السبــــت:
فتحت عيوني..أدور عن نور..أمروني <غمض>..و…غمضت..بعدها ما شفت لا ابيض ولا اسود !
الأحــــد:
كنت أسمعهم يقولون:!>,<يا حمار>,<يا حيوان>, <يا ثور>,<يا بقرة>,<يا لوح>,<يا جدار>…
فتوقعت اني في حديقة حيوانات..فتحت عيوني ابغى اشوف هـ(الحيوانات)..قالوا لي:"ما يصلح تشوف قلة أدب"..
سألتهم:طيب..في عصفور؟؟
صرخوا في وجهي:<انطم وغمض>..!!
الاثنيــــن:
سمحوا لي اشوف التلفزيون..كنت لحالي منسجم مع أفلام كرتون..دخلت امي..وكان ابو عائلة ادمز(يبوس) أمهم..ركضت امي ..غيرت القناة..
وصرخت بأعلى صوتها.."عيب عليك..قاعد تشوف قلة أدب..!!"
ناظرتها بكل براءه وانا متعجب من اللي صار:"طيب وش صار؟؟أبوهم يبوس أمهم!.."
قالت لي وهي معصبه مرررررره(التبويس..قلة حياء!!)
بعدها بأسبوع..شفت امي تسلم على ام الجيران و(تبوووووسها)..قلت لها وانا كلي أسى"يا ماما..التبويس قلة حياء!!.."
الثلاثـــاء:
كانوا بنات خالتي عندنا..وكنت الولد الوحيد اللي يلعب معهم..وأبوي بس يبحلق عيونه فيني وين ما رحت ووين ما جيت..
بعد ما راحوا..ناداني أبوي وقال:"عيب الواحد يجلس مع بنات..قلة أدب..!"
بعدها بكم يوم..كان أبوي جالس مع عماتي..ناظرته بطرف عين(وتبون الصدق حقدت عليه)..
وقلت له:"اللي يجلس مع بنات..قليل أدب!!"
الأربعــــاء:
كنت اسمعهم يقولون(صدام قوي)..وأعجبني…بعد الأزمه..قالوا(حرامي ومجرم)..
سألتهم:كيف؟؟!!..قالوا:"حرامي ومجرم..وبس..واسكت..!"
وكنت أسمعهم بعد يقولون (جيم كاري..فاسد)..فكرهته على طول..وكانوا يشوفون أفلامه..ويضحكووون..
كنت أسألهم"ليه تضحكون؟!..ما تقولون انه فاسد"…قالوا..ورا ما تنطم بس.!؟؟
الخميــــس:
أبوي يقول<االتدخين>حرام.. واللي يدخن يدخل النار..وفي يوم شفت ابوي جالس مع صديقه أبو حمد..وأبو حمد ماسك السيجاره بيده..
وقفت وسألت ابوي""طيب اللي يجلس مع اللي يدخنون..يدخل النار بعد؟!!!"
الجمعــــة:
أسمعهم يقولون..ان اللي يطول في مكالمته يغازل..واللي يروح للسوق يغازل..واللي يعرف انترنت يغازل…
وامي تطول على التلفون,,وتروح للسوق,,وتطقطق على الكمبيوتر..
رحت لأبوي وانا مصدووووم::"أبوووووي الحق..
أمي تغازل!!!!
**
**
**
للاسف هذي صور من المجتمع ..
لكن سؤالي …
لماذا لانوضح للطفل المقصد الأساسي من هذا المنع أو من كلمة (عيب) ؟!
حتى لا يعمم كل مايراه ويُطبّق عليه هذا الوصف ..
كمافي الصور السابقه !!بالطبع هم لم يقصدوا ماقصده الطفل ولكن لأنهم لم يوضحوا له
ويفهموه لماذا عيب ولماذا حرام
راح ينظر لكل تصرف من زاوية مافهمه هو !
فما الفائده اذاً من التربيه إذا لم نوضح هدفنا الأساس لأطفالنا ؟
َ
ََ
َ
اتمنــى ان أرى نقشاتكم[/COLOR]
التربيه عمرها ماصارت بهالشكل عمرها ماصارت اوامر الي يسويها شاطر والي يرفضها فاسد
على العموم احس اني طولت يسلمو ياقلبوو ومشكوره
دائما الود بيسأل أسئلة غريبة وبريئة بس الكل بيقلو عيب بيسأل طيب ليش عيب بيقلولو لا تسأل او في احيانا اهل بيجابو جواب سيئ كتير وهو انو بيقلو بس تكبر بتعرف ليش هادا كتير كتير جواب خطأ
لانو بخلي الطفل عندو فضول للجواب وبيصير يبحث عنو بطريقة تانية مو بس هيك كمان ممكن ياخد المعلومة بطريقة خطأ فالافضل انو الناس تكون واعية من هل الناحية وتكون جواباتهم لاطفالهم مختارة تمام ابدا مالازم تكون جوابات عابرة
ومشكورة اختي على الموضوع الحلو كتير والمهم كتير
صحيح كلامك أمي كانت توضح لنا من كان صغار أي سؤال تقول أذا تبون تعرفون شي سألوني على طول
لا ترحون لغيري حتى أخوي قاله كلامك نفس كلام مدرس حقنا
