طلقها بعد 17 سنه جواز ياربى رحمتك

وهفضل وراكم ابعث فيكم الامل لحد ماالحلم يتحقق العنوان بيدل على قصه مفيهاش تفاؤل
طيب بينا على حكايتنا النهارده

حكايتنا النهارده عن ست مكافحه تزوجت من واحد وهى صغيرة لان وقت حكايتنا من فترة بعيده
قوى قوى وبعد مافات كام سنه من الزواج طلع زوجها مابيخلفش وهو عنده مشاكل
بس هى اختارت تعيش معاه لان الست المصريه اصيله بطبعها وعاطفيه اكثر من عقلانيه
كان زوجها عنده بنات اخواته صغيرين قررت هى وهو انهم يعتبرهم ولادهم ويربوهم
صراحه الست دى اخلاق ومشيت معاه المشوار من اوله وجوزت معاه اخواته البنات
وبرضو اتجوزو صغيرين فى يوم من الايام جت ام الست دجى تزورها راحت قالتلها
بالرغم من مرور 17 سنه الا انتى لسه صغيرة انا عايزة حفيد افرح بيه
اصغر منك خلفو وهما بيبتكلمو مع بعض البيت ده كان فيه بابين دخل زوجها
من الباب التانى………….

وسمع الكلام اللى حصل بينهم ده وبعد ماامها مشيت دخل عليها وقالها روحى لمى هدومك
وامشى ورا امك قالتلو فى ايه ايه اللى حصل ؟ قالها خلاص مالكيش عيش معايا تانى
طيب ازاى احنا عشرة تبعنى بالسهوله دى انا هامشى اسيبك لما تهدى وارجع تانى
رجعت راح مطلقها وبعتلها عفشها ودهبها وحاجتها وقالها شوفى نصيبك مع حد تانى
من حقك تبقى ام ومرت الايام والست دى اتجوزت وخلفت بنوته جميله قوى قوى

وبعد شويه سمعت من الناس امن الراجل اتجوز وربنا رزقه بوحده راضيه بوضعه ده

مرت شهوووووووووووووور وبعدين الراجل ده كان مروح بيته ولقى مراته تعبانه
وبترجع راحو للدكتور قالها انتى حامل طبعا الراجل مش مصدق

قاله روح اقفل عيادتك وشتغل حاجه تانيه انا مبخلفش من 17 سنه الدكتور حلفلو انه حمل

واقترح عليه يعملو اختبار حمل وطلعت فعلا حامل الراجل برقى يعيط مش قادر يمسك نفسه

وقال سبحانك يارب معجزة انت قادر بجد مفيش حاجه اسمها مستحيل يخلف

مفيش حاجه اسمها مستحيل ست تخلف كله بامر الله يابنات وخلف بنت وولد زى القمر

اللى عاوزة اقوله من القصه دى يابنات مش كل
الطلاق شر لانه لما طلقها هى خلفت وبقت ام
وهو ربنا كرمه وبقى اب يبقى الطلاق ممكن يكون فيه خير
ومفيش حاجه اسمها مستحيل انسو الكلمه دى مع ربنا
كبيييييييييييييييير وقادر على كل شىء بس الطلاق محتاج
تنازل وتضحيه من طرف لطرف اخر

مافيش حاجة بعيد عن ربنا

وكل شئ باوان

والحمدلله على كل شئ

تسلم ايدك

والله قصصك جميله جدا

معك حق ربنات كبير اوي

وصدق لما قال عسى ان تكرهو شيئا وهو خير لكم

انتي مش صبرتي الي مرو من التجربة دي بس

بل انتي ادتينا موعضة عشان نقول قدر الله وما شاء فعل بل رضى و أمل