كلمة تقال في المسنجر تغضب الرب عزوجل
انتشرت كلمة في الماسنجر خطيره ومؤذيه
في حق الاسلام وبالخصوص في حق القرآن الكريم الا وهي كلمة((( برب )))
الكل قام يقولها وهي بمعنى دقايق او لحظه
او عندي شغل .
وكل من قالها ماعرف معناها ولو سألتم اي شخص عن معناها
قال لك والله كلمة وتنقال ونقول زيهم !!!!!!!!!!!!!!!!
لكن هل فكرتم في يوم من الايام معنى هذي الكلمة.
(((برب)))
كلمة استغلها الغرب بواسطة أبناء الاسلام لإغاضة الله تعالى والاستهزاء بدينه وكلامه ,وكمال قال الله في كتابه الحيكم ومن أصدق من الله قيلا
{وَدَّ كَثِيرٌ مِّنْ أَهْلِ الْكِتَابِ لَوْ يَرُدُّونَكُم مِّن بَعْدِ إِيمَانِكُمْ كُفَّاراً حَسَداً مِّنْ عِندِ أَنفُسِهِم مِّن بَعْدِ مَا تَبَيَّنَ لَهُمُ الْحَقُّ فَاعْفُواْ وَاصْفَحُواْ حَتَّى يَأْتِيَ اللّهُ بِأَمْرِهِ إِنَّ اللّهَ عَلَى كُلِّ شَيْءٍ قَدِيرٌ }البقرة109
فبأبسط الكلمات والعبارات تستطيع الاستهزاء بأعظم ما نزل على الارض.
(((برب))) كلمة مذكوره في قوله تعالى {قل أعوذ (برب) الفلق},
ومذكوره في قوله تعالى {قل أعوذ (برب)الناس}
فاستغل الغرب كلمة (برب) لاستخدامها في اتفه الامور من الكلام
للتنزيل من عظمة الله جل جلاله تعالى الله عما يقولون الظالمون علوا كبيرا.
اخواتي
وكل من مر على الموضوع
وكل من لديه نخوه على الامه الاسلاميه وحب لدينه
وكل من اقشعر بدنه لهذا الموضوع
رجائي منكم
نشر هذا الموضوع لكل من تعرفون والتحذير من استخدام هذه الكلمه
اتمنى ان تنشروا ماقرئتم ”’
لعل هذه الكلمات تكون شفيعة لنا عند رب الارض والسماوات
لك ودي
السلام عليكم..
حبيبتي والله بحثت في منتديات كثيره عن اساس هذي الكلمه لقيت هذا الرد وصاحبه يقول
..
من جد شي يرفع الضغط .. كل ماطلعت كلمه غريبه قالوا انتبهوا من الغرب .. ترا يقصدون ويقصدون .. ويبون يبعدونا عن
ربنا … والله كلام فاضي .. ناس في حالها مادرت عننا ..
واحنا ماشاء الله مانقصر .. مافيه الا نقل مواضيع .. بدون مانفكر وش محتوى الموضوع ..
طبعاً اللي كاتب هالموضوع (( اقصد اللي كاتبه .. مو اللي ناقله )) .. مادري وش كان قاعد يفكر فيه يوم جا يكتب الموضوع ..
Be Right Beck << BRB << برب .. اختصار بسيط .. وخلوه يغضب الرب .. استغفر الله بس ..
الايام هذي بدت تكثر هالمواضيع .. وفيه ناس على نياتهم ويصدقون اي شي .. مره يجينا ايميل انشره والا ترا بتدخل
النار .. والا ترا بيصير فيك كذا .. مابقى الا يقول انشره لأجي اصفقك ..~
وطبعاً مايخفى علينا الموضوع اللي طلع قبل كم سنه .. وهي كلمة Mosque (( مسجد بالانجليزي )) ,, وكلمة mosquito
((( بعوض )) .. ان ( الغرب ) .. يقصدون ان المسلمين بعوض .. .. ويقولون لاحد يقول MOSQUE خلونا نغيرها ..
مانقول الا الله يشفي الاشكال هذي .. ويهديها .. ولا حد ينجرف ورا مثل هالمواضيع .. وطبعاً اللي ناقل الموضوع بكل
تأكيد دافعه كان غيرته على دينه .. ولكن ياليت في كل مره شخص بينقل موضوع .. يقرأ المحتوى زين .. ويفكر هل هو صح او خطأ ..
وآسفه ع الاطاله ..
لك كل الشكر على هالغيره على دينك العظيم
