الوسم: الحريم

مساء الخير
أنا بسألكم سؤال وكل وحده تختار رقم من1ــ12
((وأنتي وحظك المهم ))

تخيلي إنك الحين ترقصين في مناسبه والإنسجام واصل القمه

والطقاقه منسجمة بعد ((ورا..ورا..عاشوا..عاشوا))

الحين عاد اختاري رقم عشان تعرفين رأي الحاضرين فيك وفي رقصك

هاه اخترتوا

الحين بعطيكم الخيارات (يعني إش قالوا عنك الحريم )

قبل الخيارات أبيكم تقولون
((راح ارد واكتب الرقم اللي اخترته))

1- ياشين الرجاجه شيناه

2-اللهم سكنهم مساكنهم

3- يازينها وزين رقصها

4-عاد ذي أزينهم رقص وأسنعهم

5-إن ماقعدت سحبتها من كشتها وهجدتها<أشغلتنا>

6-أقول تراها خلتنا حولان هي وتنقيزها

7- ياأرض احفظي ماعليكي

8- ماأمداها تقعد إلاهي قايمه

9- ودي أخطبها لولدي

10-الله يبعد عنها الشر

11- من ذي بنته؟

12- وين أهلها عنها يركدونها

قولولي وش اخترتو….

/
l
/

والحين نكشف الستآر عن الموآهب المدفونه

وحدة تهز الوسط ؟

– والثانيه: ترج المناطق العلوية وما جوارها بتوقيت الرياض

– والثالثة: تنفض شعرها بطريقة الفريرة تقولون داخلته حشرة تبي تطلعها

– والرابعة: تحرك يديها بطريقة لولبية كوكبية متوازية الاضلاع كنها تخبز تميس

– والخامسة: تطامر يمين ويسار كسرت ارقاب الاوادم من كثر ما يتلفتون

– والسادسة: تترنح على أنغام البوب بطريقة هستيرية كنها صرصور باخين عليه بف باف

– والسابعه: تتهز تقولون ماسكها كهرب 220 فولت

– والثامنة: تصفق بيديها من تبدأ إلى تنتهي ما تدرون تصفق لنفسها ولا للحضور

– والتاسعة: ترقص جنب الطقاقات وتخش في وجيههم عشان يزينون لها الطق

والطقاقات ودهم يصكونها بالطيران صرعتهم بريحتها( الحمد لله إني مانيب طقاقة)

– والعاشرة : تسوي حركات تخليكم تشكون في قدراتها الوجية والفسيولوجية والامبريالية!!!!

……….

كله كوم والي يلبسون برآقع في العروس كوم ثاني
( تدق التسريحة والمكياج والفستان المشخلع والمخلوع بابه وتلبس برقع )
وشلون تجتمع ماأدري؟!!
وإذا طلبوا لها أغنيه تجيكم طايره من آخر القاعة ( جاكم الإعصار ما شيّن يعيقه )
وإذا وصلت الكوشه تمسك البرقع بأقوى ما عندها ثم ترميه على الواقفات عالمنصة
والشاطرة تمسكة
واذا خلصت وعينت من الله خير قامت تدور برقعها مثل المسعورة
لأنها من الحماس ما تدري وين أراضيه
وإذا لقته كنها لاقيه كنز على طول تحطه على وجهه ما تبي أحد يشوفها

والي يبط القهر أكثر وأكثر الي ترقص بولدها ( ياليل أم حبيليص الساري )
ياشيلي يا أم الشباب ياتمايلي
وإذا قام البزر يصيح تنزله وتكمل رقص !!
والبزر ياعمري يتعلق في فستانها الارجواني ويجرجرفيه يجرجر فيه وهو يشاهق من الصياح
تحسبونها توقف
لالالالالا إلا تكمل الرقصة إن شاء الله يموت من الصياح اجل تخلي
فلانه الي طلبت لها الاغنية علشان هالعله لالالالالالا وألف لالالالالالا………….
وما يضحكني إلا الي تدخل اسمها في الاغنية واسم العيلة وعيلة العيلة

/
l
/

والأغاني المستخدمة لهذا الغرض تنقسم إلى قسمين :

مدح مباشر مثل :
– (ياصايغين الذهب عطوا الذهب فلانه) … ادعس
– (ردوا سلامي على الفلاينه الي ما يهابونه) .
– (فلانه كل الحلا فيها احترت أنا مدري وش اسميها )…. جبر الخواطر على الله
– (فلانه غزال صادها القناص ) …. ياحلالاه يا حماية الحياة الفطرية أي والله

………..

ماذا كنتي تكتبتبين على طاولتك في المدرسة؟! || <<<الاعتراف بالحق فضيله
وش اخباركم

وش علومكم <<<اخلصي

المهم

موضوع اعجبني شفته في احد المنتديات وحبيت انقله لكم عشان نعرف ماضيكم الاسود عفوا اقصد الابيض

كل وحده تدخل تكتب لنا إذا تتذكر وش كانت تكتب على طاولة المدرسة:3_4_8[1]:

لا تقولون كانت طاولتكم نظيفة بسم الله عليكم

اللي يكتب اشعار واللي يرسم ويظهر مواهبه و اللي

يكتب الشعر وحركات حب المراهقه عليها اعتـــــــــــــــرفوااا

وياللـه كل وحده تقول وش كانت تكتب <- انواع الفضايح :14_6_5[1]:

1- اولادي ما ياكلو

( يا عمري )

2- زوجي يموت فيني

( اكيد بيموت من القهر)

3- اتزوجت وانا صغيرة مرره

( وتستمر المأساة)

4- انا موسوسة نظافه

( اخس يا يالفيري!! )

