الوسم: الحلم

بسمـ اللهـ الرحمن الرحيمـ ..
السلآم عليكككمـ ورحمة اللهـ وبركآإتهـ ..

كيفكمـ ي رب كلكمـ طيبين وبصحهـ وسلامهـ ..

رجعت حاليا لأني وبكل صراحه مستحيل أجلس وأنا بعيده عن الكتابه .. يعني صارت بدمي وكأن لي عرق من شكسبير خخخخخخخخخ ..لاتضحكوا تروا مافي شي مو ممكن ..

المهم .. ذي الروايه الثانيه لي بعد روايتي ( قـمـر عـلـى هـيـئـة بـشـر ) .. وذي الروايه بـ تحكي عن المحافظه إلي عشت فيها بداية حياتي .. محافظة القنفذه التابعه لـ منطقة مكه المكرمه .. الروايه كالسابقه ابطالها فتيات .. هن صديقاتي .. عشت معهن كل شيء تقريبا .. فـ٠أخذت الإلهام من قصصهن ومغامراتهم في الحياة يعني مش ميه بالميه واقع اكثر مايغلب عليه خيالي .. طبعا قبل ابدا أكتب أخذت موافقتهم حتى مايصير بروبلم مستقبلا .. مابطول بس تابعوني عشان تعرفوا قصص حياة صديقاتي وحياتي .. وتوقعوا من قد أكون بينهن ~_^ .. ؟؟؟

والآن أترككم مع روايتي الثانيه .. انبسطوا أعزائي ..

قـبـل تـحـب .. أحـلـم وعـيـش الـحـلـم ..ولانـجـحـت تـعـال وسـوا نـحـب ..

« بــارت 1 »

ﻳﺎ ﺑﻨﺎﺕ ﻳﺎ ﺑﻨﺎﺕ ﻳﺎ ﺑﻨﺎﺕ .. ﺍﻟﻠي
ﻣﺨﻠﻔﺶ ﺑﻨﺎﺕ ..

ﻣﺸﺒﻌﺸﻰ ﻣﻦ ﺍﻟﺤﻨﻴﻪ .. ﻭﻣﺎﺩﻗﺶ
ﺍﻟﺤﻠﻮﻳﺎﺕ ..

ﺣﻠﻮﻩ ﺍﻻﻳﺎﻡ ﻓﻰ ﻋﻴﻨﻴﺎ .. ﻋﻠﺸﺎﻥ
ﺧﻠﻔﺖ ﺑﻨﻴﻪ ..

ﻭﻻ ﺷﻮﻓﺖ ﺍﻻﺭﺽ ﺍﺗﻬﺪﺕ .. ﻭﻻ
ﻣﺎﻟﺖ ﺍﻟﺤﻴﻄﻪ ﻋﻠﻴﺎ ..

ﺳﻘﻔﻮﺍ ﻭﺍﺭﻗﺼﻮﺍ ﻳﺎﻭﻻﺩ .. ﺍﻟﻔﺮﺡ
ﻣﺎﻟﻮﻫﺶ ﻣﻴﻌﺎﺩ ..

ﺿﺤﻜﺘﻬﺎ ﻟﻤﺎ ﺍﺗﻮﻟﺪﺕ .. ﺑﺘﻜﺘﺮ ﻓي
ﺍﻻﻋﻴﺎﺩ ..

ﻋﺼﺎﻓﻴﺮ ﺍﻟﺠﻨﺔ ﻳﺎ ﺗﻮﺗﺔ .. ﺗﻌﺼﺮﻟﻚ
ﺷﻬﺪ ﺍﻟﺘﻮﺗﺔ ..

ﺗﺮﻗﺼﻠﻚ ﻓﻮﻕ ﺷﺒﺎﻛﻚ .. ﻭﺗﺰﺭﻏﺮﻃﻠﻚ ﺯﻏﺮﻭﻃﺔ ..

ﻣﻦ ﺍﻟﺘﻮﺭﺗﺔ ﺍﺩﻳﻬﺎ ﻓﺘﻔﻮﺗﺔ ..
ﺷﻴﻜﻮﻻﺗﺔ ﺑﺎﻟﺒﺴﻜﻮﺗﺔ ..

ﻭﻧﺎﻏﻴﻬﺎ ﻳﺎ ﺣﻠﻮﺓ ﻧﺎﻏﻴﻬﺎ .. ﻫﺘﻐﻨﻴﻠﻚ
ﻋﻠﻰ ﺍﻟﻨﻮﺗﺔ ..

ﻣﺶ ﺧﺎﻳﻔﺔ ﻟﻴﻪ ﻣﻦ ﺍﻟﺰﻓﺔ .. ﻣﻦ
ﺻﻐﺮﻙ ﻓﺎﻫﻤﺔ ﻭﻋﺎﺭﻓﺔ ..

ﻋﺎﻳﺰﺓ ﺍﻟﻄﺮﺣﺔ ﻳﺎ ﻋﺮﻭﺳﺔ .. ﻣﻦ
ﻭﺍﻧﺘﻰ ﻳﺎﺩﻭﺏ ﻓﻰ ﺍﻟﻠﻔﺔ ..

ﻳﺎ ﺑﻨﺎﺕ ﻳﺎ ﺑﻨﺎﺕ ﻳﺎ ﺑﻨﺎﺕ .. ﺍﻟﻠي
ﻣﺨﻠﻔﺶ ﺑﻨﺎﺕ ..

ﻣﺸﺒﻌﺸﻰ ﻣﻦ ﺍﻟﺤﻨﻴﻪ .. ﻭﻣﺎﺩﻗﺶ
ﺍﻟﺤﻠﻮﻳﺎﺕ ..

_ _ _ _ _ _ _ _ _ _ _ _ _ _ _ _ _ _ _

الحب جميل إن كانـ صادقاً ..

الإحترام جميل إن كنا نستحقهـ .. !

الحب بسمة صادقهـ ..

والإحترام وردة تُغرس في أرض قلبكـ فـ تنعشهـ .. !

_ _ _ _ _ _ _ _ _ _ _ _ _ _ _ _ _ _ _

من زمان انتظر هذا اليوم .. اخير نجحت .. إحم يابت تعدلي خلاص بـ صير شي مهم بـ صير صاحبة هيبه ذات مكانه اقتصاديه واجتماعيه .. وحققت حلمي الحمدلله .. واثقه من نفسي .. خخخخخخخخخخخخخخ .. لابسه روب التخرج بلون اسود وحوافه فوشيا .." رافعه راسها بـ فخر .. إعتزاز .. شموخ .. أحساس لا يوصف .. " أنتبهت لـ صاحبتها بعد مانادوا بـ اسمها .. كانوا متفقين كل ماتقوم وحده تأخذ شهادة تخرجها تسوي حركه الانتصار أو السلام المعروفه حاليا بـ حبتين .." هذي صاحبتي جا اسمها وأنا بعد .. Yas ‎Yas ..

………. : قومي يادلخه الفرن انعدم بسبتك .. ..

يمنى تشمق وهي تناظر أختها الوسط : خير ..

مياس تتخصر : أقول قومي بلا خباله(هباله) ونظفي الفرن يالله ..

يمنى تحاول تستوعب : ليش إيش فيه ..؟؟

مياس بسخريه : وانتي تسوي البسبوسه شكلك ماشفتي زين صحن أمي البلاستك ..

يمنى تشهق وعيونها بتطلع من محلها : لايكون الصحن حق أمي إلي في ورد اخضر ..

مياس تصفق لـ أختها : أيوه برافو عليك وذلحين تدرفعي المطبخ .. قسم بالله لوماتلاحقتي على المصيبه إلي سويتيها أمي بطلع روحك يا الفاغره ..

يمنى انطلقت بـ أقصى سرعتها جهة المطبخ كانت مفجوعه حتى ماخلعت شرشف الصلاة لانها بعد ماصلت الفجر سرحت كـ العاده في عالم آخر .. توها تحلم بـ التخرج والنجاح وإنها بـ توصل لـ النجوم وتصير شي مهم في حياتها .. إثبات الذات حلم يتردد في مسامعها .. لكن الواقع المر صحاها .. فتحت الفرن وماحصلت غير البسبوسه .. وهنا عاد أخذت لها وقت مع نفسها ..( وين الصحن .. طيب هذي الخبله مو قالت صحن أمي ومدري كيف .."شهقت" لايكون الزفته ذي تتريق علي ) .. يمنى شمقت وجات بـ تقفل الفرن لان بسبوستها خلصت .. ثم تروح تهاوش أختها .. بس أختها كانت مسنده نفسها على باب المطبخ ..

يمنى مبوزه بـ قهر من حركة أختها : حركتك هذي الغبيه تري مره مالها داعي ..

