التطور الطبيعي للزواج
كلمة بحبك
بعد 6 اسابيع : بحبك بحبك بحبك … بحبك
بعد 6 شهور : أه طبعا اكيد بحبك
بعد 6 سنين : ياساتر! …. يعنى لو مش بحبك كنت هاتجوزك ليه ؟؟؟
بعد الشغل
بعد 6 اسابيع : حبيبتي انا جيت من الشغل
بعد 6 شهور : انا رجعت
بعد 6 سنين : فين الاكل ياست هانم؟؟
جرس التليفون
بعد 6 اسابيع : حبيبتي فى حد عايزك على التليفون
بعد 6 شهور : التليفون دة ليكى
بعد 6 سنين : ماتردى يا ستي ! انا عندى صداع
وقت الغدا
بعد 6 اسابيع : ماكنتش اعرف ان نفسك حلو اوي في الطبخ
بعد 6 شهور : عاملة لنا أكل ايه النهاردة ؟؟
بعد 6 سنين : عدس تانى… اوف
لما تشترى فستان جديد
بعد 6 اسابيع : مبروك ياحبيبتي , هياكل منك حتة
بعد 6 شهور : الله هو انتى جبتى فستان جديد تانى ؟
بعد 6 سنين : ام… ان شاء الله دة تمنة كام ؟
لما يتفرجوا على التليفزيون
بعد 6 اسابيع : تحبي نشوف فيلم ايه ؟
بعد 6 شهور : ماتقلبيش المحطة علشان الماتش جاي دلوقتي
بعد 6 سنين : انا حتأخر , نامى انتى بقى ومتشغليش بالك بية خالص
لما تعزم اصحابها
بعد 6 اسابيع : وماله يا اهلا بيهم فى اى وقت
بعد 6 شهور : انتى كل اسبوعين هاتعمليلنا عزايم احنا فين هنا ؟
بعد 6 سنين : يوه دة مابقاش بيت دا بقا ….
لما يروحو السوبر ماركت
بعد 6 اسابيع : تحبي تروحى انهى سوبر ماركت يا حياتى
بعد 6 شهور : وماله عم انور البقال ؟
بعد 6 سنين : انتى بتودى الاكل فين !؟؟
لما حماته تيجي علشان تزورهم
بعد 6 اسابيع : يا سلام ده البيت والعمارة والحتة كلها منوره يا طنط
بعد 6 شهور : هي أمك فاضية ماورهاش حاجة
بعد 6 سنين : يانهار إسود.. هى أمك كل يوم ما ورهاش غيرنا… أنا خارج ومش عارف هرجع إمتى!؟؟
لما يجى عيد ميلادها
بعد 6 اسابيع : معلش كان نفسي اجيبهولك الماظ
بعد 6 شهور : خدى 50 جنيه وهاتى الى انتى عايزاه
بعد 6 سنين : مش عيد ميلادك لسة فايت من يومين هو كل شوية ولا اية !؟
فى العيد
بعد 6 اسابيع : حبيبتي الكحك والبسكوت برة على السفرة
بعد 6 شهور : مش واجب بقي مامتك تجيب لنا الكحك
بعد 6 سنين : مش لازم كحك السنة دى
وهى رايحة للدكتور
بعد 6 اسابيع : حبيبتي انا جي حالاً
بعد 6 شهور : خدى مامتك ولا حد من اصحابك وتمشو لحد الدكتور الي جنب البيت كويس
بعد 6 سنين : دكتور دكتور … مانتى زى البمب اهو
مع المولود الأول
المولود الاول : زى القمر …. شبهك
المولود التانى : شبه اخوه
المولود التالت : ياريت تخلى بالك المرة الجايه.
لما يجي يزورك واحد صاحبك
بعد 6 اسابيع : تقابله من ع الباب وتستضيفه بالكتير ربع ساعة..وتنصحه إن الجواز ما فيش احسن منه
بعد 6 شهور : تاخده وتخرج بيه البلكونة وتشكي من مشاكل الزواج وتنصحه بعدم خوض التجربة
….. وإبقى تعالى بكره..هستناك
بعد 6 سنين : تمسك فية وتقولة ما تخليك تبيت معانا .. بجد والله
لما يزوركم حد من قرايبها ومعاه طفل صغير وشقي
بعد 6 اسابيع : لا لا براحتك يا حبيبي .. ما شاء الله ده عسل قوي ودمه خفيف
بعد 6 شهور : حاسب يا حبيبي .. حاسب يا بني …. حاسب يا بابا إنزل من على الأنتريه
بعد 6 سنين : إنزل يا بن ال…….
تم تصغير الصوره ,لمشاهدة الصوره بحجمها الأصلي أضغط هنا.
تم تصغير الصوره ,لمشاهدة الصوره بحجمها الأصلي أضغط هنا.
