مات وشلون والبارح كلمتني !!

ماني مصدق لو يقولون ماتت
وشلون وهي البارحة كلمتني

قالت أكيد إنك لصوتي تشوقت
قلت آه كلك يالغلا شايقتني

اشتقت لك ولنضرتك حيل اشتقت
ولهمستك ولبسمة ساحرتني

ولمعانقك يا بعد عمري تولهت
وكلمة هلا حبيبي وربي أوحشتني

قالت أحبك قلت أنا فيك ميت
واللي يحفضك بالغلا مالكتني

قالت وتنسى صورتي قلت لا كنت
ينساني الله كانها فارقتني

وهلت دموع الغالية ثم قالت
قالت أحس إن المنية لفتني

قاطعتها استغفري الله يا بنت
وعجزت أكمل عبرتي أخنقتني

قالت أبي منك الوعد لو أنا غبت
تحفظ مشاعر حب فيك أجمعتني

قلت أحفظه وأحفظك ما دام أنا دمت
بس إرجعي فرقاك موت أرهقتني

قالت كذا يا نور عيني أنا ارتحت
والوعد باكر بعدها ودعتني