ونظامي معروف.. :
1- البضاعة المباعة ترد وتستبدل(مع راعي البريد طبعا)
2-أي تعديل في الموديل ممكن..للأسف هالمرة ماأقدر أغير الألوان لأن الأحجار محدودة
3-الدفع مقدم لمن هم خارج أبوظبي.. وهو كالتالي:
يتم حساب الطلبية + سعر البريد(حسب البلد المرسل اليها)..ووضع المبلغ في الحساب (البنك)..أو التحويل عالأنصاري
ويتم الاستلام بعدين اسبوع تقريبا
نبدأ العرض..وأي طلبية أو استفسار ياريت عالخاص
على فكرة المنيكان اللي عندي حجم أطفال ..عشان كذه العقود تظهر كبيرة ..بس هي في الأصل أصغر
بسم الله:
1-فخامة..مرح..بهجة في عقد قصير يغطي منطقة النحر كاملة..أزهار من العقيق معلقة على سلاسل الامتسيت اللامعة واللي للأسف مظلومة وايد في الصور
وهذا الشغل عن قرب
2-سلاسل من الأحجار الكريمة المنوعة..تتمايل في عذووبة وأنوثة..كشلال لامع من وردة عقيقية ناعمة..لعاشقات الهدوء وسحر الأنوثة
وهذه الوردة عن قرب
3-أحجار بنفسجية كبيرة لامعة..مع ورود الصدف الضاحكة..عقد فخم وراقي يميزك عن كل من حولك
العقد طويل الى نصف البطن (يعني بالبلدي..لين الصرة)
وهذه الورود الشقية فوق لمعة الامتسيت الحالمة
4- وأخيرا..عقد كبير,يصل الى أسفل محيط البطن..لكنه محكوم باللبس اللي معاه ,يعني اذا لبستيه على قطعة سادة راح يظهر بكل قوة وتميز وهالشئ أكيد راح ينعكس عليج(فوق العباية مثلا..وطبعا لازم تكون العباية سادة لأن العقد وايد يعبي العين ومش محتمل أي تطريزات اضافية)
أما اذا انلبس عل أرضية مشجرة (جلد نمر مثلا) راح تلاحظين نعومة السلاسل الذهبية وهدوء لون العقيق والصدف..وهذه الصورة تعبر عن كلامي
وهذه البكلة عن قرب
أنا كذه خلصت..أتمنى ان المجموعة تكون عيبتكم..وأني ماأكون طولت عليكم
أنتظر تعليقاتكم..ملاحظاتكم..انتقادات كم..وصدقوني هالشئ وايد يهمني لأنه هو اللي يطورني
وطبعا أي طلبية أتمنى تكون عالخاص
بانتظاركم
شكرا عالمرور الطيب
بالتوفيق حبيبتي
