أنَا تَوِّي !
،
عَلى همِّ سَرى بِدمِّيْ
علَى جورْ الزَّمان الِّي ، دِفن عُمريْ
وأنا بَعديْ صِغير شوَيْ !
،
على وشو تَصَّورنيْ ؟
على حظٍَّ نَعى حظِّيْ ! عَلى بَسمة حَزينة بِداخِليْ تَبكيْ !
عَلى _ سَربْ الطفوله _ لاح مِن بَدريْ ؟
شِف أطرافِيْ كِسَاها البَردْ ؟
شِف أحلامِيْ أنا واختي ، بِلا ( يُمَّه ) أنا جوعَانْ ؟
شِف حِدود الرَّصيف الِّي بلا مِيلادْ !
قِرا _ يومِيْ _ قَرا _ أمسِيْ !!
وقَال إنِّي طِفل ضَايعْ ؟
أنَاماضِعت
أنا بس إلعبت ويَّايْ "
دِنيَا الخوفْ والحِرمَانْ !
،
تَبي أَكتِب لِك الحِرمَانْ ؟
أبد حَاضِرْ
مِنو فيكم فقد أمَّه ؟
وِهو تَعبَانْ !!
منو فِيكم صَرخ مَرَّه _ يِبه وِينكْ _ ؟
يِبه مِحتَاج لِك بِ الحيلْ "
صغِيرك خَاطِره مَكسورْ !
يبي لِعبة !
ماهو لعبة شِقا لالا
أَبَد وفَّت بِه
الأحزانْ "
على وشَو تصورَّنيْ ؟
وأنا أتوسَّد بقايا أُمنية مَاتْ .. وهِي برحم العَنا شَابتْ !
وعُمرٍ يِحتضر فيني !
وأنا أتحرَّا .. فَرح مَسروقْ !
وَضيَّعت الأمَل مَرَّه
وَمالقيت بِي
عيدْ
،
عَلى وشو تصوِّرنيْ ؟
على جوعِيْ ، عَلى فَقريْ ، عَلى كِتابٍ تَعلَّمته ! حََفظته مِن عِظم مَابِيْ
هه أنا يَاخي مِن الدنيَا تَعلَّمت كِثير أشيَاءْ
وَأولَّها
أعلَّم كتَابيْ !!
تَرا المِيلاد مَايَصدِقْ ! تَراهم أخطَوا بِ عُمرِيْ "
،
،
إذا ودِّك تصَّورني ؟ وَتَكتِب بِ الشَتات سِطورْ !
دِخيلِك بَلِّغ العَالم ! أنا مَا ضِعت !
أنا بَس " كبرت شوَيْ !!
تسلم ها الايادي
تقبلي مروري
ويساعدهم ويحميهم يا حق يسلمو حبيبيتي
طرح رائع وحلو كتير اتقبلي مروري مع حبي
تسلم اديكي ياقمر
