صباح مساء
الخير و الخيرات
ضحك لي زماني بس انا كنت مدري وين
انا كيف ابظحك دام قلبي على الأطلال
**
على الله يلين الهاجس اللي ما اظن يلين
ليا ضقت من روحي يلين وتلين اجبال
**
تجاوزت نفسي رغم قل الفرح والدين
ودفعت الحزن عربون عمري وعمري طال
**
اعايش همومي كني آعيش لي عمرين
عمر نفسي المحروم والا عمر ما زال
**
جروحي خذت مني كثر ماتبي بعدين
وانا كنت راهي فالعطا والجروح اجزال
**
ابمشي واغض العين لو كنت اشوف بعين
لو اني بدون عيون قلبي يشوف الحال
**
تموت الحظوظ وتندفن والبشر حيين
وحظي يقوم ان مات وآنا على ماقال
**
على الكايدات ارهى من الصبر للمرهين
وبخيل العزوم ان شح ماله يدين اطوال
**
لو انه علي ابعد من العلم وسط الصين
انا العلم نلته والصبر بعد نلته طال
**
خسرت الكثير وربحي اللي بقى فالدين
عسى الله يرحمني لاجت ساعه الأهوال
**
سنيني اعجاف وكثرها شلت هم سنين
تحت دبره القلب المثابر وقل المال
**
وتناسيت كم عمري من صدوف عمري لين
عرفت ان مال العمر من حزنه استقلال
**
ابو واحد وعشرين في عقل ابو خمسين
مدام التجارب قاسيه والقلوب اطفال
**
و سلامتكم
تحية معطرة بكل الوان الورد اهديها اليك
أهديها لك عبيرها عطرك الزكي
نغم رائع انطلق من بين اناملك
وكلمات تعانق سحب الابداع
سلمت أناملك الراقية التي أجادت فاأبدعت
وسلمت لنا بروحك الطيبة
وطرح يستحق المتابعة
شكراً لكِ
بانتظار الجديد القادم
دمتي بكل خير
