كيفكم ياحلوين
وكيف العرايس الحايسين
انا لاحظت ان في مواضيع كثير من بنات على وجه زواج وماعندهم خبرة واسعة بالمكياج
حبيت افيدهم واريحهم
وكنت اتمنى احط كل شي بصورته ورقمه عشان ترتاحوا
بس خفت اورطكم
لان صاير من الوردي في ميه درجه ومن اللحمي مية والبرونزي مية والمشمشي مية
فمااقدر احدد الرجات بالضبط لانه البشرات تختلف
فاحتكلم بصفه عامه وكل وحده تعرف اللي يليق لها
نبدا
بسم الله
اول شي حنحتاج بيز حلو وخفيف ويناسب نوع البشره
ولاتاخدي الا واحد
وخديه من ميك اب فوريفر
او ممكن تستبدليه بستروب كريم من ماك
طبعا مو كل مكان فيه ماك عشان كده نصحت بماركه ثانيه كبديل
وبطعا انا باتكلم بس عن المكياج بغض النظر عن الاساسيات من ترطيب وتقشير وتمهيد للبشره
واللي تختلف انواعها
بعد البيز نجي للكونسيلر
ويعتد على درجه السواد
عموما عندك ماركة كريولاين من روج
الكونسيلر يجيكي فيه تلاته درجات وجيد جدا
او كونسيلر فوريفر اللي يكون باليت
نجي للاساس
تحتاجي على حسب خرجاتك
انا ماانصح للنهار اساس بصراحه
يعني دوام جامعه او وظيفه ماانصح باساس
بس اللي مصره ممكن تستخدم اساس ميبيلن دريم موس
وحتى لو ماتخرجي بالنهار
لازم يكون عندك اساس خفيف وثقيل
الخفيف للعزايم البسيطة في البيوت
والثقيل للافراح
الخفيف ميبيلين
الثقيل عندك ميك اب فوريفر وعندك كريولاين
وعندك ماكس فاكتر حق ميركال توتش مره فظيع
وبعد الاساس حتحتاجي بودره
على حسب بشرتك ايش تحتاج
ممكن تاخدي لوس باودر او بودره مضغوطة
انا افضل اللوس باودر عشان تثبت وتعطي مظهر طبيعي
انا شخصيا الكومباكت ممكن استخدمها لحالها بدون اساس لمن اكون رايحه لاهل زوجي مثلا
المهم
كثير نصحوا ستيدو فكس من ماك
بس طبعا هذي تغنيكي عن الاساس
طيب كده بشرتنا مهياه وميه ميه
وممكن اللي تبغى تتدلع تشتري بودره مع اضاءه لتحت العين
وممكن اللي مو حابه تكثر وتخبص
تستخدم جونسن العاديه بعد ماتخلصي من البشره
توزعيها تحت العين عشان مايتساقط الشادو ويضيع اللي سويتيه
مشكورة ياقلبي
