الوسم: العريس

تقبلي مروري

صراحة زوج رومنسي بكل مافي الكلمة من معنى

الخطوة الأولى
جهزي نفسك نفسيا ومظهريا

1- علشان ماتعبيش نفسك وأعصابك على الفاضي ياريت تشيلي من دماغك فكرة إنك بضاعة جاي العريس يتفرج عليها لأن دي حاجة مش صح وحطي في دماغك إن ده جاي يتعرف على البنت اللي ممكن تكون شريكة حياته وإن دي حاجة مش عيب ومفيش منها أي تقليل من شأنك

2- حاولي على قد ما تقدري تخلّي أعصابك هادية جدا :rmadeat-a52ff53d67:وتبعدي عن أي مصدر قلق أو توتر.. علشان التوتر ممكن يبان على وشك واحنا مش عايزين كده احنا عايزين عروسة زي القمر وياريت كمان قبل الميعاد ده تاخدي دش دافي

3- بعد كده ادخلي الأوضة عندك وابدأي في اختيار لبسك..:7_18_2[1]: وعلى فكرة النقطة دي بتحير بنات كتير أوي لأنهم بيحتاورا يلبسوا كلاسيك ولا لبس عادي
بس بيني وبينك ياريت أول مرة دي تلبسي لبسك العادي اللي انتي بتلبسيه وأنت خارجة.. يعني لو كنت بتلبسي بنطلون وبلوزة البسيهم بس ياريت البنطلون يكون قماش مش جينز أو لو كنت بتلبسي جوب وبلوزة البسيهم برضه وده علشان يشوفك على طبيعتك في اللبس وبلاش موضوع إنك تلبسي بدلة لأن دي هتخلي الحكاية تبقى رسمي أوي وممكن تبيّنك أكبر من سنك
واوعي تنسي تختاري الألوان اللي تكون مناسبة عليك وتنور وشك

4- لو كان اللقاء ده هيتم في البيت فياريت ما تلبسيش كعب عالي قوي وخليك في الكعب اللي 3 سم

5- ياريت في اليوم ده ما تكتريش في المكياج علشان ما تبقيش عاملة زي البلياتشو.. وخليك بسيطة جدا في مكياجك يعني كفاية أوي إنك تحطي روج وترسمي عينيك بالكحل والآي شادو وتحطي ماسكرا وبلاش أحمر خدود لأن طبيعي جدا إن وشك هيحمر في اليوم ده فمش هتحتاجي لأحمر الخدود لأنه هيكون موجود طبيعي

6- خليكي متفائلة وتوقعي الخير علشان تلاقيه خير وتوكلي على الله وفوضي أمرك إليه، وادعي ربنا يوفقك في اللي فيه خير ليكي:084:
أعتقد إنك لو عملتي الحاجات اللي قلنا عليها دي هتكوني فعلا استعديت للقاء ده وتعالي نشوف اللي المفروض تعمليه أثناء اللقاء ده

*******

الخطوة التانية

أثناء اللقاء نفسه

1- بلاش تشيلي صينية عصير في إيدك وأنت داخلة لأنك ممكن ترتبكي وتوقعيها على اللي قاعدين.. :7_13_16[1]:كفاية قوي إنك تدخلي بابتسامة بسيطة على شفايفك وتسلمي على كل اللي موجودين وعليه هو كمان.. واقعدي وخليك شاطرة واختاري إنك تقعدي في الكرسي اللي يكون مواجه له علشان تقدري تشوفيه كويس لأن ده حقك الشرعي وخليكي واثقة من نفسك وخدي الموضوع بساطة علشان يعدّي

2- لو مامته جات معاه ياريت تخلّي بالك منها وبلاش تكشّري في وشها وهي قاعدة.. خليكي مبتسمة ليها دايما حتى لو قالت حاجة مش عجباك اوعي تردي عليها رد مش مناسب وكلميها عادي وحاولي تكسبي رضاها وخليكي ذكية وفكري في كل كلمة قبل ماتقوليها

3- وأنت قاعدة اتكلمي براحتك من غير تكلف وافتحي مجالات للكلام واسمعيه كويس وهو بيتكلم علشان تقدري تحكمي عليه

4- لو فيه حاجة تضحك يا ريت ماتضحكيش ضحك بصوت عالي أو ضحك هيستري كفاية قوي ابتسامة بسيطة على شفايفك

