الغايب اللي غيابه زاد عن حده

خلاني آهيــــــــــم من فرقاه 00 واوده
وصحرا الظما من ظمايه تعقد لساني

غاب وتركني وحيد 00 وخافقي هــده
يكتبني الحــــــــزن من عقبه ويقراني

حتى النظــــــــر ما طراله يمي يلـــــده
ولا كنه اللي سكن في وسـط وجدانـي

اللي مكانه بقلبي ما احــــدٍ ســـــــده
ولا حـل بقلبـي مكانـه واحـــــد ٍ ثانـي

أتلا العهـــد فيه قبل العام في جـــــده
ومن بعـد عاميـن لا جيتـــــه ولا جانـي

الصاحب اللي مثــــــل ضوح القمر خده
في عتمه الليل نوره هيــــض اشجانـي

متى حنيني وصـــــــدق اشواقي تـــرده
ويصبـح بكفـي مثــــل خاتـم سليمانـي

وكان الغلا والوفا والحـــــــب ما ســــــده
معـذور لا مرنـي عجـــــــــــــل وتعدانـي