بقللمي اكتب لكم هذه الرواية [ ليتني كنت ]
واترككم معها
نتعرف على الشخصيات :
ابو خالد : عنده شركه خاصه ب اسمه وعنده 5 بنات و4 اولاد يحب المزح وكلمته واحده ولاترد
ام خالد : متوفيه
خالد : الابن الااكبر العمر 30 سنه متزوج وعنده ثلاث بنات وحلمه ان يجيه ولد ولايمكنه الزواج من امراة اخرى لانه يحب زوجته بشده يحب المزح وهو خفيف دم ويشتغل بشركة والدة
امنه : زوجة خالد العمر 26 سنه حلمها مثل حلم خالد طيبه وعلى نياته وعنده ثلاث بنات بشرتها تميل للبياض
نايف : الابن الثاني العمر 28 سنه متزوج وعنده ولد وبنت ثقيل وعاقل لايحب المزح كثير ويشتغل بشركة والدة
هند : زوجة نايف العمر 25 سنه طيبه وعنده ولد وبنت بشرتها حنطيه ومملوحه
نوف : العمر 26 سنه تقدم لها 3 رجال وكان جوابها الرفض وكان عذرها تربية اخوتها بشرتها تميل للبياض ولها غمازه واحده غير واضحه
روابي : العمر 22 سنه لم يخطبها اي رجل بعد بشرتها سمراء وهي ثقيله شوي
طلال : العمر 20 سنه يدرس في امريكا اسمر وجميل ويحب المزح
شهد : العمر 18 سنه الصف ثالث ثانوي جميله ولها غمازاتن واضحات وهي ابيض واجمل عائلتها
اريج : العمر 16 سنه الصف اول ثانوي جميله ولها غمازه واحده غير واضحه وبشرتها حنطيه
فيصل : العمر 14 سنه الصف ثاني متوسط ثقيل على صغر سنه اسمر وجميل
سارة : العمر 12 الصف سادس ابتدائي اخر العنقود وبشرتها حنطيه
بسم الله نبداء :
شهد واريج وفيصل رجعو من المدرسة
شهد بصراخ : حـــــطـــو الغغداء جيعآآآآآآآآآآنه
اريج : اي والله اليوم جوع غير طبيعي
نوف : طيب اسم الله روحن غيرن وتعالن
سارة : نوف لا شوي نبيه بعد نص ساعة الحين الساعة 12
شهد واريج بانفعال : انقلعي ماهو لازم تتغدين
سارة بحزن : انقلعن انتن
في المسجد ابو خالد وابنائه
خالد وهو في الصلاة ساجد : يارب ارزقني ولد وكررها ثلاث مراات
رجعو العيال من صلاة الظهر طبعاً كلهم ساكنين في بيت ابو خالد
ابو خالد : نوف وين الغداء
نوف : طيب طيب يبه ثواني
قعد ابو خالد وابنائه على طاولة الطعام
والحريم طاولة اخرى لان امنه تتغطى عن نايف وكذلك هند تتغطى عن خالد
شهد واريج ياكلون بسرعة
روابي : بسم الله كلن شوي شوي
الكل ضحك غير شهد واريج
شهد : والله مالك دخل
اريج وهي تاكل : اي والله اول مره نتفق انا وشهود على شيء واحد
روابي بقرف : اريج ووجع سكري فمك ولاعاد تتكلمين وانتي تاكلين فاهمه
اريج : كيفي وكل يوم ابي افتح فمي انتي قلتيها فمك " وعاندت اريج وفتحت فمها
بعد لحظات سكت الكل
وقامو عن طاولة الغداء وشهد واريج اتجاه لغرفتهم روابي ونوف وسارة بغرفه واحده وشهد واريج بغرفه
والاولاد كل واحد غرفه
العصـــر في مجلس الرجال كانت نوف قاعده تقهوي ابو خالد مثل كل يوم
ابو خالد : اححم اليوم جاني رجال من عائله كبيره وطلب وحده من بناتي
نوف بفرحه : منهو الرجال ووش يشتغل ومن يبي ياخذ ؟؟!
