وان ماقدرت دلني مكانك وانا اجيك
مابي حياتي دام خلي هجرني
مابي حياتي دامه يقول مابيك
يدري بظلم الناس يدري وظلمني
واكد كلام الي يقولون ناسيك
لكن قبل لاتاخذ الروح مني
باسأل حبيبي كم سؤال واخاويك
وشلون قلبك ياحبيبي تركني
وتد ري بخفوقي كم له سنين هاويك
وماتدري بعادك وصدك ذبحني
وما تدري عن دمع نثرته وانا ارجيك
اسال جميع الناس وش صار عني
اسال وش الي صار في حال مغليك
لوعلموك وش كثر همي وحزني
من يوم حبي انتهى وصار ماضيك
لو علموك عن قلبي الي يوني
مطعون يصرخ يشتكيلك يناديك
لو عاش عاقل عيشتي كان جني
حالي لو تشوفه بعيونك يبكيك
صار الحزن هو لعبتي صار فني
ابكي ندم والله الي حل طاريك
ضيقت صدر ويا الهموم اسكنتني
احكي واكمل ولا ماقلت يكفيك
الي سمعته بسبتك انت جتني
عطيتني كرهك وانا الحب معطيك
ضاعت سنيني وانا بالحب أبني
قصور وانهدت سبب فعلت ايديك
جاك الوفا والحب والعشق مني
حتى الوله والشوق والصدق معطيك
قلبي وفالك وانت قلبك خدعني
خدعت قلب كان بالحب شاريك
بكذب وخيانه وغدر قلبك حضني
في وقت قلبي فيه يسهر يداريك
ماكنت أظن قصدك بحبك تذلني
ذليتني من بعد مامت انا فيك
هذي حقيقة بعض مامنك جتني
وبعض اللذي اسقيتني انت با ايديك
ماكنت ساكت خايف بس لاني
ميت بحبك ما أقدر ازعلك واشقيك
حرّمت اقولك من محبتك عطني
مادام غيري في محبته مرضيك
بعد بعيد واوعدك ما احني
ابشر ابعد ومع حبيبك بخليك
خلصت هرجي الحين ياموت خذني
تاركلك الدنيا بها الله يهنيك
واذا سأل في يوم انا انسان عني
قله توفى والسبب طعن بيديك
دمتم بود
…حروفه سطرتها القوافي…
…و موضوعك قد نال اعجابي…
تقبلي طلتي
آبار
فهذا يدل على ذوقك وانت بجد متميزه في كل شي حتى بردودك
ولا انسى أختي غروب اأمل بالفعل انسانه متميزه بمعنى الكلمه
حفظكم الباري من كل شر
دمتم بود
بنات متميازات في كل شي
الله يسعد قلبكم يارب
ولا يزعل أحد مني
