كلام فى الهوا

قولوا لصاحب الهوى

ليه الهوى غلاب

وإحنا اللى طول عمرنا

نشفق على الأحباب

واما رمانا الهوى

وفتح لنا الأبواب

كل اللى حب انكوى

فى نار وشوق وعذاب

حلمك ياصاحب الهوى

وارحم بقى الأحباب

. . . . . .

قولوا لصاحب الهوى

ارمى القساوة بعيد

وتعالى نرحل سوا

ونقضى عمر جديد

نزرع تقاوى هوى

تطرح لنا عناقيد

نقطفها وندوق سوا

يرجع هوانا جديد

ساعتها تلقى الهوى

فرحة فى ليلة عيد

كله كلام فى الهوا

أصلى ماليش فى الهوى

بس القلم له هوى

يكتب كلام فى الهوى