ماسكات لشد تجاعيد الرقبة
ماسك اللانولين
المقادير:
ملعقة لانولين
ملعقة مايونيز
الطريقة:
سيّحي اللانولين على نار هادية وضيفي عليه المايونيز، ووزّعي الماسك على رقبتك من تحت لفوق بحركات دائرية، والماسك ده مفيد لترطيب البشرة في المنطقة دي وشد التجاعيد وتغذية البشرة، وممكن تستخدميه من مرتين لثلاث مرات في الأسبوع، بس خلّي بالك إن الماسك ده ما ينفعش تحتفظي به في الثلاجة.
ماسك التفاح لشد ترهلات منطقة الصدر
المقادير:
عصير تفاحة كاملة
الطريقة:
ادهني منطقة الصدر من أسفل لأعلى بعصير التفاح باستخدام فرشة الصبغة، وخليكي به لمدة من 30 : 60 دقيقة لو كان سنك من 20 : 25 سنة.. ولو سنك فوق الـ30 يبقى لازم تستخدمي عصير التفاح يوميا مع إضافة ملعقة عسل نحل، وبعد كده اشطفي جسمك بالميه العادية، وادهني المنطقة دي بخل التفاح، واقعدي به.
ماسك الدقيق وخل التفاح لشد الصدر
المقادير:
ملعقة دقيق
1 ½ ملعقة خل التفاح
ملعقة عسل نحل
الطريقة:
ضيفي الدقيق على خل التفاح، وقلّبيهم مع بعض كويس، وبعد كده ضيفي عليهم العسل وقلّبيهم، ووزّعي الخليط ده على منطقة الصدر لمدة نص ساعة أو ساعة على بشرة نظيفة، ونشطفه بالمية.
وناخد بالنا إن الماسك ده يتكرر على الأقل من مرتين إلى 3 في الأسبوع عشان المنطقة دي حسّاسة ولازم يكون ليها عناية خاصة.
