تعرفوا إن ثواب العبادة في شهر شعبان كبير أوي؟
عارفين ليه؟؟؟
أصل الشهر ده الناس بتغفل عنه
الناس بتعظم أوي شهر رجب لدرجة إن منهم من يقع في مخالفات فيه من كثرة تعظيمه
و الناس برده بتعظم أوي شهر رمضان و كلنا عارفين رمضان ,اللهم بلغنا رمضان
لكن يجوا عند شعبان و يغفلوا عنه في وسط الشهرين دول
طب ماعرفناش برده ليه الثواب كبير!!
صبركم عليا 🙂
الرسول عليه الصلاة و السلام قال:
(عبادة في الهرج كهجرة إليّ)
فانت بعبادتك في شهر شعبان بتعمر أوقات غفلة الناس بالطاعة
دا غير إن الأمر بيكون شاق عليك لواحدك في وسط الناس بتعمل طاعة ,,مش زي رمضان كلنا بنعبد ربنا مع بعض فبتكون العبادة سهلة علينا
و على قدر المشقة يكون الأجر
دا غير ماحدش عارف بعبادتك فانت كده بتعمل عمل سر ماحدش واخد باله منه فيبقى [COLOR="DarkRed"]أقرب للإخلاص[/COLR]
عرفتوا ليه بأى الثواب كبير
^__^
و ما ننساش يا جماعة إن أعمالنا هاترفع في الشهر ده و دا شيء فعلاً يرعب و يخوف
يا ترى أعمالنا ماذا سيرى الله عز و جل فيها؟
يا ترى هاترضيه؟
عشان كده لازم نسرع بالتوبة النصوح
و بعدين انت مش عايز تفرح ربنا بيك؟
(الله يفرح بتوبة عبده)
و ربنا لما يفرح بيك يفرحك و يفرح قلبك
يسعدك و يسعد قلبك
لسة فيه فرصة
ولازم نكثر من الطاعات
و خاصة الصيام اقتداءاً بالنبي صلى الله عليه و سلم
ربنا يرزقنا و إياكم العمل الصالح و يتقبل منا و منكم
آمين
اللهم بلغنا واياكم رمضان
وهذه الرساله مميزه
وفقك اللهه لما يحبه ويرضاه
