كيف أكشف غموض الرجل ساعدوني يا بنات

أخوووي غاااااااااامض مرراا مرراا مرراا وكنت مستسلمه انو عمري ما أبكشف غموضه .. لكن يا بنات لازم أكشفه خصوصا لأنه في هااااذي الفتره مريض وتعبان ..

ي بنااات طووول الوقت برا البيت : (

وإذا رجع نااااااااااااام .. و اذا ما خرج وشافني خايفه عليه او قلقانه .. جلس على الكنبه في الصاله وغمض عيونه وسند راسه على ذراع الكنبه .. وإذا جلست معاه أسولف يادوب يرد على أسئلتي وإذا رد . رد بإجابات غامضه

اووووووف تفشت اعوذبالله قاهرني مررراااا .. أنا بأموت خوف وهو أبرد ماعنده .. وطول الوقت ساااكت لكن الحمدلله أحيانا نسولف ونضحك ..

لكن ي بنات حاله مو عاجبني أبداً .. وأنا حاااااااسه بالذنب لأانه تعب بسببي يوم أسلبت الجنين .. رغم إنه ألحين إذا جبتله طاري السالفه يعصّب و يعطيني نظره أحس لو أموت أهون من أني اشوفها بعيونه .. قمت صرت ما أذكر السالفه أبد وهو قد قالي في وقتها أنو مو تعبان بسببي .. لأني ذيك الأيام من جد كنت بأموت من التعب والخوف عليه وشكله كان بيواسيني بس .

أحيانا ي بنات ما أفهمه مرررااا ..

يعني زي اليوم قالي باكر بنروح نفتح حساب ثاني في البنك بإسمك .. وما ابي احد يدري نهائيا .. قلتله ليه ؟ انت فاتحلي حساب و معطيني رصيد قام قاطعني وقال : انتي بس تجهزي وما ابي احد يعرف هذا الحساب خاص فيك الحساب الأول كلهم يدرون فيه .. هذا الحساب بس بينك وبيني .. ماحد يدري وش يخبي الزمن ..

قمت طالعت فيه وبكيت وانا يا بنات قلبي ناغزني قلتله وش قصدك .. قام أبتسم وقال يا هبله يا بكّايه ما اقصد شيء .. لكن ما ابيك تحتاجين لأحد

قمت بكيت أكثر وبست يده قام قلي : ليه ي أسماء توجعيني ؟ ليه تبكين وتزيديني وسكت وقال انا مو ناقص .. ورجع سكت

وسحب يده و خرج من البيت : (

يا بنات لا تلوموني أنا ما قصدي أزعجه انا اكره نفسي في كل مره أبكي قدامه لكن ما اقدر أمسك نفسي حاولت كثير وما قدرت .. احس احيان اني هبله من جد .. المفروض ما كان بكيت يوم قال انه بيسوي حساب جديد لكن خفت ..

ليه يسويلي واحد جديد وانا عندي من قبل ودايم مدلعني ومو مخليني احتاج شيء .. حتا زوجي جابه قدااامي بأيام زواجي الأولى وقال هذا حساب خاص بأسماء عشان إستقدااام الخدامات ..

حاسب حساب كل شيء ويفكر لي في أشياء انا ما فكرت فيها لنفسي : (

هو اللي رباني من كنت صغيره .. زمان كنت اناديه بابا : (

كان ياخذني معاه كل مكان .. تخيلو ي بنات كان يحل لي الواجبات : ( حقت المدرسه

وكان يمشط شعري ويشتريلي شرايط وحركات دلع ما كان أي أحد يلبس ويتكشخ زي في بنات عائلتنا وجماعتنا ..

إلى وقت قريب كان يقص شعري ويقص لي الغره ,,

: ( يوم زواجي هو اللي لبسني الطرحه ( الشرعه ) وقاعد يغنيلي أغنيه ماجد المهندس

اقبلي خطوه بخطوه وبعدها .. هدي خلي الأرض تفهم خطوتك ..

اااااااااااااااااااااااه يا بنااات أحن صوت في هاذي الدنيا صوته واحن انسان في هالدنيا هو .. واحب واغلا واعز الناس في قلبي هو .. هو لوحده : (

شفت منه حنان وحب وتفهم .. ما شفتها في أمي : (

قبل اتزوج .. جاب شغاله لبيتنا بس عشان ما أحط يدي في شيء وعشان أمي ما تكلفني بأي شيء أسويه في البيت ..

لما رجع من براا سويت له شوربه خضار وقلتله اسفه ما قصدي ازعجك اصلاً مدري ليه بكيت ..

