الوسم: القلب

لو أنتى كنتى مثلاً قاعدة بمكان كان جنب الشارع العام بالضبط,,

وكان في شخصين يعبروا الشارع..

جايين ليكى

الأول:
حبيبك ..

الثاني:
صديقتك..

وهم ماريين بالشارع سياره تصدمهم ..

وقالوا ليكى أنك تقدرى تنقذى واحد منهم بس..

فمن إللي راح يعيش..؟؟؟

الحب ولا الصداقه؟؟؟

للكاتبة : الغموض سلاحي
امم ترددت في كتابة هاذي الرواية طبعا انا كتبتها باللهجة السعودية السبب الاول اني احب اتكلم زي السعودين و أموت بلهجتهم و السبب الثاني بنات خالتي السعودين الي علاقتي فيهم قوية مرة هم و خالتي الوحيدة الي لازم في الويكند اروح السعودية و في العطلة الطويلة بعد اروح هناك عشان كذا تعودت اتكلم سعودي مع ان جنسيتي بحرينية يمكن تلاقون بالرواية كلام سعودي و شوي بحريني انا اقول لكم كذا علشان ما تستغربون اذا قريتوها
-انا بكتابتي لهاذي الرواية جد شعرت بالمجهود الكبير الي كانو الكاتبات يتعبونه عشان كذا لا احلل و لا اسامح الي بنشر روايتي لمنتدى ثاني الا اذا بيكتب اسمي ( الغموض سلاحي ) هذا شي ثاني اتقبل النقد لكن بحدود
-ملاحظة : يمكن يكون هناك أخطاء إملائية اسفة ما صار عندي وقت عشان أعدلهم

امم يلا نبدأ
الحياة ما هي الا اختبار للانسان يخوضها فربما يكون قد نجح فيه و قد رسب روايتي تتحدث عند بنات قد خاضوا تجربة الحياة بكل أنوعها كل بنت منهم تعيش صراع مع نفسها و تحاول التأقلم في بيئة جديدة بعيدة عن اهلها و كل واحدة تحاول تكوين قصة حب مختلفة عن الأخرى وقد يكون العكس تماما…..

التهور : طعمه حلو بنكه الطيش و مذاقه يسبب الوقوع في المشاكل فالتأني من الرحمن و العجلة في الشيطان
الغموض : طعمه لغز بنكه صمت و مذاقه يسبب الالام
الخجل : طعمه لذيذ بنكه الحياء و مذاقه يسبب احمرار الخدود
الصمت و الهدوء : طعمه صمت بنكه الهدوء و مذاقه يسبب الحكمه
الطيبه : طعمها رائع بنكه الحنية و مذاقه يسبب حب الاخرين لك
طاعة الله و عبادته طول الوقت : طعمه لذيذ بنكهة مختلفة و مذاقه يسبب السعادة الابدية
كتابة الشعر و الخواطر : طعمه الشعور الصادق في داخل الانسان بنكهة الاحساس و مذاقه يسبب اخراج كل ما يحمله الانسان في قلبه في ورقة صغيرة تبين احساسه
الصبر على البلاء : طعمه قوة التحمل بنكه المثابرة و مذاقه يسبب حمد الله على نعمته فربما يسر لك حياتك
الثقة بالنفس : طعمه مفيد للانسان بنكه القوة و مذاقه يسبب النجاح في مختلف المجالات
الحقد : طعمه الكره الشديد بنكه الاستفزاز و الانتقام و مذاقه يسبب نشر بذور الكراهية
الغرور : طعمه التكبر بنكهة الكبرياء و مذاقه يسبب تحطيم جسور الاوصال
الخيانة : طعمها مر جدا بنكه ابشع ما تمر بهي الفتاة و مذاقه يسبب الحزن و الندم
و اخيراً الحب : طعمه حلو بنكهات مختلفة و مذاقه يسبب التعلق الشديد بالحبيب
………….

