بافارقك .. وآنـا فرجـوى وصالـك
يوم الثلاثاء الساعة3عصراً
تلقي نظرة أخيره بعينيها الشاحبة على المكان إلي عاشت فيه كل لحظات حياتها الحلوة والمرة وكل طفولتها ومراهقتها تتأمل المكان إلي عاشت فيه 18 سنه من حياتها بعيون حزينة
قطع عليها سرحانها وتأملها صوت أختها..
جواهر :العنود العنود
العنود :هلا
جواهر :أبوي يقول عجلو يلا عشان يمدينا نوصل بدري
العنود :أن شاءالله
اشحات بوجهها عن المكان الي كانت سرحانه فيه وهو غرفتها
طلعت برا الغرفة لقت ابوها واخوانها الثلاثه قاعدين يحملون الكراتين والشنط للسياره
واختها جواهر تنفض عباتها وامها تشيل المساند والخدديات الصغيره الي بقت
واختها الصغيره ساره مبسوط وفرحانه انها بتروح للمدينه
قامت تساعدهم .
بعد نص ساعه الكل صار بالسياره ماعدا هي
الام : يلا العنود سكري الباب وتعالي
سكرت بيدها الشهبه الباب الحديد الي بدا الصدا يتاكله من تحت ويخفي بعض من صبفته الزرقاء وركبت الجمس حق ابوها مع امها وخواتها واخوانها الي جايين من المدينه ركبوا بسياره ثانيه غير عشان لاتزاحمون وخصوصا انو العفش ملي المكان
داخل السياره ..
ابو سعود :ها مانستو شي وقفلتوا الباب زين
ام سعود :ايه يابو سعود ابد مانسينا شي بس ياليت يابو سعود ماعليك امر تمر على جيراننا بنودعهم بيت ابو سعد
ابو سعود :ان شاءالله
دار هالحوار بينما البنات يتاملون مع الشبابيك بيتهم الي بدا يبعد وبيوت جيرانهم الي كلها بيتين وكل واحد بجهه والمزارع الي هي بعد باماكن متفرقه
وقفوا عند بيت ابو سعد وسلموا عليهم ودعوهم وتوكلوا على الله الى مكان جديد بالنسبه لهم وعيشه جديده وحياه ثانيه بعد ماكنوا بقريه او شبهه قريه تبعد عن المدينه المنوره كم كليوا
الى المدينه الي حياة غير 100% عن القريه والحياة البسيطة
خلينا نتكلم شوي عن عائلة ابو سعود:
الاب :حامد انسان طيب وحبوب بس متمسك بالعادات والتقاليد لابعد حد ومااحد قدر يقنعه انه يتركه الديره الي ما بقى فيها الا كم بيت الا عياله الي كبروا وتوظفوا بالمدينة هو طبعا مايشتغل بس يملك بيت بالديره ومزرعه حاط فيها حلاله (اقصد الغنم ) ومتهم بمزرعه ابوه الي اخوانه مكلفينه فيها بحكم انه عايش قريب منها
الام :وضحا اميه وطيبه كمان وهما رضا زوجها عشان كذا ماقدرت تكلمه بموضوع انهم ينقلون للمدينه لما كل اخوانه بعد ماتوفا ابوهم اخذوا امهم المريضه وراحوا عند اخوهم التجار الي ساكن هناك وتوضفوا وتعلموا الا هو .
سعود : الولد الكبير عمره 29سنه يشتغل مدرس ومن يوم ماتوظف عاش بالمدينة .
خالد:عمره 22 يدرس بالجامعه تخصص حاسب.
محمد: عمره 14 سنه يدرس بالمتوسطة .
العنود:18 سنة تدرس ثاني ثنوي علمي رغم عيشتهم البسيطه عندها طموح كبيرر مرره وطيبه طيبه البنات البريئات الي تحسون روحهم طاهره
جواهر:16 سنة اولى ثنوي مثل اختها الا انها شوي شقيه ولعابه
ساره : عمرها 8 سنين .
وصلوا للمدينة المنوره ..
وكان المساء حل خلاص وصلوا تعبانين وهلاكنين لانهم متعودين يقومون بدري وفوق كذا انهم من الصباح يشتغلون وصلوا لبيتهم الي مايدري عنه غير الاب والاولاد الي شافوه واختاروه وبدو ينزلون الا غراض وهم هلكانين معد ساره الصغيره الي طايره من الفرح
بعد كم ساعه من التحميل والحط والشيل خلصوا تقريبا حطوا كل شي بمكانه طبعا في غرف بالبيت فاضيه كثير لان الفرق كبير بين بيتهم الي بالقريه وبيتهم هذا
الاب : يلا خلاص خلونا ننام والصباح رباح دام دخلنا كل شي بالبيت خلاص بكره نرتبه زين
وبالليل عمكم ابو فيصل مسوي عشاء لنا .