مياس تهز راسها : ماكذبت أمي يوم قالت عنك بغله ( البغل ذا حيوان مو تقولوا مانعرفو )..

يمنى تضايق من مسميات الحيوانات وماتحب احد ينادي أو يسمي أحد في ..

يمنى متنرفزه بغصه : مياس اسحبي الفاظك الزفت انا ماحبها ..

مياس بعدم إهتمام : أنا ماقلت لك حبيها يابقره .. .

يمنى عرفت إن مياس مامنها فايده فـ راحت تزيين البسبوسه وتسحب على أختها لأن عندها دوام ومو فاضيه لـ سماجة أختها على الصبح .. طلعت البسبوسه .. سكبت فوقها الشيره .. ونثرت عليها لوز مطحون .. غطتها بالقصدير وجات جنبها مياس وشالتها لها وحطتها بالكيس .. طبعا يمنى معصبه من أختها لكن هما يحبوا بعض في النهايه ..

يمنى رفعت رأسها لـ أختها : شكرا ..

مياس تتبسم : العفو ..

يمنى كانت رايحه غرفتها بس مياس وقفتها وهي تنادي ..

مياس بتلكك : تري الصحن منجد كان في الفرن.. ولأنك كنتي مستعجله مادققتي وأنا طلعته قبل يصير شي .. "ومشيت قدامها" ..

يمنى قلبها نغزها لانها طيبه وماتحب تكسر خاطر أحد .. بس شكلها ذي المره زودتها .. تنفست بـ حسره وراحت غرفتها هي وأختها .. تأكدت إن شنطتها مرتبه حسب الجدول ومو ناسيه شي .. دخلت الحمام وغسلت وجهها بـ صابونه لوكس بالعسل .. مره ومرتين وثلاث حتى حست إنه صار حلو .. راحت لـ دولاب التسريحه المشتركه بينها وبين أختها أخذت كريم "فير آند لفلي" وحطت على وجهها منه .. لبست مريولها السماوي .. وجواربها .. جهزت جزمتها ولبستها .. حطت بشفايفها مرطب .. سشورت خصل شعرها ورجعتها ورا .. وسوت ضفيره على جنب وآخره ربطته بشريطه سماوي .. ولبست حلق سماوي أخذت شنطتها وعباتها .. عشان تنتظر الباص .. جلست بـ الحوش .. وكان ابوها وأمها واختها واخوها بسام جالسين يفطرون ..

أبو باسل : تعالي ياحبيبتي افطري معانا ..

يمنى : لا مابغى شبعانه ..

أم باسل : تعالي يابت ابوك زهمك(ناداك) ..

يمنى مافيها ترادد أهله استسلمت لهم وجلست ..

بسام يتريق مع مياس : اخمجتنا ذي البنت ماتعرف تاكل وحنا جالسين ..

مياس : تستحي ..

أم باسل : من إيش تستحي .."ناظرت يمنى" كلي يابت وبلا هرج ماصخ ..

يمنى تنهدت بقهر يعني ماتقدر تجلس بدون ماتتضايق ..

مياس : ابغى فطاير وباسل لسه ماجا .. ماصارت ذي ..

أبو باسل : الغايب عذره معه وخير ربي كثير الحمدلله ..

مياس : أنا ماقلت شي يابويه بس هو منجد تأخر .."تناظر بسام" بدل شغل الخباله والضحك حقك دق عليه ..

بسام بـ نص عين : دلخه .. من وين لي رصيد بالله ..

مياس : خبعه ( مش بعيده عن دلخ وأهبل ) …

يمنى كان بالها مو معاهم .. وتفكر بـ صاحباتها .. باسل دخل ومعه كيس فطاير ولقيمات ..و بـ نفس الوقت دق بوري الباص .. ويمنى وقفت تلبس عبأتها الراس ..

باسل : السلام عليكم ..

الكل : وعليكم السلام ..

باسل حط الاكياس على السفره والتفت لـ يمنى : معك فلوس .. ؟؟

يمنى تتبسم بـ خجل "لانها تستحي من أخوها باسل وعلاقتها جدا سطحيه معه" : إيوه .. مـ .. مشكور ..

باسل أخذ من محفظته عشره ريال وحطها بـ جيبها : مع السلامه ..

يمنى : مع السلامه .. "أخذت الكيس وطلعت" ..

مياس أخذت كيس الفطاير : مره تأخرت أشبك عسى خير ..

باسل : مو جاتك الفطاير خلاص ..؟؟

مياس : إيوه ..

باسل : اجل انطمي ..

بسام وقف مصفوق وهو يشوف جواله يدق ورد على جنب : الله يفشلك .. خير ليش داق علي ..

……… : على مهلك ياحبيبي بس انت طولت البارحه بالرد عشان كذا قلت أشوف وش هببت ..

باسم نافخ حاله : أقول ثامر ترى أنا ماسويت شي تطمن بس والله ثم والله إني لأخذ روحه بيديني ..

ثامر يهدي : تعوذ من إبليس ..

باسم ماله خلق نصايح ثامر : طيب ذلحين إيش تبغى ياحمار ..

ثامر يضحك : طول عمرك نذل ومابتتعدل .. اسمع شوي وبدخل قريتكم خليك برا طيب ..

بسام بكذب : اصلا أنا من زمان مطنقر برا يا حمار ..

ثامر : خلاص أجل سلام ..

بسام : سلام ..

توها طلعت مسكت حديده بالباص عشان ماطيح وخبت كيسها إلي في البسبوسه تحت أول مقعد لان ماحد يجلس عليه بالعاده .. ماصدقت يمنى تشوف صاحبتها رنيم إلي أشرت لها عشان تجي وجلست جنبها ..

يمنى بـ صوتها الهادي : قود مورننق ..

رنيم تتبسم : قود مورننق تيتشر ..

يمنى ضحكت على هبالت رنيم إلي تكون عكس الناس .. الناس تصحى معصبه وهي مروقه .. وطول الطريق تضحك يمنى ..

رنيم بلقافه : جبتي صينيتي ..

يمنى : ياسلام وهي من متى صينيتك ..

رنيم : من يوم مافكرتي تسوي طبقي المفضل ..

يمنى : ياشيخه برهي عني ..(برهي عني ..ذي زي إبعدي أو كثري منها) ..

رنيم : أفا أشبك كذا زعلانه مين بره عليك بكم كف خخخخخخ ..(بره هنا معناها صبح ..ي رب ماكون شتتكم) ..

يمنى سرحت شوي : لا ولاشي ..

رنيم تعرف جو يمنى .. خجوله وحياويه .. تحب تسرح بعيد وتحب تفكر بـ أهم شي في حياتها مستقبلها وطموحها ..

رنيم تهز كتف يمنى : ياحلوه يالله انزلي وصلنا المدرسه ..

يمنى : منجد ..

رنيم : لا امزح على حضرتك أنا .. بسرعه تلاكبي يابت (تلاكبي تحركي أو قومي) ..

يمنى تعدل نقابها : يالله ..

نزلوا البنتين ولان المدرسه عباره عن فصول متلاصقه ببعضها وحولها حوش .. البنات خلعوا العبي بالحوش ويمنى غطت صينية البسبوسه بعباتها .. مشيوا للفصل .. ..

رنيم بصوت عالي : سلام .. اصبحتوا صبايا(يعني صباح الخير خخخخخخ) ..

البنات إلي بالفصل ردوا السلام على رنيم ..

رنيم تطالع لـ آخر صف في الفصل ..

رنيم : ريا وسكينه ماوصلوا .. يارب تزوجهم وافتك منهم ..

يمنى تضحك : حرام عليك بكره يوحشونا ..

رنيم بتفكير : والله صادقه لوتزوجوا وخلوني بسرق زوج وحده فيهم ..

…….. : بتسرقي زوج مين سرقو راسك ياشيخه ..

رنيم تدور بجسمها لها وتتبسم لها : أقصد الخبله موني ذي مره ماتسمع الهرجه .. أقولها زوجي أخوك باسل قبل أحد يسرقوا ..

…….. : يعني أنا صدقتك الحين ..

يمنى : بلا سماجه من الصباح ابي لبان يابنات .. نورهان جبتي قهوه ..

نورهان تقرب وتسلم عليهم : ومعقوله أنا انسى شغله موصيتني عليها ..

يمنى : فديتك ..

نورهان : فداك كوني .."رجعت تكلم رنيم" وانتي زوج مين بتسرقين إن شاء الله ..

رنيم تقعد في كرسيها بالاخير : ماني سارقه احد وش ابغى في ازواجكم اصلا ..

يمنى تجلس قدام رنيم : مو بالاول تزوجي يا نور وبعدها تجي تسرقو ..

لمار دخلت وقالت السلام .. وبصيغته الكامله .. السلام عليكم ورحمة الله وبركاته ..