رواية : توقعت جرح بالجسم لكن ما توقعت جرح بالقلب

البارت [ 1 ]
الفصل الاول
( السفر إلى بريطانيا )

في مطار البحرين الدولي الساعة التاسعة والنصف صباحاً

كانو جالسين بالمطار ينتظرون الطائرة الي بتاخذهم لبريطانيا و كل وحدة تفكر في مصيرها الي بيصير لها خلال ال10 شهور كل وحدة كانت مشغولة بشي في يدها عشان تلهي نفسها عن الملل كانت جالسة على كراسي المطار و راسها على كتف رفيقتها الي كانت تقرأ رواية مندمجة معاها و لا حاسة بالرأس الي على كتفها من كثر الحماس و رفيقتها الثانية كانت حاطه يدها على خدها و تزفر بملل و تحرك رجلها بغيض و تضربهم بالأرض بالقوة ورفيقتهم الرابعة كانت تلذ بأكل الكاكاو اللذيذة
رفعت ايدها عن خدها و قالت بطفش : اوف هالطائرة شتسوي تبيض لحم و لا دجاج
ضربتها بخفة على راسها و هي تلتهم آخر قطعه شوكلاته : يالهبلة يقولون تبيض بيض مب لحم و دجاج
قالت بقرف وهي تناظرها : وجع الله يقرفك سكري فمك و لا تتكلمي و انتي تاكلين
قالت بسخرية وهي ترمي وسخ الشوكلاته على الارض و ادوس عليه برجلها : تعالو شوفو منو يتكلم يا بنات
قالت لها بغيض وهي تتخصر : شنو تقصدين أنسه جود
جود و هي تغمض عيونها بكسل و ترجع على وراه : سلامتك آنسه خرموش
شموخ و عيونها توسعو من كثر العصبية : خرموش بعينك ياعمود الكهرباء
جود بملل وهي ساكتة عنها لانها تعبانة و لا لو ما فيها نوم كان لعنت خيرها : اقول خرموش ترى الاخلاق لخشمي ممكن تتكرمين و تسكتين عشان نرتاح شوي
شموخ بستهزاء : حاضر على امرك يا عمود الكهرباء
رفعت رحيل راسها من كتف ملاك و قالت وهي تزفر : ملاكو بلا عليك ما تملين من هالروايات الرومنسية الي تقرينها 24 ساعة انا الي معاك طقت كبدي من كثر ما تقرينها
شموخ تدخل عرض قالت بغيض : مدري شنو شايفة في هالروايات من حلاتها من جمالها من …
قطعتها جود و هي ترص على اسنانها من العصبية : شموخو يا الدبة اذا ما سكتين و الله لارمي هالتلفون بوجهك الحين
شموخ توها بتكلم بس شهقت من المنظر الي قدامها بصوت عالي خلت كل البنات الي بالمطار يناظرونها بستغراب
مها الي كانت تكلم اخوها بالتلفون سكرته بقوة و لفت لفرح بقهر : شموخو شسويتي تراك بمطار مب بيتكم عشان تشهقين بصوت عالي كذا
شموخ و هي تأشر بيدها على الرجال الي حاضن زوجته و قاعد يبوس جبهتها : طالعي هالقرف و بعدها اتكلمي يا مهوي
هاجر سحبت فرح من يدها و جلستها على الكرسي و قالت بحرج : شموخ شوفي الكل يناضر فينا
رشا الي كانت تبرد أظافرها قالت بنرفزة : فضحتينا الله يفضحك وين أنودي وجهنا من الناس
شموخ عصبت عليهم و قالت : انتي شفتي الي شفته اول جد ناس ما تستحي على وجها المفروض ….
رشا وقفت و تقدمت لشموخ و قالت و هي تعقد حواجبها : شفيها يا بنت الناس رجال باس زوجته
كل البنات الي كانو معها انحرجو من كلامها
شموخ حست بحريقه بوجها صرخت عليها : و الله انتي الي ما تستحين على وجهك قاعدة عيني عينك أتطالعينهم و كأنك متحسرة على هذا الشي لا تخافين ترى هالخرايط الي تارسة وجهك و البدي كير و المني كير اتخلي الرجال يذوب على الارض من منظرك – قالت بسخرية و هي اسوي تحيه باصبعين – سلام