جواهر :الله يعني بنشوف عماني وحريمهم وعيالهم الي ماعمرنا شفناهم
الاب : ان شاء الله .
الام : يلا ناموا ورانا شغل بكره .
البنات : ان شاءالله
الكل راح ينام وبكذا انتها يوم متعب بالنسبه لعائلة ابو سعود .
الاربعاء :
الساعة 9 صباحاً .
الام قاعده تقوم البنات والعيال والاب قاعد يتسمع لـ اذاعة القرآن بالراديو وكان صاحي من الفجر صلى الفجر بالمسجد القريب منهم الي اصر على هالبيت بسسب انه اكثر بيت ناسبهم وقريب من المسجد وقاعد يتقهوى .
قاموا البنات يجهزون الفطور لاخوانهم وابوهم .
بالمطبخ :
جواهر :انا متحمسه مره للعشاء اليوم
العنود : وانا بعد
الام : يابنات بلا كثره كلام اليوم تاخرنا بالفطور عن ابوكم المفروض من 7 حاطينة بس النوم غلبنا.
العنود : معليه يمه اليوم بس ما يضر .
جهزوا البنات الفطور وافطورا مع اهلهم وقاموا تقاسموا شغل البيت الي عليها المطبخ والي عليها البيت وحتى ساره كان لها نصيب من الشغل قعدت ترتب غرفتهم
والعيال سعود من الصباح بشغله صلى الفجر مع ابوه هو واخوانه وراح لشغله وخالد توه افطر مع اهله وراح للجامعه والباقين غايبين عن المدراس وبداومون من السبت .
الساعه 11تقربيا خلصوا شغل البيت وقامت الام تركب الغدا الي تحب
دايم تسويه وتتفن فيه
قاموا البنات يتروشون مع انهم عايشين بالقرية لاكن النظافه الشخصيه اهم شي عندهم الام تحب كل شي نظيف ومرتب مع انها اميه ومو متعلمه الا القران .
الساعه 1 ظهرا الكل جاي معدا خالد الي عنده محاظرات لين 3 الظهر
تغدوا الباقين مع ابوهم وامهم بعد زي روتينهم العادي الام والاب ياخذون قيلوله العصر والبنات ينظفون البيت وسعود بعد اخذ له قيلولة اما محمد قعد على التلفزيون .
خلونا نروح لعائلة ثانية عائلة (ابوو فيصل )…….
الاب :محمد يشتغل تاجر من يوم ماصار مراهق ترك القرية وراح للمدينه يشتغل لين ماكون نفسه وتزوج من المدينة وعاش فيها ومن فتره لفتره يزور اهله ولما مات ابوه قرر ياخذ امه بما انه الكبير ولانها بدت تكبر وتتعب وحاول باخوه ابو سعود بس مارضي لانه متعلق بالقرية واهلها والغنم والعيشه هناك .
الام: سلمى شويه قويه بس لمصلحه عيالها وزوجها وهي طيبه مرره وتشتغل مديرة مدرسه
فيصل : عمره 28 يدرس برا ترجمة .
فجر :23 سنة تدرس ادارة اعمال واخر سنة لها.
فارس : 22 سنة بالجامعه نفس تخصص خالد وهم اصلا اصحاب من يوم ماجاء خالد للمدينه وصار يدرس بالجامعه ودايم مع بعض .
دينا :17 سنة ثانيه ثنوي علمي مرره دلوعه .
دانه : 8سنين .
بالبيت على الغدا متجمعين على طاوله الطعام ماعدا فارس :
الاب: ها لااوصيكم اليوم الله الله بالضيافه
الام : لاتخاف ان شاءالله بنبيض وجهك مع اخوانك
فجر: ياي متحمسه لبنات عمي الي مامن يوم ماكبرنا ماشفنا بعض يالله لنا 10 سنين
دينا بهمس :وع ناس بدو وهمج شفتي اخوهم لما جانا كيف شكلو
فجر : عيب عليك ياويلك لو يسمعك ابوي .
دينا : وش قلت انا ماقلت الا الصدق
فجر قرصتها : خلاص
دينا بدلع : اااااااااااااي
الاب : وشفيك
فجر : مافيها شي دعست على رجلها من دون ماانتبه.
