ام خالد__ وين بتروحن؟
ريم__للسوق يايماااه
ام خالد__ وصمه .. منتن رايحاتن الحالتسن
ريم طلعت عيونها __ اجل من بيروح؟
ام خالد__ خلن عبدالله ينزل معتسن
ريم__اووووماا عااد
عبير __ ههههه
عبدالله__ السلام عليكم
ام خالد__هلابك ياولدي
عبدالله__يااااحييييه يمه تراني جوعااان
ريم__ ابدن غداك جاهزز وانا اللي بحطه لك
عبدالله__ وراك شي؟؟
ريم بـ براءه__ابي السوق
عبدالله__ ههههه والله اني داري .. من بيروح
ريم وهي قايمه__انا وزوجتك
عبدالله__ على خير ..
عبير كانت قايمه مسك عبدالله ايدها
عبدالله__خليك جالسه
عبير__ لا عبدالله بروح ارتاح
عبدالله__طيب
ام خالد__ وش فيها؟
عبدالله__ مدري بس اكيد تعبانه
ام خالد__ماتشوف شر

___________
في بيت ابو راشد
___________
ام راشد__راشد ياولدي ابوك بيجي
راشد بفرحة__ الحمدالله.متى كلمك؟
ام راشد__من شوي الحمدالله على كل حال
بشاير__ الحمدالله على سلامته
ام راشد__ اي والله ماصار شغل ذا
بشاير__يمه حيلك فيه لاجاء إستلميه هع
ام راشد__ بدون ماتقولين يامتس
راشد__هههههه الله يعينه هع
ام راشد__ يالله مثل مافرحتني برجعة ابو راشد تفرحني بزواج راشد
راشد__آمين يالغاليه
بشاير__ يمه يمه وانا مثله بعد هع

_______________
في بيت ابو عبدالعزيز
_______________
؛؛

تضيق بي الدنيا بكبرها من معابيـس الوجيـه
و هاذاك لامنه تبسـم شفـت للدنيـا طـرف

مني و الي احببته و هو حبنـي منـه و أليـه
من غير لا أنا أعترف ومن غير لا هو يعترف

ليه آتحاكـا و كل أبـوي يعـرف غايـة كل أبيـه
اليا فرح و افرح و دمعـه لاذرف دمعـي ذرف

اغليه يعني اعشقه اعشقه يعنـي امـوت فيـه
يعني أنا ميت معا عشقـه و مرتبـة الشـرف

ميت و يعشق و السبب ما فيه داعي ان آحكيه
الغيـد فالدنيـا هـواه وهـو لحالـه محتـرف

الشامخ اللي لا أقبل و حضن يديني فـي يديـه
تراعدت فرايسـه بالغنـج و أتساقـط تـرف

امشي معه من غير لا اين و لا كيـف و ليـه
من حيث ما يجرفني آغمض عيوني و أنجـرف

ان قال لا أقول لا وان قـال أيـه اوقـول أيـه
ماأعرف ماأسمع ما أرى ما أرى ماأسمع ماعرف..

اللي اعرفة انـي أبيـه يتجمـل بـي و أبيـه
و كان العدل في صدته سجلني اكبـر منحـرف..

يغفرلـي الله و الله يديمـه و يرحـم و الديـه
علمني ان البعد نكسة حـال و الصـده قـرف..
؛؛
عبدالعزيز__السلام عليكم
ام عبدالعزيز__هلا وعليكم السلام
مي__ارررحب عزوزي هع
عبدالعزيز__البقى هع
ام عبدالعزيز__تعال ياولدي اجلس بكلمك
عبدالعزيز__خير يمه امري؟
ام عبدالعزيز__يامك انا ابفرح فيك وازوجك .. وش قلت؟؟
عبدالعزيز اول من جاء في باله عبير بس ذكر انها متزوجه قال وهو متردد__اللي تشوفينه يمه
مي مو مستوعبه __ الحين من بيزوج الثاني ؟ امي بتزوجك ولا انت بتزوج امي ؟ هع
عبدالعزيز__ عاد تخيلي ههههههههااي
ابو عبد العزيز__ هاه وش صاير ؟؟
مي__ إإإإإإإإلحق يابو عزوز ولدك بيعرس هع
ابو عبدالعزيز__ هذي الساعه المباركه مانيب قايل لا .. مناي اشوفه معرس ومستانس
عبدالعزيز__تسلم يبه ,, يالله انا طالع
__________
في بيت ام خالد
__________
ريم__ياعبيررر يالله بسرعه
عبير__طيب الحين جايه .. طلعت عبير من غرفتها مسرعه لقت عبدالله قدامها كانت واقفه تنتظر عبدالله يبعد عشان تمر .. عبدالله قرب منها وعطاها شفه بسرعه ومشى ولا لف وراه
عبير تنهدت بقوه وراحت لغرفة ريم ولبست عباتها هناك ونزلت هي وياها ..
ام خالد__لا تأخرن تراني حاسبتن الوقت
عبير__لا ماراح نتأخر ماعليك
عبدالله__ لا يمه معاي
ريم__يمه باللهي من بياكلنا هع
عبدالله__ريمو لايكثر امشي يالله
ريم__عبدالله اذا نزلتنا وين بتروح؟
عبدالله__ مانيب رايح مكان
ريم__يعني بتكون بالمجمع
عبدالله__ايه..ليه؟؟
ريم__لا بس يعني بغيت نطلع نتعشى بعد مانتسوق
عبدالله__ايه .. خير ان شاء الله