رشا انقهرت منها و اتأفت و هي تسبها بداخلها توجهت جنب ريم الي كانت شبه نايمه وجها احمر و خدودها اكثر حمره قعدت جنبها و هي تهز رجلها بقهر
عند شموخ الي رجعت لشلتها و قعدت جنب رحيل و حطت راسها على كتف رحيل تكلمت رحيل و هي تبتسم : تردين حركتي مع ملاك
شموخ بشبه ابتسامة وهي تكتف يدينها على صدرها : تقدرين تقولين كذا
كانت قاعدة تكتب خاطرة بدفترها الصغير المزخرف على وداع اهلها و دموعها على طرف خدها حست بيد على كتفها رفعت يدها و ابتسمت بألم : بفتقدهم يا سديم
سديم مسوية متأثرة : لا تخليني ابكي معك – طالعتها بجديه – جهون شفتي احد من البنات بكى على افراق اهله أجاوبك …. لا…. صح انهم يبكون بالبداية لكن يدرون بعدها انهم بيرجعون لاهلهم
قالت جهان بغصة : بس10 شهور مب شوية
ابتسمت سديم و قالت تخف من ألم : أمك بالشهر الاول من حملها بترجعين و هي والده تتوقعين شنو اجيب لكم بنت و لا ولد
جهان بتسامة و هي تمسح دموعها و تسكر الدفتر : الي ايجي من الله حياه الله اهم شي يكون سليم
سديم و هي تهز راسها بطريقه مضحكة : كفو الله تربية خالتي امل
سمعو نداء : ارجوء من الطلبة الذين حصلوا على منحة دراسيه التوجه نحو ……. الخ
نقزت شموخ بسرعة و هي تقول : و اخيرن باضت البيضة ما بغينا يا عالم
الكل : ههههههه
سحبت شموخ يد رحيل الي كانت تتكلم مع ملاك : يلا بسرعة لا ياخذون أمكنتنا يا البطة
جود الي كانت ماره من جنبها قالت و هي تتثاوب: و مين بيسرق مكانك السواق كومار مثلا
شموخ بسخريه : اقول يا عمود الكهرباء سكري فمك لا تدخل فيه طيارة بالاول بعدين تكلمي
ضحك الكل بقوة على تشبيه شموخ
جود بعصبية : هين اوريك بالطائرة شنو اسوي لك
توجه الكل الي الطائرة وهاجر فاتحة فمها من شكل الطائرة الي كانت كبيره بمعني الكلمة
هاجر بذهول : واو شي عجيب
سديم و هي ادزها من قدام : دخلي فمك لا تدخل فيه طيارة
جهان بضحكة : مسرع ما حفظتي كلمة شموخ
رشا بدلع وهي تتمايل بمشيتها : وجه فقر اول مرة اشوف طائرة بحياتها
حزت هالكلمة في خاطر هاجر الي نزلت راسها حست بأحد يربت على ظهرها صرخت بداخلها " ما ابي احد يشفق علي انا جد فقيرة بس الفقر مب عيب انا شذبي اكون فقيرة هذا امتحان لي … و نعم بالله"
حصة و هي تتكلم لرشا بصوت عالي : كشرتك من وراء طالعه يا ام الخلاقين
انحرجت رشا خصوصا ان الكل قام يناضرها حقدت على حصة و هاجر الي حطوها بهذا الموقف
حصة بتسامة نصر لفت على هاجر : شفتي روضتها لك بنت ابليس
هاجر بحنية : لا حرام عليك شنو بنت ابليس
حصة و هي تضرب يد بيد بأسف : مو ذابحني غير طيبه قلبك يا هاجر
دخلو الطائرة و كل وحدة جلست جنب رفيقتها الطائرة كانت كبيرة و عبارة عن مقعدين بعدين ممر عشان يمرون فيه الناس و بعدها مقعدين بعدها مرر و بعدها مقعدين فهمتو
جلست شموخ جنب النافذة الي على اليمين و رحيل جنبها وجنبهم مقعدين فيه ملاك و جود بعدها بعد مقعدين فيه سديم و جهان جنب النافذة الي على اليسار وراء فرح و رحيل كان هاجر جنبها النافذة و حصيص جنبها و مقعدين جنبهم فيه كانت قاعدة ريم و رشا و بعدها بنيتين معاههم الي هم مها و ترف