الاب: انتبهي ثاني مره
فجر: ان شاءالله يبه
نروح لعائله اخرى :
عائله ابو ماجد :احمد يشتغل بالعسكرية ومتزوج كمان من المدينة طيب لاابعد حد ويحترم اخوانة .
ام ماجد :مرام انسانة تحب المظاهر بشكل كبير ويهمها كلام الناس .
ماجد :24 سنة يدرس طب .
ماهر: 20 سنة يدرس ادارة اعمال .
ابرار: 22 سنة تخصص رياضيات شخصيتها طيبه وحبوبه مرره .
امال : 17 سنة ثانية ثنوي علمي ودايم مع دينا وماتفارقها ونفس الشخصية .
فواز:9سنين .
والعم الاخير نواف :
عمره 29 مومتزوج ويشتغل مع اخوه محمد بالتجاره والحين بدا يكون نفسه وناوي يتزوج .
العمه الوحيده : مريم طيبه وحبوبه ومسكنه نواف ندها بالبيت عشان ياخذ راحته .
زوجها : جاسم مهندس .
وليد : عمره 20 سنة ادارة اعمال .
يزيد : 17 سنة ثانيه ثنوي ادبي.
وسن :عمرها 14 سنة .
الساعه 6 المغرب بغرفة البنات ببيت ابوسعود :
العنود تلم شعرها الطويل الاسود كوكينا او (كعكه )
ولبست تنوره سوده عاديه وبلوزه كم طويل كروهات فوشي واسود
وحطت فازلين الكريم الوحيد الي تعرفه والي كان مناسب مع الاجواء هناك ولان بشرتها دايم جافه بسسب الشغل فما ينفع الا هو فحطت منه على بشرته الحنطيه مايله للسمار بسبب الشمس الحاره .
وجواهر كمان سوت شعرها مثل اختها الي كان طويل واسود وكمان لبسها كان نفس الشي ماغير الاختلاف بالالون هي كانت تنوره بيضاء وبلوزه اخضر وابيض كروهات .
ساره لبست فسان احمر عادي مناسب لسنها .
والام جلابيه سوده ولفت شعرها بطرحه مع انها موكبيره لهاذي الدرجه عشان تلبس طرحه بس تعودت .
الكل صار جاهز وراحوا لبيت ابو فيصل .
فبيت ابو فيصل:
بيت مليان ريحة عودة وبخور والبزران داخلن وطالعين
والحريم صوت سوالفيهم وضحكهم مالي المكان
وعند الرجال الجده قاعده تسولف معهم والرجال والشباب مستمتعين بسواليفها .
دخل ابو سعود واهله بيت اخوه والكل بدى يهلي ويرحب فيهم
عند الحريم :
فواز: الضيوف جو الضيوف
دينا : ههه امحق ضيوف
الام قرصتها وبهمس : بنت عيب عليك وبعدين علت صوتها هلا والله هلا باللي جانا يالله تحييهم تو مانور البيت.
ام سعود: تسلمين هلافيك منور باهله .
ودخلوا داخل وجلسوا يسلمون .
الجده جات من عند الرجال عشان تسلم على مرت ولدها وبناته
الجده : هلا والله هلا تو مانورت المدينه
ام سعود : منوره بوجودك خالتي
وجلسوا الحريم وقامت فجر تدور بالقهوه ووراها ابرار بالحلى
بنات ابو سعود مبهورات بالاشياء الي يشوفنها واناقه بنات عمانهم وعماتهم والحريم
فجر : بنات وشرايكم نروح الصاله احسن عشان ناخذ راحتنا
العمه مريم مبسوط باخوها واهله : خليكم شوي
الجده : خليهم يتعرفون على بعض حنا لاحقين عليهم.
ام فيصل : صادقه خالتي وعشان جواهر والعنود ياخذون راحتهم اكثر.
العمه مريم: ههه قدرتوا علي خلاص روحوا بس بعد شوي بنط عندكم .
فجر: ههههههه حياك .
وراحوا البنات للصالة :
فجر :يالله تحي بنات عمي
العنود : الله يحيك
ابرار يلا انا بعرفكم علينا وش ندرس
انا ابرار بنت عمكم احمد عمري 22 وتخصصي رياضيات بالجامعة
وهاذي فجر عمرها 23 بنت عمكم محمد تخصصها ادارة اعمال
وهذول الي مايتفارقون دينا اخت فجر وامال اختي اعمارهم 17 تخصصهم علمي ثاني ثنوي
وهاذي وسن بنت عمتي مريم عمرها 14 ثاني متوسط اممم وبس وانتم عرفونا عليكم
العنود : انا العنود عمري 18 ثالث ثنوي علمي .
