التصنيف: الحمل و الولادة

السلام عليكم ورحمه الله وبركاته
ده تانى مره اكتب هنا فى القسم
بس يا رب الاقى حد يساعدنى
وده ملخص اللى كتبته قبل كده
ان حملت بعد جوازى ب 6 شهور
وكانت سعيده جدا
لان امى توفت بعد فرحى باسبوعين وكنت حزينه
وطبيعه شغل جوزى كانت بتلزمه انه يجيلى اوقات معينه فى الشهر مش طول الوقت معايا
ومرت الايام وصلت للشهر الثامن
وفجأه كيس الميه فتح فروحت للدكتور
واكتشتف ان النونو توفت فى بطنى
وقضيت يوم كامل اولد طبيعى
بس الحمد لله على كل حاجه
انا كويسه وطبيعه وزوجى كمان
انا اسفه انى طولت عليكم
بس الواحده اللى فى ظروفى بتحس بالراحه لما بتكلم وحد بيسمعها
انا دلوقتى محتاجه لخبرتكم
انا ولدت من شهر 11 بس طبيعه عمل جوزى انه بيسافر 3 شهور ويرجع اسبوعين
هوا رجع مره واحده من شهر 11 بس مش حصل حمل
وحاليا دى تانى مره بس للاسف معاد سفره حدده فجاه
فكان الدكتور يفضل انى اخد منشط فى الوقت ده
بس انا مش لحقت علشان حدد معاد رجوعه فجأه
فحاليا هوا هيرجع فى اليوم 15 من الدوره
لو حد ينصحنى اعمل حاجه؟؟؟؟
او لو محدش يعرف يا ريت ميحرمنيش من دعوته ليه
ان ربنا يرزقنى ويعوضنى
اللهم اجرنى فى مصيبتى واخلفنى خيرا منها يا رحمان يارحيم