×؛بالمجمع؛×
ريم__الله ناس كثيرين واجد هع
عبير__ اسكتي لحد يسمعك هع
ريم __عبيرشوفي البنات يسولفون مع الشباب عادي وش رايك انا اروح ادقها سالفه معهم ؟
عبير__ اووماا هع
ريم__ عاد والله عبدالله ليلعن خامسسي هع
عبير__ هههههههااي
ريم__ يالله امشي بس نفرفر
عبير وريم فرو المجمع فر من محل لمحل ..
عبير__رييييم وقفي خلاص ماعاد اقدر اوقف
ريم__ وش فيك هع
عبير__ وقفي لا اهفك بالاكياس
ريم__ هههههههههه عبير وش فيك ؟ هع
عبير__ الله يا خذ عدووك مشيت لين رجولي اوجعتني
ريم__ هههههه آمشي ننزل تحت عند عبدالله
عبير__ يالله بس تكفين امسكي هالاغراض عني
مشت عبير وريم عند عبدالله ..كان جالس بالحاله ويشتغل بجواله
عبدالله__هاه خلصتو؟
ريم__لا باااقي شوي
عبدالله__ وش شوي؟
ريم__نبي نروح نتعشى بالمطعم اللي على راس الشارع وبنمشي شوي
عبير__ رريييم لا والله مافيني حيل خلينا نرجع البيت
عبدالله__لا بنروح نتعشى بالمطاعم اللي هنا بالمجمع ..
ريم__بس مو شغلي مره ثانيه تطلعني لهالمطعم
عبدالله__تامرين ههههههههههه
قام عبدالله وعيون البنات معاه وهو يمشي بثقه .. عبير وريم كانوا يمشون جنبه يوم وصلوا عند جهة المطاعم
رفعت عبير عينها وهي تعدل طرحتها جت عينها بعين عبدالعزيز .. هِنـا حست كل شي وقف حتى هي وقفت ماعاد قدرت تمشي ماتدري من التعب ولا منه كان ودها تركض له وتضمه وترتمي بأحضانه وتشم ريحت ثيابه .. تمنت تقول له انها تحبه وتقول له وش سوت الدنيا فيها وتطلع كل اللي بقلبها..
عبدالله__عبير وش فيك واقفه؟
عبير ودموعها تنزل__عبدالله تعبانه
عبير عيونها كانت على عبدالعزيز ماعاد تدري هي وين .. تبي تحفظ ملامح وجهه كان يضحك مع اخوياه ومستانس .. كانت بس تتمنى في هاللحظة ان عينه تجي بعينها مرة ثاينه .. كانت تبيه يشوف دموع عينها لعيونه ويعرف انها تحبه وتبيه ..
متعب__ عزوز شف ذي تناظرك لايكون تعرفك؟هع
عبدالعزيز__لا يابو وش يعرفها فيني
متعب__غريبة تطالعك ومعهاا اهلها
عبدالعزيز__ مدري وش فيهااا
""
عبدالله__ريم خذي عشاك ويالله مشينا
ريم بيأس__عبير حرام ماخليتيني اتعشى
عبدالله__ريم يالله
عبير__ريم مو وقته
ريم ستغربه ان عبير تكلمها بهالطريقة
طلعوا من المجمع وعبير كل لحظة تلف ورا .. بالسياره كانت جالسه وحاطه راسها على الشباك وريم كانت جالسه ورا ..
عبدالله__عبير اوديك للمستشفى؟؟
عبير ودموعها على خدها__لا ابي اروح للبيت
عبدالله وهو يطلع منديل__خذي مسحي دموعك
عبير اخذت المنديل بس بعد ثواني إنفجـرت تبكي بأعلى صوتهاا
عبدالله ارتاع__عبير وش فيك وش صار؟
ريم__عبير وش يوجعك
عبير كانت تصيح من قلبهاا لدرجة انها ماسمعت لا عبدالله ولا ريم ..
ريم وهي ميته خوف__عبدالله سو شي البنت لا تموت
عبير وهي تصييييح__ عبدالله طلقني
عبدالله منصدم __ عبير ؟؟؟!!!!
عبير__ عبدالله انا صابرررره طول هالفترره والحين خلالاص
عبدالله __ وليه ماتكلمتي الا الحين
عبير بيأس __ لاني غبيه .
عبدالله__ عبير اسكتي ولا كلمة لاني موب رايق لك
عبير جلست تطالع فيه بكل براءه ودموعها على خذها ,,,

وقفوا عند باب البيت ..
ريم وهي تغير الموضوع__هذي سيارة خالد
عبدالله__ اي والله هي .. وش عنده
نزلت ريم ودخلت وعبير نزلت مسكها عبدالله
عبير وخررت عنه ومشت

دخل عبدالله وعبير .. لقوا امل وخالد قدامهم
عبدالله__ السلام عليكم
خالد__ هلا وعليكم السلام
عبدالله__علومك
خالد__بخير وانت
عبدالله__تمام ..
خالد__اخبار النادي ؟
عبدالله__ ابد على حاله من يوم فتحته
خالد__الله يوفقك .. اخبارك عبير
عبير__بخير
امل__ علومك عبير واخبار دراستك؟
عبير مالها خلق لـ امل__ بخير .. بكمل بعدين
امل__ايييه مو عدله اصلاً ان الوحدة تتزوج وهي تدرس
عبير__ طيب؟
عبدالله__ ليش مو عدله ؟؟ لا صار يحبها عدله
امل__انا ماقلت شي
عبدالله__ادري
عبير__ يالله اعذروني بروح فوق ارتاح
خالد__ معذورة
امل__وين بدري
عبير__ بروح انام
ريم__ ماعليه امل اعذريها تعبانه
امل__ معذورة عبير
قامت عبير وراحت لغرفتهااا …
فتحت غرفتهاا وهي متحطمة وصورت عبدالعزيز في بالهاا..تسندت على الباب وتنهدت وهي حاطه يدها على قلبها..راحت ورمت بنفسها على السرير .. دخلت ريم ووقفت عند الباب
عبير__وش فيك؟
ريم__انتي اللي وش فيك ؟؟ عبير وش صار لك قبل شوي
عبير__ريم مدري
ريم__اجل من يدري؟؟
عبير__الله يخليك ريم لا تسأليني
ريم__ عبير!! معقولة مافيك شي ؟ كنتي تمشين معنا وعادي وش اللي غيرك بعدهاا ؟
عبير ماقدرت تتحمل كلام ريم جلست تصيح .. ريم إرتبكت راحت سكرت الباب وجلست عندهاا ..
عبير __ رييم وربي نفسيتي تعبانة خليني تكفين
ريم__ابخليك الحين عشان ماتجي امل وتشوفك بهالحاله
طلعت ريم وبالها مشغول بعبير .. دق جوال عبير ردت بسرعه
عبير وصوتها مبحوح__هلا مي
مي__هلافيتس وش فيتس
عبير__مي انا شفته اليوم
مي__يمه !! من شفتي؟؟
عبير وهي تشهق__شفت عبدالعزيز يامي شفته
مي متفاجئه__عبير وش سويتي؟ وكان احد معك ؟ وش سوى عزوز؟
عبير__ ماقدرت امشي وفقت مكاني بغت اطيح يوم شفته اللي معي ريم وعبدالله ..
مي__ وعزوز شافك ؟ اعرفك؟
عبير__ لا يامي لا
مي__عبير انتي صاحية ؟ يعني عبدالله معك يوم شفتي عزوز وعادي عندك؟؟
عبير وهي تصيح__مي وش تبيني اسوي؟؟انتي مستحيل تفهمين احساسي لا نك ماجربتيه مي انا ضعت و تشتت وتحطمت وفقدت اهلي مابي من هالدنيا شي والله مابي شي ابي بس الانسان اللي احبه ابي بس يصير شي انا ابيه ..
مي ببرود__عبير هدي نفسك ترى مافيه شي يستاهل تزعلين علية
عبير معصبة__الى متى يا مي وانا اهدي نفسي ؟
مي__ فديتك يا عبير قسسم حاسه فيك ,, اسمعي انا بخليك ترتاحين وبعدين بدق