وهاذي جواهر عمرها 16 اولى ثنوي وساره 8 سنين ثانيه ابتدائي .
ابرار: تشرفنا كيف احساسكم وانتم عندنا .
جواهر متحمسه : واي انا مرره مبسوطه بشكل .
فجر : دوم الوناسة .
دينا وامال مو طايقين العنود وجواهر وحبوا يطفشونهم
دينا : واو ملابسكم مرره حلوه من وين عندكم اسواق هناك
جواهر مبسوطه وبعفويه قالت : والله مشكوره هاذي اخواني شروها لنا لما نقلوا للمدينه اخذو
امي معاهم يوم ودوها السوق وشرت لنا .
امال: يعني انتم ماتختارون ملابسكم من نفسكم .
العنود : ايه بحكم مافي وقت كل يوم ننزل فيه السوق اصلا هناك مافي لااسواق ولا خياطين ولا حاجه .
دينا : ياحرام تحزنون
فجر ماحبت كلام اختها وبنت عمها الي عارفه انه فيه استحقار لبنات عمهم : خلاص بنات نبي ننبسط مو نسولف عن الملابس والاسواق
ابرار: ايه صادقه امال تعالي معي خليني نجيب القهوه والحلى للبنات
امال: ليه خدمات حنا خلي وحده من الخدمات
ابرار: امال يلا
امال فهمت اختها : طيب
ولما طلعوا برا
ابرار: ايش قلت الادب الي فيك انتي ودينا حرام عليكم
امال : وحنا وش سوينا
ابرار : تعلميني فيكم عدوها مايحصل لكم طيب
امال بتافف : اووف ان شاءالله أي اومر ثانيه
ابرارمقهوره منها : ايه روحي جيبي القهوه والحلى والشاهي بعد جزاء لك
امال مبحلقه عيونها : ايش
ابرار وهي تلف عنها رايحه للبنات : الي سمعتيه وبسرعه
امال بقله حيله : اوووف طيب .
مر الوقت حلو ع الكل معدا ام ماجد الي موعاجبها الوضع وتحس انهم معطينهم اكبر من حجمهم ومثل تفكيرها امال ودينا .
انتهى هالجمعه الي كانت مميزه وجميله لاعائله ابو سعود .
الساعه 1
امال نامت عند دينا
بالغرفة :
دينا : وع وع وع مابغوا يروحوا الهمجيات هدول.
امال: من جد يختي قرف خصوصاً لما ياكلوا اول مره اشوف بنت تاكل بيدها كذا
دينا : من مررررره ولا لبسهم اشد درجه من القرف.
امال: من جد هذول النعومه والاناقه بمكان وهم بمكان .
فجر كانت قاعده تقرا كتاب عندهم وتستناهم ينهون المهزله هاذي
فجر بعصبيه : بس انتوا وهي تدرون انكم سخيفات وعقولكم صغيره
دينا : ياسلام انتي ايش حاشرك اصلا انا وامال نتكلم ماتبغي تسمعي اطلعي برا غرفتي
فجر حطت يدها خصرها وبيدها ثانيه تاشر عليهم : لا والله انتي واياها حرام عليكم تغبوني اسكت لكم وانتوا تتكلموا على المسيكنات .
امال : ياسلام دحين هدول غيروا تفكيرك من اول يوم جونا فيه
فجر: من جد بزران ومراهقات اروح غرفتي احسلي مالت عليكم وعلى الي يجي يسهر معكم
دينا تبغى تقهرها زياده رفعت يدها للسماء وقالت : اغصان الجنه يارب
فجر سمعتها وهي طالعه وقالت : أي ان شاء الله طول ماانتم تتكلمون بالناس استغفر الله بس
اما بمكان ثاني بغرفه العنود وجواهر :
العنود : تصدقين حبيت بنات عماني ووسن بنت عمتي مريم
جواهر: وانا بعد بس شفتي كيف اشكالهم حسيت نفسنا اقل منهم وكلام دينا احسها تكرهنا
العنود بطيبه قلب : لا لا تخلين الشيطان يوسوس لك ويفرق بينك وبين بنات عماتك
واذا على اشكالهم بكرا نتعلم منهم ونكون احسن بعد
جواهر : صادقه يلا خلينا ننام ورانا روحة الحرم بكرا
العنود : صادقه تصبحين على خير
وطفت النور ونامت
جا يوم السبت سريع :
العنود وجواهر مع دينا وامال بنفس المدرسة
بالمدرسة الثانوية العنود وجواهر حيرانين وعيونهم ضايعه بالمكان وحاسين كل شي غير ومنبهرات من اشكال البنات الي بعضهم اقل مايقال عنهم انهم جايين فرح مو مدرسة
والكل يطالع باشكالهم البسيطه مرره ومرايلهم الجاهزه الي مخربه شكل اجسامهم
شوي انتبهوا لدينا وامال مع مجموعه من البنات وراحوا لهم
العنود بابتسامه مليانه براءه وطيبه : السلام عليكم
البنات : وعليكم السلام
العنود وعيونها على بنات عمها : كيفكم دينا وامال ياليت تورونا فصولنا .
