اللي شموخه متعب العقبان وفروخ الحرار
ماحدنيله كود فرقا واحد (ن) ماله وصيف
من يوم سافر والضلوع مكسره وتشب نار
فلا بكيته ماعلي من حد حبي له شريف
والبعد عن من تعشقه فترة تعايش وختبار
خايف على دمعي اليا هليته يقولو ضعيف
ولا الضعف ماهو بصوبي بس لدمع انحدار
اللي طيوفه ذابحتني كل لبيها طيف طيف
واتضيع احواري ولا ادري ليل انا ولا نهار
ويلاه ياترف الصبايا مالك القلب النظيف
اتقول قررة السفر واقول ياصعب القرار
وشحال قلبي دام هاذي عادتك في كل صيف
اتسافر اوروبا وانا ماني ابحمل الانتظار
مابين بون وماحواليها وباريس وجنيف
ولا انا حدي دبي ولاحمدي اوعين دار
ياليتني في الطايره لا قدك بتسافر مضيف
على الاقل ابقى معك من المطار اليا المطار
ابطعمك من كفي اليمنا وقطعلك رغيف
واكلك من كل حاجه مثل تأكيل الصغار
تكفون ياهل افرانك فورت انا مولع في وليف
ميت ابحبه واعشقه واعشق ثناياه الصغار
ماحاز به عني سوى الاقدار والوقت السخيف
اللي خذا قلبي مع في الطايره واقفى وطار
وامشي والى مني مشيت امشي مثل مشي الكفيف
ياصاحبي نفسي بعد ماغبت عافت كل دار
ماقد هقيت ان اترك العالم ولا اسولف و اعيف
واجلس على اخر زاويه واعنز ابضهر جدار
حزين مدري حالتي حاله وافكر كيف كيف
ابي اتطمن كيفك انت بخير ولا ويش صار
مستانس واتضحك اونك تبكي وقلبك رهيف
الحين بالفندق او انك رايح ابوسط القطار
في ذمتي اني فااقدك وابيك والخاطر كسيف
لكن اني مغصوب في بعدك وانا مالي خيار
ياصاحبي تبغي الحقيقه اخذها من دون زيف
اما تقبلها غلا ولا تقبلها مراره
عز الله ان البعد كنه ضارب (ن) صدري ابسيف
يوم انه منقتل ياعشت بضلوعي اكسار
و ملكة القلم الذهبي الرائع.
تحية معطرة بالورد أهديها إليكِ
كم يسعدني دوما ان اري هذا النزف الرائع الجميل
فاعجز عن شكر على كل ما تخطه أناملكِ الذهبيه
وما يتدفق من حبركِ العطر
فيض من المشاعر والاحاسيس الجميله ..
عزيزتي كم تمتعت وتلذذت بهذه العبارات المتسلسله
والنغمات الملحنه بنفسها
ربما الاسلوب الذي
اتبعتيه ونهجتيه على نهجه
من النوع البسيط والسهل
ويمتاز بلذذه في تذوقه..
فهنياً لنا بهذا القلم الساحر
والذي سحرنا جميعنا
احساس رائع وتعبير جميل..
دمتِ بحب وسعاده ..
يعطيكى الف عافيه لروعه طرحك
لكى كل الحب والتقدير
رآجين تواصلك العذب
دمتى بود