البنات : وعليكم السلام والرحمه ..

لمار : كيفكم بنات ..

يمنى ونورهان : بخير الحمدلله ..

رنيم : ماشي خلاف (يعني زي الحمدلله وبخير وطيبه وكذا ) ..

لمار جلست قدام يمنى .. ونورهان جنب يمنى ..

نورهان تناظر ساعتها : يعني لازم حوريه تجي أخرنا ..

حوريه دخلت وهي تغني .. كعادتها رومانسيه برشا ..

رنيم : قينا في سرت الاوط قا ينط (جينا في سيرت القط جا ينط) ..

نورهان ضحكت وصففت كفها بكف رنيم : أختيار رائع للالفاظ ..

رنيم : الحمدلله ماراح تعب استاده سميره على الفاضي ..

نورهان : يابنتي انتي متى بتتعدلين وتنطقي الحروف زين ..

رنيم : أنا كذا مرتاحه وأحب اتهرج زي الناس ماتهرج يعني .. بعدين بلاش شغل الفصاحه ذي علينا .. تري اعرف جدتك إلي مع المعيشه (المعيشه ذولا مجموعة حريم يعملوا أكلات شعبيه ..اطلعوا عليهم بقوقل عشان تعرفوا أكثر..) ..

نورهان ماتحب احد يهرج عن جدتها : خلاص اندفسي ..

رنيم فاطسه ضحك ..

حوريه مازالت تمشي وتغني بصوت كله رقه يعني بالعربي خربت أنغام أغنية محمد عبده وعبدالمجيد عبدالله ..

حوريه : ﻣﺮﺕ ﺳﻨﺔ ﻭﺍﻟﻌﻴﻦ ﻳﻌﺸﻘﻬﺎ ﺍﻟﺴﻬﺮ*********ﻭﻣﺮﺕ ﺳﻨﺔ ﻭﺍﻟﺸﻮﻕ ﺑﺎﻗﻲ ﻣﺎ ﺍﻧﻤﺤﻰ
ﻭﻣﺮﺕ ﺳﻨﺔ ﻭﺍﻟﻘﻠﺐ ﺫﺍﺑﺤﻪ
ﺍﻟﻬﺠﺮ**********ﻭﻣﺮﺕ
ﺳﻨﺔ ﻭﺍﻟﻬﺠﺮ ﻋﻴّﺎ ﻣﺎ ﺍﺳﺘﺤﻰ
ﻭﻣﺮﺕ ﺳﻨﺔ ..

رنيم قاطعتها عشان تكمل بس بصوت أعلى من نعومة حوريه : ﻭﻣﺮﺕ ﺳﻨﺔ ﻭﺃﻧﺎ
ﺃﻧﺘﻈﺮ********* ﻭﻣﺮﺕ
ﺳﻨﺔ ﻭﺍﻟﻮﺻﻞ ﻧﺎﻳﻢ ﻣﺎ ﺻﺤﻰ
ﻭﻣﺮﺕ ﺳﻨﺔ ﻣﺎ ﺟﺎ ﻣﻦ ﺍﻟﻐﺎﻟﻲ
ﺧﺒﺮ .. "وغمزت لـ نورهان "..

حوريه تبسمت بنعومه : صباح الورد يابنوتات ..

الكل : صباح الخير ..

لمار تناظرها بقهر : ماتعرفي تقولي تحية الإسلام بدل ماتجين من صباح ربي تغني .. يابنتي سلمي عشان ربي يفتحلك فتحت خير ..

حوريه تلعب باطراف شعرها الأحمر الغامق : آسفه ماما ميرو .. "وناظرت البنات" السلام عليكم ورحمة الله وبركاته ..

ردوا عليها السلام بس وهم فاطسين ضحك .. قطعت عليهم السوالف .. دخول وحده من المعلمات ..

الاستاذه سهى : يعني أنتم ماتخرجون حتى يكون في احد قايم(واقف) على روسكم ..

البنات طنشوها ومشيوا بعد ماخذولهم علك ومناديل > أشياء صعب يستغنوا عنها في الطابور ..

خلوني اوصف أشكال صاحباتي ..وشكلي طبعا ^_~

يـمـنـى _ بيضا .. طولها حلو .. ونحيف مره .. شعرها بني غامق وطويل ناعم .. حواجبها طبيعي مرسومه رباني .. فمها وسط ..شفايفها ممتلئه ..وانفه صغير .. وعيونها واسعه ..

رنـيـم _ بياضها عادي .. هنديه في ملامحها .. جسمها مش نحيف ولا مليان .. حواجبها مشقرتها ورسمها عادي ماتحب التخبيص ولا حواجب إبليس .. شعرها أسود طويل بس ماتحب تفتحو على طول ترفعه بهبل على فوق ..

نـورهـان _ لون بشرتها زي البسكويت شعرها قصير لنصف الرقبه مصبوغ بني شوكولا وبني كابتشينو ..مربربه شوي بس ياحلو جسمها .. ناعمه ملامحها فم صغير واسنان كالؤلؤ وشفايف بنك وحواجب خفيفه تضطر دايما ترسمها حتى تبان ولها غمازات دمار شامل مع ضحكتها ..

لـمـار _ جسمها حلو ..شعرها أسود .. حواجبها ناعمه ماتحب تشقر ولا تسشور شعرها على طول كيرلي .. وجهها مليان .. أنفها صغير وإذا ضحكت يصير شكل انفها سو كيوت ..

حـوريـه _ ابيض من يمنى .. وطولها حلو زينا .. شعرها أحمر غامق .. فمها كبير .. وعيونها كمان .. انفها سيف .. خدودها حمرا .. حواجبها راسمتها لأنها مشقره ..

بعد الطابور … ملل قاتل حصه بعد حصه وذا شي يسبب الضجر لـ كل البنات.. نورهان ورنيم وحوريه ولمار بيموتوا طفش .. ويمنى الوحيده إلي مركزه مع الاستاذه .. وماصدقوا سمعوا صوت الجرس ..

رنيم تتمغط : يارب دخيلك إيش هذي النكبه ..

حوريه بصوت ناعم دلوع : وربي مسخره كل شوي دبحونا بدي الدروس ..

نورهان : الله يحيلهم ياشيخه (ذي دعاء بمعنى إنوا يمحيهم من وجه الارض والله أعلم ههههههههههههههههاي ) ..

لمار : نور بطلي دعاوي على الخلق حرام هم مالهم دخل ذي وظيفتهم وسبيل معيشتهم ..

رنيم : تفضلي ياست نور مين يسكتها هذي ذلحين ..

نورهان : بس يا ماما ميرو خلص ماعاد بقول شي بس اسكتي عني ..

حوريه تضحك بغنج : جد إنتي زي الماما تيريزا ..

رنيم : يوه اقتبسي من الفيلم الهندي ..

حوريه تهز راسها : yas دارلينق ..

يمنى توقف وهي طلع صينية بسبوستها : يالله قربوا بنات ..

رنيم أول وحده لصقت بـ يمنى : أكيد خطيره ياخطيره أنتي ..

نورهان : حوريه جبتي الصحون والشوك ..

حوريه : افكورس ..

لمار : أقول بنات ..

رنيم مشغوله تمسك السكين وتقطع : قولي خير ..

لمار : بروح اصلي الضحى ..

نورهان : روحي ياحياتي الله يجزاك خير عنا ..

رنيم تكمل لـ نورهان : وعن باقي المسلمين ..

يمنى وحوريه يرفعوا اياديهم : آمين ..

لمار متنرفزه : تروا الحركه ذي بايخه ياجهله ..

رنيم : توكلي على الله ياحبيبتي ..

نورهان : الله يستر عليك ..

يمنى تدفها بخفيف : خلاص روحي صلي وحنا بننتظرك ..

رنيم تتخصر : نعم ياروح أمك .. روحي صلي بسرعه ياماما تريزا ولاقسم بالله الصينيه ماتحصليها ..

نورهان : أختشي يابت انتي ..

يمنى : ميرو حبيبتي روحي ولايهمك بس دعواتك لنا ..

لمار أخذت عباتها ومدت لسانها لـ رنيم وراحت ..

حوريه بدلع : صبايا ..

نورهان : خير ..

حوريه تتنفس بعمق : ودي أغني ..

رنيم تشيل قطعة بسبوسه ونورهان تساعدها : ومين ماسكك الحين غني ..

حوريه بدلع : إزا مصرين طبعا ..

نورهان : قولي وش عندك حور وخلصينا ..

يمنى : بنات ماتبون فطور ..؟؟

حوريه تنرفزت : الحين مش أنا راح أغني ..

رنيم معصبه : اهدجوا بنات خلوها تطلع إلي بقلبها ..

نورهان تكلم رنيم : ياحماره ليش قطعتي صغيره "ناظرت حوريه وابتسمت" يالله حياتي اطربينا ..