دينا باتتف وطفش وابتسامه مجامله: طيبين مدري مااعرف وين فصولكم شوفوا هذيك الابله اسالوها .
جواهر: مشكوره يلا نشوفكم بعدين ان شاءالله.
امال بنفس ابتسامه دينا : ايه ايه ان شاءالله
وراحوا العنود وجواهر
وحده من صحبات دينا : ويع من هالبنات اشكالهم مرره
دينا باحراج : هذول بنات جيراننا الجدد فقرا وعلى قد حالهم ومايعرفون احد غيرنا
امال تكمل الكذبه : ايه مرره يحزنون
خلود صاحبتهم : من جد شوف كيف اشكالهم ومرايلهم يارب لاتبلانا
امال تقول لدينا بهمس : فشلونا الله يفشلهم
دينا : من جد اصبري وشوفي وش بسوي فيهم
تررررن
دق الجرس معلن بدى الطابور
بالفسحة جواهر كانت قاعده على جنب لحالها تستنى العنود تجي
جاتها دينا وسحبت جواهر على جنب
دينا تاشر بيدها الثانيه : اسمعي انتي واختك ياويلكم لو القاكم تلحقوني ولا تسلمون علي انا او امال
جواهر متفاجئه : ليه طيب
دينا: من غير ليه يكفي انكم تفشلون واشكالكم مقرفة ولا تعرفون للاناقه والذوق
المهم انا قلت لصحباتي انكم بنات جيراننا الجدد وياويلكم تقولون غير هالكلام سامعه
جواهر بعيون منكسره متفاجئه : ايه سامعه
تركت دينا يد جواهر وطالعت فيها من فوق لتحت وراحت
جواهر مسحت الدمعه النازله على خدها وراحت لاختها
العنود: وشفيك جواهر
جواهر: ولا شي
العنود : والله لاتقولين لي وش فيك
جواهر: استغفرالله ليه تحلفين
العنود: يله بسرعه لاتخليني اصوم 3ايام
جواهر: بقول وامري لله دينا بنت عمي مسكتني على جنب وقالت لي ياويلك تقربين انتي واختك مني او من امال
العنود متفاجئه : ليه طيب
جواهر: مدري تقول ان اشكالنا مقرفه وما نعرف للاناقه والذوق
العنود: استغفر الله بس عشان كذا
جواهر ودمعوها بدت تنزل: وتقول انها قالت لصحبتها ان احنا جرانهم الجدد يعني متبريه منا
العنود : ايش تخسى تتتبرا منا حنى الي مانتشرف فيها بس وربي ماتهون علي دموعك انا بوريك فيهم
جواهر: بالله عنود مانبي مشاكل معهم احنا لسى نعرفهم كذا الكل بيكرهنا بيقول اول ماجوا جابوا المشاكل
العنود : انتي صادقه بس مو لدرجه يقول لنا هالكلام انتي اصبري وبنشوف اخرتها معهم
والله لو مااعتدلوا لا اوريك فيهم
ترررررررررن
خلصت الفسحه
ومرت الحصص سريعه بعد الفسحه وجا وقت الطلعه من الدومات والكل راح لبيتة
ع الغدا ببيت ابو فيصل
ابو فيصل : اليوم عندي لكم خبر حلوو
ام فيصل : خير ان شاءالله
دينا: يلا بابا قول ايش
ابو فيصل : ان شاءالله فيصل اخوكم اليوم دق على وقال بجي يوم الثلاثاء للمدينة
عنده اجازه شهر
ام فيصل : الله يبشرك بالخير احلى خبر سمعته ياحياتي بجي مافيني صبر للثلاثاء
فجر: ان شاءالله يجي وتكحلين عيونك بشوفته
دينا : ياحياتي يافصول قد ايش واحشني
فارس يستهبل : ايه لفصول كل الدعاوي والدلع واحنا الله لنا
ام فيصل : بلا كلام فاضي كلكم عيالي ومعزتكم وحده بس هوا لانه الكبير وببلاد الغربه
ابو فيصل : صادقه المهم بسوي يوم الخميس عشاء بمناسبة جيته جهزوا نفسكم
ام فيصل : ابشر مالك الا الي يرضيك
فجر : بقوم ابشر جدتي بغرفتها اكيد بتطير من الفرحة هذا اكثر واحد فينا تغليه
وراحت لجدتها
يحدّني جرْحِك ، وأناا ما اتكّلم !
