الوسم: الرجيم

السلام عليكم حببوبات
بنات الموضوع طويل شوي بس بصراحه الي تبي تنحف وتعرف الحقيقه تقرا للاخر وانشالله تستفدون
بالبدايه أنا كنت نحيفه وجسمي زين
ماعمري أنتبهت له انه يبيله تغيير أو انه شين وكان وزني (50)كيلو لايطلع ولاينزل على ماجات ايام الثانويه وطلعلي حب شباب واستخدمت دواء (رواكتن لحب الشباب)واللي سمني بالشهر 5كيلو وعلى أخر الشهر10كيلو يعني أبدديت أتعالج على شهر 7 بدايته على أخره كان وزني59 كأني بلونه منتفخه اول شي سويته رحت الصيدليات وماخليت دواء يمدحونه حق النحافه الا وجربته الدوا الفلاني ينحفني كيلو والثاني 2كيلو واللي بعده ماينحفني خير شر لين يأست قلت يابنت مالك غير الأعشاب الله يكرمكم يجيني اسهال مو صاحي بس الوزن اللهم ياعافي نفس الشي مايتغير ويالله يالله بنص كيلو بأحسن الحالات جربت الرجيمات وطفشت وخاصه الرجيم الي يقعد شهر يوم اهلي يشترون حلويات وشبسات اضطر اخرب الرجيم وابتدي من جديد ومره شديت حيلي عالأخر نحفت 5كيلو ورديت سمنتهم بأقل من شهر المهم في يوم شفت حلقه لاوبرا الصراحه أعتبرها غيرت شوي من مجراء حياتي والقاء كان مع الدكتور أوز الي خذيت المعلمات منه وهو اصلن نظام التغذيه في حياتنا غلط ولازم نتبع نظام مرتب فحياتنا عشان نظمن انه لو نحفنا مانرجع نسمن ثاني مو حابه أطول أكثر من كذا

(أول شي لازم تسويه)
تشيلي من راسك فكرة اعشاب خلطات ادويه رجيم معين وانا اتكلم عن الرجيم اللي يقعد شهر كامل لأنك الا وبتخربينه بالأخر (ثاني شي )شيلي من راسك فكره أنك تنحفين من غير رياضه (وان حصلتي رجيم ولاشي ينحفك من غير رياضه ارميه لأنك بتنحفين وبتترهل عندك البشره وبتقولي ياليتني مانحفت ياليتني تميت سمينه وبشرتي مترهله شوي ولا أني نحفت هالكثر وترهلت بشرتي (طبعآ الكلام حق الي يبون ينحفون اكثر من 7كيلو )اللي وزنها أقل من كذا ممكن مايثر عليها بس بعد مانصحها لانه الرياضه وهالشي بتكلم عنه بعد شوي لأن مانبي بطونا تصير مترهله نبي بطن مسطح

(بالنسبه للرياضه )
لازم كل يوم تمشي لمدة نص ساعه تمشين سواء عالسير الكهربائي أو في الحوش ولازم لازم المشي لأنها الرياضه الوحيده تصقل الجسم بالكامل
وبعدهذا لكل منطقه بجسمك تجتاج تمرين معين ولازم تسووها عشان يشد المنطقه بطريقه صحيحه
( الرياضه مطلوبه جدآ عشان ماتترهل اجسامنا )
الرياضه المطلوبه رياضة البطن رياضة الخصر رياضه المأخره رياضة لفخذين والرجلين ورياضة الذراعين
وتقدره تاخذون هالتمارين من اليوتيوب

( مجرد معلومه :: بعض البنات انها تربي عضل لاتخافين حنا مانقولج سوي جسمج مثل المصارعين المقصود عضله خفيفه ماتبان لانه يابنات اللي تكون عضله فجسمها بصعوبه بالغه تسمن المنطقه وهذا مايعني نفسج الضوء الأخضر بالاكل خاصه منطقة لانه بعد الحمل كثثثير تترهل عندهم المنطقه لوفي عضله مشدوده صدقوني ماراح تترهل ولاتبرز على برا بس مع المتابعه

ملاحظه :الرجيم ينحف 3كيلو بلاسبوع اذا نحفتي ووصلتي للوزن المطلوب بعد كذا خلك على النظام لانه مايجوع وتاكلين من اكل البيت مو مضطره تجيبين من برا وشي يقرف ويلوع الكبد اطبخي الي تحبينه واذا خلصتي الرجيم بعد كذا استمري عليه اسبوع ايه واسبوع لا وخلي الرياضه 3 ايام بالأسبوع بس (طبعآ اكلام حق اللي يبون اجسامهم مثل عارضات الأزياء مصقوله ونحيفه ومشدوده مب ينحفون وبس )واللي تقول ماتقدر وماتحمل طبعآ هذا الشي رجعلها وهي الخسرانه

