لا تحسب بسطور الابيات اهجيك

اذكرك ايه اذكرك بس والله ما اغليك
وشلون ابغلي من ذبحني ظليمه

عفتك وربي شاهد بكل ما فيك
ومكانتك بالجوف صارت عديمه

يكفي خذلت الروح لحظة تجنيّك
وأحدثت في قلبي جروح ٍ أليمه

ولا تحسبني بعد بعدك ابكيك
واسكب دموع القهر والا الهزيمه

والا اباخذ بالحكي معك وأعطيك
وأجني من افكارك عواقب وخيمه

إبعد وروحّ ياعسى الوقت يمديك
من قبل ما تخسر خساير عظيمه

وخل الذي جابك لغيري يوديك
دام الهوى اصبح هوان وشتيمه

ودامك رخيص الذات وشلون ابشريك
قلبك مصدي والمشاعر قديمه