شِيخْ يتصدّد عَنْ . . . . سفيهٍعرَضْ لَهْ
البارت الثالث..
ببيت ابو سعود ..
بعد الغدا جواهر تغسل الصحون وساره عالتلفزيون
والعنود ترتب الغرفه وسعود عالنت يخلص له كم شغلة للمدرسه
وخالد بعد قاعد عالبلياردوا الي مستحيل ولد سعودي مايعرف لها
العنود: ساره بالله خذي هالكاسه وديها لجواهر تغسلها نست تاخذها معها
ساره: لا لا بشوف التلفزيون
العنود:يالله ساره انا اليوم ريحتك لما كنا نحط الغدا وكمان يوم شلناه يلا
ساره: اوف طيب
العنود لفت ع خالد : اختك ذي بتجنني
خالد: ———– <منسجم باللعب
العنود قربت منه وطالعت بالشاشة :بس هذي السخافه هي الي شادتك
خالد انتبه لها وحب يستهبل عليها:انتي وش دراك بالبلياردو يالقرويه
العنود: بسم الله عليك اذا انا قروية انت من وين ان شاءالله
خالد: خلاص انا صرت من المدينه متحضر مو مثلكم يابدو
دخلت جواهر وسمعت اخر كلمه:هه الي ينكر اصله مافيه خير وبعدين مدري على ايش مفتخر انك من اهل المدن الي رافعين خشمهم وقلوبهم سوده ومايعجبهم العجب وحتى اهلم ينكرونهم<بعد ماطلعت الي بقلبها وباين انه كلام وحده مقهوره طلعت من الغرفة
خالد والعنود متفاجئين وهم اصلا كانوا يمزحون مع بعض لا غير
خالد: وش فيها ليه كذا تتكلم وهي ماكملت اسبوع هنا
العنود الي تذكرت كلام بنات عمانها بالمدرسه : ها مدري عنها بعدين تراها لسى مراهقه وتتاثر بسرعه
خالد: الله الله يالكبيره .
العنود: ايه كبيره يلا بروح اشوفها وش فيها
الساعة 5 العصر ببيت ابو ماجد:
ام ماجد: ها يمه امال كيف بنات عمك اليوم بالمدرسة
امال: مين البدو ياي ياي ياماما مره سوفاج واشكالهم تقرف
ابرار: عيب عليك
امال: ماما شوفي بنتك لاتجلس تسوي فيها الناصحه خليني افضفض اوف فشلونا مرره اليوم انا ودينا
ام ماجد :ابرار مالك دعوه خلي اختك تتكلم
ابرار: امي عاجبك الحين تشجعينها تتكلم كذا ع البنات وتتغتابهم
امال: لو سمحتي انا اقول راي لاغير مو اغتاب
ابرار: يا الله ورايك زي وجهك اقوم احسن لي
امال تكلم امها : ايش فيها بنتك كذا معقده
ام ماجد: مدري ايوه كملي
امال: وبس فشلونا بس انا ودينا قولنا للبنات هذول بنات جيراننا مو بنات عمانا
ام ما جد: ايوه احسن كذا
مرا الاسبوع سريع
لاجديد غير انو العنود وجواهر صاروا يتاحشون يجلسون بمكان بالمدرسه فيه دينا وامال
اليوم الخميس :
ريحة البخور ماليه بيت ابو فيصل ومن بعد المغرب والكل تجمع بالبيت
امال ودينا بغرفة دينا :
امال: ياربي فصول متغير عن قبل مايسافر
دينا: الله الله فصول تدلعيه
امال: عادي ولد عمي ومثل اخوي
دينا تستهبل : علينا
امال بصدق : وربي مااحبوه اصلا ماابغى احد من العايله بس تعجبني شخصيتو لا غير
دينا وهي تحط الروج وتطلع بامال بنص عين : صدقتك
امال تاشر بيدها بلا مباله : كيفيك صدقتي ولا ماصدقتي امشي خلينا ننزل تحت
تحت
فجر: بنات شرايكم نطلع بالحوش
العنود: بس الرجال مو برا
فجر:لا هم بالمجلس واحنا بنطلع مع الباب الي ورا من جهة المطبخ
العنود :اها طيب
طلعوا البنات كلهم حتى دينا وامال لحقوهم
العنود :بنات بروح اشرب موية