حوريه أخذت نفس ولينت حلقها وبدت تغني بـ أحساس مفعم : ﻣﺎﺷي ﺣﺪي ﻭﺑﻌﻨﻴﻚ ﻣﺪﻭﺏ ﺍﻟﻜﻞ
ﺣﻮﺍﻟﻴﻚ ..
ﻧﻈﺮﺓ ﻫﻴﻚ ﻭﻏﻤﺰﺓ ﻫﻴﻚ ﻭﻻ ﺣﻠﻮﺓ ﺑﺘﻔﻠﺖ ﻣﻨﻚ ..
ﻧﺎﺳي ﺍﻧي ﺑﻐﺎﺭ ﺑﺠﻦ ﺧﺼﻮﺻي ﻟﻮﺿﺤﻜﻮﻟﻚ ﻫﻦ ..
ﺍﻧﺖ ﺗﺎﺑﺮﻧي ﺑﺘﺤﻦ ﺑﻴﻮﻗﻊ ﻗﻠﺒﻚ ﻣﻨﻚ
ﻭﺍﻧﺎ ﺍﺟﻤﻞ ﺷﺎﺏ ﺑﻴﺘﻤﻨﻰ ﺑﻤﺸﻮﺍﺭﻧي
ﻳﺸﺎﺭﻛﻨي
ﻣﺶ ﻣﺜﻠﻚ ﺍﻧﺖ ﻣﻀﻴﻌﻨي ﺑﺤﺮﻛﺎﺗﻚ
ﻭﻣﻠﺒﻜﻨي
ﻭﺍﺫﺍ ﺣﻠﻮﻯ ﺑﺎﻳﺪﻙ ﺗﻐﻤﻴﻠﻚ ﺑﺘﻠﺤﻘﻬﺎ
ﻭﺑﺘﺘﺮﻛﻨي
ﻣﺎﺷي ﺣﺪي ﻭﺑﻌﻨﻴﻚ ﻣﺪﻭﺏ ﺍﻟﻜﻞ
ﺣﻮﺍﻟﻴﻚ
ﻧﻈﺮﺓ ﻫﻴﻚ ﻭﻏﻤﺰﺓ ﻫﻴﻚ
ﻭﻻ ﺣﻠﻮﺓ ﺑﺘﻔﻠﺖ ﻣﻨﻚ
ﻭﺻﺪﻓﺔ ﻟﻮ ﻋﻠﻰ ﻫﺎﻟﻄﺮﻳﻖ ﻳﺴﻠﻢ ﻋﻠﻲ
ﺷي ﺭﻓﻴﻖ
ﺩﻏﺮي ﺭﺍﺡ ﺗﻌﻤﻞ ﺗﺤﻘﻴﻖ ﺗﺴﺎﻟﻨي
ﻭﺗﺤﺎﺳﺒﻨي
ﻣﻴﻦ ﻭﻭﻳﻦ ﻭﻛﻴﻒ ﻭﻟﻴﺶ ﺭﻓﻴﻘي ﻫﻮ
ﻭﻣﻦ ﻗﺪﻳﺶ
ﺩﻭﺏ ﻭﺍﺗﻌﺬﺏ ﻣﺎﻋﻠﻴﺶ ﺻﺎﺭﻟﻚ ﻋﻤﺮ
ﻣﻌﺬﺑﻨي
ﻭﺍﻧﺎ ﺍﺟﻤﻞ ﺷﺎﺏ ﺑﻴﺘﻤﻨﻰ ﺑﻤﺸﻮﺍﺭﻧي
ﻳﺸﺎﺭﻛﻨي
ﻣﺶ ﻣﺜﻠﻚ ﺍﻧﺖ ﻣﻀﻴﻌﻨي ﺑﺤﺮﻛﺎﺗﻚ
ﻭﻣﻠﺒﻜﻨي ..

نورهان صفقت لها بأعجاب : إيش ذا وربي حماس يا أحلى حور ..

حوريه : تانكس بيبي انتي الاحلى ..

رنيم توزع الصحون البلاستك : وش رايك تروحي برنامج ارب أيدل ..

يمنى تضحك : عشان ابوها ينحرها ..

نورهان : إلا قسم يفرغ الرشاش فيها ..

حوريه تبسمت : صادقين مستحيل بابا يوافق أغني واصلا حازم بيذبحني دا مجنون ..

رنيم خاقه : مجنون بس أخوك صاروخ ..

حوريه تهز راسها باسى : خليك من الهبل دا .. أمس باسل واليوم حازم ..

نورهان تتريق : وبكره أخويا أنا ..

يمنى تضحك : خذي اخو لمار ..

رنيم عطتها نظرة حقد تطير : انتبهي تجيك السكين ذي ببطنك ..

حوريه بدلع : بنات ابي اصور ..؟؟

رنيم ضربتها بخفه : انكتمي يا دلخه تري الناس مو أمان هنا ..

حوريه طنشت كلام رنيم : نور بليز بيبي حطي التلاجه من يدك ولا أقولك قبلها صبي في كم كوب ..

يمنى بخوف : انتبهي تنكشفي ..؟؟

نورهان تصب في الاكواب : بتودينا في داهيه ..

حوريه صورت وكل شي تمام بعدها حطتها صورة عرض في البيبي .. ودخلتوا جيبها ..

نورهان وقفت : بروح اجيب فطور .. تبغوا اجيب لكم زيي ..

يمنى : إيوه كالعاده جيبي نفس الشي واصلا كذا ولا كذا حنا بنفطر السابعه ..

نورهان : أوكيه ..

نورهان طلعت والبنات بدوا ياكلوا عدا يمنى كانت منتظره لمار وفجأه دخلت الوكيله وجات لمار بتدخل بس طلبت منها توقف برا وقفلت الباب .. وهنا قلب حوريه طاح .. لو حصلت جوالها بتنفصل لان ذا أخر إنذار لها ..

الوكيله سعاد وقفت ومن عيونها شرار : سمعت إن في جوال بالفصل .. مين إلي أمها داعيه عليها وجابته ..

رنيم بهمس : عطيني جوالك بسرعه ..

حوريه مرعوبه : بس انتي كمان عندك 3 إنذارات بيفصلوك ..

رنيم بجديه : ياغبيه اعطيني أنا بس انذارين "كذب طبعا" ..

يمنى تسمعهم وهي ترجف ..

رنيم : بسرعه ياخبله ..

حوريه كان في بنت مغطيه عليها .. طلعت جوالها ومدت لـ رنيم لكن سحبته يمنى وخبته بصدرها ..

حوريه ورنيم انصدموا من يمنى ..

حوريه " ياربي كل ذا بسببي سترك يارب " ..

رنيم " أهلها مابيرحمونه ليش سويتي كذا ياغبيه " ..

يمنى " ومن يتقي الله يجعل له مخرجا ويرزقه من حيث لايحتسب .. أنا ماعندي ولا إنذار عيب اترك صاحباتي وهم محتاجين مساعدتي " …

الوكيله خلصت تفتيش البنات إلي قدام ووصلب لـ شلة يمنى .. فتشت حوريه وبعدها رنيم وفتشتهم بشكل دقيق عكس باقي البنات ثم التفتت لـ يمنى ..

حوريه تحس نفسها بتنفجر بكى على صاحبتها المودبه الخلوقه إلي الكل يشهد بأدبها وأخلاقها .. فشلت من نفسها كيف تسوي كذا .. تنفصل يوم ولا يومين ولا يتلوث سجل صاحبتها .. حست حلقها ناشف .. الوكيل ذي مابترحمها ..

الوكيله سعاد : أنتي أخر وحده يايمنى ..

يمنى كان مسيطر عليها هدوء فضيع : إيوه يا استاذه ..

الوكيله سعاد : أنا اعرف أخلاقك مستحيل تسوي شي عشان كذا مابفتشك هذي المره بس المره الجايه أعملي حسابك ..

يمنى قلبها ماعد تحس في .. وحوريه ورنيم مصدومين ووقفوا متنحين ..

طلعت الوكيله من الفصل ودخلوا لمار ونورهان ..وانفجعوا من البنات إلي كانوا ساكتين ومتجمدين بمحلاتهم تقريبا .. "

لمار بخوف : بنات خير إيش طمنونا ..

نورهان : ياخلق اشبكم كذا متنحين في بعض ..

بعد مروروا دقيقتين يمنى ورنيم وحوريه فطسوا ضحك .. أما لمار ونورهان وقفوا زي المجانين مو فاهمين ولا شي ..

لمار : قولوا وش صارلكم أثابكم الله ..

يمنى يدها على قلبه : وي لالا مستحيل .. أحس قلبي انخلع من محله ..يارب لك الحمد ..

