نضحك واثاري الوقت يضحك علينا

وعشنا ثلاث سنين بالظبط .. عشاق
احلى ثلاث سنين مرت علينا

يوم انتي مشتاقه ويوم اني اشتاق
وقلوبنا متوالفات وتبينا

كنا نسولف لابدا الليل ينساق
وتطلع علينا الشمس .. ولادرينا

كان الغلا مجتاحنا بين الاعماق
ولو ان تزاعل !! بقيّن الشوق فينا

موقفين الكون كله على ساق
يضرب مثل " للحب " لامن طرينا

نقول لدنيا بتسعين طقاق
مدام حنا مع بعض ماشكينا

من كثر ما بقلوبنا حب واشواق
وكل ما طرو الفرقا العواذل … بكينا

اليوم صار الوضع ماهو بينطاق
مدري شبلانا !! الله لايبتلينا

نفوسنا شانت وشانن الاخلاق
ورحنا .. وتزاعلنا .. ورضينا .. وجينا

فتره وكل مانسولف خناق بخناق
ونضيق من ادناة كلمه تجينا

حكاية ن ازرت توثّق بميثاق
وسفينة فـ بحر الهوى دون مينا

ليتي قضبت قلوبنا قبل تنباق
وبالحب ماذقنا خمر لندرينا

يافراقها !! لا بالله الا الصدر ضاق
عزرت في صدق .. يا ابن اللذينا

ياما تواعدنا على بيض الاوراق
مانفترق .. حتى يتوفى حدينا

حبينا في عفه وفي صدق واخلاق
وعييت لا تمشي على مابغينا

راحت .. وباقي الحب مابين الاعماق
وغنا على قلبي الزمن وانتهينا

اول لاقالو !! " تالي الحب لفراق "
نضحك !! واثاري الوقت يضحك علينا