ابو خالد بضحكه : شوي شوي
نوف : وش اسوي والله من زمان مافرحنا
ابوخالد : ابو الرجال له شركه اكبر من شركتنا مليون مره وماله غير هالولد والعريس يشتغل عنده ويبي يخطب شهد وانا اعطيته الموافقه عني وعنها
نوف بااندهاش : شهد
ابو خالد : ايه وش فيها ؟؟
نوف : مافيها شيء بس روابي حرام
ابو خالد : اذا على روابي انا اقنعها
نوف : وبعدين شهد صغيره
ابو خالد : وهو صغير
نوف : كم عمره
ابو خالد : مابينهم الا خمس سنوات 23
نوف : ممادري يبه بس اذكر شهد تقول اول ماراح اتزوج الا اذا خلصت الجامعة
ابو خالد عصب : افا تبيني ارد كلمتي للرجال انا كلمتي وحده والملكه بعد اسبوعين ويقول اذا خلصت الثانوي يحددون العرس
نوف تفاجئت : ماايمدي
ابو خالد : انا عطيت الرجال كلمه وانتهاء الحديث
نوف : على امرك , طيب هو وش اسمه
ابو خالد : سلمان مشعل ال …
نوف : اهاا
ابو خالد : هاه توصين على شيء
نوف : لا سلامتك
وطلع ابو خالد
نوف ركض للروابي لين نوف وروابي قريبات لبعض
نوف : رواااابي
روابي : هلا اسم الله وش فيك
نوف : قولي اللي مافيني
وحكت لها السالفه
روابي مبسوطه لختها : ععادي
نوف : وانتي
روابي : وش بي !!
نوف : راضيه
روابي : وش دخلني انا
نوف : لاخلاص ولا شيء
روابي فهمت نوف بس ماحبت توضح لها انها افهمت
نزلن امنه وهند ونوف حكت ل امنه وهند السالفه
طبعاً نوف وروابي وشهد واريج وساره يعتبرون امنه وهند خواتهم وامنه وهند كذا
هند : عالبركه حلو
امنه : عادي ليه متضايقه اقرب مثال لك انا
نوف : ممادري بس احسها صغيره على الزواج
امنه : هو قال يبيها بعد الثانوي لا صغيره ولاشي
هند : طيب شهد تدري
روابي : هينا المشششكلله
هند : طيب ليش ابوك وافق
روابي : ممادري
امنه : نوف خلاص ماعليك انشاءالله شهد توافق
نوف بحزن : انشاءالله
المغرب
صحت شهد وخذت لها شور سريع ونشفت شعرها ونزلت : السلام
الكل :
شهد رفعت حاجب : قلت السلام
امنه : هلا وعليكم السلام
وقعدت
نوف : شهد اسمعي ابي ااقولك شيء
شهد : قولي
نوف بسرعه : اليوم واحد طلبك من ابوي وابوي وافق والملكه بعد اسبوعين والعرس بعد ماتخلصين الثانوي
شهد بعد صمت طويل : ايش
امنه : يا شهد ياحبيبتي المراه مالها غير بيت زوجها
شهد :
روابي : وهو من عائله غنية ويشتغل وعندهم بيت ملك يعني تقدرين تضمنين مستقبلك ومستقبل اولادك
شهد :
نوف : هاه وش قلتي
شهد بصراخ ودموع : لا طبعــــــــــــــاً لا
نوف بخوف بس مابينت : بس ابوي وافق واعطى الرجال كلمه
شهد بصراخ والدموع يطيحن من عينها : وانا قلت لا مااااابي ماهو على كيفه
روابي : خلاص شهد ماتقدرين تغيرين شيء
شهد بصراخ : اوووووووووص ولا كلمه انتي يالعانس اسكتي لا بكف
روابي ناظرت شهد وعيونها بها الدموع وطلعت
نوف : وش سويتي بالبنت حررررام عليك
شهد : والله من قالها تتدخل فيني
نوف ناظرت شهد بوقاحه وطلعت
هند : حرام عليك " وطلعت "
امنه لحقت هند
وروابي راحت ركض لغرفتها بس نوف وامنه وهند قدرو يلحقونها قبل لاتقفل الباب وشهد عيونها مليانه دموع وتصيح
