الوسم: الرومنسيه

1/ وحده من الحريم ملت من الروتين اليومي في حياتها وحبت انها تسوي مفاجئه لزوجها
بسهره رومنسيه …المهم قامت واطلبت الكيكه من الدبلوماسي والعصيرات
وخلت الاضاءه بالمجلس هاديه وولعت الشموع ونومت عيالها وتزينت عشان تهيئ الجو لهم …..
.المهم جاء الزوج من الاستراحه وريحته تفاوح دخاخين واستقبلته ودخلته للمجلس وقصت له من الكيكه

وصبت له من العصير…المهم يوم بلع وخلص قالها الحين وراك مجلستنا بالظلام حشى كأننا بقبر.
.تقول هي انها بلعتها وسكتت منب مخربه السهره…قام وكمل ذا الماصل وقالها الحين وراك طالبه حجم كبير

من الكيكه كان طلبتي حجم صغير وشوله الاسراف يالله روحي قومي البزارين ياكلون منها عشان ماتكب..
.عاد هي حامت كبدها منه وطفسته وزعلت عليه……
.تدرون المفروض انها تحط له خبز وفول ويخب عليه هذا مهب وجه تدليع(جعله الضربه ذا البخيل)

………………………… ……………….. …………………

2/هذي وحده من البنات توها متزوجه وحابه تسوي حركه لزوجها .
..قامت وتزينت وتجهزت من مجاميعه وحطت الاضاءه هاديه وشغلت الدخان الصناعي
وانتظرته لحد ماشرف…المهم يوم دخل ويشوف الدنيا شبه مظلمه والدخاخين
حاجبه الرؤيه قام يركض للصاله وجلس يناديها
وهي ساكته ماترد عليه تتغلى عليه(على بالها حركه ماتدري مسيكينه انها بتروح في خبر كان)
عاد هو طار للمطبخ وجاب جيك ماء وكبه عليها يحسبها انه مغمى عليها من الدخان
عشان كذا ماترد عليه(جاء بيكحلها عماها)….بالله وش تتخيلون موقفها؟؟؟…
المفروض انها صبيت على راسه موية نار…..

………………………… ……………….. ……………..

3/ هذي وحده من البنات تزوجت وراحت للخارج مع زوجها بعثه للدراسه له ولها..
.المهم شافت ذا الحمران العطران ورمنسيتهم قالت خل اسوي مثلهم .
.وخاصة انهم كلهم يدرسون وكل واحد فيهم وقت دراسته تختلف عن الثاني
فما فيه وقت للجلسه الهاديه.. فقامت يوم من الايام قبل ماتروح للمعهد قالت
خل افتح نفسه شوي لما يرجع تعبان ويبغى ينام شوي
ونثرت على السرير ورود والعطورات الفواحه تفوح في الغرفه ومن ذا الحركات.
..قالت إذا رجع وشاف الحركات هذي اكيد بيستانس شوي…المهم يوم رجعت من المعهد
شافت زوجها نايم في الصاله عاد هي استغربت وراه تارك السرير ما امبطح عليه…ويوم صحى
وسألته قال الله يصلحك ناثره لي عشب على السرير وشلون انام عليه(الله يقلعه مايميز بين الورود والعشب).

…بالله مو المفروض تنثر على السرير تين شوكي عشان يتأدب
………………………… ……………….. ………………………… ………..

4/هذي وحده تعشق شئ اسمه رومنسيه و كانت دائما تعزم زوجها في مطعم راقي على حسابها
يعني تغير من جو البيت وروتينه ..وكانوا دائما يسون ذا الحركه وهو وجهه مغسول بمرق كل ماطلعوا
يطلب كل مالذ وطاب على حسابها ..عاد هي جتها ام العبيد وقالت انا اوريه عشان يتأدب
ويعزمني بدال ما انا أعزمه…قامت وعزمته زي كل مره ويوم خلصوا ماكلين
قالت له اكرمك الله ياابو فلان على العشى…عاد هو شرق بالعصير من الروعه
, قال لها وشلون يعني؟؟؟قالت له الله يسلمك الفاتوره
دفعتها من جيبك اخذت المبلغ من بوكك قبل مانطلع….
.تقول عقبها طاح وجهه تأدب وصار يطلعها كل سنه مره(تعب نفسه صراحه)……

………………………… ……………….. ………………………

وحده لاهي ولازوجه يدلون الرومانسيه وكانت بيوم راح تنقل لبيت ملك المهم شارت عليه
إخته إنه تشري حركات فطلعت مره هي زوجها يشرون شموع اشكال والوان بعد فتره هي كان
زوجه طالع وإستغلت الفرصه وإدهرت تضبط البيت وتكشخت وشغلت الشموع يوم جاء المحروس
شاف الدنياظلام يوم دخل على زوجته ولع النور وطفى الشموع قاله الله يهداك الحين أنا شاريهن لاطفى الكهرب<<<<<قمة التحطيم

………………………… ……………….. …………………………

أنا معلمه وعندي في البيت أوراق كثيره هنا وهناك وإذا خلصت المدرسه ألمها وأجمعها في كرتون وإذا ما أبغاها أحرقها >>>>>> المهم ما أطول عليكم .