اعلنت الطائرة عن إقلاعها في الهواء الطلق كان الجو متوتر عند هاجر الي كانت ترتجف من الخوف و ماسكة بيد حصيص الي بدورها وضعت يدها عليها اطمنها لكن الوضع عند شموخ كان مختلف تماما كانت تناقز من الفرحة و رحيل تهديها و منحرجة من الناس الي يطالعونهم
رحيل بهمس : شموخو وجع قعدي فشلتينا – شافت ان مافي فايدة معها لفت لجود شافتها حاطه يدها على راسها و شكلها في سابع نومه و ملاك كالعادة تقرءا رواية لفت وراء شافت حصيص قالت لها بسرعه : حصيص شوفي هالخبلة شنو اسوي الي يشوفها يقول عمرها ما ركبت طياره و هي المرة الالف تركبها خليها تسكت و الله تفشلت
حصيص قالت بهمس : بالاول خليني مع هاجر الي بتموت من الخوف
عقدت رحيل حواجبها بستغراب : ليه شفيها
حصيص ردت عليها بنفس الهمس : اول مرة تركب طيارة
رحيل بتسامة : معذورة اجل – لفت لقدام وجهت نضرها لشموخ الي كانت حاطه اي فون في اذونها و تسمع و ادندن معاه ابتسمت بهدوء فصخت نظاراتها الطبية و خلتها على صوب و سندت راسها على المقعد استعداد لنوم
كانت يدها على بطنها من كثر الوجع و الكيس بحضنها تنتظر اللحظة الي بترجع فيها – الله يكرمكم – نست ما خذت حبوب معها لتخفيف الالم لفت لترف شافتها مسندة على النافذة و غاطة بنوم عميق هزت المقعد الي قدامها الي كان فيه سديم و جهان لفت لها سديم و قالت : شفيك مهوي
مها بألم : سدوم عندك حبوب لتخفيف الم بطني يوجعني مره
سديم ميلت فمها على جنب: تو باد …. نو ( للاسف لا )
مها تتحلطم و هي ماسكه بطنها بيديها : اوف ما تحمل الم البطن كل مرة اذا اركب طيارة يرجع لي الالم
سديم : طيب بنادي على المضيفة بقول لها تعطيك اوك
مها بتسامة و هي تضغط على بطنها : ثنكس ماي بست فرند
اجت المضيفة و قالت لها سديم عن الحبوب بعد مدة جابته و اعطته مها الي شربته مع المويه بسرعة و حست بعدها براحة فضيحة و نامت بعدها مثل باقي البنات
خلصت من الرواية الي كانت تقرءاها ابتسمت بفرح و قالت بهمس : ياليت اتكون حياتي سعيدة مثل الروايات هاذي
لفت لها سديم و قالت : الروايات شي خيال يا ملاك فلا تعلقين روحك ابها و بعدها اطيحين بحفرة كبيرة ما تقدرين تخرجين منها يا ملوكة
ابتسمت ملاك بحزن : ادري يا سديم ادري عشان كذا انا أقراهم
عقدت سديم حواجبها بستغراب : هو ؟؟؟؟؟؟ ( كيف )
ملاك : اني احب اتخيل اشياء اعرف انها ما تحقق لو شنو عشان كذا خلي افرح الحين بالتخيلات لان بعدها اكيد بيكون شقا بحياتي
سديم بتسامة : ذكرتيني باختي الي كانت تموت في شي اسمه روايات
ملاك ناضرت البنات و قالت : البنات نامو بسرعة
سديم و هي ترجع راسها للمقعد الي قدامها : ذاتس رايت ( هذا صحيح )
ملاك بستفسار : و ليه انتي ما نمتي
سديم و هي اتمتم : امم مدري ما فيني نوم
ملاك : حتى اني احس ان النوم مجافيني
سديم طالعتها بنص عين : وين الي تقول ما بتأثر بالروايات
ملاك انحرجت منها و نزلت راسها و سديم ابتسمت و قالت بتثاوب : سبحان الله جاني نوم
ضحكت ملاك بالخفيف و قالت : شكل العدوة انتقلت لي فيني نوم
………..