(أخر شي واهم شي في الموضوع طبعآ الرجيم أو النظام الي بتمشون عليه)
والحين نبدا التنفيذ مع ترتيب الوقت وكل وحده بوقتها عاد واحلى شي فهالرجيم انه مايحتاج ادوات ولايحتاج تفاحه عالريق ولا علبة زبادي طريقة هذا الرجيم تتبعينه لمدة اسبوع واحد فقط يعني لو أبتديتي السبت السبت الثاني رجيم وطبعآ توقفين رياضه معه وكثر ماتقدرين تاكلين أكلي الله يكرمكم بيجيكم اسهال لاتخافون وبنبهكم لشي أنا اضطريت اني ارتاح اسبوع كامل لانه يوم وقفت يومين ماستفت كثير وأخو زوجي نفس الشي على عكس اختي وقفت يومين ونفع معها اليوم الثالث خربت اسمنت نص كيلو وخليكم بالسليم وجربو أول شي يومين
(نجي للفطور )
أبتعدي طول فترت الرجيم عن الكاتشب والمينيز والخردل (المسترده) والحلويات ممنوعه والشبس والكافي وهالنوعيات
الفطور مسموح لك تاكلين شاي مع السكر دايت أو نسكافيه مع حليب أو من غير لك حرية الأختيار هاي بالنسبه لسوائل بالنسبه للأكل أما قطعت توست مع أي شي تبينه حتى لوكان برقر بس يكون مشوي ومن غير الأشياء الممنوعه (الكاتشب والمينيز والخردل ) أو تونه أو بيض أو جبن اللي يريحكم أكلوه بس مو تسوين توست وتحطين جبن وفوقه بيض لاء نوع واحد بس وبعد 3ساعات لك حرية الأختيار اما يكون موعد الغداء أو تختارين وجبه خفيفه وتكون عباره عن (سلطه فقط) أو (فاكهه فقط) أو(شوربه )فقط الثلاث الوجبات ذول بيكونون السنيك بغيتي تاكليهم براحتك مابغيتي هم براحتك بس تراهم بيملون معتك يعني انا بصراحه كنت افطر وبعد 3ساعات أشرب شوربه وبعد3ساعات يكون موعد الغداء اتغداء وبعدالغداء بساعتين اكل فاكهه احس معدتي مليانه ماتعشى ولا اضطر اكل سلطه اتمنى أنكم فهمتو قصدي
(بالنسبه حق الغداء )
لومسوين رز أو مكرونه أختاري صنف واحد بس و حطي في صحنك 7ملاعق مليانه وان كنتو مسوين لحم أخذي قطعه وأذا كنتو مسوين دجاج أخذي الصدر مع شوربه وسلطه .والسلطه أن كانت مع الرز مايبيله تحسبين ام لو كانت لحالها امالو لحاله مايخالف أخدي شوي 4ملاعق مو مليانه مرره لاتغشوووون
(العشاء)
اما تختارين نفس الفطور أو تكتفين بشوربه او كاسه نسكافيه او لوبغيتي سنتدويتش اكلي نص يعني لو شاورما أوجبتو شي من برا أكلي نص أو نفس الفطور..
(..معلومه..)
على فكره يابنات طول ما أنتي مسويه النظام كثري من الحليب وحطي معه نسكافيه يطلع طعمه حلو أو الزبادي والألبان حتى الجبن بس يكون دايت عشان الدهون الي فيه لأن الكالسيوم الي فيه من اهم العناصر الي تساعد على النحافه لانها تنشط الجهاز الهضمي وتحث على حرق الذهون

وفي وحدة من الأخوات سألت سؤال حلو بكتبه لكم وبكتب الجواب معاه :