نامت عبير ودموعها على خدها وجوالها كان جنبها ..

**الضيــق ذابحني من الامس لـ اليـوم !! **
** والحــزن عندي واصلن كل حده **
** قدرت أضيع وقتي ذا ,, بالنوووم !! **
** بس المصيبــه !! كيف بكره وبعده ؟؟ **

راحت ريم وجلست بالصاله ..
آمل__اقول ريم عبير وش فيها؟
ريم__مدري
آمل__ وش دعوة ترانا اهل!
ريم__ ياربيه انتي وش فيك ؟ داريه ان حنا اهل .. يعني لازم يكون فيه شي ؟
امل__ لا بس وش فيها
ريم__ والله مدري ..وش فيك انتي؟
خالد__خلاص يا امل
امل__طيب..انا ماقلت شي
عبدالله__سارونة تعالي لعمك ياكتكوته
ام خالد__ الله يرزقك ياولدي ويصلح ماعطا اخوك
عبدالله__ امين يالغاليه

______________
في بيت ابو عبدالعزيز
______________

ياللي غرامك جاريٍ في وريدي
لا .. وش غرامك جاريٍ في وريدي

استغفرالله لو بقول ان غرامك
ما باقي إلا يطبع اسمك على ايدي

لأنك بصدري و أنت منته بصدري
تطلع مع أنفاسي و ترجع يا سيدي

اليا طلعت أحس كني أشوفك
و آنقص أنفاسي ذكاء .. يا ضديدي

أخاف تطلع و لاعاد ترجع
و اشفق على شوفتك و اقول زيدي

فهل علمت عن جنوني يا آنف
اني لمجنون النشاز المجيدي

لبيك يا سلكا حملت الفضائل
أوعز لصاحبك بتحرير قيدي

يعني بحكينا .. لبى و الله عروقك
متى تعيد في عيوني يا عيدي

ثقفني بوصلك مثل ما تثقف
شعار جيلي من ثقافة قصيدي

لو ضلع عيني حس موطى وصالك
لا طاح حيده و لا طاح حيدي

تخيل اني من كثر ما اتخيل
اتخيلك تدعي و احسب انك ميدي

يا خي ترى جننتني بالمفارق
جننتني و انا بعدني يا جيدي

لكن مع الله كل بلوى بخيره
أنا ذكاي من التجارب رصيدي

اذكرني اليا من سمعت بغرابه
اليا سرى فعروق مخك جديدي

و أنا بعد لا من ذكرتك يا غالي
باسجد لوجه الله و بـ أقبل ايدي
؛؛

عبدالعزيز جالس بغرفته يفكر بكلام امه عن خطبته .. دخلت علية مي
عزوز__ خير؟ دقي الباب
مي__ لا دفي الباب هع
عزوز__ الزبدة؟؟
مي__وش فيك عزوزي ابسولف معاك
عزوز__طيب؟؟
مي__عزوووز
عزوز__هاه؟
مي__علامك؟
عزوز__مدري افكر بكلام امي .. انتي وش رايك
مي__ عزوز مدري هذي حياتك ماقدر اقول شي
عزوز__انا قلت رايك.. ماقلت انتي قرري
مي__اهاااا قل تسذا هع شوف اخوي انت باقي ماخطبت ولا تدري متى بتخطب يعني معك وقت تفكر
عزوز__امممممم طيب
مي__هههههههآآآي
عزوز__ انتي تكلمين عبير؟
مي__ ايه
عزوز__كيفهاا؟
مي__ مدري عزوز اخر مرة كلمتها كانت تعبانه
عزوز __ وش فيهااااا
مي__ مدري ماقالت
سرح عزوز يفكر ..
مي__هيييه وين؟
عزوز__هاه
مي__اقول مع السلامة
عزوز__معك الله
مي__يمه ماصدق على الله هع
طلعت مي وهي ودها تقول له ان عبير تعشقه وانها تعبانه عشانه بس ترددت وسكتت عن الموضوع..
عبدالعزيز راح وانسدح على السرير وهو يتنهد ..