5- انا زمان كنت زي كذه بس الحمل والولادة خربوا جسمي

( ارحمينا يا مانيكان)

6- مافي أحد يصبر صبري

( والله حنا الصابرين عليكي)

7- كل ما رحت فرح خطبوني

( صاروخ ارض جو)

8- أي احد يشوفني مايعطيني عمري الحقيقي

( مين اللي يتكلم؟)

9- محد يصدق ان هذه بنتي يفكروها اختي

( لا والله؟ …..خبر عاجل)

10- الخدامة للتنظيف مالها دخل أبد بالمطبخ ولا العيال

( كثري منها )

11- من امس ما نمت الا ساعة

( قوية …… )

12- زوجي ما يرفضلي طلب

( هو في الاساس رافض لاي طلب )

13- زوجي وعدني ذي السنة نسافر ونغير عفش البيت

( موهذا اللي يسموه وعد بلفور ؟ )

——————————

14- أما كذبة الرجل الشهيرة

أنا ما آكل ولا أستطعم الأكل إلا من يد زوجتي

تسلمين يا الغلا

وهي مشغولة بالبيت

وناداها :
قال : يافلانه
قالت : سم
قال : تعالي ابيك لو سمحتي
قالت : وش عندك ؟؟
قال : تعالي وأعلمك
قالت : ياحبيبي مشغوله اكوي ملابسك !
قال : خلي الكوي وتعالي
قالت : طيب
ثواني وهي جايه بلبس روعه
وريحتها اروع وابتسامتها ماليه وجهها
قالت : سم آمر حبيبي
ناظرها بابتسامه صفراء وقال :
تراني اعرست عليك !!!

جلست على الكرسي وهي تناظره
و بصوت يرتجف
قالت : وش قلت ؟

قال : اقول تراني اعرست عليك
ويالله قومي خذي لك ملابس وروحي لاهلك

ابسافر انا وزوجتي الثانيه كم يوم وراجع !!!!!

ناظرته هي مصدقه ومو مصدقه !!
وبدون سابق انذار هب في وجهها

وقال : قومي الحين وحطي لك كم خلق
ويالله تراني انتظرك بالسياره لاتأخرين
علي …………. …

طلع وهي تناظره

الا مبقه عيونها دهشه من الخبر
وحيره من اسبابه !!
دقايق معدوده وهي تفتح الباب وتركب معه

وبصوت يكاد يختنق
قالت : لو سمحت ممكن تجيب الشنطه ؟
نزل من سيارته واخذ شنطتها وحطها بالمقعد

الخلفي …..
شغل السياره وتوجه لبيت اهلها
شوي وهم واصلين للبيت
قال لها : تفضلي انزلي …..

فتحت الباب ونزل قبلها واخذ الشنطه

وجاء من عند بابها ومسك يدها

وقال لها : حبيبتي

تراني ماعرست عليك ولاهم يحزنون
بس ترا ابوك مات !!!
هي بدون شعور قالت :

..

ب …….بكرة توديني بيت أهلي عندهم عزيمة

ت ……. ترى اليوم ماني مسوية عشاء رح المطعم وجب عشاء

ث ……. ثلاث أسابيع ما طلعنا …. اليوم ودنا الملاهي

ج …… جيب خدامة تساعدني بشغل البيت <<<<<< (والبيت نص شقة شوف القهر)

ح ……حبيبي…. ودي بساعة نينا ريتشي مليت من ساعة جيفنشي ( آه من نفاق الحريم توها متذكرة الحب)

خ ….. خل عنك ربعك اليوم… أنا عازمتك على (العشاء…. بس أنت تدفع الحساب … (قوييية

د …… دور لنا فلة على ثلاث شوارع وفيها مسبح

ذ …… ذيك السنة…( قبل عشر سنوات)… قلت لك اشتر سيارة فان أوسع لنا وإلى الآن ماشريت..

ر ……رح قدم على اجازة خلنا نسافر لأبها….. أووووف حر..

ز ….. زد مصروف البيت هذا ما يكفي أغراض البيت…. ومعظم الفلوس عليها وعلى خرابيطها…

س ….. سجاد البيت صار قديييم… غيره ياأخي (و (السجاد ماكمل سنة

ش ….. شيل ولدك شفه يصيح هناك أنا تعبت من العيال

ص ….. صفف ملابسك شفها متنثرة في كل مكان…. مليت وأنا ألقط وراك..

ض …. ضبط أوضاعك ترى كبرت المسؤولية (توها (والدة

ط ….. طالع السيارة… سكراب…. تفشل… قديمة(باختصار نبي مرسيدس حوت)

ظ ….. الظاهر أنك ما تحبني ما شريت لي طقم الألماس اللي أبيه

ع ….. عيوني… اليوم شفت زوجة أخوي لابسة فستان يجنن أبغى واحد زيوو

غ ….. غير أسلوبك معاي…. كله برود

ف ….. فديت قلبي… وين بتسفرنا هذا الصيف

ق …..قدر ياأخي كل شغل البيت على راسي… تكرم وساعدني شوي…

ك ….. كفاية مليت من هالبيت شوف لنا بيت أكبر

ل …..لمتى بنظل محبوسين في هالبيت ما نطلع مثل خلق الله

م ….. متى بتودينا المدينه مثل ما وعدتني قبل

ن …. نبي نحجز شاليه في الدره طوال الصيف لاتنسى

هـ ….ها عاد ترى أروح بيت أهلي!! اذا أنت مو قد الزواج وتكاليفه ليش تتزوجني

و …. ورني شطارتك وروح عند أخوك وخذ منه الورث <<<<< راعية مشاكل

ي … يالله ايدك على 5000 ريال رضاوة لأنك زعلتني وكسرت خاطري…. ما ينلام والله