(بصراحه نظام ميه ميه نويت اسويه بصراحه لأن وزني 130كيلو تقريبآ وعندي مناسبه بعد شهر تتوقعين يبان علي ؟؟؟ من جد محتاجه اغير جسمي
وبالنسبه للرياضه انا بصراحه ما احب امارس التمارين غير المشي يعني مستعده أمشي كل يوم نص ساعه بدل 3مرات بس الأهم ماسوي التمارين الثانيه ودي أعرف رايك ؟؟؟
والشوربه أيش مقدارها بين الوجبات؟؟
وكان هذا الرد
(ممتاز ردك وايد حلو شوفي ياعمري أول شي خليني أشجعك شوي انا اخو زوجي سمين وزنه 120 على معتقد سوا النظام نحف 5كيلو بالأسبوع لانه سمين فجسمه يحرق بسرعه وبان عليه في أسبوعين طبعآ بدون مانحسب البريك لانه سوا اسبوع وارتاح اسبوع والاسبوع الي بعده كمان نحف 9كيلو لانه تكاسل شوي بالأسبوع الأخير وكان عند صديق من جنوب افريقيا يوم رد يقله وايد نحفان عن قبل ماشالله حتى وجهه ماشالله
بالنسبه حق الرياضه أذا كان الوزن كبير بالطريقه هذي حق اللي مايحبون الرياضه طبعآ هو الأفضل من البدايه تسوين تمارين عشان لايترهل الجسم بس دامك ماتبين مايخالف سوي كل يوم نص ساعه مشي لمدة اسبوعين لين تنحفين أوكي الي بعدهم زيدي عشر دقايق بس لاتزيدي مره وحده والا جسمك راح يتعود على الرياضه ويصير الحرق بطيئ لانه بيبتدي الجسم يفكر يبني عضل الين توصلين لمدة ساعه باليوم بس شو في عشان ابري ذمتي اول مايوصل وزنك 70نصيحتي تبدين تسوين تمارين الشد لأن الجلد الله يعافيكي من الشر بينزل ويتدلدل وبيصير شكله مقرف أعذريني عالتعبير وبالنسبه لشوربه أشربي الكميه الي تبين
وعندي معلومات ودي أقولها لكم
( ألأولى )
حاولي كل يوم تاكلي حبة طماط وحده عالأقل عشان الطماطم يقوي القلب وبما انه بنسوي رياضه محتاجين القلب ويانا خخخ
( ثاني شي )
بنات الي تبي تشرب مويه تكون كثر ماتقدرين بارده مو حاره وأنا بفسره لكم من ناحيه علميه عشان محد يتكلم وطبعآ الدكتور أوز اللي متكلم عنها أول شي لوعرفتي السعر الحراري بيكون معناه الجهد المبذل لرفع درجة الحرارة الماء لدرجة حرارة الجسم درجه سيلوزيه وحده لوجينا نقولها بلغتنا العاميه يعني أشكثرجسمك محتاج يبذل مجهود عشان يحافظ على توازن الحراره فالجسم سواء البارده اوالحاره ويوم تقولون حق وحده الأكله الفلانيه فيها كذا سعره حراريه مثلآ صحن الكبسه فيها 300 سعره كأنك تقولينها صحن الكبسه ذي تعطيكي طاقه تساعدك بتنظيف البيت والمشي مسافه كذا فيوم تشربين الماء البارد الجسم يبذل مجهود أكبر عشان يرفع درجة حرارتك لدرجة حرارت جسمك أتمنى أن يكون الكلام واضح والسموحه عاالاطاله وعلى فكره اللي تبي تنقل الموضوع أنا مسامحتها رقم أني أنكسرت يدي وانا أكتب بس عشان الفايده واللي عندها أي معلومه أو تشوف أي معلومه غلط مامانع أنها تصححها رقم أن كل الكلام حافظته عن الدكتور أوز ودكتورة تغذيه سودانيه كنت أروح لها لاكن جل من لايسهو

ان شاءالله يساعد كلاللي محتاجين لمثل هالمواضيع

3 ايام فواكة ( بأي كمية محددة وأي نوعية من الفواكة وبأي وقت )
3 أيام خضار ( بأي كمية محددة وأي نوعية من الخضار وبأي وقت)
3 ايام عيش ( أرز ) أسمر روب ( قليل الدسم طبعا )
3 أيام بروتينات حيوانية ( لحوم – دجاج – أسماك )

أسباب فشل الرجيم:

تتعدد الأسباب التي تؤدي إلى فشل نظام الرجيم المتبع، ومن هذه الأسباب:

– عدم الالتزام بنظام الرجيم بشكل كامل:
يعتمد نجاح نظام الرجيم على نفسية الفرد ورغباته، فإذا لم تكن المرأة مستعدة حقاً للالتزام الكامل طوال الوقت بنظام الدايت لإنقاص الوزن فهي حتماً ستفشل في إنقاص وزنها على المدى الطويل، لذلك من الأفضل البحث بداخلك على هدف شخصي يحثك على إنقاص الوزن الزائد.

– توقع إنقاص الكثير من الوزن في وقت قصير:
يجب العلم أن إنقاص الوزن بطريقة ناجحة يحدث ببطء بواسطة خطوات ثابتة، فإذا تقبلتِ هذه الحقيقة وانتظرتِ حتى يتحقق هدفك على المدى الطويل ستنالين ما تريدين مع الحفاظ على صحة جيدة وقوام رشيق وثقة عالية بالنفس.

