>>>عجائب الحجاب ة<<<
نظراً لأن البشر منذ بدء الخليقة برعوا فى التحايل على كل قانون ربانى …
وأمتدت أساليب التحايل و الخداع حتى يومنا هذا لتضع بصمتها على كل شئ ….
سأخذكم اليوم فى جولة سريعة لفنون التحايل و النصب باسم الحجاب … والتى جعلت منه أضحوكة (شوف الصور و أتعجب )
============================== ===========
رقم (1) فى عجايب الحجاب ة
الكرينا
تعريف الكارينا ( لمن لا يعرف ) : هو بادى أسترتش يلتصق بالجسم …
ويكون مزود بأكمام طويلة (علشان الذراعين ما يظهروش ..يا سلام على الحشمة ) ….
وأذا ارتدت الفتاة الكارينا فيمكنها ان ترتدى فوقه أى شئ تريده (نص كم او مفتوح الصدر اى حاجة وخلاص) المهم ان البدى غطى جسمها …
ياسلام على التحايل و الخداع … خدوا من القانون الربانى فى الحجاب مبدأ (ستر كل البدن ) …. وتجاهلوا انه لازم ( لا يصف و لا يشف )
المصيبة الكبرى : أن الأب و الأم بيكونوا فاكرين أنه ده الحجاب الصح طالما ان مفيش جزء من جسم بنتهم باين …
============================== ===========
رقم (2) فى عجايب الحجاب ة
المايوة الشرعى
والله الأسم لواحده يضحك …
طبعاً لأن العقل البشرى مفيش حدود بتوقفه .. فأخترعوا حكاية المايوة الشرعى ده علشان البنات و الستات المحجبات الى عايزين ينزلوا المية زى الناس العادية ..
تعريف المايوة الشرعى ( لمن لا يعرف ) : هو مايوة يغطى الجسم كله ولا يظهر منه الا الوجه و الكفين ….
بس فيه مشكلة بسيطة أوى …
إن المايوة بيكون ملتصق بالجسم … يعنى تفاصيل جسم كلها بتكون واضحة ..
(مشكلة بسيطة صح)
حسبى الله و نعم الوكيل
============================== ===========
رقم (3) فى عجايب الحجاب ة
العباية و ما أدراك ما العباية
– للوهلة الأولى تظن أن العباية هى أفضل زى للمرأة الملتزمة …..
– للأسف هذا كان المفهموم القديم قبل أن تظهر الأنواع الجديدة
العباية الحالية … تعرف بأسم العباية المخصرة …
وهذه العباية تبرز تفاصيل الجسم بشكل مستفز .. بالأضافة إلى النقوش البارزة و الامعة
بأختصار أنا أمنح هذه العباءة جائزة أفضل عملية نصب و تحايل لأعوام 2022 – 2022/2010/2009 على التوالى
============================== ===========
رقم (4) فى عجايب الحجاب ة
البنطلون الجينز
هذا سأسميه أم الكوارث
التعريف : هو غنى عن التعريف ..
طبعاً لا يخفى على أحد أنتشار البنطلون الجينز بين المحجبات كأنتشار النار فى الهشيم … إلا من رحم ربى
والبنطلون الجينز مفيش منه مقاسات واسعة … هو بطبيعته بياخد شكل الجسم .. وبيجسد كل حاجة ..
يعنى مفيش أفضل من وصف المصطفى عليه الصلاة والسلام ( كاسيات عاريات ) شوف البلاغة
============================== ===========
رقم (5) فى عجايب الحجاب
البوت طويل الرقبة
وعلشان البنت المحجبة ما تحسش انها متخلفة عن خطوط الموضة …. قدموا ليها أخر صيحة …
لو عايزة تلبسى جيبة عند الركبة …. بس أنتى محجبة
ولا يهمك .. الحل عندنا !!!!!!!!!
جيبة عند الركبة + بوت طويل الرقبة
مبروك المشكلة أتحلت … وطبعاً مفيش حاجة من جسمك باينة ..
