أنا و صديقتي كنا وايد وايد مع بعض فوق ما تتخيلون و كنا دايم نضحك مع بعض ما كنا نطلع شعورنا جدام بعض (ما أقولها أحبج او انج فاهمتني انتي احسن صديقة و لا اهي ) بس المشكلة اني ساعات أحسها حاقدة علي و كارهتني و السبب أني هالأسبوع أشوفها وايد قاعدة تشوف روحها علي و دايم تقولي أني غبية و بنبرة حادة مو ضحك يعني من صج قبل كانت تقول جذي و كنت أحطلها أعذار و أحسبها ضحك و ساعات أحط بقلبي و أقول ليش تكلمني جذي بس اللي يخليني أتغاظه عن هالشي هو انها كانت تدافع عني جدام رفيجاتي اللي خانوني السنة اللي طافت ( ماعلي تحملوني عادي كل سنة لازم ينقص علي ) و مو بس تقوللي جذي بعد كانت دايم تلزقني بشلة صفنا ( عندنا شلة مشاغبة في الصف ) كلما قلتلههم شي قالتلي (صايرتلهم ارجوز ) مع العلم اني ما سويت شي مجرد أجاوب على الأسئلة اللي يقولولي ياها و أضحك على وايد أشياء يسونها ( عادي أنا وايد أضحك ) و أمس كنت عادي قاعدة أتغشمر معاها و قلتلها عطيني القلم و تعاند و كملنا اللعبة عطيني مابي عطيني مابي .:10_9_134[1]:
بعدين جت بنت و اختها ( احنا معادينهم ) قالتلي فلانه قتلها شتبين قالت لالا خلاص مابي شي قلت حمد لله و الشكر ردت علي صديقتي ( مو كأنج تشيحطتي جدامهم )
أنا اللحين محتارة شسوي أغير معاملتي معاها و أنا ما أبي أخسرها أنا صج أحبها ؟
وهل السبب شطارتي بالمدرسة ؟ لأني لاحظت عليها أنها بدت تغار كلما مدحتني الأبلة .
كنت حاسة راح أكون مثل اللي قبلي هي دايم كانت تشتكي من رفيجاتها قبل و تهاوشت معاهم سنتين اول سنة وحدة وثاني سنة وحدة اخاف اكون الثالثة ساعدوني أحسها تدور علي الزلة عشان تتهاوش معاي.
و أشكركم و الله يوفقكم انشاء الله و يبعد عنكم كل شر
