نهارك سعيد ..سيادة المدير
وزير او حتى ..كنت سفير
تسمح لى اقولك نبأ خطير
كله حده وفيه ..تحذير
من بعد ثورة …التحرير
مفيش صوت عالى ولا تكشير
مفيش جزاءات ولا فيه تأخير
لتشوف سيادتك عذاب عسير
هنعمل معاك…. امور وحشية
ونورى سعادتك…امور فوضويه
وممكن كمان …نكسر ضلوع
وتضيع عظامك …بلا رجوع
وممكن نجيبلك ..تهتك مخيخ
فخليك طيب كده يا شيخ
وممكن نجيب انفصال شبكيه
ويمكن عما …وضمور قرنيه
وممكن نعمل مظاهرة نسوان
ضرب بالايد …وضرب نعال
بس والله ما كان على البال
يوصل بينا كده …الحال
ده المصرى بطبعه شهم اصيل
هيصلح ..وينادى ..بالتغيير
بدون التعدى على الغير
والمصرى طباعه كلها انسانية
مش بلطجه …وامور فوضويه
لجل ما تعلا الغاليه بهيه
وتبقى احلى ما فى …الدنيا
شعر : حلا على
