سؤالمحرج للبنات؟وع دخول المتزوجات
——————————————————————————–
لو مثلا انتي كنتي طفشانه ونايمه الظهر ويوم صحيتي لقيتي اهلك صاحين وجالسين يتغدون قمتي جلستي
معهم وانتي واصلة معك الا امك تناظرك وتضحك وانتي كل شوي تعدلين بشكلك تحسين فيكي شي غلط ويوم خلص
ابوك من الغداء وقام هو واخوانك
التفت عليكي امك وقالت لك :مبروك يابنيتي
انتي : مبروك على ايش (طفشانه ومالك خلق )
امك : اليوم كلمتني حرمه تبيك
طبعا راح تتغير ملامح وجهك ويروح الطفش ويصير وجهك مايحتاج بشوش بس بتستحين من امك وبتخلين وجهك خجول
انتي : وش تبي الحرمة (انواع الاستهبال)
امك : تبيك تكنسين حوشهم وش تبي يعني
انتي : يعني تبي تخطبني (بريئة مرة )
امك : ايه وش قلتي
انتي : مابغى اعرس (مسوية قوية وماهمك)
امك : طيب برسله لبنت خالك ( حشا صار ايميل مو ولد )
انتي : ياحليلك يمه تراني امزح على طول تصدقين
المهم بعد يومين دقت ام المعرس
ام المعرس : الو (متحمسة) ولدها جنبها
امك : الو
ام المعرس : وشلونكم
امك : طيبين
شكلي بطولها المهم بوصلكم للزبدة
ام المعرس : شقلتوا !!!!!!
امك : موافقين
ام المعرس : اجل ترى يوم الخميس بيجي ولدنا يشوف بنتكم
امك : اوكي ( عادي امك متطورة )
المهم خلصو وانتي بدا قلبك يقول طربق طربق طربق اليوم الاثنين ويوم الخميس قريب
والسؤال المهم :
0
0
0
0
0
0
0
0
0
0
من يوم الاثنين الى الخميس اوصفي مشاعرك ؟ يالله ؟؟؟
يلا يا بنات المنتدى شنو ردكم؟!
:
:
:
:
تحياتي لكم……
مرسي ع موضوعك الاكثر من رآآآآآآئع
ثانيا
امم اكيد راح اكون قلقانه يا ترى بيعجبني او لا ههههههه
مثل ما قالت اختي ولاء بنزل السوق وبختار لي احسن الملابس
والباقي ع الله
مشكوؤورة الموضوع تحفه
وتستاهلين التقييم يالغلا