بالطائرة

بعد مرور 3 ساعات كان الوقت صلاة الظهر
حست بحد يهزها من كتفها بقوة فتحت عينها بقوة و لفت لجود و قالت بعصبية : وجع شنو تبغي
جود و هي ترص على اسنانها بعصبية : قصري حسك احسن ما اقطع هاللسان- بسخرية – الي ينقط عسل
شموخ وهي تلف للنافذة قالت بقهر : شنو فيه يا عمود الكهرباء
جود و هي تقعد بالمقعد الي جنبها سحبت أذون شموخ و قالت : عمود في عينك بعدين الحين وقت الصلاة البنات راحو يصلون و انتي حضرتك قاعدة نايمة بالعسل
شموخ بألم : فكني .. اوف زين بقوم اصلي ذلفي عن وجهي
فكتها جود و راحت للحما و توضأت و راحت تصلي ناسية شموخ الي قامت و هي ما تدري وين الحمامات توجهت لحمام و دخلت بدون ما تلتفت انه للرجال او للنساء توجهت للمغاسل و شمرت عن ذراعيها و توها بتوضأ سمعت صوت من الحمام الي جنبها رفعت راسها و هي اتشوف رجال طول بعرض واقف موجها و عضلاته كانت اكثر شي ملفت بعد شعره طبعا الي كان غليظ قالت برود و هي ترتجف من الخوف : انت شتسوي هنا
استغرب وجودها في حمام رجال قال بسخرية : هالسؤال موجهه لك يا مدام
شموخ بعصبية : مدام بعينك بعدني ما اصير…. – تداركت خطأها الي قالته و هي تشوف ابتسامة الخبث بعيونه و ارتجفت بداخلها دخلت يدها بجيبها و اتصلت بتلفونها على تلفون جود الي كانت حافظته عن ظهر قلب و قالت بصوت عالي : انت ما تستحي على وجهك ليه داخل حمام حريم
…………………….

