مساءالشعر والقصائد الحلوة
هذي قصيده لحامد زيد بس ما اعرف اسمه
اعجبتني وقلتي انقلها لكم وان شاء الله تعجبكم
منك العذر وعلي المعذرة
لاتحسب حساب هجر ولا هجير
كل ذنب بتذنبه بستغفره
واحد مايعذرك مافيه خير
دور بصدري وطن واستعمره
عندك من الضلع الأول للأخير
عيش فيني ودمر اللي تدمره
واعتذر لي واعتبر سرك فبير
لا تبشرني بجرح وتذخره
لا تعشمني بفرح وتستخير
ولاتنومني بليل وتسهره
ولاتنام الا ونا جفني سهير
خلني مثل النجوم مبعثره
عيش فيني لاشهيق ولا زفير
لاتقول العفو عند المقدره
خل قلبك صلب وحسابك عسير
المسامح والزعل للمبزره
والا أنا لاني زعول ولا صغير
ودي أدري ليه للحزن أثمره
ودي أقطف من قساوتك العبير
ودي أجفل من فراقك وأحذره
ودي أعرف لو زعلت ايش يبي يصير
لو تقدر خاطري صدق أكثره
لو صحيح تحبني لاتستشير
أزرع بقلبي سبب يستنفره
أثبت أنك غير وأن الناس غير
شاعرك ماكل بنت تجرجره
حارت به عقول ناس ماتحير
النساء ماحركو فيه اشعره
ثار عشق ومالقى شي يثير
لو سكت كن الوقار بمنبره
وأن تكلم زمهرير بزمهرير
مايحضر الا القلوب مجمهره
ومايغيب الا وعشاقه كثير
أن هجرته تستقر بمحجره
وأن تبعت رضاه ماعينت خير
أعشقه لكن بعد ماتقهره
ابتسم له بس لاشفته كسير
حن لكن حن لاجبت اخبره
حب لكن خل حبك بالأخير
لو عطيته وجهك أعطاك اظهره
صد عنه ويتبعك مثل الضرير
لاتحاول تكسبه ماتخسره
صير ثلج يصير لك مثل السعير
ماتميل الا الغصون المثمره
ومايسيل من الجروح الا الغزير
من قبل لاتنقهر منه أقهره
قبل لايستحقرك خلك حقير
أسكنه حرك جموده بعثره
اعشق،أكره،عاتب،أشره،حن،غير
أنثره ،لملمه ، لملمه ، أنثره
صد ،ياخي، طير لو تقدر تطير
من متى ونا تحرا لي مره
تثبت أني لاوقعت أوقع كبير
أبك أنا مقطوع من غصن اشجره
لاصديق ولارفيق ولا عشير
ابدوي شيب الصبر اشعره
ماعرف ريش النعام ولا الحرير
أن غفا كن السحاب يدثره
وان صحا يفرش من الرمضا حصير
ماخذ من قسوة البيد أكثره
ومن شموخ البدو شر مستطير
جنته صحراه والشوك أزهره
والسراب بنظرته مثل الغدير
أن فزع يامشجعه يامظفره
من خلقه الله وهو قرم وفقير
كان ماتقدره قل ماتقدره
صير غالي صدق ولا لاتصير
الغلا اللي ماتزعزعه اهجره
دام قلبك لايجار ولا يجير
شوف لك رجل بليد استحقره
واجد اللي يعشقون بلا ضمير
بس أنا لو جبت لي مية مره
ماتحرك في شعره لو تطير
//
\