حوريه حضنت يمنى : الله لايحرمني منك يابيبي ..

رنيم : بس أنا أغار ..

حوريه تبوس خد رنيم : يالباك ياعربجيتنا انتي ..

رنيم : باقي شوي وتقولي يابو الشباب ..

حوريه : جايز ..

نورهان : تروا مافهمت شي أشوف كيف عيدو الهرجه من البدايه "سحبت كرسي وجلست" ..

لمار سحبت كرسي وجلست بس كانت تدور بعيونها على الطاوله : فين البسبوسه ..

رنيم نزلت تحت وطلعت البسبوسه والقهوه ..

نورهان حطت الاكياس حقة الفطور تحت الطاوله : ذلحين مابتقولو لنا إيش صار ..

رنيم : طبعا ..

يمنى تأشرلها : خليك معي وبقولك وش صار ..

نورهان تعدل جلستها عشان تقابل يمنى : قولي خير ..

وبدت تسرد واقع الموقف إلي صار لهم ..

يمنى : يارب لك الحمد .. قسم بالله يابنات كل عظمه فيني ترجف ..

نورهان فخوره بـ يمنى : بس والله طلعتي زقرت ..

لمار مقهوره من حوريه : عجبك إلي كان بيصير عسى بس تنبسطي ..

حوريه بوزت لأن كلام لمار صح وماعندها أعتراض ..

رنيم : خلاص يا ماما تيريزا السالفه خلصت والله لايرجعها ماله داعي ننبش في الدفاتر القديمه ..

يمنى : صادقه رنيم خلاص صار خير وماعد بتجيب الجوال ثاني ..

حوريه بضيقه : بالعكس كلام ماما صح لو فرضا الوكيله مسكته بيدك مابتتبهذلين والسبه أنا طبعا ولا أهلك ماراح يخاصموك وممكن يمدو يدهم عليك ولاسمعتك بالمدرسه كيف راح تصير وأنتي تعرفي البنات بعضهم تفكيرهم رجعي متخلف واي بنت معها جوال ذي فلتانه وداشره وأذا كان بلاك بيري كملت عاد أم الدشره والفساد تصير ..

لمار صح مبسوطه إنها على حق كالعاده بس ماتحب تخلي احد يتضايق من كلامها ..

لمار بـ حنيه : هو كل كلمه قلتيها معك حق فيها .. بس أهم شي ربي راضي عنك ولايهمك أحد .. انتي شوي متحرره مو زي باقي البنات ..

رنيم تغير السالفه : ياشيخه الاسبوع إلي فات جلست اهرج في زواج عن صور باسكن روبنز إلي رسلتيها ليه ..تتذكرين ..؟؟

حوريه : إيوه .. أشبها .. !!

رنيم فاطسه ضحك : أخر شي سألت البنات تعرفونها بعضهم قالي إيش هذا عطر والثانيه تقول حديقة حيوان ..

وهنا البنات لاحد يمسكهم كلهم يضحكوا ..

رنيم : خلونا نحلي ياحلوين ..

الكل : أكيد ..

رنـيـم ♥ أكثر بنت في شلتنا تحاول تسحب الحظات الي فيها توتر وتخليها شي حلو وتنهيها بضحكه .. ♥

مرت الحصص بـ سلام .. والبنات بيفطرو في الحصه الخامسه لان المعلمه خلصت المنهج ..

نورهان تطلع كيس البطاطس اليز الكبير(جايبتو من البيت) : ياهذولا المعلمات الدلوخ فقعو مرارتي ياخلق ..

رنيم : ياشيخه يقهرون مره .. ذلحين هم يغيبون من بداية الترم واذا جات اخره .. بدو يسرقون من بعض حصص وياخذو السابعه عشان يعطونا حصص والطامه الكبرى عاد لا جاتك الاستاده وتقول بنفس خايسه ( انتم ياثالث متأخرين ) ياشيخه الله يلعنك مين إلي ساحب على الدوام ذلحين ..

يمنى بتفكير : ياليت في قانون يمنع المعلمات يعطون أكثر من ماده في اليوم الواحد ..

حوريه : هو اصلا التعليم فاشل .. .. شوفوا النت شوفوا الدلع والتعليم الصح في الخارج عند الغرب .. طرق تدريس راقيه أساسها الحوار .. المعلم يتحاور مع الطالب لان اساس التعلم التحاور .. يعني لما الخارج ينتج جيل واعي وفاهم احنا ننتج جيل يدور على حافز ..

لمار سرحانه : حلمي أكمل بـ اليابان ..!!

كانت صدمه على وجيه البنات .. لمار تسافر الخارج .. بس ماقالوا شي لانها ماعطتهم فرصة لـ الكلام ..

لمار تتبسم : من بعد ماشفت برنامج احمد الشقيري خواطر5 في اليابان وأنا افكر بـ اليابان ..

رنيم قاطعتها عشان تقول تعليقها : ذا رجال ربي يسعده مره أحبه ..

نورهان عطتها نظره عشان تسكت ..

لمار ضحكت على رنيم وكملت تهرج : إيش ذي الدوله .. شي خيال .. عاجبني أساس تعاملهم محترمين ياناس ماحد يغلط على الثاني .. مطبقين الخلق النبوي صح .. عاجبني إعمارهم في الارض .. ياليت بس أزورها ..

حوريه تتريق : خلاص ازوجك حازم وبعدها سافرو اصلا هو مايقر(يقعد) في محل ..

لمار خجلت وخدودها أحمرت .. طاري الشباب يربكها ..

نورهان : قلتي بتورينا صوره في المغرب وينها ..

يمنى بـ حقد : أكره الشباب إلي يسافرو برا ..

رنيم موقفه بـ صفها : حتى أنا احسهم يروحوا عشان الحرام ..

لمار ارتعبت وبسرعه تكلمت : أعوذ بالله من الشيطان الرجيم ..

نورهان : الشباب عندنا احسهم جسد بلا روح ..

حوريه : وانتي الصادقه جسد بلا عقل إلا الروح موجوده بس مشغوله ترقص سامري ..

وهنا رنيم لاحد يسكتها جلست تضحك لـ درجة شرقت وصارت تكح .. أخذت يمنى قارورة المويا إلي بجنبها وعطتها عشان تشرب ..

نورهان : خلونا نكمل اكل مره جيعانه ..

كملوا أكلهم واخذتهم السوالف .. ودخلوا جو مع بعض .. دق جرس الحصه السادسه وجات استاذة التاريخ وطلبت من يمنى تروح الإداره وقلوب البنات ماسعفتهم طلعت وبعد ربع ساعه رجعت بس وجهها ماكان يتفسر جلست جنب نورهان .. حاولت نورهان تفهم وش السالفه بس يمنى اشغلت نفسها بشرح الاستاذه .. والاستاذه أخمجتهم وختمت المنهج بعد ماعطتهم درس ومراجعه .. وجات الحصه السابعه والبنات منتهين ينتظروا يسمعوا جرس انتهى الدوام .. ..

نورهان : وش كانوا يبغون فيك ..

يمنى : ولا شي ..

رنيم : قلبي انشلع عليك ماركزت مع الاستاذه ..

نورهان : يعني كنتي بالله كنتي بتركزي ..

رنيم : طبعا لا قال اركز قال ماباقي إلا هي ..

لمار : طيب إيش صارلك يايمنى تري بالنا مره أنشغل ..

يمنى تطمنهم : ماصار شي عشان تخافو هي بس كلمتني عن التخصصات وجلست تهرج وش ابي ادخل ..

الكل حس إن يمنى تخبي شي لكن ماحبوا يضايقوها بكثرت الاسئله ومشو الموضوع ..

بعد ماخلصت السابعه راحوا البنات في ساحة المدرسه المضلله بسقف يسمى ( هنقر .. مش حشرح حاقه هههههههههههههههاي ) .. كان في كراسي في الساحه جلسوا فيها ..

نورهان تناظر حوريه : المعجبه حقتك فينها ..؟؟

حوريه حاطه رجل على رجل وتهرج بدلع : مدري فينها .. ولا لي خلق للهبل ذا ..

لمار تناظر بنات جايين وأشروا لها : بنات شوي وراجعه ..

حوريه : تيك يور تايم ..

نورهان تناظر البنات إلي وقفت معهم لمار : بنات هذولا يطالعوا فيك ياحور ..

حوريه بعدم إهتمام : إيزي الكل يطالع فيني ..

يمنى وقفت وتشيل شنطتها وعباتها : أنا بروح يمكن بنات الباص كملوا "التفتت لـ رنيم" يالله قومي ..

رنيم بكسل : يالله تخلف علينا .. "وقفت تشيل أغراضها" وداعت الله حبايبي ..

الكل ودعهم ومروا على لمار .. ومشيوا الباص ..