– إتباع نظام رجيم قاسي غير قابل للاستمرار:
إذا كنتِ تتبعين رجيم قاسي لا يتماشى مع النظام الصحي الطبيعي لتناول الغذاء فاعلمي أن احتمالات الفشل في الاستمرار في هذا الرجيم عالية، فمن غير الطبيعي أن تمتنعين عن تناول كل ما تحبين.

– تجاهل شكل الجسم الأساسي:
تتطلع الكثيرات للحصول على قوام مثل النجمات وعارضات الأزياء دون النظر بواقعية إلى الشكل والقوام الطبيعي لأجسامهن، فبالرغم من إتباع أنظمة رجيم تؤدي إلى إنقاص الوزن لكن لا يعني هذا تغير الشكل الكلي للجسم، فلكل جسم قوامه الطبيعي الدائم سواء كان في وضع بدين أو نحيف، لذلك يجب تقبل شكل الجسم الطبيعي بدلاً من التعلق بأحلام غير واقعية لا يمكن تحقيقها وذلك لتفادي الشعور بإحباط.

– تجويع النفس وتناول الطعام في وقت معين من اليوم:
تعتبر معلومة "تناول السعرات الحرارية خلال فترة المساء يساعد على إكساب الوزن" هي معلومة خاطئة، فتناول السعرات الحرارية بعد العمل يساعد على فشل الرجيم كما ينبغي عدم حرمان النفس من الطعام حتى الوصول إلى مرحلة الجوع الشديد فيؤدي ذلك إلى تناول كمية كبيرة من الطعام، لذلك يجب تناول وجبات متوازنة وبكميات معقولة خلال الوجبات الغذائية المختلفة لتحقيق أفضل النتائج لإنقاص الوزن.

– إسقاط بعض الوجبات الغذائية:
بعض السيدات لا تهتم بتناول أحد الوجبات الغذائية، مما يسبب فشل الرجيم وذلك لأن طول الوقت بين الوجبات يتسبب في اكتساب وزن زائد بسهولة مع الاضطرار للحصول على وجبات غير صحية، لذلك يجب الالتزام بتناول الوجبات الغذائية الثلاثة على أن يكون الفارق بين الوجبة والأخرى هناك أربع ساعات بدون تناول أي شيء.

– جعل الرياضة عذراً لتناول الأغذية الممنوعة:
بعض السيدات يجعلن ممارسة الرياضة عذراً لتناول الأطعمة الممنوعة تناولها أثناء إتباع نظام رجيم معين مما يؤدي إلى فشل الرجيم، لذلك يجب الالتزام بالجدول الغذائي الموضوع لنظام الرجيم مع تناول وجبة خفيفة من الطعام بعد ممارسة الرياضة إذا رغبتِ في ذلك.

شكرا لك وجدا

تحياتي واحترآمي لـ سموك الكريم

1- استبدال القلي بالشواء يجعل طعامكِ قليل السعرات الحرارية و يحتوي على كمية أقل من الدهون.

2- استبدال القلي بالشواء يجعلك في غنى عن استخدام الدهون المشبعة في تحضير الطعام مثل السمنة و الزبدة و المارغرين ، و هي دهون ضارة بصحة الجسم و سبب رئيسي في ارتفاع مستوى الكوليسترول و الدهون وتصلب الشرايين و الإصابة بالسمنة و حتى مرض السكري.

– في موسم البرد عليك بشرب العصيرات الشتوية الخالية من اي منكهات صناعية كعصير الجريب فروت ، الكمثرى ، الكلمنتينا ، الكيوي أو الليمون والماء الدافئ .

_ أكل الخضر القلبية مثل الكرفس والملفوف وبراعم بروكسيل والقرنبيط . هذه الخضر مناسبة لفصل الشتاء لتمنحك الدفء .

– دائما إبدأ يومك بوجبة الفطور وذلك بأكل زبدة الفول السوداني أو الشوفان مع اللوز . تعطيك هذه الكربوهيدرات المزيد من الشعور بالسعادة فترفع مستوى هرمون السيروتونين وهي مادة كيميائية في الدماغ تعزز من الهدوء وتقلل من مشاعر الإكتئاب .

_ استبدال الفاآكه بالحلوياآت للحصول على مايكفى الجسم من سكريات طبيعيه

_ شرب كميات مياه كبيره بتعادل 8 اكواب يوميا

بارك الله فيك