_______________
في بيت ام خالد الضحى
_______________

ام خالد__ رييم
ريم__هاااااااااااه يماااااااااه
ام خالد__تعالي ابيتس
ريم__الحين بجي
ام خالد__تعالي يابنتي جهزي معاي الفطور
ريم__ طيب تامرين
ام خالد__ الله يرزقك يابنتي
ريم__ امين

عبير جالسة بغرفتهاا وهي بعالم ثاني .. دخل عليها عبدالله
عبدالله__ وش فيك عبير؟
عبير بـ برود__ عبدالله طلقني
عبدالله مصدوم__ وش فيك انتي؟
عبير__ انت سمعتني
عبدالله__ وش صاير لك؟ تراك ازعجتيني كل شوي جايبه سيرة الطلاق
عبير__ عبدالله خل عندك كرامه اقولك مابيك
عبدالله عطاها كف __ مو انتي اللي تقولين لي هالكلام فااهمه
عبير متحطمه حيل __ مابيك والله مابيك انت ماتفهم كم مره قلت لك
عبدالله وهو مبتسم__ اصلاً مايهمني , طلع عبدالله وتمنى انه ما مد يده عليهاا
ام خالد__ تعال ياولدي افطر معاي
عبدالله__ تسلمين يالغاليه . الله لا يحرمنا من هالفطور
ريم__ ماصحت عبير؟
عبدالله__ مدري عنها
ام خالد__ افطر الله يخليك لي
ريم__ بقوم اشوفها
عبدالله وكاسة العصير بيده__ يالله فمان الله يمه
ريم__ وين توك مافطرت
عبدالله__ مشغول عندي مشوار
ام خالد__ الله يحفظك
قامت ريم عند عبير وفتحت باب الغرفه .. لقت عبير منسدحة على الكنبه وشعرها على وجههاا
ريم__ عبير؟
عبير معصبة__ هاه وش تبين
ريم__ وش فيك قالبه
عبير__ ريم تعبانه مابي اشوف احد
ريم__عبير نروح للمستشفى؟
عبير__لا
ريم__ ليه عبير؟
عبير__مانيب رايقه
ريم__عشاني عبير الحين السواق جاي
عبير__ريـ..!
قاطعتها ريم__ ماراح نتأخر
عبير__طيب
ريم__ وه اخيراً رضيتي .. نزلت ريم ركض واتصلت على سواق بيت خالتها وقالت له يجي
ام خالد__وين على الله
ريم نصاابه __ يمااه بروح انا وعبير المدرسه عشان اخذ الملف حقي
ام خالد__ متأكده ان المدرسه مفتوحه
ريم__ يب تو خوياتي داقين علي
ام خالد__ طيب لا تتأخرين
ريم__ اووك
راحت ريم لغرفة عبير..
ريم__ خلصتي؟
عبير__ ايه
ريم__ يالله ترى السواق تحت مانبي نتأخر
عبير__ طيب البس عباتي واجي
لبست عبير عباتها وطلعت هي وريم ..
عبير__وش اقول لاوصلت
ريم__ هههههههههه والله مدري

×؛بالمستشفى؛×
دخلت عبير الغرفة وريم انتظرت برى الدكتور كان راشد..عبير ماعرفته بس هو عرفها
راشد__انتي عبير؟
عبير__ ايه
راشد كان ساكت..
عبير والنوم فيها__ وش فيه؟
راشد__ الحمدالله مافيك شي .. بس انتبهي انتي حامل
عبير عيوونها طلعت بغت تصكه بالدباسه حقت الاوراق__وش تقول انت؟
راشد__وش فيك اختي؟؟
عبير شوي وتصيح __ متأكد
راشد__ايه متأكد
عبير قامت وهي كارهه اللي في بطنها .. طلعت عند ريم وهي مو بالعالم
عبير__خلينا نمشي
ريم__وش قال؟
عبير__خلينا نمشي
ريم__عبير وش قال لك
عبير حطت راسها على الجدار__حامل
ريم كانت طايره فرحانه لدرجة انها مالاحظت على عبير معالم الحزن__الف مبرووووك
انتظري امي بس تسمع بهالخبر بتطير من الفرحة
عبير__ الله يهنيكم .. بس خلينا نمشي من هنا
طلعت عبير مع ريم والدنيا ضايقة عليها ..
اخذ راشد جواله ودق على عبدالله..
عبدالله__هلا رشود
راشد__هلا ابو عابد اخبارك؟
عبدالله__تمام وانت
راشد__بخير .. اخبارك مع عبير؟؟
عبدالله__ ابد تبيني اطلقها
راشد منفعل__ وشلوون؟ وانت وش قلت؟
عبدالله__ماقلت لها شي
راشد__عبدالله انتبه تطلقها
عبدالله__ وراه؟؟
راشد__ هي توها طالع من عندي الحين
عبدالله __ ليه وش فيهاااا ؟
راشد __ مافيها شي بس حامل
عبدالله مرتبك __ من جدك؟
راشد__ وش فيك عبوود والله من جد
عبدالله __ راشد هي تبيني اطلقهاا
راشد __ لا ياعبدالله لا تطلقهاا انتبه تسمع كلامها وتطاوعها ,,
عبدالله مره طاير من الفرحه __ الله يفرحني بشوفته
راشد__ مبرررروك
عبدالله __ الله يبارك فيك عقبالك

((عرفت بحياااتي لوعة الوقت والحرماااااااان))
(( وعرفت العذاااب وتعبت اميز الواانه ))

