الوسم: الضانى

• 1 كيلو بامية خضراء.
• ½ كيلو لحم ضانى .
• 1 لتر مرقة لحم .
• بصلة , ملح , فلفل .
• 2 ملعقة سمن .
• قرن فلفل حامى .
• 2 كوب صلصة طماطم .
• 2 فص ثوم , ليمون .

طريقة التحضير :

1. تغسل البامية وتوضع فى مصفاه وتترك قليلا حتى تجف وتقمع .

2. تفرم البصلة وتحمر فى السمن قليلا حتى يصفر لونها ثم يضاف اللحم الى البصلة ويقلب مع اضافة قليل من الفلفل الاسسود .

3. تضاف صلصة الطماطم وتترك حتى تتسبك ثم يضاف اليها المرقة وتترك لتغلى مع اضافة الملح .

4. تضاف البامية وعصير الليمون وتترك لتغلى لمدة 10 دقائق ثم تهدء النار عليها وتترك حتى تتسبك أى يظهر السمن على الوجه حوالى ½ ساعة .

احنا النهارده باذن الله نقدم مع بعض الكبسة بطريقة مبسطة وباذن الله تعجبكم وكمان انتوا ممكن تستبدلوا اللحم الضانى بلحم كندوز او دجاج براحتكم خالص انتوا ومزاجكم يعنى

دى كده صور للكبسة معاها سلطة الزبادى والدجس "صلصلة الدقوس "بتاعها

يلا بينا على المطبخ مع بعض ونقول بســــــــــم الله

لحم ضانى او كندوز براحتك ياقمراية زى ماتفقنا

2 و نص كوب ارز بسمتى

معلقتين بهارات كبسة مطحونة "البهارات دى انا جبتها من مترو ماركت و لاقيتها كمان فى فتح الله "

فلفل – جزر "مبشور + مقطع قطع كبيرة لسلق اللحمه " – بصل "مكعبات +مقطع قطع كبيرة لسلق اللحمة " – توم

مستكة لسلق اللحمة "لو مش موجودة مش مشكلة خالص"

عصير طماطم

بهارات صحيحة "ليمون مجفف – معلقة كبيرة كركم – فلفل اسمر حب – كسبرة ناشف حب – ورق لورا – قرفة عيدان – حبهان – قرنفل "

هنحط معلقة سمنة بلدى وبعد ماتسيح وتسخن هنحط المستكة تسيح وبعد كده هننزل بنص كمية ورق اللورا والحبهان والجزر المقطع كبير والبصل المقطع كبير والتوم ونقلبهم اوى

بعد كده احط بهارات الكبسة الناعمة ونص كمية الكركم معاهم واقلبهم تانى كويس معاهم

وبعدين انزل اللحمة تتشوح كويس مع البهارات والخضار وازودها مياه مغليه عشان ماتكش منك واسيبها تستوى خالص او تسيبها تستوى تلات اربع سوا حسب ماانتى بتحبى سوا اللحمة

انا عشان بنبحبها مهريه بسويها فى الشوربة وبعدين تكمل وتتهرى مع الرز

نيجى فى حلة تانية نحط البصل ونشوحة شوية لحد مايبدا يدبل

بعد كده ننزل بالجزر المبشور عليه

وبعد كده نحط البهارات الصحية والفلفل الاخضر "لو بتحبيها حراقة زودى قرن فلفل حامى معاها" كلها ونقلبها لحد مانبدا نشم ريحتها

بعدين نحط اللحمة اللى استوت ومعاها عصير الطماطم ونقلبهم مع البهارات

وبعدين نزود كمية المياة اللازمة لتسوية الارز يعنى ال 2 كوب ونص ارز اخدوا 5 كوبايات شوربة من اللى استوت منها اللحمة

لما تغلى الشوربة تانى مع اللحمة ننزل الارز فيها وبعدين نسيب الشوربة تغلى شوية ونهدى عليه النار خالص ونسيبه لحد مانشم ريحته نشوفه استوى ولا ايه

وبعدين نقدم الكبسة بتاعتنا ونزينها ببصل متحمر زى بتاع الكشرى ومكسرات انا قشرتها وحمصتها

ونقدم معاها سلطة الزبادى ترطب معاها وصلصة الدقوس "الدجس الحار "

وهنا صور كمان للطبق

كبسة اللحم الضانى السهله