غلطة منها تعلمت الكثير ؟؟؟؟؟ وغلطة الشاطر عشر

من يقول اني بهجرانك شقيت
,,,,,,,,,,,,,, واني من صدك تعبت من الصبر

ومن يقول اني من اسبابك شكيت
,,,,,,,,,,,,,,,, صعب قلبي في غيابك ينتظر

لا تصدقهم ترا والله نسيت
,,,,,,,,,,,,,,,,,, وقلبي اللي خابره قبلي قدر

ذاك أول لابعد قلبك سريت
,,,,,,,,,,,,,,,,, مع سحاب الهم وانواع الكدر

كنت احبك كنت لو تبكي بكيت
,,,,,,,,,,,, تطلب اعيوني ولك عمري مهر

كنت لي فرحي ولو حتى خطيت
,,,,,,,,,,,,,,,,,,, امسح الزله وابادلك العمر

ولا حظر طيفك نسيت اني عنيت
,,,,,,,,,,,,,, وان بعدت شوي يذبحني القهر

لكن انت اللي تكبرت وعليت
,,,,,,,,,,,,, والغرور اعماك من فوق الحدر

غيروك الناس والظاهر نسيت
,,,,,,,,,,,,,,, اني من اجلك تعلمت الشعر

ماهو بكيفك اذا طولت جيت
,,,,,,,,,,,,,,,, تحسبني بنتظر كل الدهر

راح حبك ياحبيبي وانتهيت
,,,,,,,,,,,,,,,,, وماتحركني لو حتى تمر

وفي صدودك لا تحسبني شقيت
,,,,,,,,,,,,,,,,, لا وربي لا هموم ولا سهر

………………………… ……………..

ما أذل القلب لأجلك وانكسر
وما يحرك ساكني مثلك بشر

أنت رمشه من عيوني لو تطيح
وش ترى صاحبها لو طاحت خسر

غلطتي من جيت أشكيلك ظمى
كنت أحسبك بالنظر أعذب نهر

غرني موجك ولكن للأسف
كيف بشرب وأنت يا مالح بحر

عزتي أغلى من قلوب وجروح
وإن جرحني الوقت صدق ما أنكسر

ضربتي ما تكسر إحساسي أنا
ضربتك بالعكس قوت لي الظهر

ما تشرفت بهواك وعشرتك
وما أبي دربك ولو دربك جمر

مستعد أمشي على نار من شوك
الا دربك أرفضه ولو هو زهر

ما هو من بادل شعوري أعشقه
وما هو من طال السما أصبح قمر

لو هو كل من حبني أصبح محب
مابقى في الوادي صدقني شجر

أفضل أنك تبتعد عني وتروح
لا تحاول لا ولا تعيد النظر

لا تفكر تشرب بكاس الهوا
وشلون تشرب وصل كاسك انكسر

يا خسارة ما كتبته في هواك
يا خسارة بيت وقصيد وشعر
غلطة منها تعلمت الكثير
علمتني غلطة الشاطر عشر

انتهى مشوار حبك انتهى
والأ مل وياك ما عنده صبر

ما يفيدك لو رجعت ولو رجيت
من يزول الغيم لا ترجي المطر

رآقت لذآقتي