على آبواب الشتاء .

[ الشِتَاء بَرْد ! ] / وأشتاقه /و اِحِنْ إله / وأخَافَه..
و المِسَاء .. فيه / مُتْغَطْرِس / و مُتْكَبِر / و اناني ..

و اليَالي فَ الشِتَاء / تِقْصَر .. ولو طال إنتصَافَه ..
ب السوالف / و الدِفَا / والبَرْد ! / ما بين المحاني !

و ال [ الحَنِيْن ] الي مرافيَّه .. / تهَشّمها ضِفَافه ..
ما لقَى / في صَدْرِي إلا , حَسْرة ٍ بين / المواني ..

من يعَلِّم [ حَسْرَة الأيَّام ] / .. لا تِشِيل .. الكَلافة ..
ما ذبَحْني / غير .. مونْتها / و تَكْشِيرَة .. زماني ..

ومن يعلِّمْهَا , الوَطَنْ هذا ! خَذا رِيقي../ جِفَافَه !
وما تَرَكْ في [ فَمّي ] إلا .. غَصِة ٍ تَجْرَح .. لساني !!!

و من يعِّلمْها , الشِتَاء هذا , وهَبْ كل إرتجافه !
ل الحَنِيْن الي نصاه .. ال [ العَيْب ] .. ب عيون الأماني !

و ما يحس ب [ بَرْد قَلْبَك ] / غير من يَسكن شِغَافه ..!
كُلْ.. ما ./ .خَيَّم .. عليك ال بَرْد ! / جابته ,, الثواني ..!!

الدِفَا : ما هو ب فَرْو ٍ .. / تَلبِسَه / وإلا لِفَافه !
الدِفَا : روحك تضُمْه , من غلا .. / في روح ثاني !

والشِعْر..[ دَمْع الشِتَاء ] ../ بالله وش عُذر إنجرافه ..!
ل أندفق .. من عين قلبي .. دَمْع! / ضايقني .. مكاني !؟

و الزِمَنْ ! لو باعني للضِيق / ما الحقته .. حَسَافه .. !!
عَادِته ! ف الناس , / يرميهم .. و أنا وقتي .. رماني !!!

ما علي! , معي [ النُوايا البِيض ] ,وَ ال طُهْر وعَفَافَه ,,
و الزِمَنْ , وش عاد لو مرَّة , مثل غيري / نساني .. !!؟

و السَهَرْ , و الشِعْر الأرْعَنْ ! وأنتي , و جِسْر الرِصَافه !!
مَوْطِن ٍ بَرْد الشِتَاء , , سمَّاه : / في صَدْرِي, أغَانَي !)