لما يخاويك الحزن .ويضيق بك وسع الفضاء

الله يا كبــــر الألــــــم … لو جاك من سهم غريب
وشلون لو جاك السهم … من شخص عديته قريب

لما تصير التضحـــــية … شي عادي في شرع البشر
تلقى السنين المقفية … راحــــــت من أيامك هــــدر

يعني بعد كل ما عطـيت … و أفنيت عمرك في العطا
وش هو شعورك لو لقيت … كل اللي ســــويته خـــطا

لكن رغم كل ما حصل … مهما تعاكســـنا الظـــروف
بكرا تجي شمس الأمل … تشرق على الدنيا و نشوف

و الظلم لو مهما يطول … اللي انكتب لازم يصير
دنيا و تجاربها تقـول … الله على الظــالم كبير