بسم الله المكونات : كنافه _ كريم باتسيرى-كريم شانتى-جيلى تلميع _مانجو -شربات – زبده شوفوا يا حلوين انا الصينيه اللى بعملها بتاخد نص كيلو كنافه يعنى المقادير على حسب كمية الكنافه يبقى 1/2 كيلو كنافه هتعملى عليه 100 جرام زبده -باكو كريم شانتى – نضع الكريم شانتى فى كوب وكملى الكوب بودرة الكريم باتسيرى طبعا المانجه الكميه اللى تحبيها بس كترى هوه حد هيقول للمانجه لأ ههههههه الشربات 2 كوب سكر عليه واحد ميه و عصير ليمونه كبيره اول نجيب الكنافه ونقطعها صغير اوى على قد مانقدر ونسيح الزبده يا دوب تسيح اوعى تسخن ونحطها على الكنافه وندعك الكنافه لحد ما تحسى انها شربت الزبده كويس ولو احتاجت شويه زودى نرص الكنافه فى صينيه مدهونه زبده وتضغطى جامد عليها وتشغلى الفرن على درجة حراره متوسطه ولما يسخن حطى الكنافه وخلى باللك عليها لما تحمر تطلع على طول ولو لاقيتى الوش لسه ممكن تشغلى الشوايه وتحطى الصينيه فى ارضية الفرن ثوانى وخلى بالك تتحرق وعلى العموم احنا هنقلبها على ضهرها يبقى كده عملنا الديسك نسقيه بالشربات البارد اول ما تطلع من الفرن ونسيبها نعمل الكريم باتسيرى والكريم شانتى نخلطهم سوا ونجيب كوب لبن مثلج ونحط شويه ونضرب وشويه ونضرب لحد ما الكريمه تاخد القوام المتماسك نحط الكريمه على الديسك ونفردها ونرص المانجو بالشكل اللى تحبيه ملاحظه سوى الكنافه فى صينية البيتزا بتطلع التسويه احلى وندهن الوش بجيلى تلميع علشان تفضل المانجه شكلها حلو جيلى التلميع بنشتريه من عند محلات مستلزمات الحلويات فى منه نوع بيدوب على البارد ونوع على السخن ولو مش عند الجيلى ممكن تجيبى مربة مشمش وتدوبيها فى شوية ميه على النار وتصفيها هيطلع عندك صوص لمعى بيه هيبقى كويس بردوا ملحوظه ممكن تضيفى معلقتين عصير مانجه للكريم بيدى طعم حلو بس انا بحب طعم الكريمه لوحدو لأن طعم المانجه بيبقى قوى من غير حاجه وبالهنا والشفا تحت امركم فى اى استفسار
مشكوره غلاتي
شكرا لك
ابداع متواصل
تقبلي مروري وردي
ابداع متواصل
تقبلي مروري وردي
