يا رب هونها على اللي من الضيق

حاولت اعدل ميلها غصب وتضيق
و عجزت اعدلها بكـل الوسائل

و انا صبرت وفوق ذا الصبر ما طيق
و اليوم رجم الصبر تحتي تهايل

من سبة اللي خان كـل المواثيق
اللي عن دروب الصوابِ يتمايل

الصاحب اللي كنت احطه لي رفيق
في ساعة الشدة و وقت الصمايل

كـنت أرفعه من فوق روس الشواهيق
و أجي ظلاله عن سموم القوايل

و كـنت احسب العوجه عليّ قبل لاتضيق
و ياما فعلت بحضرته من جمايل

ما أمنها والله ولي المخاليق
لاشكـ أبذكـر خبيث الفعايل

خلاص ماني فاتح معه تحقيق
خلاص ما أبغى له شهود ودلائل