في بنت محترمه تدخل المنتدى الساعه 12

امم انا داخله أكتب الموضوع وكلي عصبيه وبنفس الوقت علامات التعجب والاستفهام تدور في داخلي

انا بكتب لكم حوار صار لوحده من صديقاتي في احد المنتديات وهذا الشي اللي خلاني انفعل واناقشكم فالموضوع ><

الحوار هو كالتالي : للتوضيح
الحوار كان في الرسايل الخاصه بين عضو وصديقتى.. في احد المنتديات

الولد : السلام عليكم الغاليه .. ممكن نتعرف فديتك !!

<<سخافه

البنت طاف ( يعني ما ردت على رسالته )

الولد : صوبنا يا حلو .. ممكن اتعبرينا شوي..

والبنت بعد طاف

الولد : انزين ليش جايه انتي .. مافيها شي لو رديتي علي .. يعني انا بعرفك والا بعرف اهلك .. عادي عادي ردي الغاليه لا تكونين معقده

اعلانات

<<وقاحه بجد

البنت ملت من الرسايل .. عاد فوق العشر رسايل ورا بعض وبنفس الوقت .. اول ما تدخل المنتدى وهو هالكها بالرسايل

البنت : وعليكم السلام اخوي .. اسمحلي انا مو مال هالسوالف .. وهذا منتدى محترم مو للتعارف وغيره .. فلو سمحت اذا بغيت شي يخص المنتدى ارسل رساله واذا ماعندك شي مهم رجاءً لاترسل لي شي ..

الولد : هههههههههههههههههههههههههههههه ههههه عاد تبين اتبينيلي انك وحده محترمه هههههههههههههههههههه هاي حركاتكم يالبنات .. لازم اول شي اتخلون عماركم شريفات وعقب يبين المستور خخخخخخخخخ عيل داشه هالوقت المنتدى وتقولين عن عمرك محترمه خخخخخ..في أصلن بنت محترمه تدخل المنتدى بعد الساعه12 خخخخخخخخخخخخ والله انكم حاله ..

<<عقول سقيمه بجد

…………..

وانتهى الحوار ل هذا الحد .. لانه البنت مصدومه من نظرة الشباب للبنت اللي تدخل المنتدى في وقت متأخر من الليل !!! وقامت ورسلت الرسايل الخاصه كلها لمديرهم .. واتصرف فالموضوع بنفسه

سؤالي اللي يطرح نفسه الحين ..

هل فعلا نظرة الشباب للبنت اللي تدخل المنتديات او الشبكه العنكبوتيه بعد الساعه
12 تعتبر بنت مو محترمه ؟؟؟

هل فعلا تفكير كل الشباب ؟؟؟

او حتى لو جزء من تفكيرهم ؟؟

انزين ولو كان هذا هو تفكيرهم ؟؟

ممكن تعطونا الاسباب والمبررات؟؟

اللي تخليهم يفكرون ب هالطريقة!!

الصراحه انا انصدمت من هالشي ؟؟

يعني هل للاحترام وقت معين ؟؟

مو المفروض الاحترام ينعرف من الاسلوب في التعامل ؟؟

ابي منكم اجابات ونقاشات ل هالاسئله ..؟