رحت وشريت لي كتاب رومنسيات زوجيه قالك بتثقف وأصير رومنسيه حتى أعجب أبوا الشباب

وأنا كنت بداية الاجازة أروح لأهلي وأطول عندهم كذا يوم وهو قاعد بالبيت

قريت في الكتاب انه إذا سافر زوجك أو تركتي البيت اكتبي بطاقات حلوه ملونه فيها عبارات جميله للزوج وحطيها بين ملابسه عشان إذا جا يلبس يقرا البطاقات ويتذكرك حتى وانتي غايبه عن عينه ……
واختكم في الله سوتها ……… تتوقعون إيش كانت النتيجة ………………………… ..اهئ اهئ

لما رجعت البيت بعد اسبوعين لقيت البطاقات على طاولة الكمبيوتر حقي قمت ضحكت وأقول قراها بدون ما يعلمني الظاهر عجبته الحركة >>> زوجي كتوم جداً

قلتله ياعيوني ياحبيبي عجبتك الحركة ………

قالي أي حركة لا عد ترمين أوراقك منا ومنا وأنا ألقط وراك ليه شايفتني شغال عند أبوك تسنعي ياحرمه .

إيش رايكم فيه >>>>>> طعس صحيح .

………………………… ……………….. …………………..

مره سويت لزوجي ليله رومانسيه على قولتكم وقمنا نرقص هذيك الرقصه وش اسمها ايه سلو الي تحطين يدك ورى ظهر زوجك وهو يحط ايده ورى خصري وكنت منسجمه مع الجو تخيلوا وش قال قال تكفين تكفين حكي ظهري فوق شوي لالا تحت شوي وانا ميته من القهر هههههههههه

السلام عليكم يالغوالي
….

اصطحبت امرأة زوجه إلى العيادة
وبعد معاينة دقيقة
أخذ الطبيب الزوجة جانباً ليطلعه
على النتائج.

قال له: زوجك يعاني إحباطاً
خطيراً، بسبب الإجهاد في العمل
والبيت. وإذا لم تفعلي ما يري
سيموت، من دون أدنى شك.

وشرح لها ما يجب فعله:

– دعيه يستيقظ متأخراً، وقت يشاء.

– خلال النهار، كوني بشوشة.

لا تعارضي أقواله
واحرصي على أن يظل
في مزاج جيّد ..

– أعدّي له وجبات خفيفة لذيذة.

وفي المساء، عندما يعود متأخراً،
حضّري له عشاءً فاخراً .

– لا تزعجيه بأعمال منزلية، ولا
تثيري جدالات تافهة تزيد من
إجهاده.

ودلّكي كتفيه ورقبته بالزيت
المعطّر، لتُجلي همومه.

شجعيه على مشاهدة الرياضة في
التلفزيون

دلعيه في أي وقت

ولا ترفضي له طلباً

واختم……

إذا استطعتِ المثابرة،
نحو السنة، على هذا المنوال،
أؤكّد لك أن زوجك سيستردّ عافيته
تماماً.

عندما خرج الزوجان من عيادة
الطبيب، سأل الزوج زوجته: «ماذا
قال لك الطبيب؟
/
/
/
/
/

ردّت الزوجة

/
/
/
/
/

قال إنك ستموت

^
^
^
حست ان الشغله مطوله قالت تختصرها من اوله

هههههههههههههههههههه

ان شاء الله تنال اعجابكم

الله يسلمك يا عمري

العفو يا ذوق

لا تحرمين طلتك العطره يا عيوني

ليس صحيحاً تصوّر أن الرجل لا يريد كلام الحب. لكن كثيرين من الرجال لا يعرفون كيف يفعلون ذلك، لأن التربية التقليدية تمنع الرجل من التعبير عن مشاعره الحلوة.

عزيزتي حواء لا عليك، قولي أنت "أحبُّك". فكثير من الرجال، الأمر عندهم عدوى، تُصيبهم بفعل التكرار. فَلا تبخلي، وَكرِّريها، واسأليه بشيء من المرح: "ما رأيك؟".

فبعض الرجال يحتاج إلى مَن يجعله ينطق. فلا تعقِّدي حياتك، و الرومانسية تخلق الرومانسية، وليس ضرورياً أن تأتيها الرومانسية من الآخر وتفاعل معها. الرومانسية لا يغيِّر طبيعتها رجل، لكنها تُغيِّر طبيعة الرجال.