دينا بقرف: روحي احد ماسكك ولا زم تعلمينا بتحركاتك
العنود طالعت فيها من فوق لتحت وراحت
فجر : دينا بلا مصاخة
دينا: اوف ناس تقرف (وبسرعه عشان لاتهاوشها فجر لفت وكلمت امال )
فجر وابرار تفشلوا وجواهر سكتت بس وجهها تغير لونه
بالمطبخ عنود قاعده تشرب مويه ومعطيه باب المطبخ الرئسي ظهرها وحاطه شيله على شعرها ومو لابسه عابية
:هيه انتي
العنود سمعت صوت الرجال وجمدت ماكنها وماقدرت تتحرك
فيصل قرب: هيه ماتسمعين
العنود للحين نفس الوضعيه
فيصل قرب منها عشان تسمع : هيه ماتسمعين شغلات اخر زمن
العنود هنا لفت وطالعت فيه من فوق لتحت وطلعت برا وسكرت الباب بقوه حق الحوش
فيصل الي ماانتبه لملامح وجهها زين قال : وربي شغلات مايستحون .
دينا دخلت وهي تتحلطم على العنود بصوت عالي شوي : وجع همجيه كسرتي الباب
فيصل:خير تتحلطمين
دينا :من الغبيه بنت عمي كسرت باب المطبخ
فيصل متفاجئ :الحين الي طلعت من هنا بنت عمي عمي مين
دينا : ايوه بنت عمي حامد وانت وشدراك انها كانت هنا لايكون سوت لك شي
فيصل : لا ماسوت الحقيقه انا الي سويت
دينا بسرعه : وش سويت
فيصل: ماسويت شي بس كنت احسبها وحده من الشغالات وناديتها وهي شكله من الخوف والفشيله ماردت ولمى قربت وقلت لها شغلات اخر زمن عصبت وطلعت
دينا فاطسه ضحك : بعدي اخوي تستاهل وربي مثل الشغالات
فيصل :بنت عيب وبعدين انتي تتكلمين مره حجازي ومره نجدي
دينا : ههههه من كل مكان قطره بس وربي بردت حرتي من اول منرفزتني
فيصل :والله من دون قصدت لانها حاطه شيلة ولابسه مثلهم تنوره طويله وبلوزه
وسمره فاستغربت
دينا: ايوه هم البدوكذا
فيصل : بس يلا عطيتك وجهه شوفي الشهاي خلص
نرجع للعنود الي جرحها فيصل بكلامه
وجلست ساكته ماتتكلم
رجعت دينا وهي تتطالع بالعنود وفي وجهها ضحكه
فجر:كله هذا تكلمين امي لعبنا اونو وخلصنا وانتي لسا
دينا وهي تطالع بالعنود:لا قابلت فصول بالمطبخ واستهبلنا شوي عالشغالات <وشدت على الكلمه شوي
العنود انجرحت زياده وقالت : جواهر يلا قومي
· وقامت جواهر وراحوا للحريم
اما دينا امبسطت زياده ولما سالوها البنات ليه العنود سوت كذا ماردت ولاقالت لهم الموقف لانه عارفه ان فجر بتهاوشها هي وفيصل فسكتت
_______________
صار وقت العشاء راحوا البنات يجهزون مع الشغالات
العمه مريم:بنات مره زحمه عند الحريم زي ذاك اليوم
ابرار: لالا عاد ذاك اليوم ماقدرت اخذ راحتي بالاكل بناكل بالصاله احسن
فجر: من جد كله ولا الاكل وبعدين احسن احنا كلنا بنات ناخذ راحتنا
العمه: على كيفكم عطيني صحن اغرف لكم من الرز واللحم
فجر تعطي عمتها الصحن: لااوصيك كثري من اللحم الناعم
العنود: ههه طلعتي مثلي مااعرف اكل الا هو
فجر: لذيذ مرره
العمه : بنات وين سفرتكم يلا بسرعه الصحن حار
راحوا البنات وحطوا السفره
ابرار تكلم العنود وجواهر :ها خلصتوا بيتكم
العنود : لسى ما سوينا شي بالاثاث ماشريناه
ابرار: ايش هيا المحلات الي تبغون تشترون منها
دينا : هما يعرفون شي حتى يختارون
العنود طلعت فيها وسفهتها ولفت تكلم ابرار: مادري بس يمكن نروح للمحلات الي على طريق المطار.