عند جود الي كانت توها مخلصة صلاة ازعجها التلفون ردت عليه و هي تتأف من المزعج بس انصدمت و هي تسمع صوت شموخ و هي تقول : ( انت ما تستحي على وجهك ليه داخل حمام حريم ) سكرت التلفون بوجها و توجهت بسرعة للحمات و هي خايفة عليها كانت متوقعة انها بحمامات الرجال لانها ما كانت بوعيها فتحت الباب بسرعة البرق و شافت الرجال يطق باب الحمام الي كانت شموخ داخله داخل و قافلة الباب عليه
شموخ بخوف : وخر عن الباب يا نجس
انقهر من كلامها الي جرحه بصميم : اقول يا انسة ترى الحمام ما ليه الشرف انك تدخليه …
قاطعه صوت بنت ثانية و هي تقول بجمود : لو سمحت ممكن توخر شوي عن الباب
لف لها و شاف عيونها العسيلة الواسعة الكبيرة و شعرها الي يوصل لرقبتها و شكلها الي يدل على البويه عقد حواجبه بستغراب : اكيد تفضل – تدارك الخطأ و قال – تفضلي
توجهت جود لشموخ و قالت : خرموش يا مال الوجع طلعي انا عمود الكهرباء
ابتسم على كلماتها الي قالتهم عرف انها ما تبي اتقول اسمائهم طلع من الحمام بسرعة و قف برى ينتظر خروجهم
فتحت شموخ الباب بسرعة و شافت جود بوجها ارتمت في حضنها و هي تمنع شهقاتها المتواصلة
ابتسمت جود و هي تربت على ظهر شموخ و قالت : يا كبرها عند الله شموخ تبكي ما اصدق المفروض اسوي فيديو و اوريه البنات عشان يصدقون لما اقول لهم عنك
شموخ وهي تكره احد يقول لها تبكي قالت بصوت شبه عالي : من قال انا ابكي كنت خايفة بس ما بكيت
جود : اقول بس سكتي فضحتينا العالم كله سمع .. يلا بسرعة نطلع لا يدخل لنا رجال ثاني
شموخ و هي تعدل طرحتها من مراية الحمام : طيب
طلعو من الحمام بس في صوت وقفهم : كان قعدتو هناك زيادة ترى الرجال هنا طوابير
حست انها تبي تعطيه كف على الكلام الي استحقرته بقوة مسكت يد شموخ بقوه متوجه للبنات و نضرته تتبعها ليما اختفت عن وجه تنهد بالم و هو يقول في سره " هالعيون اذكرني فيه تشبه معقولة تصير له "و رجع لمقعده و هو يسمع صوت رفيقه يقول : هلا ليه التأخير يا ابو محمد
جلس على المقعد و قال بهدوء : محمد ولي يحرم والديك خلني لحالي
محمد عقد حواجبه : شفيك
نط عليهم طلال و قال بخبث: شفتو الغزال الي مر يهبل مو
محمد طنشه لأنه ما يحب هالسوالف و لف للنافذة اما عنده اهو لف للبنت الي يقصدها طلال شاف البنت الي كانت من شوي معاه بالحمام قال بدون اهتمام : شفيها عادية زيها زي اي بنت عادية
طلال طلعت عيونه : الحين هالغزال عادي صراحة عليها عيون بنت اللذين
زفر بقهر و قال برود : اي غزال انت الثاني هاذي نسرة " انت لو شفتها ايش سوت لي بالحمام عذرتني "
قطع حديثهم تلفون محمد و الي رد بسرعة : هلا مهوي ….. ليه تبين اشوفيني …. اوف انزين شفيك قولي انتي فين عشان اجي ……. لا انا بجي .. اي عرفت وين يلا باي الحين جاي
طلال غمز له : تكلم من ورنا وين الي يقول ما عندي هالسوالف
محمد وقف و سكر ازرار الثوب الابيض الي كانت مفتوحة و قال : هاذي اختي يالمخبول – راح عنهم –
طلال : اقول سطوم محمد عنده خت هنا بالطيارة
سطام بملل : سطوم بعينك و بعدين انا ايش دراني شايفني ابوه و لا جده و لا عمه يمكن اتكون هاذي خطيبه عزوز
طلال بستغراب : مو انت رفيقه الروح بالروح
سطام بستخفاف : شايفها عدله اروح اساله عندك اخت جد ما عندك سالفة ……….. جد وين رشود عنك
طلال التفت ناحيته و قال بعصبية : نايم عساه نومه اصحاب الكهف قاعد اتكلم لحالي من ذيك الحين و لا حسيت انه نايم وجهي طاح من الفشلة و انا اشوف الرجال الي جنبي ايطالعني مستغرب
سطام : هههههههههههه تستاهل و ين التوئم بعد نايمين ؟؟؟
طلال لف وجه للمقاعد الي وراه : شكلهم للحين يصلون
سطام عقد حواجبه : غريب هالوقت كله يصلون