______________________
في بيت ام خالد
______________________
ام خالد __ الف الف مبرررروك يا بنتي والله اني ابطير من الفررررحة
عبير منزلة راسهاا __ الله يبارك فيك
ام خالد __ اكيد عبدالله بيستانس لا درى
عبير __ انا تعبانة بروح انام ..
ريم لحقت عبير __ عبير !
عبير __ نعم
ريم__ليه زعلانة
عبير __ مو زعلانة بس خايفة شوي
ريم__من وش
عبير__ مادري خايفه من الحمل
ريم__ ههههه لا عادي والله كل البنات قالوا كذا بالبدايه وبعدين عادي
عبير بجديه __ بس انا ابي اتطلق
ريم علامة استفهاااام على وجههااا__ عبير !!
عبير __ ايه لا تطالعيني كذا ابي اتطلق ,, تحملت وسكت لمتى يعني ؟؟
ريم__ وش فيك عبير وش صاار ؟
عبير انهاارت وبدت تصيح ___ ريم انا حرررمت نفسي من شي انا ابيه ابيه لو ابيع هالدنيا كلهااا لو اوقف في وجهه الكل عشانه .. بس انا مكتوب علي الحرماان لين امووت ,, ريم انا غلطانه لاني طاوعت اخوي انا الغلطانه ضحيت عشانه وش اخرتهاا ؟؟ راح وخلاني ولا حتى فكر انه يتصل طوول هالفتره ولا كنه جبررني اسوي شي مابيه !!
ريم واقفه متجمده بكانهااا انصدمت في اللي سمعته ___ عبير وش فيك انتي هالايام مو عاجبتني
عبير حاطه ايدها على فمهاا ___ انا مجبورة على عبدالله
ريم منفعله__ طيب كان رفضتيه
عبير بصراخ __ وشلون ياريم وانا ماعندي احد وشلون اقعد عند عمي وعمي بوجهي يقول انه مايبيني واني ثقيله عليهم ..
ريم__ عبد الله يدري ؟
عبير __ ايه يدري بس ماتفرق معاه اصلاً
ريم__ والله يا عبير ان عبدالله طيب وبتشوفين
عبير __ وانا ابنتظر لين اشوف ؟ لا ياريم مابه احد صبر على حررقة القلب مثلي
ريم __ طيعيني يا عبير ولا تطلقين
عبير جلست تناظر فيها وعيونها مليانه دموع__ريم انا مقهوورة ومغبونه ومتحسفه
ريم__ على وش ياعبير
عبير__ لا ني بس طاوعت عمي واخوي وتزوجت عبدالله .. اقسسم برب الكون عبدالله دمرني وزياده
ريم__ عبير ليه عبدالله وشش مسوي ؟؟
عبير __ بعدين يارييم انا الحين مره تعبااانه ونفسيتي زفت
ريم__ اخليك على راحتك انا بروح وبجيك

طلعت ريم من عند عبير … وهي مو مصدقه ان عبد الله اخوهآآآ
عبير جلست بغمررة جراحهاا وعناد الدنيااا لها .. كل اللي مااااتبيه صااار …………
جلست و هي تحس انهااا ضايعه , محتاااره , كارهه حالتها ونفسهاا , وكارهه كل شي يتعلق بـ عبدالله ,, عقب ماصدمهاا بأبوهاا وعقب ما انصدت هي بحقاارته ونذالته وقلبه الاسود …….. كعادتهاا عشان تهرب من هذا كله جلست تفكرر بـ عبدالعزيز .!!

((لاضاق صدري دون كل الخلايق,,,وحسيت ان القلب تبكي ركوونة))
((ذكرت منهو لا لفا الصــدر ضـايـق,,,اقبل يجـر الصووت << لاتضايقونه>>))
((وضحكت كني طوول هالوقت رايق ,,, مدري لصـوتـه او لخـاطر عيـونه )) !!

رجع عبدالله للبيت وهو مرره فرحاان …
ام خالد __ الف مبررروك يا ولدي الله يصلحة لك
عبدالله __ الله يبارك فيه يمه ان شاء الله انتي اللي تربينه
ام خالد وهي تضحك ___ ان شاء الله .. وراحت للمطبخ
عبدالله __ .. عبير وين ؟؟!
ريم __ بغرفتهاا .. عبود هي زعلانة ومتضايقة حيييل وماتبي احد يكلمهاا
عبدالله __ لا عادي ماعليك انا بروح اكلمهاااا

عبدالله وهو حاط يدينه على خصره وشعره ناازل على عيونه__ ليه متضايقه ؟ كل هذا عشانك بس حامل
عبير__ لا .. لاني مابيك اصلاً
عبدالله وصلت معه ___ ليه مو مالي عينك ؟
عبير __ لا طاااايح من عيني
عبدالله مسكها مع يدهااا ___ قسم بالله لولاك حامل كان علمتك قدرررك ..
عبير __ عبدالله خلني كفااايه اللي جاني منك
عبدالله __ عبير انا غلطان وندمان
عبير__ عقب وش ؟ عقب ما عذبتني وكرهتي بحياتي ؟
عبدالله واصله معاه من اسلوبهاا __ كل شي ينحل ..
عبير __ وانا مابي اي شي ينحل ..ابي الطلاق وبس ..
عبدالله __ وانا ماراح اطلقك لو وش يصير .. فاهمه ؟

اخذ عبدالله ملابسه وطلع من غرفته وهو متعذب من شكلها تعبانه وكان يلووم نفسه كل ثاانيه ..

_________
في بيت ام راشد
_________
ام راشد __ الله يرزقهم الذريه الصالحه
بشاير ___ من هم؟
راشد __ بلا لقافه
ام راشد __ عبير حامل
بشاير __ اي بالطقاق
ام راشد __ عيب يابنتي
راشد__ سلامات ؟؟ وش فيك على البنت ؟ تراها ماسوت لك شي
بشاير__ يممممه كل ذا عشانهاا,, وقامت لغرفتهااا
راشد __ ههههه وش فيها ذي

_________
في بيت ام خالد
_________
ام خالد __ ريم روحي نادي عبير خليها تجي تتقهوى معناااا
ريم وهي تطالع عبدالله __ طيب يممه

جت عبير وريم .. عبير كانت لابسه قميص اسود وسكيني جينز .. ورافعة شعرهااا
ام خالد __ ليه وجهك ذبلان
عبير __ شوي تعبانه
ام خالد __ عادي يابنتي اكيد تتوحمين
عبير __ مدري
ريم __ عبير قلتي لخوك ؟
عبير بحزن __ وهو يتصل اصلاً
ام خالد __ الله يستر عليه اكيد مشغول بهالدراسه
عبدالله__ ماقال متى بيجي ؟
عبير __ لا ماقال
عبدالله __ اها ,, الا انتي بأي شهر؟
عبير ماسكه الفنجان ومالها خلق له__ الثاني
عبدالله __ تقومين بالسلامه
ام خالد __ اليوم بتجي ام راشد عشان تبارك لـ عبير
ريم__ حياها الله
عبدالله __ ,, يالله انا رايح مشوار مع رشود
ام خالد __ الله يحفظك
عبدالله __ عبير تبين شي قبل اطلع ؟؟
عبير وهي تجامله قدام امه __ سلامتك
ريم وهي مبتسمه وتبي تغيرر الجوو __ يااا عيني على الغزل هع
عبدالله ضحك وطلع …
ام خالد __ عبير فيك شي ترى انا مثل امك الله يرحمهااا اللي تبينه قوليه
عبير __مافيني شي بس تعبانه شوي وبطني يعورني
ام خالد __ ماعليه تحملي شوي لين تولدين بالسلامه
عبير كانت تتمنى ان اللي في بطنها يكون ولد عبد العزيز ,,,,,,,,

