عيونك الخرس معها الرمش واهدابك

خلك بالأحضان نحكي بشوق ع الماشي
ياللي من الحزن دمعك غرق ثيابك
وعيونك اللي بها بالظيم رشاشي
انتا دعيت الفراق وقلبي ادرابك
ماتدري انك لقلبي قوت وانعاشي
انصحك فكر بحبي ومسك اعصابك
وانتا مصمم براي عناد وطياشي
ياكثر ماني دعيت الله يهدابك
وانا عيونك لعيونك شفق وعطاشي
فتحت باب المحبه واقفلو بابك
واقفيت عنك بدون السب واهواشي
تدري بعد مارحلت شاللي صار بغيابك
اغلب حياتي مقضيها على فراشي
لك عدة عيوب وزاد فراقنا عابك
انا بصراحه ابي انطق على الكاشي
عرفت منهم أناسك ومنهم اصحابك
وانتا تطبعت منهم وصرت غشاشي
والغش صار وتربى بالدم يسرابك
والغش غطى على طيبتك بخياشي
عيونك الخرس معها الرمش واهدابك
تغفر ترا مافات منك بعناد وطياشي