هذي اكله يمنيه اشتهرت في الشمال يعني الصنعانيات هن مبدعات فيها
تبي لها شوي جهد بس النتيجه لا يعلى عليها
تتسوى مره في الشهر هههههههههه >>>>الاخت ام الكسل
حسب الرغبه بس ما تروحين تسويها لزوجك ليبلشك فيها كل يوم
>>>شربت المقلب
المهم بخليكم مع مقادير
1- اربعه اكواب طحين ابيض
2- ملعقه ملح
3-ملعقه خميره تخلطيها مع ملعقه سكر وملعقتين حليب دافى عشان تسرع عملها
4- كوبان ونصف حليب فرش ملك سخنيه شوى يستوي دافى مب تغلينه
5- كوب ونص زبده
6- ملعقه حبه سودا اوسمسم حسب الطلب
7- حبه بيض
8- اربع ملاعق سكر
الطريقه
يوضع الطحين في وعاء العجن او العجانه ويضاف الحليب الدافى والملح والخميره والبيض والسكر
والزبده تباعا يعني جميع المقادير تعجن الين تصبح العجينه لينه وملمسها ياعينى عليه
سيبيها ترتاح عشر دقايق الى ان تجهزي اغراضج الباقيه
تقطع العجينه الى قطع صغيره بحجم البيضه تقريبا عشرين قطعه ونتركها ترتاح
نجيب سمن ونسيحه نخلطه مع زيت نباتي بس كميه السمن اكثر ونجيب كمان صحن يكون محترم وقاعه دائري مع الانتباه عدم وجود زوائد
الحين نفرش القطع حبه حبه على الصحن وبين كل حبه وحبه نحط السمن ونمدها اقصى مساحه
وبعدين نقوم بقلبها لصينيه الفرن وقبل هذا ندهن صينيه الفرن بشويه زيت ونرش بنت الصحن او السبايا بالحبه السودا او السمسم
نسخن الفرن في نص الشغل 350 درجه ونضع الصينيه في الفرن الين يحمر وجهها
البعض يحب ياكلها بالعسل مثل ما هو حاصل في بيتنا
بس حلاوتها تتلذذ بطعمها بدون شى كفايه كوب شاى
يلا سووها وخبروني
انا اخذت مني تقريبا ساعه ونص من الاول الى الاخير توقعت اكثر
نصيحه اخيره للي تبي تسويها تلتزم بالمقادير عشان تضبط <<<< اسالو مجربه
بالعافيه على قلبوكن
وهذي طريقه ثانيه في المقادير ولك الحريه
المقادير :
1 ونص كيلوا طحين أبيض
3 ملاعق كبيرة سكر
1 ملعقة كبيرة حبة سوداء
ربع ملعقة خميرة
1ملاعق حليب بودرة
2 ونص ملاعق صغيرة ملح
نحط هذي المقادير على بعضها
نضيف بعدين
2 بيض
ثلاثة ارباع الكوب زبدة سايحة ,, عسل للتزيين
ونعجنها تمام ونضيف ماء كل ماحتاجت العجينة ونخليها ترتاح شوي
بعد ماترتاح العجين نقطعها دوائر متساوية قد ماتقدر ونغطيها ونخليها ترتاح شوية
بعد ماترتاح نفردها شوي بالشوبك او باليد
بعدين ناخذها بيدنا ونقلبها مرة يمين ومرة شمال عشان تتمدد ونحطها بالصينة ونفردها بايدينا يعني نمدها بالصحن كله والاطراف تكون خارج الصحن
لم نخلص فردها نحط زيت ووزبدة نخلطهم مع بعص ونرجع نرشة عليها
طبعا بين كل طبقة وطبقة نرش الزبدة مع الزيت لين ماتكمل العجين ونخلص ونكون حصلنا على اكثر من طبقة
نخلط بيض مع حليب وندهن الوجه ونخليها عشر دقايق ترتاح وندخلها الفرن لين تتحمر وتستوي
الطبقات في بنت الصحن على حسب الرغبه قد تكون 20 او 25 او 30 او 40
وبالعافيه عليكم
صور جميلة
ابداع متجدد
تقبلي مروري وردي
دمت بكل خير