فجر: ايوه فيها اشياء حلوه وغرفتكم خلوها علينا احنا بنساعدكم فيها
ابرار: ايوه فيه محلات اشياءها حلووه
العنود: تسلمون بس مو الشهر هذا الشهر الجاي لانو الشهر بنسوي المجالس والصاله والمطبخ .
فجر : ان شاءالله.
بعد العشاء قعدوا البنات بالحوش مره ثانيه والعنود كارهه القعده بس عشان خاطر فجر وابرار
العمه مريم : بنااات ترا عمكم نواف حاب يدخل يسلم عليكم ويشوف العنود وجواهر
دخل العم نواف وتلصقوا فيه امال ودينا وخصوصا دينا لانه تحبه مرره
نواف : خلاص بنات ابعدوا خلوني اسلم عالوجيه الجديده
العنود قربت وسلمت عليه : كيفيك عمي
نواف : الحمدالله بخير وانتي
العنود : طيبه طاب حالك
نواف : وحالك بعد وانتي كيفيك جواهر صح
جواهر : اكيد وهل يخفى القمر
نواف يضحك: حتى انتم وصلت لكم هالدعايه
العنود : ايه اكيد ترا حنا بقريه مو بالقمر
نواف : ههههه طيب اسافين مين الحين الكبيره ومينا لصغيره
العنود : انا الكبيره وهي الوسطى والصغيره ساره
نواف : اها وكيف تاقلمتوا و لا لسا
العنود : يعني شوي شوي الا ان فيه اشياء بسيطه مو قادرين نتأقلم معها
نواف :مع الايام ماراح تحسون فيها
العنود :ان شاءالله
فجر :العنود ها لااوصيك احنا مسوين حزب عشان يوافق يتزوج ولازم تدخلين معنا
انتي وجواهر.
جواهر : اكيد ودي بزواج من زمان ماحضرنا
دينا :اكيد مو كنتوا منقطعين عن العالم.
نواف مااعجبه كلام دينا وناظر فيها نظره ورجع طالع جواهر:لا ان شاءالله بالقريب العاجل بتفرحون
ابرار: من جدك احلف يلا بسرعه مين سعيدة الحظ.
نواف خبطها بشويش :ليه عمري كذبت عليك.
ابرار : ها لا بس بيلز عم ويلا حمستنا
فجر : من مرره حمستنا
وسن تستهبل:حتا بدينا نخطط بالفساتين من الحين
نواف: اما عاد
جواهر: يلا قول
نواف: طيب والله ياوطيلات العمر لين الحين ماحطيت وحده ببالي بس انا ابغا اكلم جدتكم اليوم او بكره وعمتكم مريم يدورن لي وانتم بعد لااوصيكم
فجر: لاتوصي حريص من الحين بنقعد نخطط ونفكر
نواف وهو قايم: طيب لا اوصيكم انارايح اشوف العيال لاياكلوني الحين قالوا ياويلك تطول
العنود: الله معاك
جواهر تستهبل : فرصه سعيده تعرفنا عليك
نواف وهو راح لف واشر على نفسه : وانا اسعد يلا فمان الله
دينا بعد ماراح عمهم: انتوا وياه ارتحتوا لما دخلتوا فكره الزواج براسه
فجر: خير ما تبغيه يتزوج
دينا: لا اخاف يتزوج وحده تغيره علينا
ابرار: بس الله يشفيك بدال ماتدعين ربي يرزقه ببنت الحلال الطيبه تقولين كذا
دينا: لا من جد بعيد حيتغير علينا ومحا يحبنا زيا ول
العنود: الزواج سنة الحياة وربي يرزقه بالطيبه ان شاءالله
دينا: انتي محد طلب رايك
فجر : دينا بس
دينا: اوف اصلا انتوا عكرتوا مزاجي حطلع غرفتي يلا امال
امال: طيب .
انتهى البارت صح ماكان فيه احداث كثيره
بس لاتستعجلون على رزقكم
توقعاتكم
العنود &فيصل ايش حيصير اكثر من الي صار
العم نواف
والباقين ايش توقعاتكم لهم