[[ بعد مرور 4 اشهرر ]]

______________
في بيت ابو عبد العزيز
______________
ام عبدالعزيزوهي تعد قائمة المعازيم__ الله يوفقك ياولدي الله يبلغني بعيالك
عبد العزيز __ تسلمين يمممه الله لايحرمني منك
مي __ اخيرررا بيعرس هع
عبد العزيز__ عقبالك يا دوبه
مي __ مااابي ابي ادرس .. اي صح يمه اعزمي اهل عبدالله زوج عبير
ام عبد العزيز __ ايه يامتس ذكرتيني
عبد العزيز وقلبه محرروق وذابحته الغيرره __ لا يمكن مشغولين
ام عبد العزيز__ حنا بنعزمهم واذا بيجون حياهم الله
لقطت مي السماعه واتصلت على عبير …
عبير __ هلا مي
مي __ هلا فيك اخبارك واخبار الحمل هاه بطنك كبر ههههههه
عبير __ ههههه وجع بيجيلك يوم
مي __ لا والله فكيناااا
عبير __ انتي كيفك ؟ وكيف امك
مي__ كلنا بخيررر وداقه اعززمك
عبير __ دووم .. تعزميني على وش
مي فكرت ان عبير ناسيه عبد العزيز وانه راح عن بالهاا __ عبوره زواج عزوز اخوي بكره طبعا هو مو زواج بس ملكه ,,,
عبير امسكتهاا العبرررره كل ما تذكر انه قد خطبهاا واهلهاا رفضوا تحس بالحسره __ الف مبرروك
مي __ الله يبارك فيك .. عاد تعالي انتي وريم وام خالد
عبير __ ان شاء الله ’’
مي __ يالله عبوره تامرين على شي وراي معاززيم واااجد هع
عبير __ لا سلامتك ,, سكرت مي السماعه
عبد العزيز __ بيجون ؟
مي __اي
ابو عبد العزيز __ العيال كبروا يام عبد العزيز
ام عبد العزيز __ هذا حال الدنياااا
ابو عبد العزيز __ والله يام عبدالعزيز عبير لازم تعرف انها اخت بسام من الرضاعه وهو مو راجع لسعودية
ام عبد العزيز __ اي والله يابو عزوز عبير لازم تعرف
ابو عبد العزيز __ وشلون اقوول لهاا
ام عبد العزيزز __ بسام يقول لها والموضوع مابه شي
ابو عبد العزيز __ اي الله على قولتس
ام عبد العزيز __ خلاص بكره وانت رايح تعزم عبد الله وخالد .. قل لها انت مثل ابوها وخل عبد الله يكون موجود
ابو عبد العزيز __ اي والله مابه الا كذا

___________
في بيت ام خالد
___________
عبير __ والله ياريم مره متضايقه من بطني شوفي كيف شوفي
ريم __ هههههههههههههههههه من جد توحفه
عبد الله __ السلام عليكم
عبير ريم __ وعليكم السلام
ريم ___ عبود هههههه لايفوتك شكل عبير وهي متضايقه من ولدك
عبد الله __ افااا وليه تضايقين منه … ان شاء الله اخوانه بيجون ههههههه
عبير __ لا والله تضحكون وانا اللي ماكلتهااااا
قرب عبد الله من عبير وحط راسهاا على صدره باسهااا __ ماحد بيضحك عليك
عبير كل يوم تتفاجأ بعبد الله __ حتى انت ؟
عبدالله ابتسم __ حتى انا
ريم __ امممم يعني ياريم روحي ؟؟
عبير __ ههههه لا خليك
عبدالله __لا بالله روحي هع يالله انا بروح اناااام مرره نعسان
ريم __ نوم العوافي
عبدالله __ يعافيك …

جلست عبير وريم يسولفون ,,,
ريم __ احس عبد الله متغيرر مره خاصه معاك
عبير __ حتى انا احس بهالشي
ريم __ اكيد حبك
عبير __ تهقين ؟
ريم __ انتي اللي يعرفك يحبك على طول هع
عبير __ هههههههه يمكن ,,, ريم ترانا معزومين بكره على ملكة اخوي مي <<
ريم __ الملكه بالبيت
عبير __ ايه
ريم__ حلو يعني مالها داعي اقروش عممري واروح للسوق ومادري وش
عبير __ البسي شي ناعم
ريم __ على رايك هع
.. دخلت عبير غرفتها وهي مره مرتااااحه ,,, شافت عبد الله ناااايم قربت منه وجلست تطالع فيه
لفت وهي حاطه يدها على بطنها من الام وفتحت الكبت والبست جاكيت كان الجو بارد …اول ما جسلت عند الشباك حست بأنفاس عبد الله قريبة منهاااا ..
عبير__ انت صاحي ؟
عبدالله وصوته مبحوح وهو يقرب منهاا __ ايه
عبير __ مانمت ؟
عبدالله __ الا نمت ..
عبير __ عبدالله وش اللي غيرك ؟؟
عبدالله __ يا مجنونه احبك .. والله احبك .. وانا ندمااان على كل شي
عبير حست بالام بطنها زادت __ عبد الله انا مسامحتك
عبدالله __ طيب دامك مسامحتني ليه اشوف دموعك ؟؟
عبير __ مدري بطني يعورني
عبدالله ___ سلامتك لا عاد اشوف دمعتك مره ثانيه ان شفتها ابذبحك
عبير وهي تبتسم ودموعهااا على خدهاا __ طيب ,,, سرحت عبير تفكرر بزواج عبد العزيز
رجع عبد الله وناام ……