قمة التحايل و النصب .. اللهم أستر بنات المسلمين
============================== ===========
رقم (6) فى عجايب الحجاب ة
ربطات الحجاب
طبعاً علشان كل بنت محجبة حست بالنقص بعد تغطية شعرها الى بتعتبره تاج جمالها ….
قاموا بتعويضها عن ده بانواع الربطات المختلفة …
أشكال و ألوان و تداخلات غريبة … والله ملفته أكتر من الشعر العادى
وأنا مش هتكلم كتير شوف الصور وأحكم
وكمان علشان العملية كثيرة الحركة … الى بيخنقها ربطة الحجاب التقليدية أخترعوا ليها الربطة الأسبانية Spanish …
وده أتباعاً لمبدأ ( الدين يسر … )
والله هم يضحك و هم يبكى
============================== ===========
رقم (7) فى عجايب الحجاب ة
مساحيق التجميل المكياج Make Up
بناءاً على مبدأ ( انه الله جميل يحب الجمال ) ..
فيحق لكِ سيدتى أستخدام كافة أنواع مساحيق التجميل … و اتباع أحدث خطوط المكياج العصرى … مع مراعاة عدم ظهور الشعر (ديه أهم حاجة عندنا علشان ترضى ربنا )
بجد هو ده المفهوم عند البنات و الأباء و الأمهات فى هذه الأيام ….
ونسوا ان حتى الطيب (البرفان ( perfume محرم على أذا خرجت من بيتها
عن أبي موسى الأشعري قال : قال رسول الله صلى الله عليه وسلم :"أيما امرأة استعطرت فمرت على قوم ليجدوا من ريحها فهي زانية "
طيب الى وجهها لوحة من الألوان و الأيحاءات …يبقى حالها أيه
اللهم طهر عقولنا و قلوبنا من الزيغ و الهوى
============================== ===========
ولتذكرة … مع ان الكلام أصبح لا طائل منه فى زمن مات فى القلوب و جفت فيه دماء الغيرة على بنات المسلمين
هذه هى شروط القانون الربانى للحجاب ….
الأول: ستر جميع بدن ( ما عدا الوجه و الكفين " وفيه خلاف" )
الثاني: أن لا يكون الحجاب في نفسه زينة . (يعنى ربطات أمينة شلباية و غيرها متنفعش )
الثالث: أن يكون صفيقاً ثخيناً لا يشف .
الرابع: أن يكون فضفاضاً واسعاً غير ضيق . (يعنى الكارينا و الجينز و العباية المخصرة و المايوة متنفعش )
الخامس: أن لا يكون مبخراً مطيباً .
السادس: أن لا يشبه ملابس الكافرات .
السابع : أن لا يشبه ملابس الرجال .
الثامن : أن لا يقصد به الشهرة بين الناس .
============================== ===========
طفح الكيل
لازم نتحرك نعمل أى حاجة …….. والله كل يوم فى طريقى برجع محمله بالهموم من حال بنات المسلمين …
الحل
يا ريت نبدأ بنفسنا ….
حاتقولى : أنا أخواتى أو بناتى ملتزمين
حقولك : دوري فى العائلة تبعتك كويس ..أكيد حاتلاقى بنت خالتك أو بنت عمك أو .. أو … متحجبة بس مش عارفة الحجاب صح … يا ريت توعيهم و تنصحهم
وطبعاً لأن البنات بيفهموا بعض كويس .. فياريت كل أخت فى المنتدى تحاول توصل لصاحبتها أو قريبتها رسالة الحجاب الصح .. وأستغلو أن رمضان على الأبواب … علشان القلوب بطبيعتها بتميل للتقرب إلى الله
============================== ===========
أذا كنت أو كنتى من الذين يتوجعون من حال الحجاب هذه الأيام
فلا تبخل برد أو دعوة بهداية بنات المسلمين
مشكورة
