ياكثر ماجيت أبمسحها ! وأخليها
يالي جفيت وجفاك المر .. ذابحني
عقبك وجيه البشر .. ماني بدانيها
من يوم حبك .. غزى القلب وتملكني
قطعت كل العلاقات وطواريها
اقرى رسايلك و دموعي تسابقني
وأرد ! وأقرى الرسايل .. وأحتفظ فيها
إنت آخر إنسان هاقي منه يصدمني
والظاهر إن هقوتي بانت مواريها
لو الوصايا ليا إحتديت ! تنفعني
ياكثر ناس ٍ على ذودي بوصيها
ليت الفرح ( بنك ) لاجيته يسلفني
واقاصده ( راحتي ) وحقوقه اوفيها
من كثر ماكنت ! جارحني وظالمني
قمت أعزل جروحك بقلبي وأسميها
تدري وش الي يبكيني ويضحكني
إنك محامي قضيتنا وقاضيها
تدري متاك ؟ تعرف قدري وتفقدني
لارخصت نفسك ,, لشخص ٍ مايراعيها
بكره الا هملوك الناس تذكرني
وتقول عزاه : عيني من يداريها ؟
مدام غيري ؟ على قلبك مشاركني
وش هو له ؟ أعلق الأمال وابنيها
يكفيني إنك رحلت ومنت عايفني
هذا عزا النفس من كثرة بلاويها
أهديتك : دموع من طعنتك تحرقني
وإنت الي تستاهل الدنيا ومافيها
واهديتني جرح .. موجعني ؟
وعاجبني؟؟
لن الهدايا على مقدار مهديها
صحيح ! ( حنا انتهينا ) .. بس صدقني !!
والله ان تبقى ( هوى روحي ) وغاليها
مفضوح ؟ راع الهيام .. ونظرته !! تغني
ملامحه واضحه ! , في وجهه راعيها
لكل داء ٍ دوا .. لو هو متعبني
إلا محبتك ؟ .. أعيت من يداويها
إن قلت : علمني أنسى ؟ لاتعلمني
دنياي لامن نسيتك ويش تاليها؟؟
فارقتني وضحكتك عيت تفارقني
مقدر !! أفكر بغيرك ؟ .. وإنت عارفني
عشان حاجه ؟ بقلبي .. مقدر !! أخفيها
اخاف لاحبني غيرك ؟ .. وعاشرني
يشوف صورتك في عيني ويوحيها
نشدت عنك ؟ وسمعت الي يفرحني
وإرتاح صدري من هموم ٍ يحاتيها
تبي تعرف ! وش ؟ على الفرقا مصبرني
إنك بخير .. وحياتك مهتني فيها
من يوم ماغبت ! والوحده تعذبني
اقرى رسايلك في حرقه والاحيها
اشوف ( صورتك ) .. ودموعي تسابقني
وياكثر ماجيت أبمسحها ؟
وأخليها
*
*
*
حلآآتي
ومواثرة جدا
مرسي اوي
واستمري في التميز ولابداع
لكي حبي ودي
.. كلمات روعه
صح لسان قايلها وتسلم يد ناقلها..
..ويعطيج العافيه
..
