جبرك الوقت ترجعلي جبرك وجيتني ندمان
دمرك الشوق يا خاين وجيت تسابق ظلالك
«.«.«.«.«.«.«.«.«.«.«.«.«.«.«. «.«.
عرفت الحب بغيابي؟؟عرفت انك معي غلطان؟
تاكد ما يشرفني طريق دربه وصالك
«.«.«.«.«.«.«.«.«.«.«.«.«.«.«. «.«.
تبي اخضع لاجل عينك وانا ما اخضع ومهما كان
أقص الراس قدامك ولا اخضع لامثالك
«.«.«.«.«.«.«.«.«.«.«.«.«.«.«. «.«.
لعبت بحسبة جروحي وكتبت من الحزن عنوان
(نسيت الي يحبك موت وصار الغير يحلالك)
«.«.«.«.«.«.«.«.«.«.«.«.«.«.«. «.«.
اذا غيري تبي قربه وصرت في بحره الغرقان
نصيحه لا يموت الحب ومن قلبي هنيالك
«.«.«.«.«.«.«.«.«.«.«.«.«.«.«. «.«.
نسيت انك تبيع الحب وتجزا الطيب بالنكران
لعلمك بانت الصوره وبانت نية افعالك
«.«.«.«.«.«.«.«.«.«.«.«.«.«.«. «.«.
تشب النار في قلبي وتنسى اني معك انسان
تخالط بالشقى هيلك وصب الهم فنجالك
«.«.«.«.«.«.«.«.«.«.«.«.«.«.«. «.«.
بعد ما انقلبت الدنيا تجيني محترق ولهان؟؟؟
تقول ارجوك سامحني وقلبي بداخله شالك
«.«.«.«.«.«.«.«.«.«.«.«.«.«.«. «.«.
تبي قربي؟؟انا حاضر..ولكن بطلبك من شان
تشوف اشلون لي عزه ترد الجرح لاشكالك
«.«.«.«.«.«.«.«.«.«.«.«.«.«.«. «.«.
ابي تبكي على شاني..ابي تصرخ من الحرمان
لو اني باخر الدنيا …ابيك تجر موالك
«.«.«.«.«.«.«.«.«.«.«.«.«.«.«. «.«.
ابيك تصير مجنوني ومن شافك يجي شفقان
يقول اشلون؟؟علمني وش الي غير احوالك؟؟
«.«.«.«.«.«.«.«.«.«.«.«.«.«.«. «.«.
ترى(هتلر)بعد مجده تخلو عنه الالمان..
وانا من بعد حبي لك تركتك تقعد لحالك
«.«.«.«.«.«.«.«.«.«.«.«.«.«.«. «.«.
تدل الدرب من دوني وقدمك سكه الاحزان
توكل لا تناديني..ويعين الله على حالك
«.«.«.«.«.«.«.«.«.«.«.«.«.«.«. «.«.
وانا يكفيني ذليتك وحديتك على الهجران
تقول الموت من بعدك..واقول هناك اشوالك
«.«.«.«.«.«.«.«.«.«.«.«.«.«.«. «.«.
غسلت ايديني من حبك وبرحل واهجرك يا فلان
فمان الله وباقيلك نصيحه وخلها في بالك
«.«.«.«.«.«.«.«.«.«.«.«.«.«.«. «.«.
ترى من يضحك الاول مصيره باللعب خسران
وانا من يضحك الثاني ..عشان احطم امالك
وسلامتكم