رجع لهم محمد و جلس و توه بيلف للنافذة بس كلام طلال وقفه : شنو تبغي منك اختك
محمد لف له و قال و هو يزفر بقهر :اقول عن اللقافة بس
كتم ضحكته و هو يناضر المسافرين " غباء حضاري يا طلال الحين ايش لك تسأله عن اخته " تغيرت ملامح وجه و هو يشوف البنت الي شافها جالسة بمقعدها
…………………….
عند مها و ريم ,,,,,,
ريم و هي تناضر وجها بالمرايه الصغيرة الي عندها : مهوي الي كان من شوي هنا اخوك
طلعت الحبوب من شنطتها و تمسك كاسة المويه: ايوه
ريم بستغراب و هي تلف لها : بس ما يشبهك بالمرة
مها وهي تشرب الحبوب وراه المويه بعدت الكاس عن شفايفها وقالت : هو يشبه ابوي وانا اشبه امي يمكن عشان كذا ما نشبه بعض
هزت ريم راسها بتفهم وهي تناضر وجهها بالمراية : مهوي
مها بتعب و هي تسند راسها على المقعد و يدها على بطنها : همم
ريم و هي تشوف وجها الي كان محروق شويه جنب حاجبها الايمن : فكرت اسوي لي عملية تجميل
مها لفت لها و هي منصدمة منها قالت : ليه ؟؟؟؟
ريم بسخرية : احسن ما اخلي الرايح و الجاي يتطنز على الوجه المحروق هذا
تأثرت مها بقوة و مدت يدها ليد ريم و قالت : ريومة شفيك تخلي مثل هذا الحرق الصغير يأثر عليك
ريم و دموعها بدأت تاخذ مجرها على خدها الناعم : حسبي الله على الي كان السبب حسبي الله عليه
شهقت مها و قالت : حرام يا ريوم تراه ولد عمك مهما صار لا تخلي الحقد يعميك
ريم بقهر : امحق ولد عم الا قولي ولد هم
كتمت ابتسامتها و قالت : ترى وجهك حلوه الدقله الي مسويتها على وجهك مغطيه الجرح يعني محد يشوف
ريم بغيض : الا قولي ان كل الناس تشوف حسبي الله عليه انشالله اشوف فيه يوم ….
مها بعتب : ريم و بعدين ترف الي اعظم منك تحمد ربها و تحمده مهما كان هذا قضاء و قدر اذا انتي قلتي كذا هي ايش بتقول هذا الي فيك شي عادي حرق طفيف بس هي بظل كل على هذا الحال يمكن هاذي حكمة من ربي
ريم قالت بهدوء و هي تفكر بحاله ترف المحزنة : و نعم بالله
لفت ريم للنافذة و تنهدت بالم سمعتها مها و حزنت على حالها و حال ترف و حبت تخليها تسرح في افكارها بدون ما تضايقها غمضت عينها
عند جهان و سديم ,,,,
كانت سديم نايمة بعمق و مو حاسة بالي يصير فتحت جهان الدفتر الصغير و قعدت تكتب خلصت من كتابته و نزلت القلم سمعت صوت جود يناديها : ناهج ممكن أقراء الشعر الي كتبتيه
جهان بتسامة : اكيد – مدت الدفتر لها و خذته –
قعدت تقرءا بهدوء و شموخ جنبها تقراه معاها كانت حواجبها تتغير في كل بيت تقراه
أمسكت قلمي الحزين و بدأت بالكتابة على سطوري
هناك……. يذهب بي الخاطر
لهناك ………….يشدني الحنين
أطالع الذكريات البسيطة الهادئة
وتقتنص ابتسامتي نفحات الجنون……..
كم أود لو اعود…. لكل دفتر طويته علي مكتبي قبل الرحيل……….
كم أود لو أرتمي بكل حضن كم ضمني لسنين……
لقد أختار الله لي الرحيل…….. وعلي الرضا…. والحمد………………….. والسرور
فلعل غربتي تزيد حبي للأهلي!
ولعل بعدي يقربني من كل القلوب!
اه من لحظات الاشتياق لأهلي……..
اه من ساعات السكون ونار تشعل بقلبي
اه من كذب بات فرض علي امام الجميع !لاعلن قبولي وارتياحي هنا……..
اه من كل حبيب تركته بعين دامعه ونفس مولعه من الفراق………..
اه من شيء تافه لم ادر قيمته الا بعد ان حان الفراق!
يقولون ان ذاك هو حلمي……….!
وبالفعل……. اذكر ان هذي البلد بالتحديد حلمي من يوم ان بدءت انظر لمستقبلي ………..!
ولكن لكل وردة أشواكها……….
ولكل غربة مشاقها……………
ولكل عين مهما تبسمت دموع………….
تعلن الحنين لوطنها………………
وسبحان الملك………….
سبحان من زرع بداخلنا حب كل فرد من أفراد اسرتنا ……….
سبحان من زرع بنا الائتناس والراحه لكل بيت يضمنا……………..
سبحان من جعل من الصحبة نور علي درب الحياة يسطع لينير طريقنا………..