5- خليكي جريئة ولو وجه لك الكلام ردي عليه بذوق من غير كسوف
*******

كمان خدي بالك أوي

1- لو سمحت الظروف وقعدتوا مع بعض ياريت تتكلمي معاه في أمور عادية جدا.. زي مثلا البرامج اللي بتعجبك في التليفزيون أو عن حاجة تكون حصلت قريب وشدت انتباهك وابعدي عن الكلام في أي مواضيع تكون مسار جدل زي مثلا الكرة والأهلي والزمالك.. ولو تطور الكلام بينكم لأي مواضيع فيها جدل خليكي ذكية وبلاش يكون عندك تحيز في الرأي واسمعي منه وابدي رأيك بأسلوب لطيف من غير ما تحرجي نفسك أو تحرجيه
واوعي في أول كلام بينكم تسأليه أي أسئلة شخصية أو أسئلة محرجة زي مثلا إنك تسأليه إذا كان خاطب قبل كده ولا لأ أو مثلا مرتبه كام؟؟ لأن الأسئلة اللي من النوع ده ما ينفعش تسأليها في أول مقابلة

2- لو كان اللقاء في مكان عام زي النادي مثلا أو كافيه أو خلال مناسبة ما فحاولي تقلي من نظراتك حول الأشخاص الموجودين في المكان وركزي في الشخص نفسه

الخطوة الثالثة

بعد انتهاء اللقاء

بعد ما يمشوا عايزاكي تقعدي مع مامتك وتحكي لها على اللي حصل وتفكري معاها كويس وشوفي إيه اللي قدرتي تطلعي بيه من اللقاء ده.. لأن فيه حاجات حتى لو بسيطة هتكون بانت قدامك ولو مش قادرة تحكمي كويس ياريت تطلبي لقاء تاني علشان تقدري تحكمي على أساس صح.. وربنا يوفقك

هنتكلم عن اول حاجة هنرتبلها فى اليوم الجميل دة
اهم حاجة النضافة الاول مش هنزوق من عالوش
ننفض البيت كويس اوى ونمسح ونلمع ونخليه زى المرايا
الفرش هنفرش السجاد ان ماغسلتهوش يبقى لازم تلمعيه
الستار مغسولة ومكوية ولونها فاتح
الورد فى اركان البيت بطريقة بسيطة ومن غير مبالغة
ومعطر رقيق كدة وموسيقى هادية كدة مش نروح نشغل
هبطل السجاير لشعبولا ههههههههههههه

تانى خطوة يارب متحرم البنات من اليوم دة
اللبس الاول بالنسبة للعروسة

تكونى واثقة من نفسك ومتخليش فى باللك
انهم جايين يتفرجو عليكى لالا وشك يكون مرتاح
بلاش ميكب عشان ربنا يكرمناانا ضد انهم يشوفوكو
راسمة وشك زى العروسة هو كريم تفتيح وخلاص
اعصابك هادية ولبسك العادى اللى يليق عليكى وينور وشك
ويكون الوان فاتحة ونبعد عن السواريه واللبس الضيق اللى يبين مفاتنك
وكذللك ماما وبابا اللبس عادى محترم وشيك وبسيط ومش مبالغ فيه

الاستقبال

انا بفضل ان والد العروسة طبعا هو اللى يستقبل ضيوفه
مش العروسة هو اللى يفتح الباب ويكون فى انتظارهم
والعروسة تكون معززة ويدخلو ويعدو شوية والعروسة تطلع
العصائر والمؤكلات
نبتدى طبعا بتقديم عصيرالفريش فى
كاسات شيك وعلى صنية تحفة
والعروسة تقدم الصنية بشياكة وهدوء

وبعد العصير نقدم فاكهة نوعين او 3 فى طبق شيك
وبعدين الشاى او القهوة وطبعا هنسال الضيوف
اللى يحب يشرب اى وممكن معاه حلويات شرقية او جاتوهات
ولو السهرة طولت ممكن نقدم نسكافيه

المفروض ييتقال اى فى الاعدة
طبعا دى اعدة تعارف يعنى مفيش داعى
للتكلف والمظاهر واننا نقول عندنا كذا وكذا
او بنتنا جالها عرسان قد كدة ورفضناهم
البساطة هتقرب بين الاسرتين
وومش لازم بقى انت عندك اى ومرتبك كام
والقطن على مين والكلام دة لا نحسسهم
اننا بنشترى راجل وكفايااننا اتشرفنا بمعرفتهم
وبعد كدة الرجالة يحددو مع بعض وممكن لو الجو كان حلو
وحصل تالف بين الاسرتين والدة العريس واخته والعروسة
ومامتها واخواتها يعدو مع بعض ويسيبو الرجالة مع بعض
ويتفقو هاااااااااااااااا فكرتونى بالذى مضى
يارب موضوعى يعجبكم وربنا يفرح كل البنات يارب عاجلااااااا