نوف مسكت روابي وحظنتها : ياروابي ماعليك منها هي بزر ولا عارفه وش تقول
هند : والله ماتوقعتك كذا كلمه وحده جرحتك
روابي بصياح : وش اسوي انا مابيدي شيء
هند حبت تهدى روابي وتضحكها : اذا قالتلك يالعانس قولي لها يابقرة سلمان
الكل : هههههههههههههههههههههههههههه
وهدت روابي بعد كلمة هند
سارة قامت من ضحكاتهم لين مثل ماقلنا نوف وروابي وسارة بغرفه: وش بكم تضحكون
امنه : الله انتي ماتدرين
ساره : ليه وش فيه
امنه : نامي نامي
سارة عرفت انا ماحد راح يقولها وحطت راسه على المخده
نرجع لشهد كانت الدموع على خدها وتصيح من الساعة 7 لين الساعة 12 طبعا بغرفته بعد ماصحت اريج من النوم وشهد راحت لغرفتها وقفلت الباب واريج ماهي عارفه وين تنام لين شهد قفلت الباب واريج تطق وهي ماتفتح
نوف : خلاص تعالي عندنا
اريج : بس من وين لي فراش
نوف : بالمخزن فيه
اريج : اشوى اني حطيت نص مللابسي بالغساله ودروسي حطيتهن بالصالة
نوف بضحكه : اشوى
وراحت اريج تجيب الفراش عشان تنام وحطت الملابس اللي بالغسيل بدولاب نوف وفرشت بالاارض وناممت لينها عارفه شهد ماراح تفتح الباب وانها اذا زعلت ماراح ترضى بسهولة
امنه حكت لخالد السالفه
خالد تفاجى : سلمان مشعل ال …
امنه : ايه ليه
خالد ماحب يمدح رجال قدام زوجته : لا بس اسئل
امنه تفاجئت من خالد :
نايف : البنت بيتها بيت زوجها
هند : ماقلنا شيء بس لازم توافق
نايف : كلمتها هي كلمة ابوها
هند :
اسبوع المراجعة للطلاب
نوف حاولات تقنع شهد انها تذاككر بس كان جواب شهد السكوت
نوف : ياشهد افتحي الباب على الاقل
شهد واخيرن ردت شهقت وهي تقول : مابي اذكر وخري عني
نوف انبسطت انها ردت : شهد طيب كولي شيء مايصير كذا ثلاث ايام واليوم يكمل اربع وانتي ماكلتي شيء
شهد وهي تصيح : انقللعي كفايه اللي سويتوه فيني انقللللعي
نوف قررت انها تعلم ابوها عشان يخلي شهد تذاكر وتاكل
نوف : يبه
ابو خالد : هلا
نوف : شف شهد ماذاكرت ولاكلت
ابو خالد : هي وينها
نوف : بغرفتها
ابو خالد رقى فوق لغرفتها وهو يطق الباب : شهد يبه افتحي الباب
شهد : انقللللع عني انت اساس البلى
ابو خالد عصب وكسر الباب ودخل ولقى شهد قاعد بالزاوية وتصيح : منهو اساس البلى
شهد بخوف :
نوف خافت ان ابوها يسوي بااختها شيء مسكت ابوها وطلعته من الغرفه ونزلته للمجلس وراحت ركض لغرفة شهد >> ياعمري يانوف
نوف وهي خايفه ان شهد تسوي فيها شيء وقعدت وحضنتها : ياشهد ياحبيبتي خلاص
شهد :
وقعدت نوف تتكلم وشهد نامت وهي بحضن نوف نوف تفاجئت بنص الكلام ان شهد نايمه وابتسمت ولمست خدها بحنان والله وكبرتي وتزوجتي
وشالتها لغرفتهم ونومت شهد جنبها ونوف كانت طول الليل تلمس خدها بحنان وتقرا عليها وكان دعائها اللي اكثر شيء كانت تكرره
( يارب ان سلمان مشعل ال … يطلع حنون عليها )
^
توقعاتكم ونقدكم
وش تتوقعون اللي راح يحصل لشهد ويترا هل راح تتزوج سلمان
تتوقعون دعاء نوف راح يستجاب
تستاهلي احلى تقييم
