الوسم: الحكي

ۈإن سگٺـناا غبينـہ . .

ۈبعض الآۈآآدم بَ الخطآ – مَ يحسوّن

ۈٺرى ـآٱ الميآٱنہّ : بعض الآحيـآٱن شينہّ

لَ جآآگ شخص . .

يدبل الگبد ۈمسوّي يمُون

الصمت حكمه والحكي مصدر إفلاس = ولقيت في صمتي يزيد احترامي

الصمت له معنى وله ذوق وإحساس = مركب نجاتك في بحور الظلامي

ترى الرجل صوره من الراس للساس = ثم يتبين جوهره بالكلامي

إما نطق في كلمة ترفع الرأس = تضفي على شكله جديد الاسامي

وإلا يعود معدنه معدن نحاس = يرميه سهمه بعد ماكان رامي

لا صار عندك من ثمينات الألماس = خله بصدرك لين وقت التمامي

أخاف يطلعلك من الناس بلاس = وإلا سفيه ما يرد السلامي

الله خلق خلقه على عدة أجناس = وكلن يسوقه مذهبه للأمامي

والله خلق بالطير قمري وقرناس = ووقت الهدد ما ينغزي بالحمامي

لا جال في صدرك من الهم هوجاس = وعينك يحاربها لذيذ المنامي

ونفسك عليله والفكر صار محتاس = اترك طمان القاع وارق السنامي

عليك بالعالي ليا هب نسناس = يبري الجروح الخافيه والعظامي

وخلك لربعك دايم الدوم نبراس = وخص القريب وخص ولد العمامي

خلك لهم في داجي الليل مقباس = ولصاحب أصدق من حقوق الغمامي

ربعك ذراك ليا لحق راسك الباس = قدو لهم شربك ولو كنت ضامي

وخلك لثوب الطيب والعز لباس = واترك دروبٍ تنتهي بالحرامي

وفعل الجميل وواجب الضيف نوماس = ومن لا نفع بالضيق نفعه عدامي

بيت الكريم أبوابه بدون حراس = وبيت البخيل يعد مثل الهدامي

تسسسسسلمين ياذوق

ابكتب قصة دموعي وبصرخ ليه أنا أعاني
وبحرق رجفة ضلوعي وبفضح كل أسراري

دوم الناس يجفوني ولا به حتى إنساني
يشاركني فرح دنياي ويطفي بقلبي الناري

حزينه ودايم لحالي.. غريبه وفاقده أوطاني
نسوني أغلى أحبابي ولا لي فبالهم طاري

أضم وسادتي وابكي وأنومها بأحضاني
لها اشكي ولها أبكي ولها اعدد أعذاري

همومي تزيد كل لحظه وزماني والله أنهاني
أدور قلب يحضني ويسألني عن أخباري

والي يزود جروحي أن النوم جافاني
مثل ربعي الي باعوني ولا منهم احد شاري

حتى الحكي جافاني وصار الصمت عنواني
وصارت دنيتي صعبه وصار الموت هو جاري