لمار وقفت قدام حوريه : أوف يارب تفكني من الخبعات هذولا ..

نورهان : خير أشبك يا ماما ..

لمار تتكلم بضجر : بنت خالتي ذي إلي نادتني وحده من زميلاتي هي المعجبه حقة حور تبي تمشي معها ..

حوريه : بس باقي حوالي ربع ساعه وأطلع ومابي اهرج احس واصله حدي ..

لمار : امسحيها بوجهي وتحملي سماجتهم ..

حوريه مره مالها نفس لحركات الهباله والتعارف : طيب ..

نورهان : وربي وناسه خلينا نمشي وراها لمار ونتريق ابغى اعرف تحب حور ولا بس أعجاب ..

لمار تتبسم : أوكيه ..

لمار كلمت بنت خالتها وجات مع زميلتها .. حوريه وقفت سلمت عليها وبعدها مشيو سوا .. ونورهان ولمار كانو وراهم .. طبعا البنت كانت مستحيه وحوريه بالها مو معها فما كان بينهم أي هرج .. ناظرت حوريه ساعتها وأعتذرت من البنت أخذت أغراضها ولمار ونورهان وصلوها ثم جلسو شوي وبعدها كل وحده طلعت بسيارتها ..

====================
====================
قـبـل تـحـب .. أحـلـم وعـيـش الـحـلـم ..ولانـجـحـت تـعـال وسـوا نـحـب .. رواية حب ومغامره .. من سلسلة هذي حياتي ..ميمو2022 … мемơ2022
====================
====================

كان موقف في الحاره ينتظر صاحبه شكله ضحك عليه.. .. ضرب بوري يمكن يسمعه ويطلع .. " ذلحين هذا الاجرب مو دوبه قال أنا برا كيف رجع داخل .." ..

بسام ركب السياره وبيده فطيره مدهونه جبن .. والملازم بيده وتغرقت من زيت الفطيره ..

ثامر بقرف : ياخي الله يوصخك يالقرف إيش هذا ..

بسام تجاهله ورمى الملازم في المقعد الخلفي : مر بقاله ابغى ببسي ..

ثامر "اللهم طولك ياروح" : ليش حضرتك سافلني كذا ..

بسام يطالع في بنص عين : أنت أشبك علي .. مر البقاله ترى لسه مافطرت "كذاب فطر بس ذي تصبيره بحسب تفكيره" ..

ثامر حرك سيارته ووقف قدام اول بقاله .. نادى عامل البنزين وطلب منه ببسي ومويا وخلى الباقي للعامل ..

ثامر عطى بسام الببسي وفتحه وبدا ياكل ..

ثامر : أقول بسام وش ناوي مع الولد ..

بسام يحاول يبلع القمه عشان يرد : كل خير ..

ثامر : طيب البارح فين كنت ..؟؟

بسام ببرود : مع وليد ..

ثامر يسايره : طيب طول الليل جالسين سوا ..

بسام : إلين ثلاثه الفجر وحنا سوا ..

ثامر : غريبه بس وليد كان بالقهوه معايه ..

بسام ارتبك وماعرف يرد ..

ثامر بحده : بسام فين كنت ..

بسام سكت وكمل أكله متجاهل كلام ثامر .. ثامر من أعز اصحابه .. متحمل قلة ذوقه معه وثقالة دمه .. لأنهم مو بس اصدقاء .. أخ‏​‏​‏​ـوان .. بس ياليت بسام يحس على دمه ويقدر هذا الأهتمام والحب ..

وصلوا كلية المعلمين بالقنفذه .. ثامر نزل من السياره وأخذ كتابه ودفتره الجامعي .. وطبعا معه القلم في جيب ثوبه الامامي ..

ثـامـر _ .. طويل اسمر بس سماره على البرونزي كذا .. زي البرازيلين يعني .. شعره أسود ناعم يوصل لرقبته .. لابس الثوب والشماغ والعقال والطاقيه كل حاجه ههههههههه .. حواجبه عريضه وواحد منها مقطوع لانه طاح وهو صغير على دراجته ومن هذاك اليوم وهو كذا .. يشبه مقدم برنامج تستاهل سعود الدوسري .. بس بسكسوكه ناعمه .. كويس في دراسته يعني يعتبر متفوق قدام بسام ..

بـسـام _ .. طوله حلو .. أبيض شعره ناعم بس ملفلف وإذا صحي من النوم يطلع كدش فمه وسط .. مسوي سكسوكه فضيعه طالع يهبل ..نسخه من أخوه باسل بس باسل أحلى وأعقل .. شاب طايش .. دراسته آخر همه .. دايم وجهه كئيب .. وبس موهق ثامر معه .. أحيانا تحس من علاقتهم إن ثامر أخوه الكبير ..

ثامر : أنا عندي محاضره الحين وبعدها أمتحان وكلها عند نفس الدكتور ..

بسام : ماعندي شي روح محاضرتك"تذكر شي" أقولك ابغى سيارتك شوي ..

ثامر : عشان ..

بسام : عندي كم شغله أخلصها واجي ..

ثامر كان خايف يتأخر على محاضرته رمى المفتاح لـ بسام ودخل الكليه ..

بسام ماصدق خبر وشغل السياره وبسرعه شخط .. خايف ثامر يغير رأيه .. فرفر شوي بالشوارع وبدون هدف .. بس كذا يبي يكشخ بسيارة ثامر ويرقم بنات الجامعه .. بس قرر يسيب بنات الجامعه ويروح مكان ثاني ..

====================
====================
قـبـل تـحـب .. أحـلـم وعـيـش الـحـلـم ..ولانـجـحـت تـعـال وسـوا نـحـب .. رواية حب ومغامره .. من سلسلة هذي حياتي ..ميمو2022 … мемơ2022
====================
====================

في عزبة شباب الكليه >>

نبراس موقف في الغرفه الصغيره إلي نايم فيها حوالي خمسه أولاد : شباب أنا طالع عندي محاضره ..

رياض من الحمام ينادي : اطلع محد داري عنك ..

نبراس راح جهة غرفة ثانيه يحطوا الشباب فيها كتبهم وحاجات الجامعه .. بدا يقلب على كتاب رواية ( Wuthering heights .. لـ Emily dronte) .. بس ماحصله .. رجع يقلب بس تذكر إنه ناسيه بسيارة زميله رازي .."أوف ذلحين وش اسوي انا .. " مسك جواله البلاك بيري تورش ودق على رازي ..

نبراس : الو ..سلام عليكم ..

رازي : يامرحبا وعليكم السلام والرحمه ..

نبراس : كيف حالك عساك طيب ..

رازي : والله بخير ونعمه انت كيفك..

نبراس : الحمدلله ..أقولك رازي ..

رازي : قول خير ..

نبراس : امس نسيت كتابي بسيارتك عادي تجيبه لي بالكليه ..

رازي : أنا مو في البيت ذلحين إذا فضيت أكلمك وتجي ..

نبراس : خلاص إن شاء الله ..

رازي : هيا مع السلامه ..

نبراس ماكمل يقوله مع السلامه إلا رازي قفل بوجهه "كانه دافع شي من جيبه ".. أخذ دفتره وكتابه وطلع الكليه .. لأنها مره قريبه من شقتهم ..

رياض بعد ماتدوش وفرش اسنانه .. أخذ ملزمته وبدا يخطط .. أمتحاناته بتبدا من الاسبوع الجاي وابوه مره مثقل عليه .. خطر بباله يروح يستهبل بمحل العطار إلي يملكه ابوه بس مستحيل يروح لحاله .. وقف ورمى كتابه على جنب دخل غرفة النوم .. وراح لجهة حاتم .. حاول يصحي بكل طرق بس حاتم رايح في سابع نومه .. انقهر من نومه الثقيل .. تذكر حركه في فيلم اجنبي وقرر يطبقها في حاتم .. دخل الحمام وجاب رغوة حلاقه من نيفيا .. رجها شويه ثم بخ في يد حاتم .. مسك ورقه بطرفها الناعم وبدا يلعبها على أنف حاتم .. وبعدها حاتم جا يحك انفه وغطى وجهه بالرغوه .. وكل شوي يسوي نفس الحركه بحاتم وحاتم يحط الرغوه على وجهه وهو مو حاس بشي .. رياض بعد ماشبع ضحك فتح كاميرا جواله وشغل تصوير فيديو ..

رياض يقرص حاتم : حاتم .. حاتم .. حتوم أصحى .. يالله الدوام ..

رسلان جنبه سادح وراسه قريب من راس حاتم انزعج من رياض ورفع راسه.. بس شاف وجه حاتم انفجع وقام مصحصح : قول أعوذ برب الفلق .."حط يده على قلبه"أعوذ بالله من الشيطان الرجيم ..

