المقادير :
1 – 1 كيلوا برغل ناعم
2 – 1 كيلوا لحمة ناعمة هبرة
الحشوة :
1 – 1 كيلو لحمة مجرمشة يعني خشنة شوي صغيرة
2 – بصلة كبيرة
3 – وقية صنوبر
4 – نصف كيلو جوز لا ناعم ولا خشن وسط من شان الحشوة
5 – كاسة شاي صغيرة دبس رمان او على حسب كيف بتحبية حامض شوي او كتير
البهارات :
1 – ملح حسب الطلب ما رح الك اديش بس انتي اذا بتحبيه مالح او نصف مالح انت بدوئية
2 – فلفل كمان حسب الطلب فينك تعمليه حار او عادي او فينك ما تحطي فيه فلفل بس الاطيب تحطي فيه حسب طلبك انتي
الطريقة :
هلأ انتبهي منيح
1- منجيب طشط ( طاسة غميئة ) لحتى تحطي فيهم البرغل براحتو
2- وبنرش على وجههم مي فاترة او سخنة شوي رش حصراً يعني ما منحط فوئهم المي كانو عم نقعهم رش ومنحركهم دقيقتين ومنغطيهم لمدة 30 دقيقة
3- منجيب البصلة ومنقطعها قطع صغيرة ومنقليها بالسمنة لحتى تصير لونها زهري
4- منجيب اللحمة المجرمشة ومنقلبها مع الدهنة الي من الخاروف الي هي ( اللية )
5- منحط معاهم الصنوبر والبهارات اعلاه ومنقلبهم لمدة 10 دقائق على نار وسط او لحتى تشوفيهم استوت اللحمة مع البصل والصنوبر وبس يستو بطفي تحتهم
6- منجيب البرغل واللحمة الناعمة ومنطحنون بالماكينة الي عندك 3 وجوه لحتة تشوفي انو البرغل صار متل المرهم ( المعجون )
7- منجيب صينية كبيرة ومنحط فيها الجوز والدبس رمان ومنحط معاهم البرغل الي طحناه مع اللحمة الناعمة ومنحركهم بأيدنا لحتى يتغلغل الكل بعضو وبتمسكي كمشة صغيرة وبتعجنيها بأيديك اذا شفتيها مسكت معناها جاهزة لعمل القالب .
طريقة عمل اقراص الكبة :
1 – بتجيبي صينية كبيرة وبترشي عليها كاستين شاي صغيرة طحين ناعم رش على كامل الصينية لانو رح نحط عليها الاقراص تبع الكبة
2 – بتجيبي طاسة صغيرة فيها ماء عادي وبتخليها جنبك
3 – بتحطي على راحة الكف ماء رشرشة يعني ماء قليل وبتبلشي تحطي كمشة برغل وعلى حسب انتي كيف بدك قرص كبير قرص صغير على حسب الي انتي بتحبية وبتبلشي تئرصيه يعني بتحطي اصبعك بالنص وبتبلشي تعجنيه حولين اصبعك لحتى تشوفيه صار على شكل كوسا محفورية وبتخلي فتحا فيه للحشي او اذا عندك آلة بطلع اقراص بتعملي فيها موديلات للاقراص هلأ انا عندي آلة بتعملي اشكال كتيرة للكبة .
4 – منجيب اللحمة المجرمشة الي اليناها مع الصنوبر والبصلة والبهارات وبتبلشي حشي اقراص الكبة وانتي على حسب بتحبي حشوة كبيرة صغيرة على حسب انتي كيف بتحبيه .
طريقة القلي :
1 – منجيب طنجرة كبيرة وبتحطي فيها زيت القلي حاولي انو يكون زيت طيب وجديد يعني اذا عندك زيت كنتي عم تئلي فيه بطاطا و بيتنجان او…… ما بدنا ياه لازم يكون جديد الزيت
2 – بنغلي الزيت ومنبلش نصئتي فيهم الكبة وحصراً تنتين تنتين يعني اذا الطنجرة بتسع ل 20 قرص كبة خليهم ل 10 اقراص وبتحطي قرصين قرصين لحتى يصيرو 10 وبتركيهم طبعاً هون انتي ايمتا ما بدك بطلعيهم من الزيت على حسب كيف بتحبيه مستوية ومقرمشة او نصف استواء انتي هون بتتحكمي فيها بس مو تخليها لحتى تحترق الكبة والطنجرة ويهب البيت لا سمح الله ههههههههه عم امزح
مقبلات الكبة المقلية :
اذا حبيتي عملي جنبهم بطاطا مئلية وتبولة واذا حبيتي تحطي جنبهم عصير حطي عصير البرتقال على الطاولة
وصحتين وهنا
يعطيك العافيه