أبتسم وما رد وكالعاده ما أخذ من الشوربه إلا ملعقتين وقال بروح أنام .. نام شوي وقام وطلع مع زوجي برا وإلى ألحين ما رجعوا

احس حتا زوجي صار غامض لكن بالطقاق انا ما يهمني إلا أخوي .. لكن اللي أقصده إني أحس وراهم شيء مخبين عليا ..

اااااااااه معليش ي بنات قررت كثير لكن احس اني ارتحت شوي

وي بنات قولولي كيف اقنعه يتركه صديقه ذاك الله لا يوفقه .. اخوي يرجع البيت وهو فواحه زقاير .. انا اخاف بس يكون أخوي يدخن الله يستر كل بسبة زميله ذاك الوحش

حتا زوجي تهاوش مع اخوي بسبب الموضوع ذا وهو ما يرضى أحد يتكلم فيه .. وبصراحه انتم عارفين ان التدخين مضر للي يستنشقه وانا خااايفه على أخوي ..

ودي أسوي خطه أخلي أخوي يكره زميله ذااك .. اش تنصحوني فيه ..

طيب ياقلبي طالما هو يحبك ومحترم وحنون معك
صارحيه وقولي له اللي بقلبك
واللي بتحسيه
وكوني جاده معه لآتبكي

أنا قد أتكلمت معاه كثير .. لكن يختي هو يتضايق ويعصّب ويقول أنتي تكبرين السالفه ومن هالكلام

مو عارفه مرضه بسم الله عليه إن شاء الله بس يكون إرهاق وما يكون فيه شيء.. عمره خمسه وثلاثين سنه ..

وبدا يتعب من بعد ما أجهضت الجنين .. قبل خمسه شهور تقريبا … وبدأت حالته تصير أسوء .. كان يقولي زوجي انه يجلس في الإستراحه مع أصحابه طول الوقت وأنا كنت مصدقه لين أكتشفت بالصدفه إنه بالمستشفى .. كان يتعب أو يفقد الوعي وينقلونه المستشفى طبعاً وقتها بغيت أموت .. وكان زوجي يتهاوش معاي دايما .. يقولي انتي انانيه انتي ما تحسين في اخوك .. صار يقعد برا البيت عشان حضرت جنابك ما تقلقين عليه ولا تبكين ..

اااااااااه يا ربي .. كنت مو عارفه وش اسوي وكنت أبكي من قلبي انا احب اخوي احبه اكثر من نفسي هو الوحيد اللي احبه في هالدنيا وكان زوجي يقول خلك قويه ولا تبكين قدامه وساعديه عشان يشفى بسرعه وكنت كل مره أسأله وش فيه أخوي ؟ يقول احنا اكلنا من المطعم وجانا تسمم غذائي لكن اياس اتأثر أكثر مننا صارت معدته ما تتقبل أي أكل يجي فيها ومره يقول ألتهاب ومره يقول إرهاق عمل … كنت احس أنه يصرفني وكانوا هو واخوي معلقين على سالفه المعده انها ما تتقبل الطعام ! لأنه كل شوي وهو بالمستشفى ياخذ مغذيه ..

ااااه يا احلام انا خايفه إنتي لو شفتيه تعذريني 🙁

نحف أكثر وحرارته دايم مرتفعه ويستفرغ ويدوخ و يتكلم بشويش أحيانا ما اسمع اش يقول 🙁

اكثر من مره أفز من نومي باليل وأروح غرفته ألاقيه يستفرغ ألاقيه ماسك راسه ويتوجع .. وما اتجرأ أدخل عليه لأن زوجي حذرني وقال انتبهي لا تحسسينه إنك تراقبينه وانك تشوفينه بهالحال كنت ارجع غرفتي وأبكي وانا مو مصدقه اللي قاعد يصير ما احب اشوفه تعبان ..

وعشان لا تحسبوني أبالغ حتى زوجي قلقان عليه و شفته مره يبكي بجنب سرير اخوي 🙁 بالمستشفى لكن انا أتظاهرت اني ما شفته لكني خفت أكثر 🙁

بالله هذا مو شيء يخوف ؟ ليه بكى زوجي ؟ ليييييه ليييه ؟

دايما احاول قد ما أقدر اني ما أفكر بالموضوع عشان اعوذ بالله لا افكر في اشياء … ااااااااااه يا الله انا ما اقدر اعيش بدون اخوي اعوذ بالله لو حصله شيء الله لا يقدر بأقتل نفسي ما فيها كلام

لكن انتي حاولي انك تطلعيه من الأجوآء اللي هو فيها سافروآ او أطلعوآ مع بعض
وحاولي تبعدين المواضيع اللي تضايقوآ
وأنتي كمان لآزمك تنتبهي ع نفسك وتحاولي انك تكوني قوية مو تضعفي
لأن هو يستمد قوته منك
أما لما تبكي قدآمه هو يتعب