رياض ماقدر يكمل تصوير قفل الكاميرا وحط راسه بالارض وهو يضحك ..

رسلان : خير أشبك انت الثاني ..

رياض بعد ماتماسك وتوقف من الضحك : ولاشي ..

رسلان : لاحول شكلي ماعد بنام .. طيرلي النوم من عيني هذا الاغبر ..

رياض : تخاويني ..!!

رسلان : على وين إن شاء الله ..

رياض : تعال معي وحفسك ..

رسلان : مدري ياخي .. أحس جيعان ذلحين ..

رياض : ولايهمك فطورك علي بس أمشي معايه ..

رسلان حط راسه شوي ثم رفعه لجهة رياض : أوكيه ..

رسلان دخل الحمام وأخذله شاور .. .. سوا شعره سبايكي زي العاده .. ورش من عطره (جافينشي) .. وطلع مع رياض ..

رسلان : إلا ماقلتلي وش سوا هذاك الخبل بعمره "يقصد حاتم" ..

رياض مجرد تذكر وجه حاتم وملامح رسلان انفجر ضحك ورسلان وقف قدامه زي المهبول مو عارف شي ..

رسلان : بالله أنا قلت شي يضحك ..

رياض يبلع ضحكته : لا والله ..

رسلان : اجل إيش في ..

رياض : خلنا نروح المطعم وبعدها اقولك ..

رسلان : ابغى أفطر من بوفية الحازمي ..

رياض : غالي وطلب رخيص ..

رسلان : ماشي يابطران ..

اخذوا الشباب تاكسي وراحوا على بوفية الحازمي .. رسلان طلب برقر وبطاطس مقلي مع ببسي ورياض نفس طلبه .. فطروا سوا ورياض قال لرسلان سالفة الرغوه إلي بوجه حاتم .. رسلان في البدايه ضحك بس بعد ماشاف المقطع انجن وقام يهزء في رياض .. عشان يمسح المقطع بس مع مين .. مستحيل رياض يسمع كلامه .."

رياض : يالله مشينا ..

رسلان وقف وهو مطنش رياض ..

رياض : حركات يا زعلان .. خف علينا بس .. تدري ذلحين بنسيك الزعل .. بس تعال معي ..

رسلان مشي وراه : …….

رياض بتريقه : تبي تاكسي ولا نمشي نسوي رياضه ..

رسلان يعرف إن رياض مايحب المشي : مشي ..

رياض : معقول أنا أخلي رسلان حبيب قلبي يمشي ..

رسلان : أنا بمشي وأنت عاد بكيفك ..

رياض بقهر : طيب طيب .. بس الحقني وتحرك بسرعه ..

رسلان : طيب ..

يمنى : سلام ..

الكل : وعليكم السلام ..

أم باسل : غيري ملابسك وتعالي تغدي ..

يمنى : لا شبعانه أكلت في المدرسه ..

أبو باسل : بالعافيه ..

يمنى كانت حيل متضايقه .. دخلت أخذتلها شاور .. ولبست روب نوم فوشي مرسوم بورد بنك .. طبعا هي صلت الظهر مع لمار في المدرسه وارتاحت .. حطت راسها على سريرها بس سراحانه بإلي صار اليوم .. شي ماكانت متوقعته ..

يمنى : طلبتيني استاذه سعاد ..

الوكيله سعاد توقع إشعارات الغياب : إجلسي يابنتي ..

يمنى أقتربت من الكرسي الجلدي وجلست وهي متوتره وإذا خافت تجلس تستغفر ..

الوكيله سعاد رفعت راسها ليمنى : يمنى ..

يمنى بأنتباه فضيع : نعم استاذه ..

الوكيله سعاد : أنا شفت الجوال إلي مدته لك حوريه ..

يمنى انفجعت وماعرفت ترد .. وحتى لو بترد وش مبررها إلي تدافع في عن صديقتها ..

الوكيله سعاد : شوفي يابنتي أنا احسبك بمكانة بناتي عشان كذا مافتشتك ولاحبيت أدخلك في سين وجيم .. وقلت استر عليك .. عشان ربي يستر عليه .. وأنا عارفه أخلاقك كويس .. بس زميلتك حوريه ماهي مهتمه بالنقطه هذي .. انتبهي على دراستك وبطلي تهتمي في احد مايدري عنك ..

"كلام الوكيله مره ماحبيته بس الحمدلله إن سجلي شفعلي عندها.. بس برضو الوكيله غلطانه لان حوريه صديقتي ومستحيل تكون ناويه علي بالشر .. في حياتي تعلمت إن الصداقه أهم شي بالحياة وهذا بفضل أفلام الكرتون .."

أخذها الكلام مع نفسها وماحست إلا وهي نايمه ..

====================
====================
قـبـل تـحـب .. أحـلـم وعـيـش الـحـلـم ..ولانـجـحـت تـعـال وسـوا نـحـب .. رواية حب ومغامره .. من سلسلة هذي حياتي ..ميمو2022 … мемơ2022
====================
====================

دخلت بيتهم الشعبي بخطوات بسيطه .. خلعت عباتها الراس والنقاب والقلافز"الجوانتي..القفاز" وجواربها السودا ..حطت جزمتها برا بالشمس ودخلت عشان تأخذ شاور وتبدل .. وبعد ماغسلت وجهها راحت تشوف أبوها إذا رجع من المزرعه عشان تتأكد إنه أخذ دوا الضغط .. بس ماكان بالبيت .. دقت على نايف عشان تشوفه ..

نايف يتنحنح : السلام عليكم ..

لمار : وعليكم السلام والرحمه .. كيف حالك ..

نايف : الحمدلله الله يستر عليك ..

لمار : نايف ابويه لسه بالمزرعه ..

نايف : كلمت قبل قليل السواق ويقول إنهم جايين ..

لمار : اجل كويس .. تبغى شي ..

نايف : سلامتك ..

لمار : مع سلامه ..

نايف : في أمان الله ..الله يستر عليك ..

حطت جوالها c3‎‏ من نوكيا وراحت المطبخ .. قطعت سلطه بدون ملح .. وحطتها على جنب بالبراد .. لمار أمنيتها إن نايف يتزوج .. عشان زوجته وعياله يعطوا حس للبيت .. طفشت من روتين الملل إلي تعيشه .. ودها يتزوج أخوها .. المفروض تكلمه .. بس متردده رغم إن نايف ملتزم صح بس مو سيء الطباع .. جا ابوها مع السواق إلي شايل بيده كيس الاكل ….. فرشت السفره وبدت تحط الأكل .. والسلطه واللبن .. جا ابوها جلس ومستحيل يأكل لحاله .. فجلست معه وبدت تأكل رغم إنها ماتشتهي بس ماباليد حيله … وبعد ماشبع عطته الدوا .. ونام وهي غسلت المواعين .. ثم رتبت البيت .. صلت العصر ونامت ..

====================
====================
قـبـل تـحـب .. أحـلـم وعـيـش الـحـلـم ..ولانـجـحـت تـعـال وسـوا نـحـب .. رواية حب ومغامره .. من سلسلة هذي حياتي ..ميمو2022 … мемơ2022
====================
====================

تتوجه مجلس أخوها وهي مكركبه .. أمها وأبوها قاعدين يتابعون مسلسل بدوي وهي تبي تتفرج بعد .. أحسن مكان لها بالبيت هو مجلس ريان .. دفعت الباب برجلها بقوه .. وبيدها شايله كأس الشاي الكبير " أمها أخذته من محل عطار .. مدحه لها البايع وقال إنه قوي ماينكسر وشرته " .. كانت واثقه من نفسها .. شعرها مرفوع بفوضويه .. تغلب على ملامحها التعصيب من أبوها وأمها إلي حرموها تشوف مسلسلها .. كان ودها تشوفه على جوالها وترتاح بس أخوها رفض يعطيها رقم شبكته(شبكة النت الوايرلس) .. نرجع نوصف شكل رنيم التحفه .. قميص نوم عادي كاروهات بأكمام قصيره يزينه شريطه عند الصدر في وسطه صورة كونان "لأنها تعشقه" ..بفمها قطعة توست .. وشعرها منكوش وكاسة الشاي بيدها .. وهنا ..

!!!!!!!!!!!!!!!!!!!!!!!!!!!!!! !!!!!!!!!!!!!!

وقفت دقيقه كامله وهي تمر بصدمه .. شاب جالس .. وين .. في مجلس ريان .. رحتي وطي يارنيم .. الولد انفجع طبعا من الدخول العسكري ذا ..

الشاب : ( وش ذا )

؟؟؟؟
رنيم ماحست بنفسها إلا تركض وقطعت التوست طاحت من فمها والكأسه طاحت على الارض .. وراحت بلا رجعه (أقصد راحت غرفتها ههههههههههههههههههههههههاي) ..