كم اشتاقهم ………اود لو اعود لهم ………نتلاقي….. نتناقش ……نفكر…….. نفرح…… او نحزن سويا
لكن اعود……. اعود لهناك
اتمنى من الله عزوجل ان يحقق حلمي قريبا
( منقول )
بعد ما خلصت من قراءته سكرت الدفتر و رفعت راسها لجهان و عطتها الدفتر تكلمت شموخ بعفوية : جههون من حبيبك الي بالخاطره
دزت جود شموخ بقوة و تكلمت جهان بالم : مب حبيب واحد بس …… اخوي حبيبي و امي حبيبتي و اختي حبيبتي بشتاق لهم كثير
شموخ مسويه تهدي الوضع : انا عكسك تماما ارتحت لما رحت عن وجه العنز فهود
جهان بشبه ابتسامة : حرام عليك فهد مرة طيوب
شموخ وهي تزفر بقهر : الا قولي ايجيب المرض هي وجه المعفن الحمدالله سافرت عنه
جود و هي تسحب ذراعها : اقول سكتي ترى صوتك مسبب خوف للبنات اتقولي ولد مب بنت
شموخ بسخرية قالت بدون ما تحس : ليش تحسبي انك بنت لعلمك تراك ………. – حطت يدها على فم شموخ عشان لا تفضحها قالت بنبرة غامضة : ما توقعت انك تخوني ثقتي فيك تدرين انتي الوحيدة مع ملاك و رحيل الي يدرون بهذا الشي لكن و لا وحده غدرت فيني مثلك
حست انها إنسانة حقيرة كيف اسوي كذا بأعز اصدقائها الي وثقت فيها وعطتها كل اسرارها حتى ان البنات يسمونها مستودع اسرار جود كل اسرار جود عندها كل صغيرة و كبيرة و هي بكل بساطة تهدم هذا الشي لفت لجود شافتها مغمضة عينها و مسندة على السيت قالت بتردد وحرقة : جود
جود للحين مغمضة عينها لوت فمها و قالت بطفش : خير
شموخ تكلمت بسرعة : جود انا ما كنت اقصد الي اقوله وربي تدرين مكانتك عندي كبيرة مره …. امم انا اسفة
ابتسمت جود نص ابتسامة و فتحت عينها و حطتها بعين شموخ و قالت بهدوء : لا فات الفوت ما ينفع الصوت اتمنى تكونين حريصة مره ثانية و لا تخلين هالسان يتكلم قبل ما يعرف شنو ممكن يسبب من مشاكل
شموخ باحراج : شسوي بعد ما اقدر اتحكم بلساني
جود بسخرية : تبين اجيب لك ريموت كنترول عشان تحكمين فيه
شموخ بنرفزة : اشوف عطيناك وجه بزيادة يا عمود الكهرباء قمتين تتفلسين علينا
جود هزت راسها باسف : عادت حليمة الى عادتها القديمة
شموخ بعصبية : شنو تقصدين يا فيلسوفه زمانك
جود توقف : سلامتك انسة حليمة – توجهت لملاك و رحيل الي كانو يسولفون و قالت لملاك تبدل مكانها وقفت ملاك و توجهت لشموخ الي كانت تزفر بقهر ابتسمت و هي تجلس مكان جود : شنو صار هالمره
شموخ وهي تخفي ندمها قالت بهدوء : و لا شي
ملاك ابتسمت و هي تفتح الكتاب الي بيدها قالت : بخليك على راحتك مع اني ابصم بالعشرة انكم متهاوشين مثل كل مرة
شموخ لفت وجهها للجه الثانية و يدها على خدها و قالت بتنهيدة : بقول لك بعدين مب الحين
عند هاجر و حصيص ,,,,,
كانت تناضر الغيوم الملبدة الي جذبها منظرهم لصقت وجها بالنافذة و هي سرحانة بالمشهد هذا الي ما مر عليها ابدا قطع سرحانها صوت حصة و هي تقول : هجور تحملي لا يدخل وجهك بالنافذة و تتكسر بعدها من وجهك الثقيل
ضربت حصة بخفة على كتفها و قالت بتسامة : تراك سخيفة
قالت و هي تسبل رموشها بطريقة مضحة : ادري مب اول وحدة انتي قلتي في ناس كثيرين قالو كذا
ضحت بخفة و قالت : منو ذلين الي قالو زي كلمتي
حصيص وهي ترفع يدها و تعد بإصبعها بستهبال : امم امي و ابوي و إخواني و خواتي و خرموش و جود و سدوم و مهوي و رشايو و ترف و ريم و ….
هاجر وهي تسد اذونها : بس بس احد قال لك قولي المقر كله
حصة و هي تطلع الاي فون من شنطتها : مب انتي قلتي منو؟؟هذول قلت لك
هاجر لفت للنافذة تكمل مشاهدة و هي تسمع حصة تقول : تبين اجيب لك فشار و بيبسي عشان تطالعين السينما بجو يساعد
ضحكت من القلب على كلام حصة و قالت : الله يغربل بليسك – لفت لها شافتها تهز راسها بهدوء و تردد مع الأغنية رجعت للنافذة و هي تفكر بالمصير الي بيواجها بهاذي البلاد الاجنبية….