___________
في بيت ابو راشد
___________
ام راشد__ الحمد الله على سلامتك يابو راشد
ابو راشد__ الله يسلمك
بشاير وهي تبوس راس ابوهاا ___ الحممدالله على سلامتك والله وحشتناا
ابو راشد__ ما يوحشكم غالي
امل__ لا عاد تعيدها يا يبه
ابو راشد __ لا خلاص مابه شغل من اليووم
راشد __من جد يبه تراك طولت علينااا
ابو راشد __ وش اسوي وانا ابوك شغل
راشد __ خلاص من اليوم خل كل شي علي
ابو راشد __ الله يخليك لي ويحفظك

,,,,,,,,,,,,,,,,,,,,,,,,,,,,,, ,,,,,,,,,,
وصل ابو عبد العزيز لبيت ام خالد .. وفتح له عبد الله الباب ..
عبد الله __ هلا عمي تفضل البيت بيتك ..
ابو عبد العزيز __ يزيد فضلك يا ولدي ..
عبدالله __ اخبارك عمي .؟
ابو عبد العزيز __ انا بخير يا ولدي كيفك انت وكيف الاهل
عبدالله __ كلنا بخيرر .. استاذنك بروح اجيب القهوه ..
ابو عبد العزيز __ وانت جاي يا ولدي خل عبير تجي معاك ابيها بموضوع
عبدالله استغرب __ ابشر ..
طلع عبدالله لقى عبير جالسه بالصاله مع ريم ..
عبدالله __ جهزت القهوه ؟
عبير __ ايه الخدامه بتوديها الحين
عبدالله __ عبير البسي عباتك ابو عبد العزيز يبيك
عبير اووول شي جاء فبالها عبد العزيز وان الموضوع راح يكون عنه .. قلبها بداء يضرب بقوه
دخل عبدالله ودخلت عبير وسلمت على ابو عبد العزيز ..

ابو عبد العزيز __ الله حيهاا
عبير __ الله يحييك عمي ..
ابوعبد العزيز __ اسمعيني يا بنتي .. كلنا اهلك بس هالشي لازم تعرفينه
عبير __ عمي تراك خوفتني قول
ابو عبد العزيز __ انتي تصيرين اخت بسام من الرضاعه بس
عبدالله تضااايق بالحيل .. عبير جتها نوبة بكى
كمل ابو عبد العزيز __ تبناك ابو بسام وارضعتك ام بسام مع عيالهاا .,
عبير وهي تشهق ويدها على بطنها __ ليه محد قال لي
ابو عبد العزيز __ محد قدر يتكلم لانهم كانوا يعدونك وحده من عيالهم ومستحيل يفرقون بينكم حتى بالمعامله
وشافوا ان هالشي صعب ..
عبير حيل متحطمه __ ليه قلت لي الحين ليه ..
عبدالله مسك عبير وضمها على صدره وجلس يهديهاا
ابو عبد العزيز __ االعذر يا بنتي.. ماقصدي اضيق صدرك هذي رغبة ابو بسام الله يرحمه
جلس ابو عبد العزيز يتأمل منظرها وهي مقهوره …
عبير بصراخ __ آآآه يا عبد الله احس قلبي بيوقف
عبد الله __ بسم الله عليك
مسح ابو عبد العزيز دموعه وطلع ..

طلع عبدالله يوصل ابو عبد العزيز و ينادي امه وريم ..
رجع للمجلس لقى عبير طايحه ومنظرها يقطع القلب .. ريم جلست تصرخ
ام خالد مسكت عبير وجلست تهزها تبيها تصحى __ عبير بسم الله عليك قوومي
ريم__ عبد الله دق على راشد
عبد الله تفكيره مشتت دق على راشد واخذوها للمشفى …

** بالمشفى**

عبد الله واقف عند الغرفه وهو متلثم ويدعي ربه …. ريم كانت مرره متـأثره بالموقف وام خالد بعد ….
طلع الدكتورر ..
عبدالله __ هاه وش صار
الدكتور __ ولاده مبكره ولازم عمليه قيصريه
عبدالله تنهد بقوه __ الله يقومها بالسلامه
الدكتور __ بس هي عاوزه تشوفك

دخل عبد الله عند عبير والاجهززه مغطيه جسمهاا ’’
عبير وصوتها مبحوح وعيونها ذبلانه ___ عبدالله سامحني على كل شي ,, و ولدي امااااانه في رقبتك
عبدالله والعبره خانقته __ لا ياعبير ان شاء الله تقومين لنا بالسلامه
عبير وهي تصيح __ عبد الله امانتك ولدي امانتك
عبد الله __ عبير تكفين لا تقطعين قلبي
عبير __ لا ينشغل بالك طلبتك ..
عبدالله ودمعته نزلت __ انتي اللي بتسمينه ان شاء الله
عبير وهي بعز ضيقها وتعبهااا ودموعها سايله__ تطمن عبدالله انا بخيرر ,, لا ينشغل باالك
لف عبد الله بيطلع فاجأته كلمه عبير __ عبدالله تراني حبيتك حبيتك من كل قلبي
عبدالله مسح عيونه بطرف شماغه ورجع لها وضمهااااا من كل قلبه __ قسم بالله محد حبك كثري
عبير وهي على صدره و تشهق __ عبدالله مابي اخليك
عبد الله __ ماراح تخليني ان شاء الله ..
عبير صرخت فجأه من الالم ..
طلع من عندها والدنيا بكبرهااا ضايقه عليه وهي تنادي بأسمه ,,, اوول مره بحياته تنزل دمعته عقب وفاة ابوووه
ام خالد __ اذكر الله ,, الله يقومها بالسلامه
ريم __ ان شاء الله

_______________
في بيت ابو عبد العزيز
______________
مي كانت تبخر البيت وترتبه وتشرف على البوفيه ,,,
عبد العزيز __ مي شماغي وين
مي ___ ههههههه من جد تووحفه ليلة ملكته ومضيع شماغه ,, تلقاه بغرفة امي
عبد العزيز __ عبير ما اتصلت عليك ؟
مي __ عزوز ابسألك انت ليه تسأل عنهاا هالكثررر ؟؟
عبد العزيز __ وش فيك مي انا كنت ابخطبها يعني طبيعي ابسأل عنها
مي __ كنت بتخطبها بس ما خطبتهااا
عبد العزيز__ ماصار نصيب
مي __ يب ,, الله يكتب اللي فيه الخيررر