قفلت باب غرفتها وهي مرعوبه وكأن في احد يركض وراها .. ضربات قلبها كانت مو طبيعيه لدرجة ممكن تسمع صوته .. تنفسها كان سريع .. درجة حرارتها أرتفعت ..

" ياربي أنا كيف دخلت كذا .. ليش ماسألت أخويه .. طيب هو في البيت اصلا .. والله بيجي يكسر راسي .. والله بيذبحني ..؟؟؟"

من كثر التفكير والخوف الزايد عن المعقول والتخيلات إلي جات براسها ووش ممكن ريان يسوي فيها .. دخلها في نومه أليمه .. انستها الجوع ومسلسلها المفضل ..

.. أحيانا النوم يصبح نجاة لنا من التعب الهم الحزن والخوف ..

====================
====================
قـبـل تـحـب .. أحـلـم وعـيـش الـحـلـم ..ولانـجـحـت تـعـال وسـوا نـحـب .. رواية حب ومغامره .. من سلسلة هذي حياتي ..ميمو2022 … мемơ2022
====================
====================

رجعت من الدوام .. دخلت غرفتها تدوشت وصلت الظهر .. كانت حيل جيعانه .. سوت إندومي وأخذت بي كولا من الثلاجه فتحت التلفزيون وجلست تتابع أفلام كرتون .. عشقها افلام الكرتون .. تحبها أكثر من المسلسلات والأفلام .. ماخذه راحتها .. ود(أختها من أبوها وفي لها أخت ثانيه اسمها راما .. ود بثاني ابتدائي وراما بسادس ) دخلت عندها وجلست جنبها وعينها بصحن إلاندومي ..

ود : ابغالي ..

نورهان مندمجه بكارتون يوقي : اوف انقلعي خليني اتفرج زين ..

ود : طيب أبغى ..

نورهان طنشتها : …………

ود : عطيني وأقولك مين بيجي عندنا الليله ..

نورهان غيرت القناه لان الكارتون خلص : ومين بيجي يعني .. أوباما مثلا ..

ود مافهمت عليها : إيش ..

نورهان تهز رأسها : ياربي ورعه وش أتوقع منها .. طيب مين جاي ..

ود : بقولك بس تسويلي إندومي ..

نورهان كان صحنها لسه في : طيب قولي وأعطيك إندوميتي ذي ..

ود برفض : لا قومي سويلي ..

نورهان بغضب : وأنا وشلي عرفت ولا ماعرفت ماهمني .."وقفت" وباقي الاندومي بطشه(اكبه_ارمي) في الزباله ..

ود : لا خلاص بقولك ..

نورهان ناظرتها بإنتصار : قولي ..

ود : سمعت أمي تقول إن خالي عادل بيجي ..

نورهان تقرفت من طاري عادل عطت ود صحن الاندومي : خذي رغم إن هرجك يسم البدن ..

ود تأخذ الصحن : غريبه أمي تقول لخالي إنك بتفرحي إذا جا ..

نورهان : نعم .. وخير افرح .. مالت بس .. لو أمك ذي ماتعدلت افكر أذبحها ..

ود هزت راسها بخوف ..نورهان مشيت مقهوره .. تكره أسلوب زوجة أبوها .. كفايه كيف عاشت عيشه تقرف بداية حياتها أبوها تزوج وهي صغيره عاشت مع أمها حتى وصلت رابع ابتدائي وبعدها أمها تقدم لها واحد وتزوجت وابوها أخذها عشان تعيش عنده .. كان كل شي مسؤوليتها بالبيت .. حتى جا اليوم إلي توقف زوجة ابوها عند حدها لانها صارت كبيره .. لها لسان تهرج في ويد تأخذ حقها .. قفلت باب غرفتها .. فتحت جوالها وبدت تشيك على الصندوق الوارد .. في شات أسمي ..

أسمي : خدمة تشاتنق بالجوال .. من ظهرت وأغلب بنات القنفذه وحارتها في .. تقريبا صار زي البيبي إم وكذا ..

ماشافت في شي يحمس .. قررت تأخذ غفوه ..ونامت ..

====================
====================
قـبـل تـحـب .. أحـلـم وعـيـش الـحـلـم ..ولانـجـحـت تـعـال وسـوا نـحـب .. رواية حب ومغامره .. من سلسلة هذي حياتي ..ميمو2022 … мемơ2022
====================
====================

خلص أمتحانه وهو راضي عن مستواه .. طلع المواقف بس سيارته مو موجوده .. الظاهر الامتحان اثر عليه .. تذكر إنها مع بسام .. .. طلع جواله ودق على رقم بسام مره واثنين ومع أخر رنه فتح الجوال ..

ثامر : هاه وينك بسام عسى خلصت شغلك .. !!

بسام : !!!!!!!!!!

ثامر قلق من سكوته : عسى ماشر يابسام فيك شي الاهل صايرلهم شي ..

بسام : كلهم طيبين ..

ثامر ارتاح : أجل ليه صوتك كذا إيشبك ياخي تري خوفتني عليك ..

بسام : سيارتك ..

ثامر : وش فيها ..

بسام : تعال شارع ##### وتعرف ..

ثامر يمسك أعصابه : بسام وش صار لسيارتي أنته مجنون لسه فيني حيل اروح أشوفها تعال وجيبها معك ..

بسام بهدوء : سيف واصحابه تهجموا علي ..

ثامر نسي موضوع السياره لان صاحبه أهم : طيب أنت جاك شي ..

بسام : مافيني شي قابلني بسرعه في الشارع ..

ثامر : دقايق وأنا عندك …

وقف ثامر في الشارع يبي يوقف أي تاكسي .. صاحبه اطمن عليه من صوته بس سيارته وش يقول لأهله .. ركب تاكسي وصله المكان وطلب منه ينتظره بس التاكسي اصر يعطي الحساب اول عطاه ثم .. راح لبسام .. وكانت حالته ماتسر .. دمه في ثوبه ..والثوب مشقوق والتراب في ثوبه .. شكلها مضاربه قويه .. ماحب يدخل هيثم في التفاصيل لانه اصيب بصدمه من شكل سيارته ..

هيثم يحط يده على راسه من المصيبه : يالله .. كيف صارلها كذا ..

بسام وعيونه بالارض : والله لانتقملك منهم ..

ثامر : انت ماتوبت ..

سيارة ثامر كانت مكسور فيها الزجاج الامامي وحالتها معدومه .. .. ثامر من جواته يغلي وكل هذا صار بسبب بسام .. تعب منه وواصله حده ..

بسام : وش بتسوي ..

ثامر بنفاذ صبر : والله المفروض انت تحلها سيارتي انعدمت وبكل برود بس تفكر ترجع تنتقم من سيف وجماعته .. ياخي حس على دمك .. كفايه يا بسام .. أنا مقهور منك .. ولا عاد بتحمل .. صداقتنا ذي ماتركب انت مشكلجي وأنا حالي في شأني ..

بسام : وش قصدك ثامر ..

ثامر : تحملت بلاويك وسترت عليك قدام أهلك بس لحد هنا وبس .. انت مو كفو اتعب نفسي معك تدري إن سيارتي تعبت حتى جمعت فلوسها وانت بساهل تخربها ..

بسام : ذلحين انت بتنهي صداقتنا عشان سياره ..

ثامر بغصه : هذي السياره أول شخص ركبها "دمعت عيونه" بعدها ماشفته ..

بسام نزل راسله وهو يشوف نفسه حقير .. كيف ينسى أول شخص ركب سيارة ثامر .. أول شخص بخرها .. ودعا له فيها .. كيف ينسى الانسانه إلي لف فيها القنفذه كلها .. وبعدها بشهر توفت بجلطه ..ماكان فيها شي .. بس مشيئة الله فوق كل شي ..

بسام : أوعدك اصلحها لك ..

ثامر مسح دموعه وناظره بحده : مابغى منك أي شي بس ابعد عن طريقي يا بسام ..

ثامر ماعطاه فرصه عشان يرد ركب سيارته وتحرك .. ونسي التاكسي إلي موقف بس كان في شي داخله يصر إنه يرجع .. مامرت 5 دقايق إلا ثامر رجع نفس الشارع عشان يرجع يأخذ بسام لانه حس إنه قسى عليه .. بس ماكان موجود والتاكسي بعد راح .. دق على بسام بس كان جواله مقفول .. حط سيارته في اقرب ورشه .. ورجع بيته بتاكسي ..

المهم
عمتي حلمت فيا حلم اني اتزوج شافتني بالفستان الابيض وحاطه ضل عيون خفيف وروج تقيل :sgsgse:

وترى عمري 14 صغيره لسع اهى اهى:frashagirls:

وياريت اتفسرولي هو حتى لو ماكن حلو بس قولولي 😡