موفقه وانشاء الله يرجعلك جوزك بالسلامه
سلطة الطحينة زي الي من المطعم
(السر فى المياة المغلية)
علبة طحينة الصغيرة (ام 2 او 3 ج تقريبا)
فصين ثوم صغيرين
ملح – شطة
خل
عصير ليمونة
حوالى 2 ونص كوب ماء (وممكن 3 )
الطريقة
فرغى الطحينة من العلبة البلاستيك وضعيها فى طبق غويط
ضعى الماء فى حلة واغلية كويس هلبه
اول ما تطفى النار على الماء نزلى الماء وهو بيغلى على الطحينة وقلبى بايدك التانية بسرعة
لحد ما توصلى للسمك الى بتشتريها من المطاعم (بتكون اخف من بتاعة البيت )
وعموما هى مش حتاخد اقل من الكوبايتين ونص ماء
ابتدى حطى عليها الثوم المهروس كويس وظبطى الملح واهم حاجة لسعة الشطة الى بتبقى فيها دى مهمة
(هى مش بتبقى حراقة هى بتدعى بس لسعة)
وتحطى الخل وبرضة ما بيقلش عن 4 معالق كبيرة (تظبيطة الحدق والطعم عليكى)
واخلطيهم كويس ولما تبرد حتلاقيها نفس طعم المطاعم
يارب تعجبكم ان شاء الله لا تنسوا الرد ولا التقييم
بطاطس مكعبات
ملح+فلفل+شطة+جنزبيل
ليمون
بصلة متوسطة مفرومة
فحمة
2معلقة سمن بلدي
الطريقة:
1-هنحط الفحمة علي النار تسخن
2-هنحمر البطاطس عادي جدا
3-(هنحط التوابل علي اليمون علي البصلة المفرومة)
4- هنحط البطاطس بعد التحمير فوق الخليط السابق (خطوة 3)
5-هنحط الفحمة في وسط البطاطس ونزل فوقها بسرعة بالسمن ونغطيها بسرعة
6-هنغرفها في طبق التقديم
ممكن تتقدم مع الشورما او الكبدة الاسكندراني او البوفتيك اوالبانية او الفراخ المشوية
بتبقي تحفة جربوها وهتدعولي ان شاء الله
روعة