** بالمستشفى**
عبدالله واقف على الزاويه جنب غرفة العمليات .. وريم وامها جالسين على الكراسي
طلع الدكتوور__ الف مبرروك إجا لك ولد ..
عبدالله ماهمه ولده بهالوقت __ وعبير يا دكتور عبير كيفهااا
الدكتور __ الله يعظم اجركم اصبروا ان الله مع الصابرين
عبدالله صرخ صرخه هزت المستشفى بكبره وحط يديه على راسه وجلس على ركبه وكان يصرخ بأسمهااا
__ سا محيني يا عبيررر
ام خالد __ مسكت طرف عباتها ومسحت دموعهااا
ريم جلست تبكي وحطت يدها على كتف اخووها وتكلمه وهي تشهق __ عبد الله قوم ,, كل شي مقدر ومكتوت
عبد الله يصرخ وكأنه طفل __ ابيها تسامحني
ريم __ هي عممرها ماشالت عليك ….

,,,,,,,,,,,,,,,,,,,,,,,,,,,,,, ,,,,,,,,,,
هلا بك يابعد عمري ياقلبي انت يالغالي
تهلي بي عيون الحب من آخر لياليها*

تقول ارجوك لاتهتم انا في أحسن احوالي
تبسم لي وهي تمسح دموع العين بيديها *

تقول الدنيا وش تسوى إذا ماشفتك اقبالي
ابيع الكون لعيونك لجل لحظةمعي فيها *

تموت من الألم لكن تبي ماينشغل بالي
الا ياناس ياعالم وربي من يساويها*

وهلت دمعةعيوني بعد ماضاق بي حالي
سجدت ادعي بدون شعور الا يارب تشفيها*

وقالت لو يشيلوني وعنك شدو ارحالي
امانه يابعد روحي ابي روحك اوصيها*

ابيك اجمل من الأول ابي كل ماتهيالي
بعد موتي اشوفك مهتني روحي تهنيها*

الاياطـيبة الدنيا الاياشـمسي وظلالــي
نهاية روحي من قبلك عسى ربي يبديها*

وشالوها بسرير أبيض وزاد الهم غربالي
وضاقت فيني الدنيا وانا نفسي أمنيها*

وراحت تنتظر رجعه… ودمع العين همالي
الا لو العمر يعطى قسم بالله لأعطيها*

وطاحت وردة من كفي وانا ماشي على فالي
لقيت الشال في يدي يضمه قلب مغليها*

جلست أراقب الساعه وانا ادعي ربي الوالي
عسى ياربي يارحمن ياقادر تنجيـــــها*

انا من لي بالهدنيا واعيش اشلون بحالي
((بعدها ماابي نفسي وحتى الـناس مابيها))*

قسم بالله لو موتي يجيني قبلها اشوا لي
ولاابي تبعد و ترحل وانا مااقدر اوفيــها*

وجو لي أربع أطباء وقلبي مشتعل صالي
امانه هاه قــولو لي امــــانه وش حصل فيها*
وقالو
وقالو البقاء براسك وصاب الارض زلزالي
تزلزل كل مافيني بكــــــت نفسي وامانيها*

ولاكني بهالدنيا صرخت بصوتي العالي
الا يامصعب الفرقا وروحي من يواسيـــها*

عسى الرحمن يرحمها ويغفر اول وتالي
وعسى ياربي بالجنه بعد موتي الأقـيهااا *
,,,,,,,,,,,,,,,,,,,,,,,,,,,,,, ,,,,,,,,,,,,,,,,

دقت مي على ريم .. تبي تستعجلهم ..
ريم وهي تشهق __ مي الحقي
مي بخوف __ وش فيك ريم ؟
ريم منهاره __ عبيررر عطتك عممرها
مي طيحت السماعه وجلست تصاررخ … عبد العزيز جاها وهو خايف __ وش فيك مي
مي __ عبير يا عبد العزيز
عبد العزيز __ وش فيها يا مي
مي وهي حاطه ايديها على وجهها __ راحت يا عبد العزيز راحت
لف عبد العزيز على طول من الصدمه بوفاتها … ضاق صدره بالحيل
…. كنسل ملكته ورفض انه يتزوج في هذي الليله

______________
بيت ام خالد
______________
رجع عبد الله للبيت وحالته حاله .. وام خالد وريم بعد .. دخل غرفته وهو يشوفها بكل زوايا هالغرفه
فتح الكبت وجلس يطالع ملابسها واغراضهاا .. ندم على كل لحظه مد يده عليهاا … جلس على السرير في مكانها اللي هي تنام فيه .. وبدى يسترجع كل لحظه معاهااا ,…… نسى نفسه نسى حتى ان جاله ولد ..

مرت ايام العزا كيئبه كعادتها اليمه بذكرياتهاا ….
ررجع بسام و وضميرره يأنبه على كل لحظه كان بعيد فيها عن اخته .. حتى لو هي مو اخته من امه وابوه .. هو اتعود عليها وحسها اقرب انسانه له وحاس انه ظلمهاا وعيشهاا بعذاب عشانه …

عبد الله ؛؛ ماتزوج عقب عبير احد .. وكل مشاف ولده يكبر قدام عينه كانت دموعه تنزل ويتذكر عبير بأخر لحظاتها .. كان ودي يرجع يضمهاااا ويحطها بوسط صدره ويعوظها عن كل شي ويحميهاا .. بس تأخر ,,الموت كان اسرع منه ..

ريم .. تزوجت ولد خالتها راشد ..

عبد العزيز تزوج وعند ولد سماه {{ ياسر }} وبنته سماها {{ عبير}}

خالد جاه ولدين توأم سماهم {{ عبدالله }} {{ راكان }}}

عبد الله سمى ولده {{ سامي }}

درت ريم عن كل شي .. وام خالد رجعت تحن على عبد الله يتزوج بس كان رافض الفكره تماماً كان يعاقب نفسه على كل اللي سواه ….. ابو فهد كان عارف موضوع عبير بس سكت ..
رجع بسام وجاب الشهاده وتقدم لـ مي وتزوجهآ ..

–tha end —