والقضايا اللى مرفوعة ما بينهم
وعارفين ان زى ما نصر عمل ما بهاء سلطان ومع شيرين جية الدور على تامر
انا طول الفترة اللى فاتت مارضيتش اتدخل فى المشكلة علشان كنت مصدوم
فعلا كنت مصدوم …ماكنتش مصدق اللى بيحصل
الفترة اللى جاية تامر هينتج لنفسة …ولا هيروح روتانا (واعتقد انة هيختفى وابداعة هيتقتل لو راح روتانا )
ولا اية اللى هيحصل …علشان كدة انتهزت فرصة ذهبية
تامر بكرة هيقعد مع نصر محروس فى محاولة لتصفية اللى بينهم …محاولة ودية
هيتفقوا على شوية حاجات وربنا يهدى النفوس
علشان كدة النهاردة ولأول مرة مش هانكلم تامر
احنا هنكلم نصر ..ونهيئة نفسيا قبل قعدتة مع تامر
نقدر نخلى العلاقة ما بين تامر ونصر احسن ما كانت فى الأول
نقدر نقول لتامر .اخواتك وحبايبك مش مجرد جمهور
وواقفين معاك فى محنتك مع نصر ..علشان دى محنتنا احنا كمان
اى حاجة تخص مستقبلك يا تامر ..تخصنا قبل ما تخصك
انا جبت كل بيانات شركة نصر محروس وكل الطرق اللى نقدر نوصلة بيها
كلنا هنكتب صيغة واحدة يا جماعة علشان نصر يعرف اننا ايد واحدة وبنتكلم بلسان واحد
ودى اهم حاجة ..وهو دة التصرف الصح ان شاء الله قبل قعدة تامر ونصر بكرة
اقتباس:
كل سنة وانت طيب يا استاذ نصر ….ماحبيناش نكلمك قبل المناسبة دى علشان نهنيك الأول قبل اى حاجة
عيد سعيد عليك يارب …انا واحد من جمهور تامر حسنى العريض …تامر النجم …ودلوقتى باكلم نصر محروس صانع النجوم كلها …بجد يا استاذ نصر قبل ما تكون اخ اكبر واب لتامر ..فانت كل حاجة بالنسبة لجمهور تامر …وبنتمنى نشوفك فى كل حفلة تامر بيكون فيها …وكل مناسبة اى حد بيكون فينا فيها ..علشان انت مش غريب عننا …بنفرح لما بنسمع تامر بيغنى كلماتك او الحانك او بنشوف كليب من اخراجك …بنحس فعلا انت وتامر روح واحدة…وانتو اكبر من اى مشكلة تحصل ما بينكو ..تامر ماينفعش يعيش بعيد عن نصر ونصر ماينفعش يعيش بعيد عن نصر ..شغلكو بيكمل بعض ..واحنا حاسيين بالروح دى ..علشان كدة ..وعلشان خاطر كل محبيك ومحبى تامر فى مصر والوطن العربى كلة …عايزين صفحة جديدة تبتديها مع تامر …صفحة ابداع ونجومية مالهاش حدود …واى نجاح لأى حاجة تامر بيقدمها ….بتتنسبلك انت قبل ما تتنسب لأى حد تانى من اللى بيشتغلوا مع تامر .وانت فعلا شريك تامر فى كل نجاحاتة .زى مانت اللى وقفت مع تامر ادام الدنيا كلها فى محنتة الأولى وحمستنا احنا جمهور تامر اننا نستنى تامر ونفضل معاة ..احنا دلوقتى اللى بنطالبك يا استاذنا انك تفضل مع تامر ومايكونش فية خلافات ما بينكو…كتير مننا اتعامل مع تامر وماتعاملش معاك ..بس تامر راسملنا صورة جميلة اوى عن نصر محروس من كلامة عنك ..وانك اول سبب لنجاحة بعد ربنا …واستمرار نجاحة بردو لربنا وبعد كدة لنصر ..وهى دى الخلطة السرية لتامر ونصر …ومفيش حد بيحب تامر الا اما يكون بيعشقك يانصر يامحروس بعيدا عن الألقاب لأن اسمك لوحدة لقب..ياريت يا استاذنا ماتقتلش صفحة جميلة وكل احساسينا اللى جوانا دى ..احنا تامر ..وتامر احنا ..وكلنا نصر محروس
دى الصيغة يا جماعة ان شاء الله اللى كلنا هنبعتها بكميات كتيرة وبسرعة
مظاهرة الكترونية واهم ما فيها الأحترام وصيغة الأحترام
احنا بنكلم صانع نجوم ومكتشف تامر حسنى
يعنى مش حد قليل خالص …بالعكس هو المحرك الأساسى لتامر
ومش عايزين لحظة عصبية تعمق الجرح اللى بينة وبين تامر
الصيغة دى ..هتتبعت فاكسات .وايميلات لشركة فرى ميوزيك
We Will ROck Free Music
بجد يا جماعة لازم نهز الشركة كلها ونعمل مظاهرة مؤثرة وفارقة فى حياة تامر
من جوا وبرا مصر …كلنا ايد واحدة ..نفس واحد …نية واحدة …مع تامر ومع نصر محروس
وياريت الموضوع دة يتنشر ..علشان نلحق نلفت نظر نصر محروس قبل قعدتة مع تامر
وزى ما قلنا نهيأة نفسيا بكلامنا ..ان تامر مش قاعد معاة لوحدة
مصر والعرب كلهم قاعدين مع تامر وبيتكلموا مع تامر
وعايزين مصلحة تامر …ومصلحة نصر
رقم الفاكس والميل اللى هنبعت علية من كل الدنيا ..جوا مصر وبرا مصر
دة اهم من اى تصويت اتعمل لتامر ..اهم من اى جايزة تامر هياخدها
لو نجحنا فى مهمتنا يا جماعة والفاكسات والميلات نزلت على الشركة زى المطرة
يبقى فعلا كل واحد فينا هيكون سبب خير ووش السعد على تامر
لما يتصالح مع نصر ..بسبب مجهودك انت
وهما دول اخوات تامر بجد
الحملة دى انا اول واحد ابتديتها
واول من بعت فاكس وميل لنصر وشركتة
وانتو اللى هتكملوا ..كلنا هنتحمس واحنا بندافع وبنتكلم بلسان ملك الجيل
وبنتدخل لحل اكبر مشكلة واجهت تامر فى حياتة
مشكلة تهدد مستقبل وشكل غناء تامر
ربنا معانا
Tamer & Nasr Will Continue Thier History….& Story Of Love & Success
منقول من الموقع الرسمي لتامر حسني
حسبتا مظاهره لوقف الحرب على غزة
