السلام عليكم ورحمة الله وبركاته
أخواتى رمضان خلص بيسلم علينا علشان يمشى ويجلينا بإذن الله السنة الجاية
طيب كتير مننا بيحاول يحفظ القرآن الكريم ومش عارفة الطريقة المناسبة طيب خدى الطريقة دى بإذن الله هتساعدك أوى
هترتبى نفسك إنك تحفظى كل شهر جزء كامل إزاى كل يوم تحفظى صفحة ……
إيه صعب . لابسيطة أنتى طول اليوم تقرأى الصفحة المفروض إنك تحفظيها فى صلواتك السنن وآخر
اليوم حاولى تقرأيها بتركيز هتلاقيكى شبه حفظيتها أكدى على حفظك وتسمعيها هتلاقيكى حفظيتها
وكل يوم قبل ما تبدأى الصفحة الجديدة راجعى صفحة اليوم إلى قبله .
وده من يوم السبت إلى الخميس يعنى 6 صفحات بالأسبوع والجمعة خليه للمراجعة الأسبوعية
كده الجزء هيخلص معاكى بإذن الله فى 3 أسابيع ونص بقية الشهر يعنى الثلاث أو الأربع الأيام الباقيين
خليهم للمراجعة الشهرية
أخواتى أحرصوا على المراجعة علشان الحفظ سهل ولكن النسيان أسهل لأننا بنهمل المراجعة
إحنا خلاص فى نهاية الشهر ممكن تبدأى تنفيذ الخطة دى بداية من الشهر الجاى بإذن الله علشان
متعطليش عن قراءة القرآن
ممكن تسعينى بأشياء كتير تساعدك زى لكاسيت أو المحمول فى السماع والمراجعة وخاصة وأنتى
مشغولة بشغل البيت .
من الأفضل تشركى حد معاكى زى الزوج أو الأولاد أو الأخوات أو الأصدقاء علشان تشجعوا بعض
مش شرط تبدأى بأول جزء ممكن تبدأى بجزء عم إلى هو الجزء ال 30 لحد ما تتعودى وكمان بتكون فرصة
أفضل لتحسين قرأءة وتجويد القراءة
حبيباتى متنسوش قبل ما تبدأى جفظ أول صفحة صلى ركعتين قضاء الحاجة وقولى الدعاء وأطلبى من
الله سبحانه أن ييسر لكى ويتقبل منكى وينفعكى بما تحفظين
يلا يا اخواتى ورونى الهمة مين عجبتها الفكرة ومستعدة تنفذها
أخواتى ضيعنا كتير من عمرنا طيب يلا نلحق ومننساش أجر الحافظ للقرآن الكريم
ربنا يعينا ويتقبل منا
متابعون ان شاء الله
وجزاكى الله كل خير أخيتى ياسمين وبارك فيكى ونفع بكى وأعاننا الله وتقبل منا
